تعرف على منحة iti

[Mind language]

نبدأ الموضوع بسبب كتابته هو انى محافظة سوهاج حصلت على المركز الاول فى تطبيق مشروعiti على مستوى الجامعات المصرية ودا الخبر جامعة سوهاج تفوز بالمركز الاول فى مشروع iti تعريف المنحة : هى منحة مدعمة من وزارة الاتصالات تمنح دبلومه فى تكنولوجيا المعلومات diploma in information technology وتؤهل الخريجين لسوق العمل فى مجالات تكنولوجيا المعلومات ، وتكلفه المنحه 16 ألف جنيه للطالب الواحد وهى مدعمه بالكامل من وزارة الاتصالات وتكنولوجيا المعلومات ويحصل المتدرب على راتب شهرى منها تبعا لتقديره التراكمى فى الكليه . و هى عبارة عن منحة دراسية مدتها 9 شهور مقدمة من وزارة الاتصالات بالتعاون مع معهد تكنولوجيا المعلومات iTi الهدف منها: اعداد خريجين فى مجال تكنولوجيا المعلومات قادرين على المنافسة عالميا يعنى هى خاصة بتكنولوجيا المعلومات وملهاش فى المجالات الادارية يعنى مثلا مفيهاش تخصص ادارة يعنى اللى شايف نفسه بيحب الكمبيوتر لدرجه يبقى هو كمبيوتر وحياته كمبيوتر وشغله كمبيوتر يقدم عليها. اهميتها: 1 - افضل منحة فى مصر 2 - بتاخد مرتب اثناء فترة الدراسة بالكامل لو تقديرك التراكمى جيد هتاخد 800 لو جيد جدا 1000 لو امتياز 1400 يعنى بتتعلم وكمان بتاخد مرتب . 3- مكانة علمية مرتفعة يعنى هتتعلم منها كتير ومش هتلاقيه فى اى مكان برة 4 - و أهم ميزة فيهم كلهم الاى تى اى مش مجرد منحة او كورس لا دى دبلومة يعنى دراسات عليا يعنى لو حبيت تكمل ماجستير الاى تى اى بتأهلك انك تكمل ماجستير فى جامعة نوتينجهام انجلترا أو بادربون المانيا بالنسبة لقسم ميكاترونيكس مُقسمة على ثلاث مراحل وهى: المرحلة الأولي ( Foundation ) ، مدتها 3 شهور و بتدرس فيها المبادئ و الأساسيات و بيبقى فيها كل فترة إمتحانات لقياس مستواك و بيُطلب منك انك تقدم شهادة التويفل فى المرحلة دي . المرحلة الثانية ( Focus Module ) ، مدتها 4 شهور و بتدرس فيها مواد التخصص أو التراك اللى انت اختارته و بتتأهل للمرحلة دي بعد إجتياز إختبارات المرحلة الأولي . المرحلة الثالثة (Graduation Project ) مدتها شهرين وفيها بتعمل مشروع التخرج بتاعك دا غير المقابلات الشخصية و التدريب فى الشركات . الأوراق المطلوبة عند التقديم :- شهادة التخرج بالكلية أو بيان نجاح معتمد موضحاً به تقدير التخرج. أصل شهادة الميلاد أو مستخرج رسمى منها. صورة البطاقة الشخصية أو جواز سفر فى حالة عدم توفر صورة البطاقة. أصل شهادة تأدية الخدمة العسكرية (للذكور) أو مستند التأجيل. عدد 2 صورة شخصة 4×6 . أصل شهادة TOEFL ( فى حالة عدم حصولك على التويفل يمكنك تقديمها فيما بعد عند قبولك بالمنحة ) ملحوظة : تقديم الأوراق و المستندات المطلوبة يتم بعد التسجيل فى المنحة عبر الموقع الإلكتروني لمعهد تكنولوجيا المعلومات ، وبعد التسجيل يتم تقديم الأوراق فى الفرع المناسب لك ( القاهرة - الأسكندرية - المنصورة - أسيوط .....) ويتم تحديد موعد لإجراء إختبار الذكاء و اللغة الإنجليزية وفى حالة إجتياز إختبار الذكاء و اللغة الإنجليزية يتم تحديد موعد آخر للمقابلة الشخصية و نتيجة الثلاثة إختبارات تظهر على موقع معهد تكنولوجيا المعلومات . ملحوظة : فى حالة