الحلقة الرابعة من برنامج (( فى الواقــــع )) مع big bốss

[حَرفُُ هجآءّ]

اهلا بكم

فى حلقة جديدة من برنامج


◄████▓▒░░ فى الواقــــــــــــــــــــــــع ░░▒▓████►




مع

دينمو المنتدى

اينشتاين المنتدى ( قال اينشتاين )

ما علينا

عضو منتشر فى المنتدى بشكل يومى

نشاطه ملحوظ جدا

فى وقت قصير اصبح مراقب الاقسام العامة

مع جنرال الجنرالات ( عاملى فيها السيسى الصغير بلا ..... )

big bốss

مراقب الاقسام العامه

اهلا بك نور فى برنامج فى الواقع

آهلآ بيكى يا اسيل




فى مقوله بتقول ( مداح نفسه كذاب ) وانت معظم كلامك عن نفسك سواء فى العادى او فى ملفك ديما بتمدح فى نفسك مش شايف ان ده غرور بالنفس ؟


لآ مش غرور - دا واحد عارف قدر نفسه
" رحم الله امرىء عرف قدر نفسه "
أيه المشكله فى انى بثقف فى نفسي الى أبعد حد !
أيه الغلط في انى روحى المعنويه عاليه و طموح بقدراتى !
انا شاب واثق فى عقليتى و تفكيرى و فى قوتى و فى قدراتى
و انا مقتنع بكدا كويس

this is big boss


كل ده ومش مغرور !



نور بتاع البنات هههه كتير بيتقال انك بتاع بنات ايه السبب ولا انت بتاع بنات صح ؟

ههههههههههههههه
علشان معجبينى كتير
دائمآ الشخصيه المثيره للأعجاب بتكون محط أنظار الاناث
اما انا فمرتبط و الحمد الله و مليا عنيا و قلبي و فكرى
يعنى معنديش فراغ لحد غيرها

روميو ياخواتى



عكاشه فى الاسك سألك ايه حلمك واحنا عايزين نعرف ايه حلمك ؟


حلمى أرتبط بالانسانه الى بحبها و أكون انسان ناجح و احقق طموحى




جبل عالى من انشط الاعضاء فى المنتدى وفى فترة اشرافها ع النقاش اتقال كتير انك انت بس اللى نشطت القسم مش شايف ان فى تناقض فى الحكم بالطريقة دى ؟ وليه ديما كان فى مشاكل بينكم ؟




جبل عالى نشيطه و صاحبة قلم و فكر بس كانت تميل
للأقسام الادبيه كانت هوايتها ، و محدش يقدر ينكر تاثيرها
فى قسم النقاش ، يمكن انا جددت روح القسم و عملت فيه تغير و دا متوقع مع اى مشرف جديد بيجى باسلوب التجديد

مكنتيش فيه مشاكل بينا بالمعنى الاختلاف الجذرى
هى كاانت خلافتنا بخصوص الاشراف
انا حسيت انها مقصره فى القسم و هى حسيت انى انانى
و بدأت المشاكل بئا




احتكار المسابقات لما عضو بينزل مسابقة وانقطع عنها هل فى مشكله لو عضو تانى جددها ؟

فيه اختلاف فى الموضوع دا يا اسيل

- فيه اراء شايفه ان افكار المسابقات ليست حكر لاى عضو ، لانها متداوله فى كل المنتديات ، و اى افكار مسابقات ملك للمنتدى و من حق اى عضو يجددها
طالما صاحب الفكره مش هيكملها
و انا من مؤيدى المنطق دا .

