لا عزاء للمحبين ...!! (المسابقة الأدبية)

[noona]

" إن دخل الفقر من الباب ... هرب الحب من الشباك "

مقولة سمعناها كثيراً ومازلنا نسمعها إلى يومنا هذا فى مشهد بات متكرراً فى زمن طغت فيه المادة على أسمى المشاعر الإنسانية

فبعد قصة حب عميقة وقوية جمعت بين قلبى أحمد ومنى ...

قصة كانت كالأساطير يحسدهم عليها كل العاشقين وحتى غير العاشقين

أحمد : وأخرتها إيه يا منى .. أنا بحبك وما اقدرش استغنى عنك خلاص

منى : طيب يا أحمد يبقى تيجى البيت عندنا وتطلب ايدى من أهلى ونتجوز

أحمد : أجى أقول إيه بس ما أنتى عارفة ظروفى يا منى وأن الحال مش قد كده ..ده يادوب اللى باخده من شغلى بيكفى مصروفى بالعافية

منى : ولا يهمك يا أحمد ... أنا مستعدة أعيش معاك ان شا الله فى عشة ، وناكلها عيش ودقة ( بضم الدال ) المهم انى ابقى معاك .. ده انت عندى تسوى الدنيا كلها

تحكى منى لأهلها عن العريس المرتقب ....

الأم : بس ده فقير يا منى وما حيلتوش حاجة ..

منى : أيوة يا ماما بس احنا بنحب بعض وده كفاية ..

الأم : حب إيه ده ..!!؟؟ ده الفقر يا بنتى لو دخل من الباب .. نط الحب من الشباك ، كل ده حتنسيه مع الفقر والحاجة والجوع

"

"
"

!!..Stop

لست هنا بصدد التحدث عن الفقر وضعف امكانيات الشباب ، لأن مسألة الفقر والغنى هى فى النهاية مسألة رزق من عند الله .. نأخذ فقط بالأسباب كسعى الشباب وكفاحه وإرادته لتحقيق هدفه .. ( أما الباقى فعلى الله )

ولكن ما أردت القاء الضوء عليه من خلال هذا المشهد هو هروب الحب ( الحب اللى نط من الشباك) والفقر فى المشهد السابق ليس سوى أحد المبررات التى نعلق عليها شماعة هروب الحب ..

واخترت ذلك المثال لما ترسخ فى حياتنا ان الفقر والحاجة سبباً فى غياب الحب وانتهائه وهناك من الأسباب الأخرى الكثير كتحقيق المصالح الشخصية والأحقاد وغيرها ..

"

"

*عودة لصلب الموضوع*

- لا شئ يحدث لنا فى الحياة دون وجود أسباب ظاهرة له .. قد تكون غير ملموسة أو غير مباشرة .. لكن بشكل أو بآخر هناك سبب ما ..

إذن هناك أسباب أدت إلى هروب الحب .. والأسباب الظاهرة لنا أو التى ترسخت داخلنا هى .. الفقر والحاجة والمصالح الشخصية وطبيعة الحياة التى اصبحت عملية اكثر .. الخ

لكن هل فكرنا إذا كانت تلك الأسباب واقعية وحقيقية أم أن هناك سبب خفى وراء هروبه .. فلنحاول معاًً اكتشاف ذلك

~/~

إليكم معى كم من الجرائم التى ارتكبت باسم الحب ..

مجازر ومذابح أصابت الحب فى مقتل حتى سال دمه أنهارا وسيولاً

منذ بدء الخليقة ارتكبت أول جريمة باسم الحب .. عندما قتل قابيل أخوه هابيل وهو نائم من أجل أختهما "كليما" الجميلة التى اختارها أبوهما آدم لهابيل الطيب .. وكانت سبباً فى قتل قابيل لأخيه من أجل الفوز بها .. فأين هنا حب الأخ لأخيه الذى أعمته الغيرة وقتله بيديه وقتل الحب معه .. فكان الحب هنا الجانى والضحية

- وكم من قصص الحب القوية التى كانت تحكى ويتحاكى بها الناس ...

وتسمع بعد سنة واحدة زواج " مش فلانة اتطلقت من جوزها ..!!"

"

"

هل مات الحب وانتقل إلى الرفيق الأعلى .. هل قتلناه بأيدينا ووقفنا نتلقى فيه العزاء .. ؟؟ هكذا تشير كل الأحداث المحيطة

وأكم من الحوادث والمشاهد التى صورت وأكدت لنا ذلك ...

