Lost Pearl فــــــ دائرة الضوء

[phalsteen]

مــــــــســــــــاء اللوتس


مرة أُخرى .. وأُخرى ... نظل نرتشف من تميز ..
وعذوبه واعترآفات
اسعد الله اوقاتكم بكل خير وسرور
في هذا المساء المزين بنجوم تتلألأ
في سماء منتدانا تسطع فيها نجمة منيرة اضاءت كل جنبات المنتدى
انسانه رائعه بحضورها الراقي

تزرع الابتسامة في كل ارجاء المنتدى
هي فرصة لنعرف المزيد عن عالم

Lost Pearl






رحبوا معي بضيفتنآ المتألقة
نتمنـى لكِ قضآء أسعد الأوقآت

يا هلا لوجي

اهلا بيكي يا سما ،، و شكرا شكرا ع الكلام الحلو ده

بطاقتكــ الشخصيهــ وبسرعه

بالراحة علينا بس ههههه

الاسمــ :: آلاء محمد
العمر :: هاتم 20 فـ عيد الام اهو
تاريخ ميلادكـ :: 21/3/1994
الحالهــ الاجتماعيهــ :: Single
السكنــ :: 6 اكتوبر و لو حابة اكملك باقي العنوان مافيش مانع
مستوآكــ الدراسيــ :: مش عارفة ايه المقصود ،، بس لو قصدك بادرس ايه فـ انا فـ تالتة صيدلة clinical جامعة القاهرة
و لو قصدك التقدير فـ العام لحد دلوقتي جيد جدا
هوايآتكــ :: امممم النت و القراية ،، و بعض المواد فـ الكلية بتكون جميلة و انتي بتذاكريها

ايـــــــــه السر ورا اليوز نيم بتاعك ؟

ده اول اسم email عملته زمان ايام الطفولة و ماما اختارته معايا ،، فـ معرفش بقي هو لازق فيا هههههههه

احكلينا قصة حياتك في موجز لا يقل عن 5 اسطر ؟

و ده موجز ازاي بس ههههه
انا يا ستي فضلت لحد الشهر العاشر فـ بطن مامتي و كنت هموتها ،، و نزلت ميتة بس بقي صحيت للأسف عشان ازعج العالم ،، عندي 4 اخوات و انا الكبيرة ،، بابا الله يرحمه اتوفي قبل ما ادخل 5 ابتدائي بشهر يعني بقاله 10 سنين و 7 شهور تقريبا ،، بعدين بقي حبيت ادخل صيدلة زيه و قد كان جيبت 98% فـ ثانوية عامة و دخلت ،، و عايزة اتخرج بتقدير جيد جدا مرتفع زيه ،، معرفش كدة بحس انه موجود او عايش فيا ،، و عايزة اعمل حاجات كتيرة فـ المستقبل ان شاء الله يعني مش ست بيت و خلاص ،، و مش عايزة اخلف بس عادي ممكن اتجوز لو لقيت اللي هيوافق علي هذه الشروط
اظن كدة خلصت دي حياتي اللي خلصت و اللي جاية ههههههه

ايه اللي ورا تمسكك باشراف قسم الترحيب
ياتري دا لعدم وجود مشرف
ولا القسم له مكانه مفضله عند لوجي ؟

السجل يا سما :02: ،، تؤ القسم اللي ليه مكانة في قلبي هو عالم آدم
بس مش عارفة بقي كأن طاقتي فيه خلصت للأسف ،، و دلوقتي سحر قايمة بالواجب ما شاء الله و انا مبسوطة جدا بـ ده
السجل انا اصلا بحب اعمل موضوع لما الاقي مناسبة لحد ،، يعني بحسهم بيفرحو و تلاقيهم بيدعولي و كدة و دي حاجة جميلة هههههه
فـ لما قررت اسيب عالم آدم كان ده انسب حاجة ليه و already ليا نشاط فيه ،،

مبروك اللون الجديد
ويارب ميكونش تأثيرة وحش
شايفة منصب نائب الاداري دا ازاي
وكلمينا عن مشغولياتك بعد المنصب دا ؟

الله يبارك فيكي ،، لأ لا تقلقي انا كما انا
عادي مش شايفة في فرق بينه و بين المراقب فـ حاجة هو يمكن بس بيدي hint عن مين هيكون مرشح للادارة لما يحتاجو حد
تؤ مش عملت حاجة جديدة او كدة ،، خصوصا الترم ده تقيل شوية فـ الكلية و زي ما انتي شايفة مزنوق فـ مش هاكون فاضية اني اعمل حاجة زيادة اوي عن العادي ،،