- فيه اراء تانيه بئا شايفه ان أفكار المسابقات تدخل ضمن
حقوق الملكيه الفكريه و يمنع تداول افكار المسابقات .
طيب لو مشينا بالمنطق دا
يبقى فكرة كرسي الاعتراف نمنعها لاننا سرقنها
فكرة تقسيم المنتدى نقاش و عام و رياضه ...الخ
مش بتاعتنا سرقنها
المواضيع المنقوله نمنعها لانها كلها مسروقه
و هكذا ...الخ



ايه ياعم طلعتنا كلنا حرامية هههه




غلق المواضيع كذا مره تقفل موضوع منهم استضافت جبل عالى شايف أن قفلك للمواضيع بيدل على اتباع الديمقراطية ولا الخلافات بينك وبين عضو تخليك تتعمد قفل موضوع له او استضافه ؟

هو القفل و الحذف معمول ليه ؟

- دلوقتى فى قسم النقاش كانت المواضيع السياسيه ملتهبه
و مكنش حد بيطيق او عنده القابليه يسمع راي حد
فكنت بحذف الردود الصعبه و بلجأ لقفل التوبيك الى عارف
انه الاعضاء مش هتبطل خناق فيه

- استضافة جبل عالى حصل شد و جذب مع سليفرا
فقررت اقفل التوبيك لحد الامور ما تهدىء و يتناقشوا
و تانى يوم اتفتح

- انا دايمآ محبش اتفرج على اى جدال لغاية لما يتطور
لان وقت الغضب اى انسان مش هيقدر يتحكم فى نفسه

- اما انا عمرى توبيك علشان مع خلاف مع صاحبه






ايه حكاية الرمزية بتاعتك اللى قبل دى كذا عضو قال انها صورتك الشخصية ؟



آه كذا عضو سألنى و افتكروا انها صورتى

مع انى انا امور و احلآ منها بكتير



يالهووووووووووووى ع الغرور



ايه رأيك فى البيج بوص المراقب هل حاسس بتغيير منه لما بئا مراقب ؟


آه حاسس بتغير
دلوقتى بقيت بتحكم فى اعصابي اكتر على عكس الاول
و دلوقتى بقيت بشفق على الاداره بسبب تعدد المهام
و دلوقتى الرسايل الخاصه و الزوار كترت جدآ






انت صاحب الاقتراح بعدم الكلام فى الترقيات طيب لو البعض شايف ان الترقيات بالتحيز ازاى يعترض او يقول وجهه نظره ؟ وهل انت لو عضو عادى ومش عجبتك الترقيات كنت هتسكت ؟

مين قالك انا صاحب الاقتراح

الفتره الى فاتت كثر الكلام و الجدال حول الترقيات و كانت فى كل استضافه بتحصل مشكله
و خناقه و زعل و دايرة الخلاف بتتسع و بتكبر
فأقترحت اننا نمنع الكلام فيها لفتره تهدىء الامور
و محدش أيد الفكره علشان محدش يقول اننا بنكمم الافواه

- اما انا لو عضو و معجبنيش الترقيات كنت هكتفى بلفت
نظر الاداره و خلاص و هكمل نشاطى عادى

- انا كنت استحق الاشراف من زمان و كتير اتعينوا
مشرفين احدث منى
معملتيش حاجه عادى






هل انت كمراقب ليك الحق فى انك ترفض اقتراح مقدم من عضو ؟ وايه هو دور المراقب فى قسم الشكاوى؟



دور المراقب فى قسم الشكاوى لا بيقدم و لا بيأخر
رأيه استشارى فقط - وجوده زى عدمه
الراى النهائى للأداره فقط
اما صلاحيات المراقب بتكون فى المواضيع و المشاكل
الاقسام و الحاجات دى






عاشق متيم فى استضافة طارق اتكلم عن اسرار من داخل الشكاوى ازاى تم تسريبها ؟



هو احتمال يكون خمن

و احتمال يكون حد قله

معرفش بصراحه هى الاداره قالت هتكلمه

و حتى اتهمونى انى انا الى سربت المعلومات






هل المراقب له الحق فى اغلاق شكوى مقدمة ضده ؟



هنا بيختلف الجواب على سبب اختلاف القفل

- يعنى لو شكوى انا متهم فيها و رديت على العضو
و لم يتم البت فيها من قبل ادارى فمينفعش تتقفل

- اما لو شكوى تم البت فيها و خلاص انتهت و حصل
ما يستدعى القفل كرفع شكوى قديمه فبتتقفل عادى .

