تحيـــــآ الثـــــورهـ

[Şα3Đ..♥]

تحيا الثوره تحيا الثوره اللي خانتنا اللي خادتنا وخرجت بره فين المولوتوف فين الدًّخنه فين ايام العيشه المره فين ايامها امن الدوله والتعذيب فين النهب وفين السرقه والتخريب والتهريب تحيا الشرطه تحيا الجيش الخط الاحمر مش هنتكلم مش هنفكر تحيا الشعب ده زي السكر تحيا الثوره تحيا وتحيا وتحيا الثوره تحيا فلولها والاخوان تحيا رابعه وكل ميدان تحيا كل بني الانسان كنا ف جره وروحنا ف جره غنوا وقولوا احنا الثوره لسه بتفتكروا ف امجادها بصوره وفيديو لسا بتنسوا اهل ولادها اللي اتقتلوا لسه عنيكم كلبه سُلطه مش هتتهدوا اوعوا تكونوا ياحبه عيني مشبعتوش لسه بتجنوا ثمار الثوره بالخرطوش لسه بتسهروا علي راحتنا ومنمتوش اما صحيح الشعب مغفل مفهمكوش بطلوا غش وكدب مُضلل ماختشيتوش؟ نفسي نعيش ايامها المره بس ولادنا يلاقوا فيها ثمره وميمشوش احنا ضيوف ع الارض السمره وملناش حصه فـ الحريه عايشين نخدم مناصب هامه وتحيا كوادرنا المصريه فـــآصله الموضوع مش ف السياسه ولا ف الثوره ولا الثوار انت عايز الخلاصه الملخص باختصار ان عقولنا ف البطاطا وان الشعب ده ,,,, نقطه

[احساسى صحيح]

عندك حق يا سعد
انتا جبت الخلاصه فى النهايه
الخلاصه فينا احنا
لأننا فعلا شعب بايع دماغه
تسلم يا سعد
احترامى ...

[العاشق الذى لم يتب]

طبعا كلامك مش عاجب ناس كتير
علشان ناس كتيرمابتحبش تعرف الحقيقة ولاتسمعها
عاوزة تفضل تكدب وتخبى البلاوى
علشان ماحدش يفضحها
انت عملت اللى عليك وزيادة
وربك عالم بكل شيئ
وعمرالدم ربك مايضيع حقه
تسلم سعد
جميل الكلام
تحياتى

[a7med -3del]

فنان وبتكتب حلو اوى والمضمون انا معاك فيه قلبا وقالبا
لس انت نجم
تحياتى

[شاعر الحب الحزين]

ناس مش خايفين من ربنا وكل همهم سلطة وحكم

وكل ده على حساب المواطن المصري المسلم بجد

الام المثالية فيفي عبده بتفكرني ب الراقصة والسياسي

البلد دي بقت سلطة ولا تورتة والكل بيقطع منها وبياخد اللي عايزه

ربنا يصلح الحال ان شاء الله

تسلم على كلامك الجميل

[Şα3Đ..♥]

متشكر جدا علي مروركم
واعرفوا كويس ان ربنا مبيحبش الظلم
وكل واحد هتتردله مظلمته
لو مش ف الدنيا
يبقي ف الاخره
يعني متزعلش لو اتظلمت ف الدنيا ومخدتش حقك
ف الاخره هتفرح اوي بحقك وانت بتاخده