- رأيناها فى ابن عاق .. لم يبر بوالديه وكانت النتيجة بعد كل الحب والعطاء والحنان اللذان قدماه له منذ ولادته أن يكون جزاؤهم الضرب والإهانة والجحود

- رأيناها فى الحروب والمجازر التى أراقت دماء الملايين وأراقت معه دماء الحب والود والأخوة .. وكان ضحيتها أوطاناً بأكملها

والكثير والكثير من الأحداث والمشاهد .. على مستوى الفرد والأسرة والمجتمع والعالم بأجمعه

وإليكم ذلك المشهد الحزين والمؤلم والذى يؤكد لنا أن الحب مات (وشبع موت)

/

زوج وزوجة تزوجا بعد قصة حب كانت يضرب بها المثل ...

يقفا أمام القاضى وبينهما ابنهما ثمرة ذلك الزواج الذى لم يخطر ببال أحد أن يحدث لهما هذا فى يوم من الأيام .. فى قضية من احدى القضايا التى امتلأت بها المحاكم

القاضى يسأل الطفل : تروح مع بابا ولا مع ماما ؟؟

يصمت الطفل ولا يرد

ويسأله القاضى مرة أخرى ..

نظرات زائغة تصدر من أعين الطفل البريئة .. ويلحقها صمت

ومع السؤال الأخير للقاضى..

صرخ الطفل

وأجهش فى بكاء مرير

فما أصعب ذلك الاختيار ...

فهو لا يمكنه العيش بدونهما

هل يذهب مع ماما ( وبابا يزعل ) .. أم يذهب مع بابا ( ويكسر قلب ماما ) ؟؟

"

"
"

!!..Stop

أين ذلك الحب الذى جمع بين الاب والام يوماً ما

ولماذا انتهى بتلك الصورة الحزينة ؟؟؟

ليس ذلك المشهد سوى أحد المشاهد التى تؤكد لنا خبر وفاة الحب وانتقاله إلى الرفيق الأعلى ..

أعلم أن بعضكم لا يصدق انه لم يعد للحب وجود فى الحياة .. وأنا أيضاً لا أصدق

من المؤكد انه موجود فى مكان ما .. فى قلب ما ..

فكيف للحب أن يستسلم بسهولة لشيطان الكره والحقد

عودة مرة أخرى للأسباب والمبررات ..

"
"

تسمع من الزوجة :

- أصله بخيل ونكدى وعينه زايغة ...

وتسمع من الزوج :

- أصلها قايدة البيت نار غيرة وشك وكل شوية خناق ..

هل تلك كانت الأسباب الواقعية والحقيقية لضياع الحب بينهما ...

أم أنهم لم يدركوا المعنى الحقيقى للحب والمودة والرحمة من البداية ؟؟

ذلك الحب الذى يسعد لنا أيامنا ويجمل حياتنا ويملأ الدنيا من حولنا بهجة وسرور ..

الحب الذى يرقى بمشاعر الإنسان وأحاسيسه إلى نقطة هى الأكثر أدباً وفضيلة ونبلاً وخلقاً

قديما ونحن صغار كنا نستمع إلى دروس الحب الجميل فى حكايات الشاطر حسن وست الحسن والجمال وكنا نشعر من خلالها أن الحياة ليس بها سوى الحب الذى يجمع بين الناس وبعضهم فى مودة ورحمة .. ولا مكان لقلوب تحمل الكراهية والغل والحقد والغيرة .

ويوماً بعد يوم وعام بعد أخر نكتشف الحقيقة المؤلمة وأن حكاية الشاطر حسن مع ست الحسن ليست سوى أسطورة انتقلت إلى مسامعنا وكأنها تقول لنا بلسان حالها أين ذلك الحب فى أيامكم هذه وكأنها أرادت أن تثبت لنا حقيقة أن الحب مات وقتل .. بأيدينا ولا عزاء للمحبين

أحداث .. جرائم .. جراح وألم .. كأنها تنصب لنا شادراً لتلقى فيه عزاء الحب الذى انتقل مأسوفاً عليه إلى رحمة الله

ولكننا لو أدركنا معنى الحب الحقيقى من البداية لن نجد المبررات لموته فلن يكون هناك ما يدعو إلى التخلص منه وتركه تائهاً يبحث عن قلوباً يسكنها .

لكنى لم أسلم بعد بموت الحب .. وشعورى بأنها محاولة لزرع الكره والحقد من الكارهين فهم يحقدوا على المحبين .. يريدون قتل الحب والتخلص منه لينتشروا محله فى قلوب الجميع .. ولا عزاء للمحبين

ولكن سنحاول معاً أن نثبت وجوده بيننا ..

فلننظر إلى الحب الحقيقى مع قصة امرأة الحطاب التى بشرها الرسول الكريم صلى الله عليه وسلم بالجنة..