- و فيه شكاوى بتتقفل عادى لما يكون فيها جدال لا ينتهى
و او تجاوزات فى الالفاظ .

عامتآ قفل الشكاوى قليل جدآ لما بيحصل





ليه اللون الاسود بيزيد فى المنتدى ؟

بسبب الاعتراض على سياسة الاداره من قبل المشرفين
و بسبب قفل قنوات التحدث و التناقش بين الاطراف
و بسبب الرغى فى الموبيلات و الاميلات طول يوم
و غسيل العقول الى بيحصل
و بسبب عدم تلاقى وجهات النظر كل واحد مؤمن بفكره
فى دماغه و خلاص معندوش استعداد يقتنع بغيرها
و بسبب التحزبات و التكتلات و الشلاليه الموجوده
فى كل حاجه
و دا سبب حالة نفور للجميع
و كثرة اللون الاسود





فى انتقاضاات موجه للادارة انها بتتعامل بطريقة متعالية على المشرفين ليه مفيش وفاق بين الادارة والمشرفين ؟

لو هنتكلم عن حالة تكبر و معالاه

فهى موجوده فى كل الاطراف

لا المشرف عنده استعداد يتناقش و يقتنع و ينسي المشاكل
و الخلافات مع الاداراى

و لا الاداراى عنده استعداد للتناقش و جمع كل المشرفين
و معرفة وجهة نظرهم و اختلافتهم أيه

و دا خلنا دخلنا فى حيطه سد



وبكدا خلصت الحلقة
نورت يابيج بوص الحلقه


شكرآ حرف هجاء

[۩۩ elMagic ۩۩]

انا هأتكلم بخصوص الجزئيه دي

اقتباس دور المراقب فى قسم الشكاوى لا بيقدم و لا بيأخر رأيه استشارى فقط - وجوده زى عدمه الراى النهائى للأداره فقط

دور المراقب مكمل لدور الإداري
والا كان بقى قسم الشكاوي دا ظاهر للطاقم الإداري فقط !
هو ممكن بعض الشكاوي اللى بيتطلب الفصل فيها من قبل الاداري
زي الشكاوي اللى بتكون متعلقه بفنيات الموقع واللوحه الاداريه
وهنا بيتطلب دخول الإداري علشان بيستخدم لوحته الاداريه
وكمان الشكاوي اللى بيتطلب دخول الاداري للرسايل الخاصه لعضو ما
علشان يقدر يفصل ويحكم ف مشكله حاصله ،،
لكن غير كده فا المراقب بيتدخل لحل اى مشكلات بتحصل
واى شكوي بتنزل لو مراقب دخل فصل فيها ونهاها محدش بيجي بعده ويعلق
وإن حصل فا بيبقى التعليق هو تأييد لقرار المراقب السابق ..

حوار مميز
ونور من الناس اللى نشاطها واضح
نورت ي معلم
تسلمي اسيل لمجهودك
يدوم النشاط ,,

[morshooo]

كان نفسى نور يكلم اكتر عن نفسه

ههههههههههههههه

الحوار حلو واكلمتو فى حاجات كتير

عن النقاش وعن المراقب وعن الشكاوى

وعن سياسه ادارة .

لو هعلق على قسم النقاش صحيح حصل تغيير

فى القسم بس دا بيكون بمساعدة مشرفين القسم والاعضاء

ودا فعلا حصل من نور وجبل ومن فترة من رائحه القهوة

ودلوقتى اعتقد القسم بدء يقل جدا نشاطة ودا بيكون بسبب برضو

المشرفين .