ايه سر تمسكك ب الايموشن دا
بلاحظ وجوده في كل ردودك
حتي لو الرد في خناقه ومشكله
ممكن يكون نوع من حالات الهدوء وخفه الدم
وممكن نعتبره استفزاز للي بتردي عليه
خصوصا لو مشكله ؟

تؤتؤ انا مش بحاول استفز حد و اتمني ان الكل يعرف كدة ،، عشان عرفت باردو ان في ناس بتزعل لما بضحك ( ههههه ) بيفتكروها استخفاف و لا اسفزاز بقي مش عارفة

انما انا مش بقصد ده و بالتالي مش مجبرة اغير طريقتي لأني مش قاصدة غتاتة اكيد

انا لما بهزر في مشكلة او بضحك فـ انا بحاول اخفف من توتر الجو فقط لا غير


انت قديمه هنا يا لوست
تقريبا 4 سنين
ياتري المنتدي بيمثلك ايه
وحصل مرة وقررتي تسيبه لخلاف او لملل
او لاي سبب ؟

تؤ مش اربع سنين لسة مش كملت الـ 3 ،، انا هنا من 5/8/2011 بس ،، اعتبر جديدة بالنسبة لناس كتيرة هههههه

اها حصل من قريب بس مش عشان ملل او خلاف ،، هو موقف و كنت بحاول ابعد عنه بس

قاعدالكو

في عضو هنا قالك بحبك ؟

اها حصل ،،

ياتري انتي فين من الحب
ولو في نعرف اسمه او حتي اول عشر حروف عادي احنا اخوات واعتبريه سر مش هقوله لحد ؟

انا اهو و هو اهو هههههه

معنديش اسرار اوي انا يا سما

ايه مواصفات آدم المثالية بالنسبالك ؟

اممم طبعا الحاجات المعروفة انه يكون بيصلي و وسيم و طويل و مش بيشرب سجاير و لا شيشة عشان انا ضعيفة ادام الشيشة ،، و يكون مثقف و صاحب فكر دي حاجة مهمة و دمه خفيف مش لازم اوي بس مش يبقي رزل يعني
و ميكونش حشري و بيتأمر ههههههه ،، و اممم كمان يكون علي قدر كبير من المسئولية >> هي دي اه حاجة بديهية بس مش بعد كدة يعتمد مثلا انه انا هعمل حاجة معينة فـ يطنش عشان بضايق
و كفاية كدة انا اللي بتأمر هههههههه

امته تفقدي اعصابك
بما اني شايفاكي هادية ؟

افقد اعصابي افقد اعصابي ،، لو حد بيجبرني علي حاجة و انا مش عارفة اتصرف ،، بس بيكون فقدان اعصاب لفترة بسيطة يعني بعدها بفكر و اشوف هعمل ايه
لأني بحب اعمل اللي علي مزاجي >> عندية و دماغي ناشفة
غير كدة بتكون عصبية عادية يعني لو اضايقت ،،

امته تحسي بالضعف ؟

لأ قررت اشيل الاحساس ده من حياتي
مافيش حاجة اضعف عشانها ،،

هتقولنا سر في دائرة الضوء
هنعرفه لاول مرة ؟

يمكن اني بدأت اخاف بزيادة اوي عمال علي بطال من اللي جاي
و انا ماكنتش كدة خالص ،،

هحطك في موقف وتقوليلي هتعملي ايه
من غير فلسفه الوست
هو حصل يعني حصل خلاص
فعل ماضي يعني

ارتبطي بحد بتحبيه
وقالك
يا نا يا المنتدي دا

هنا هستخدم اجابة محمد علاء ،، هاقوله ماشي و افتح من وراه ههههههه
كدة كدة مش بعمل حاجة غلط و اهو عقابا ليه عشان صغر مخه

اهلك قالولك
مش هتتجوزيه
وانت بتحبيه

هذا يعتمد عليه ،، اذا فضل معايا فـ عادي اهلي يقولو اللي يقولوه و هفضل وراهم لحد ما يقنعوني انه مش ينفع او انا اقنعهم انه ينفع
اما اذا قرر الانسحاب فـ خلاص مش هيكون بايدي حاجة اعملها


