خلاص يادنيا عرفت حظى ونصيبى

[العاشق الذى لم يتب]

أنا مش هزعل منك تانى

خلاص عرفت حظى ومش هعانى

آه عرفته وكنت عارف من زمان

بس ماكنتش مصدق أحساسى ووجدانى

كل حاجة فى حياتى سودة

وبكدب على روحى وأشوفها بلون تانى

بس خلاص من النهرده تأكدت وسمعت باذانى

جانى المنادى قال أصحا وفوق جانى

رديت عليه قولت أنا صاحى

بس غارق فى أحزانى

تاخدنى موجة هموم وموجة كآبة رميانى

أنا عمرى مانسيت حظى فيه

هموم بمكاييل وشقى ثقيل بأوزانى

نادى المنادى قال وليه تتأمل تانى

مكتوب عليك يكون الاسى من الخلانِ

ومكتوب عليك تذوق المر من الأحبة

إياك تتعشم فيهم تانى

صرخت قلت أناماأقدرش أنسى أحبابى

وبرضو صعب عليا قلبى يعصانى

قال المنادى تعب قلبك ونارقايدة بالشريانِ

كفاياك عشم أنسى تعيش إنسانِ

[دمعه حائره]

بلاش تتعشم عشان ماتتندم
ولازم الانسان يختار اصحابه صح قبل مايناديهم احبابه
واهو طول ماهو عايش بيتعلم
تسلم ويدوم التميز

[سارة بنت مصر]

تسلم ايدك على التوبيك

[السفيره عزيزه]

بسم الله الرحمن الرحيم

كلمات كثير الحزن فيها
ولكن وصلت الفكره
بكل ابداع

ان شاء الله الامل فى بكره
ما دام فى العمر بقيه
دمت بكل خير
السفيره

[NGMA]

العشم في البني ادمين وحش وخصوصا دلوقت كله بقي يلبس اقنعه ويمكن تتعشم ويخذلوك

وكل حاجه مش بحدود بتتقلب ضد الانسان سواء ثقه او عشم ..........الخ

وزي ما بيقولو من زاد عن حده اتقلب ضده

شكرا علي التوبيك

تحياتي

[حَرفُُ هجآءّ]

العلاقات تجارب
فى كل علاقه فائده حتى لو كانت جارحه
الا اننا بنستفيد منها
تسلم ايدك
جميله اوووى

[العاشق الذى لم يتب]

اقتباس المشاركة الأصلية كتبت بواسطة دمعه حائره بلاش تتعشم عشان ماتتندم ولازم الانسان يختار اصحابه صح قبل مايناديهم احبابه واهو طول ماهو عايش بيتعلم تسلم ويدوم التميز

نصيحة جميلة
ربنايقدرنى واستعملها
شكرا لك
شرفنى المرور
تحياتى

[العاشق الذى لم يتب]

اقتباس المشاركة الأصلية كتبت بواسطة سارة بنت مصر تسلم ايدك على التوبيك

اشكرك سارة
تحياتى

[العاشق الذى لم يتب]

اقتباس المشاركة الأصلية كتبت بواسطة السفيره عزيزه بسم الله الرحمن الرحيم كلمات كثير الحزن فيها ولكن وصلت الفكره بكل ابداع ان شاء الله الامل فى بكره ما دام فى العمر بقيه دمت بكل خير السفيره

نعم الأمل موجود
وبكرة هيكون أجمل
ولسة الأمانى ممكنة
شكرا لك سفيرة التفاؤل
شرفنى مرورك
تحياتى

[العاشق الذى لم يتب]

اقتباس المشاركة الأصلية كتبت بواسطة ngma العشم في البني ادمين وحش وخصوصا دلوقت كله بقي يلبس اقنعه ويمكن تتعشم ويخذلوك وكل حاجه مش بحدود بتتقلب ضد الانسان سواء ثقه او عشم ..........الخ وزي ما بيقولو من زاد عن حده اتقلب ضده شكرا علي التوبيك تحياتي

كلام جميل يانجمة
اشكرك
وشرفنى مرورك
تحياتى