بنات الايام دي

[انجي_1]

السلام عليكم يا اصحاب

جيت احكي لكم على قصة صغنتوته كده حصلت يوم السبت وانا رايحة من شغلي للبيت

بما انه اخر الاسبوع وكده قلت اركب الباص واوصل للبيت براحتي

وفي المحطة الجاية ركبت بت مزة كل الشباب اللي في الباص بصبصو لها

وجات قعدت في الكرسي اللي ورايا

لحد الوقتي الامور عادي يعني

بس بعد شوية اتصلت بشاب فردت عليها بنت قالت لها انا بسال عن فلان فينو قالت لها استني اهو كلميه
فقالت له ازيك اخبارك عامل ايه
ومين اللي ردت عليا دي ؟
انا مش عارفة طبعا قال لها ايه
فقالت له عندك ايه النهار ده ؟ ممكن نتغدى سوا ؟
الظاهر انه قال لها تعالي نتقابل ونروح الطبيعة بما ان الدنيا ربيع والجو بديع والكلام ده
قالت له لالالالالالا انا تعبانة ومقدرش اروح الطبيعة عندي حساسية
فقال لها معلش انا تعبان ومش هقدر اقابلك يلا سلام
قالت له تعبان ؟ ماشي انا كمان تعبانة سلالالالالام


سكتت شوية وبعدين اتصلت بشاب ثاني
قالت له الو عامل ايه
قال لها تمام
قالت له عندك ايه النهار ده ممكن نتقابل نتغدى سوا ؟
قال لها انتي فين ؟ قالت له ف الباص مروحة بعد الشغل
فالظاهر ان المرة دي ظبطت ورايحة تتغدى مع الثاني

خلاص حسيتها من بعد المكالمة الثانية ارتاحت انها وصلت لغرضها ورايحة تتغدى على حساب الضحية الثانية

بصراحة هي حلوة وشيك
بس ندلة وباين عليها من البنات اللي عندها 60 حبيب
المهم الكل ف الباص قعد يبص لها بصات مش تمام بعد المكالمات اياها
وهي ولا هي هنا
عندها عادي جدا
وف محطة من المحطات نزلت وراحت لحال سبيلها
وانا قلت في نفسيتي بقا
لالالالالالازم احكي لكم الموضوع ده
واخذ رايكم في تصرفات البت دي


هاااااااا رايكم ايه ؟

[big bốss]

يعنى أيه طبيعه ؟ قصدك الحديقه !

و بعدين دا العادى بتاع البنات عايزه الى يصرف عليها

دلوقتى البنات هى الى بتظبت الشباب و تضحك عليهم و بيحصل كتير الموقف دا

بس دول بئا اسمهم الفئه الرخيصه الى تأخد منها الى عيزه بالفلوس

و ملكيه عامه للشباب

موقف مقزز بصراحه

و استفزنى جدآ

[محمود الصاروخ]

الموضوع ده مر عليا كتير أوي ومعايا انا شخصيا ،،
و الى عرفته زى ما نور قالك إن معظم البنات مش كلهم
يحبوا الشاب الى يصرف عليهم ،،

وهو ده حال البنات دلوقتى ،،
ربنا يهدى

[انجي_1]

لالالا مش حديقة
في غابات هنا للاستجمام بيروحوها الناس في عطلة اخر الاسبوع
يروحو العائلات يودوا اولادهم يلعبو في الفضاء الواسع يعني بما اننا في فصل الربيع
والاحبة كمان يروحو يتقابلو هناك
في العاب للاولاد
مكان عام يعني

ما هي البت دي باين عليها زي ما وصفتها بالزبط يا نور
ربنا يهدي
هو موقف استفزني بصراحة

[انجي_1]

اقتباس المشاركة الأصلية كتبت بواسطة مـح ـ الصاروخ ـمود الموضوع ده مر عليا كتير أوي ومعايا انا شخصيا ،، و الى عرفته زى ما نور قالك إن معظم البنات مش كلهم يحبوا الشاب الى يصرف عليهم ،، وهو ده حال البنات دلوقتى ،، ربنا يهدى

مش كلهم صراحة
اكيد

[حالمة باميرى]

ده سوء تربيه وفي بنات كده ربنايهديناجميعا

[انجي_1]

المشكلة مش في انها عاوزة مين يصرف عليها
المشكلة انها عاملة علاقات كثير
اكيد دي سوء تربية
ربنا يستر بقا

[Silver Flower]

بدها تتغدى بس شو المقابل
الله يهدي بس
شي بيقهر معاكي حق
انا لو منك كان ضربتها اقل شي

[Ana Ganbk To End]

ربنا يهدى الجميع يارب

[Ana Ganbk To End]

بجد انا بقيت بقرف م اللى بيعملو كدهـ
لان × الاخر بيطلع ع البنات كلها لقب شمال
وتبقى واحده زى دى هى السبب