اتصدمتي في حد
كان غالي علي قلبك اوي

هديله فرصة اكيد و هحاول اتصرف في الموقف ده


بعد الجواز غير رأيه وقالك
شغل ايه وبتاع ايه
عيالك اولي

لأ مش تقلقي ما انا من الاول هيكون شرط اني مش هاخلف

اختار خمس اعضاء
وقوليلهم حاجة ع الهوا كدة

امممم

سارة : حبيبتي انتي اللي بقيتي بتزعلي بسرعة >> يخليكي انتي و نصايحك يا سكينة ههههههه

منة : عايزاكي تنامي بالك مرتاح عشان خاطري

محمد علاء : ده حد قريب من جدا ،، جدا يعني ،، هبقي احاول اتكلم معاك جد ههههههه

زينب : مطلعة عينك معايا انا عارفة ،، بس معلش بقي زي صاحبتك ،، و يا رب متزعليش تاني زي الصبح

هيثم : هيسم الهزار و النصايح باردو ساعات ،، صديق كويس و ممكن تستخدمه وقت الزنقة و ممكن هو يستخدمك لو عايزك تعديله level فـ اللعبة

في كمان ناس تانية انا بحبهم جدا و عايزة اكتبلهم كلهم بس انتي قولتي 5 ههههههه

رنين و طارق و روح صامتة و مورشو و خارج عن القانون و امجد و ناس تانية يا رب مبقاش نسيت حد ،، ان شاء الله كلكو تفضلو معي دائما

كلمه منك للناس اللي هتشوف الحلقه بئه

ان شاء الله مش تزهقو من رغيي ههههه

ايه رأيك في البرنامج
بس متعكيش الوست
هاعلن عن انقلاب متكامل الاركان

تؤ و علي ايه بقي انا هخليني فـ الـ safe side

البرنامج زي الفل و متنوعة اسئلته تسلمي

اي خدمة هههههههه

نورتينا

ده نوركو كلكو


والـــــــــــــي لقاء جديد
وعضو جديد
فــــــ دائرة الضوء
كانت معاكم سيدة مصر الاولي
من داخل قناة اللوتس

[شموع الروح]

نورتى لبرنامج يا آلاء
ما شاء الله عليكى
وربنا يوفقك ان شاء الله فى دراستك وتحققي كل للى انتى عايزاه ان شاء الله
حلقه حلوه يا سما
بالتوفيق

[Silver Flower]

اول شي الله يرحم والدك
إجابات حلوه اكيد من بنوته أموره
والله يوفقك في حياتك

[countess]

هو انا بقيت بزعل بسرعة لسه امبارح بردو هيثم بيقولي كدا هههههههههههههههههههههه

اوعدك يالولتي ابقا آخر روقان

أن شاء الله يكون ميلادك أحلى ميلاد السنة دي يا احلى ريا بدنيا كلها

[Mo7aMaD 3aLa2]

اقتباس محمد علاء : ده حد قريب من جدا ،، جدا يعني ،، هبقي احاول اتكلم معاك جد ههههههه

هههههههههههههههه ,, انتى عارفة انى مبحبش غير الهزار والمسخرة =)))

منورة

..

[morshooo]

منورة التوبيك الوجى
واجابات مميزة
وان شاء الله ربنا يوفقك فى دراستك
وفى حياتك وتبطلى الخوف بتاعك دا شويه
^_^

[big bốss]

و مش بيشرب سجاير و لا شيشة عشان انا ضعيفة ادام الشيشة

عجبتنى الاجابه دى جدآ هههههههههههههههه

استضافه حلوه يا سما

و الاء اسم غنى عن التعريف

[حالمة باميرى]

الاء شخصية محترمة وفعلا اتعاملت معاها كتير وتعبتها معاية
لم بحتاج حاجة فعلا بتكون دايما معاية
ربنا يكرمك يا قمر ويوفقك فى دراستك
ويرحم والدك يارب
تسلمى احماتى على الاستضافة الحلوة

[Lost Pearl]

اقتباس المشاركة الأصلية كتبت بواسطة شموع الروح نورتى لبرنامج يا آلاء ما شاء الله عليكى وربنا يوفقك ان شاء الله فى دراستك وتحققي كل للى انتى عايزاه ان شاء الله حلقه حلوه يا سما بالتوفيق

ده نورك يا شموع

ياااا رب ،، تسلمي

نورتي كثيرا

[Lost Pearl]

اقتباس المشاركة الأصلية كتبت بواسطة silver flower اول شي الله يرحم والدك إجابات حلوه اكيد من بنوته أموره والله يوفقك في حياتك

آمين يا رب

تسلمي يا سارة نورتيني ،،