عملت مقلب فى اختى ^_^

[big bốss]

عملت مقلب فى اختى

كل مره هى تعمل مقالب فيا و تضحك عليا ، روحت استجمعت قوتى و دبرت خطه منظمه

و عملت فيها مقلب

- كانت قاعده هى و امى بيحكوا مع بعض فى الاوضه و طبعآ اختى معاها موبيل

محدش يعرف رقمه الا الاسره بس ، المهم روحت دخلت الاوضه التانيه

و اتصلت بيها من خط تانى معايا هى مش تعرفه

- و غيرت صوتى كدا و ظبت الاداء

انا : الو

اختى : الو

انا : حضرتك الانسه ناديه

اختى : نعم مين حضرتك

انا : واحد اعرفك انتى اسمه كذا و فى سنه كذا و ساكنه فى كذا

( علشان مش تقفل السكه فى وشى ههههههههههههه )

اختى : نعم و انت مين و عايز أيه ؟

- مش رديت عليها سبت الخط مفتوح

و روحت جريت على الاوضه و دخلت عليها على طول

نعم يأ اختى بتكلمى مين ؟

و رينى كدا الموبيل

و عملت نفسي بكلم واحد و شتمته و قلتله انت تعرفها من فين

المهم روحت بصيت عليها قلتها مين دا و تعرفيه من فين ؟

قلتلى والله ما اعرفه دا واحد بيعاكس

و وشها ضرب الوان يعنى

المهم قعدت ازعق و انا ماسك نفسي بالعافيه من الضحك

و مامتى تقولى يا ابنى اهدى دا واحد بيعاكس

المهم ست ناديه قعدت تعيط

و انا قعدت اضحك

راحتى امى فهمت و قلتلها دا هو الى اتصل

و دى بئا كانت حطه راسها بين ايديها بصتلى بصه بئا زى كدا

و جريت ورايا بئا ههههههههههههه

قلتلى نشفت دمى

المهم قاعده مخصمانى من ساعتها مش بتكلمنى

اتعلموا بئا تعملوا مقالب فى اخواتكم البنات

[دمعه حائره]

هههه
مقلب حلو مع انه قديم بس الحبكه الدراميه جعتله ممتازا
دى شبه جعلتنى مجرما

[-esraa-]

الطار..
لازم تاخد حقها منك
شرير : )))

[big bốss]

اقتباس المشاركة الأصلية كتبت بواسطة دمعه حائره هههه مقلب حلو مع انه قديم بس الحبكه الدراميه جعتله ممتازا دى شبه جعلتنى مجرما

ههههههههههههههههه

لا بث مقلب نتائجه مضمونه فى البنات 100 %

[big bốss]

اقتباس المشاركة الأصلية كتبت بواسطة -esraa- الطار.. لازم تاخد حقها منك شرير : )))

ههههههههههههههههه

تار مين يا اسراء

دا عملت فيا مقالب كتير

[شاعر الحب الحزين]

ههههههاي يعني شتمت نفسك هههههاي

طب ليه تتصلوا لما انتوا مش قد التلفونات ههههاي

بس بصراحة مقلب جميل وحلو جدا يا جنرال

تسلم على روحك الجميلة وعلى اخبارك اللي دايما

بتنشرها لينا هنا وبجد بستمتع جدا بمواضيعك كلها بهجة وابتسامات

تسلم إيديك على المقلب يا نجم برافو عليك

احترامي ليك

[حالمة باميرى]

انت منك للى كلت دراع جوزها
هخليها تدعى عليك دعوة ولية فى ساعة صبحية مستجابة
هههههههههه
حرام علية يا شيخ روح فى اى حتة بقا هههههههه

[Lamees]

ربنا يرزقك باللي تعمل فيك مقلب ههههههههههههه

[morshooo]

المهم بعد ماجريت وراك حصل ايييييييييييييه
انا ملاحظ انك غايب بقالك كام يوم
فقولنا حصل ايه انور ^_^

[Stop Ana Eltop]

نصيحه من اختك الصغيره

متعملهاش تانى ولا تفكر تعملها
عشان البنات مابتسبش حقها وبترد الصاع صاعين

فاحذر

بس سؤال
ايه المقلب فى كدا يعنى