قبولك بالمنحة لازم تكون متفرغ لها تفرغ تام و فى حالة عدم الإلتزام بالحضور أو عدم إستكمالك للمنحة فهتدفع الشرط الجزائي ( 16000 جنية ) و دا فى حالة إذا مقدمتش لهم سبب واضح و خارج عن إرادتك لعدم إلتزامك أو عدم إستكمالك للمنحة و طبعا فى إختبار الذكاء و الإنجليزى غير مسموح بإستخدام الآلة الحاسبة و أول ما بتدخل هتاخد ورقة علشان لو إحتاجت تكتب حاجة و بتتاخد تانى فى نهاية الإختبار . بالنسبة للإختبار الذكاء IQ فدا بيبقى عبارة عن مسائل و عمليات حسابية و أشكال و رسومات و الغرض منه قياس مستوي الذكاء و بيبقى 35 سؤال و مدة الإختبار 75 دقيقة . أما إختبار اللغة الإنجليزية فبيبقى 22 سؤال و مدتة 75 دقيقة برده ، و غالبا بيبقى على شكل قطع و تحتها أسئلة ، و عند إجتياز الإختبارين دول إن شاء الله بيتم تحديد موعد إجراء المقابلة الشخصية و نتيجة جميع الإختبارات بتعرفها من خلال الدخول لحسابك على موقع معهد تكنولوجيا المعلومات . ملحوظة2 : إختبار الـ IQ و الـ English فى نفس اليوم و النتيجة تظهر خلال ( 2 : 7 ) أيام و بعد إجتيازك لهم إن شاء الله يتم تحديد موعد لإجراء المقابلة الشخصية ، و تعرف هذا الموعد من خلال حسابك على موقع المعهد . بالنسبة للمقابلة الشخصية فتحتاج منك التركيز و الهدوء و عدم القلق و الصبر ، وفى المقابلة الشخصية يتم سؤالك فى التخصص أو التراك الذي قمت بإختياره عند التسجيل و مقابلة أخري في السوفت سكيليز Soft Skills و في حالة إختيارك لأكثر من تراك يتم إجراء مقابلة شخصية خاصة بكل تراك . في السوفت سكيلز تكون الأسئلة باللغة الإنجليزية غالبا و الإجابة ايضا باللغة الإنجليزية و هي عبارة عن مواقف و ألغاز و أسئلة شخصية . فى السنوات السابقة كان عدد المتقدمين يصل إلى 10000 متقدم و يتم قبول 1000 متقدم فقط سنويا لذلك يجب أن تكون جادا و تهيئ نفسك لإجتياز الإختبارات الخاصة بالمنحة و فى النهاية كل شئ نصيب و إن لم يكن لك نصيب فى دخول المنحة فمن المؤكد أنه سيكون لك نصيب في شئ أفضل إن شاء الله . نتيجة المقابلة الشخصية تظهر على موقع معهد تكنولوجيا المعلومات و فى حالة إجتيازك لها فبذلك تم قبولك فى المنحة ، و ستجد الموعد المُحدد لتسليم أصول الأوراق التي سبق أن قمت بتقديم صور لها عند بداية تسجيلك بالمنحة ، فى حالة إذا محصلش لك نصيب فمتيأسش و حاول تدور على منح أخري و ممكن تكون فى الـ Waiting List . ودى المواد الموجودة فيها : اتمنى انى اكون افدتكم .

[۩۩ elMagic ۩۩]

دا عالم تاني ي عم
شكلها منحه مميزه
واللى بيحصل عليها بيكون له شأن مستقبلاً
انا حاطط ف دماغي اكتر من كورس علشان يفيدني دولياً بجانب البكالريوس
لما اخلص سنه رابعه بإذن الله .. وهأشوف المنحه دي ربنا يسهل بقآ وقتها
موضوع جميل منك
تسلم ايدك مرمر

[زهـــ*ــرة النرجــس*]

شكلها منحه مفيده جدا للخريجين
تسلمي كتير على الافاده
تسلم ايدك على التوبيك

[حالمة باميرى]

طرح رائع جداً
وإنتقآء توشح الجمآل الأسر
شكراً لفيض عطآئك
والله يعطيك الف عافيه
تقديري وإحترأمي
,,,,

[العاشق الذى لم يتب]

جميل تكون وزارة تتبنى هكذا فكرة
وتتحمل المصاريف الباهظة
ويستفيدمنها شبابنا وينفعوا الوطن
شكرالك
لنقل الخبر
والتوبيك الرائع
تحياتى