لو هعلق على المراقبه :

نور مبقاش زى الاول كعضو نشيط وموجود فى كل الاقسام

ممكن يكون بسبب شغله او انشغاله الفترة الى فاتت لكن

ياريت يرجع زى ماكان ( دينمو المنتدى )

سياسه الادارة :

اعتقد ان مفيش حاجا اتغيرت يعنى لو الادارة

كان عجبنا اسلوبها قبل كدا فمنين بنقول انهم اتغيرو

لان مفيش حاجا حصلت عشان نقول ان الادارة

مثلا مابتسمعش لحد او مش فاضيه تسمع لحد .

زى ما ليها سلبيات اكيد ليها ايجابيات

بخصوص الشكاوى :

مش شايف ان غريب عاشق يعرف حاجا من الشكاوى

لاننا فى منتدى واى خلاف كان بيحصل كلنا كنا بنعرفه

وبنعرف الشكاوى فيها ايه وبيتقال فيها ايه فانا عن نفسى

شايف انه وضع طبيعى ان عضو يعرف الشكاوى فيها ايه ^^

اخيرا :

الحلقه مميزة والبوص منور يا معلم

وخلى بالك عشان اليوميات واخدة الجو اليومين دول

من النقاش انا بقولك اهو ^_^

استضافه حلوة اسيل وكفايه عليكى كدا

عشان لو حطيتك فى دماغى هعمل توبيك

استضافات وننافس بعض ومنافسه المشرفين

مش كويسه ^_^

[big bốss]

اقتباس المشاركة الأصلية كتبت بواسطة ۩۩ elmagic ۩۩ انا هأتكلم بخصوص الجزئيه دي دور المراقب مكمل لدور الإداري والا كان بقى قسم الشكاوي دا ظاهر للطاقم الإداري فقط ! هو ممكن بعض الشكاوي اللى بيتطلب الفصل فيها من قبل الاداري زي الشكاوي اللى بتكون متعلقه بفنيات الموقع واللوحه الاداريه وهنا بيتطلب دخول الإداري علشان بيستخدم لوحته الاداريه وكمان الشكاوي اللى بيتطلب دخول الاداري للرسايل الخاصه لعضو ما علشان يقدر يفصل ويحكم ف مشكله حاصله ،، لكن غير كده فا المراقب بيتدخل لحل اى مشكلات بتحصل واى شكوي بتنزل لو مراقب دخل فصل فيها ونهاها محدش بيجي بعده ويعلق وإن حصل فا بيبقى التعليق هو تأييد لقرار المراقب السابق .. حوار مميز ونور من الناس اللى نشاطها واضح نورت ي معلم تسلمي اسيل لمجهودك يدوم النشاط ,,

أنا بقترح كدا ان قسم الشكاوى يظهر للأداره فقط

لان مهام المراقب فى قسم الشكاوى على قد صلاحياته

يعنى فيه مشاكل بخصوص موضوع او رد بيتكفل فيها المراقب

اما اغلب المشاكل بيكون الراى الاخير فيها للاداره

سواء مشاكل الفنيه او قبول و رفض اقتراحات او عزل مشرفين او مشاكل

بين الاعضاء او مشاكل فى القوانين ...الخ

شكرآ يا ماجيك لرايك

نورت يا برنس

[phalsteen]

منور يا متواضع ، حلقة موفقة اسيل

[big bốss]

