30 يوم سعادة

[phalsteen]

مــــــــــــساء ليس كأي مساء بل هو مساء خاص ليوم خاص اتمني فيه انا اهب السعادة ليس فقط لنفسي بل لكل من حولي اتناسي ارهاقي والمي نعم انه اول ايام شهري السابع 12/3/2014 لتبدأ معه آلامي الجديدة ويصحبها ابتسامتي العنيده مش غريب ابدا انك تكون تعبان وفرحان في نفس الوقت لا مش غريب انتي ممكن تحسي بسعاده كبيرة اوي وانتي في قمه التعب التعب دا علشان اغلي حلم بتحلمه وعلشان اغلي انسان ربنا هيرزقك بيه اه نفسي اشوف الشارع والزحمه نفسي اجري والعب وانام براحتي اه نفسي ارجع احس بطفولتي وحريتي لكن عندي استعداد اتنازل عن كل حاجة في حياتي علشان محمد ابني باقي من الزمن 30 يوم اذا ماكنش اقل نفسي احتفظ بكل احساس هحسه ويفضل باقي لحد ما اشوفه بعد ما ربنا يرزقني بمحمد واقول يااااااا هو انا تعبت اوي كدة الرقابة عليا الا حد كبير مكثفه لان اكيد ولادتي هتكون مميزة وتعبي بيزيد في كل لحظة بقالي 3 ايام مبنمش ازيد من ساعه بالكتير ولما بفتح عيني بلاقي نفسي مدمعه ومش عارفه ليه السبب بحلم بكل القريبين مني ومعاهم امي وولدي الله يرحمهم وبعترف اني خايفة وخايفة اوووووووووووووووي 30 يوم يارب اكون فيهم سعيدة ولو هيبقوا اخر ايام حياتي المهم اشوف ابني في اخر لحظة فيهم هنسي حتي اسمي ياااااااااااااااارب

[phalsteen]

من يومين كنت عند ستاموني اللي هو الدوك كنت بكرهه اوي بس بقينا صحاب وربنا يكرمه يارب تقريبا بيكلمني كل يوم وبيزعل لو متصلتش طمنه لو حسيت باي حاجة روحت انا واحمد وطبعا احمد كان علي اخره لانه مبيحبش يروح هناك ومن سوء حظي كان هناك حالتين ولاده انا سمعت الصوت من هنا ومسكت في احمد وكنت مرعوبة وعايزة اروح بس فجأه سكت وبعدين دموعي معرفتش اتحكم فيها اصلي لاقيت كل اللي بيولدوا ماماتهم هي اللي ماسكهم وافقه جنبهم كدة وجوزها برة خايف صعبت عليا اوي نفسي ياتري احمد هيعمل ايه ولا ايه وقتها يـــــــارب جزية علي قد اللي بيعمله عشاني وعوضه خير

[phalsteen]

عمري ما خوفت من الموت بل وبالعكس مريت بفترات كنت بتمناه وكان حلم غالي وصعب اوي ازاي اكره شئ هيقربني من اهلي بس حاليا اه خايفة ومش عايزة اموت قمه وجعي اني خايفة اوي اني اتحرم من نظرة وحضن ابني اول ما يشرف الدنيا

[phalsteen]

اخـــــــــــويا وجوزي واختي تعلقي بيهم مرضي وحبي ليهم جنوني مش قد صدمه بعد حد فيهم ولو ثانية ال الحب مواقف مش كلام وفــ كل ازمة في حياتي محجتجتش غير لدول بعد ربنا وعمري ما خاب ظني ف حد فيهم انا محتاجالهم اووووووي وبحمد ربنا انه استجاب ليا ورجعلي اختي تاني ومعنديش مانع ابني يقولها ماما خليهملي يارب وباركلي فيهم وخليني ليهم ولابني قبلهم ^_^