اقتباس المشاركة الأصلية كتبت بواسطة morshooo كان نفسى نور يكلم اكتر عن نفسه ههههههههههههههه الحوار حلو واكلمتو فى حاجات كتير عن النقاش وعن المراقب وعن الشكاوى وعن سياسه ادارة . لو هعلق على قسم النقاش صحيح حصل تغيير فى القسم بس دا بيكون بمساعدة مشرفين القسم والاعضاء ودا فعلا حصل من نور وجبل ومن فترة من رائحه القهوة ودلوقتى اعتقد القسم بدء يقل جدا نشاطة ودا بيكون بسبب برضو المشرفين . لو هعلق على المراقبه : نور مبقاش زى الاول كعضو نشيط وموجود فى كل الاقسام ممكن يكون بسبب شغله او انشغاله الفترة الى فاتت لكن ياريت يرجع زى ماكان ( دينمو المنتدى ) سياسه الادارة : اعتقد ان مفيش حاجا اتغيرت يعنى لو الادارة كان عجبنا اسلوبها قبل كدا فمنين بنقول انهم اتغيرو لان مفيش حاجا حصلت عشان نقول ان الادارة مثلا مابتسمعش لحد او مش فاضيه تسمع لحد . زى ما ليها سلبيات اكيد ليها ايجابيات بخصوص الشكاوى : مش شايف ان غريب عاشق يعرف حاجا من الشكاوى لاننا فى منتدى واى خلاف كان بيحصل كلنا كنا بنعرفه وبنعرف الشكاوى فيها ايه وبيتقال فيها ايه فانا عن نفسى شايف انه وضع طبيعى ان عضو يعرف الشكاوى فيها ايه ^^ اخيرا : الحلقه مميزة والبوص منور يا معلم وخلى بالك عشان اليوميات واخدة الجو اليومين دول من النقاش انا بقولك اهو ^_^ استضافه حلوة اسيل وكفايه عليكى كدا عشان لو حطيتك فى دماغى هعمل توبيك استضافات وننافس بعض ومنافسه المشرفين مش كويسه ^_^

قسم النقاش نشاطه قل الايام دى فعلآ علشان متواجد فيه لوحدى

و قسم اليوميات نشاطه زايد علشان مشرفين اتنين شغالين فى نفس الوقت

و دا عامل كويس

و انتبه اسيل هتسحب منك البساط هى قلتلى كدا و ربنا

و بالنسبه لعاشق متيم فهو واد خلبوص بيفهمها و هى طايره

و فعلآ انا نشاطى قل بس بسبب انشغالى فى الشغل و تعدد المسئوليه

فى المنتدى بس هحاول اشغل الدينمو من جديد

منور يا احمد

[حَرفُُ هجآءّ]

اقتباس المشاركة الأصلية كتبت بواسطة big bốss قسم النقاش نشاطه قل الايام دى فعلآ علشان متواجد فيه لوحدى و قسم اليوميات نشاطه زايد علشان مشرفين اتنين شغالين فى نفس الوقت و دا عامل كويس و انتبه اسيل هتسحب منك البساط هى قلتلى كدا و ربنا و بالنسبه لعاشق متيم فهو واد خلبوص بيفهمها و هى طايره و فعلآ انا نشاطى قل بس بسبب انشغالى فى الشغل و تعدد المسئوليه فى المنتدى بس هحاول اشغل الدينمو من جديد منور يا احمد

ههههههههههههههه بقولك ايه شكلها بتولعها
ملكوش دعوه بيا
والا هتطلعكوا المرأة الحديدية

[big bốss]

اقتباس المشاركة الأصلية كتبت بواسطة nefertiti منور يا متواضع ، حلقة موفقة اسيل

بنورك يا ام محمد

تسلمى

[حَرفُُ هجآءّ]

اقتباس المشاركة الأصلية كتبت بواسطة morshooo استضافه حلوة اسيل وكفايه عليكى كدا عشان لو حطيتك فى دماغى هعمل توبيك استضافات وننافس بعض ومنافسه المشرفين مش كويسه ^_^

نحم نحم نحم
فى ايه ياخ ؟
ماحنا شغالين مع بعض زى الفل
منافسه ايه بئا ؟
احترس منى
يحرق .. يخرب .. يكسر
ههههههههه

[big bốss]

اقتباس المشاركة الأصلية كتبت بواسطة حَرفُُ هجآءّ ههههههههههههههه بقولك ايه شكلها بتولعها ملكوش دعوه بيا والا هتطلعكوا المرأة الحديدية

أنا حذرت مورشو قبل سابق

أنه يحذر المرأه الحديديه

هو مش سمع كلامى هو حر بئا

بس ونبي يا اسيل مش تشخطى فى مورشو دا واد جدع و غلبان