فقد كانت تشعر بمعاناة زوجها وتعبه فى سبيل الزرق فتعد له الماء البارد والطعام وتستقبله فى اجمل الثياب وتعلو وجهها ابتسامة حب ورضا

فكم كانت تحب زوجها حباً عظيماً

اين نحن ونساء عصرنا هذا من تلك المرأة

الأن المرأة التى تطالب بالمساواة

تقف أمام زوجها فى المحاكم

(تعمل راسها براسه)

تتناسى صوت قلبها المحب

العطوف والحنون ...

وتصبح كالجماد بلا مشاعر ولا أحاسيس

كيف وهى التى كانت مصدراً ومنبعاً للحب والحنان

وكما هو الحال مع امرأة الحطاب

هناك الرجل المحب الحنون والعطوف

ذلك الرجل الذى يحمل لشريكته كل الحب والود والوفاء

يقدر لها دوماً ما تصنعه من أجله

لا يجرحها ولا يهينها ..

ويبقى ايضاً هو الطرف الأقوى ومكانته دائماً محفوظة

فسر الحب ليس فى رسائل غرام وكلمات معسولة يتفوه بها كل يوم الكثير ممن يدعون الحب وقلوبهم مغلقة أبعد من أن يسكنها أى احساس طيب

الحب نلمسه فى الرضا والقناعة بالقليل .. ابتسامة صادقة تعلو شفاهنا .. كلمة طيبة هى ما يتفوه بها لساننا دائماً .. جمال فى الخلق والخلقة .. صفاء قلب وعقل ينقلنا إلى بحور الحب والود والعطف والحنان

فلا نلومه ونتهمه باطلاً فإن كان قتل فنحن من قتلناه بأيدينا .. ننسى كل شئ فى لحظة غضب ، شيطان الكره يوسوس فى قلوبنا بعدم الرضا بما أنعم الله به علينا .. ويجلس على كرسى المخرج ليصور لنا مشهداً من بلاتوهات الجراح والألم واستوديوهات الحب الضائع ويخرج لنا فى النهاية مشهداً لجنازة الحب الذى سار فيه آلاف وآلاف من المحبين والعاشقين

"
"
"

* أجمل وأسمى حب فى الوجود *

~ أنه حب الله ~

أول حب يجب أن نملأ به قلوبنا .. فحب الله يجعلنا ننظر إلى حياتنا بعيون بريئة وقلوب محبة والذى يقودنا إلى حب الحياة وحب من يعيشها ويحياها ... فنقبل على الحياة وعلى الآخرين بقلوب متفائلة ومحبة للخير .

فصفاء القلب والنفس من الكره والبغيضة والسمو بها هو طريقنا إلى الحب الصادق الطاهر والبرئ

هناك فى حياتنا قلوباً كثيرة تحمل داخلها الكره والحقد والغيرة والحسد .. حتى أعمت مشاعرهم البغيضة النور عن أعينهم والإحساس عن قلوبهم وكله فى سبيل تحقيق مصالح دنيوية .. نراهم فى حياتنا لنبصم بأصابع أيدينا العشرة (أن الحب مات وشبع موت)

ولكن مهلاً...

فمازالت هناك القلوب الطاهرة البريئة التى لا تحمل داخلها سوى حباً واخلاصاً ووفاءاً لا متناهى ..

قلوباً تقطنها السكينة والهدوء والطمأنينة ترى الظلام فى عينها نوراً وذلك الأحساس الطيب الذى يسكنها والنابع من حب الله وحب الحياة

فالحب يصمد أمام تيارات الحاقدين والكارهين .. يظل شامخاً قوياً مهما تصدت له القلوب والمشاعر المعادية

"
"

- نراه فى نظرة حنونة من ابن بار لوالده ولوالدته .. تحمله لهم بحب ورضا بعدما كبروا سناً واحتاجوه يوماً ليرد لهم جزءاً من حبهم وتضحيتهم من أجله

- نراه فى قلب أب وأم ضحوا وتحملوا الكثير دون تعب أو ملل بل بكل حب من أجل سعادة أولادهم

- نراه بين صديق وصديقه وقلبهم الذى يحمل كل الود والوفاء للآخر .. وقوفهم بجوار بعضهم فى الأفراح وفى الشدائد ليس سوى حب صادق نابع من القلوب الصافية

- نراه بين العاشقين اللذان جمع الحب بين قلبيهم ليكون كل واحد منهم مكمل للآخر ويصبحوا قلباً واحد لا يتجزأ مهما مرت الأيام

- نراه فيما نحن نسير فى حياتنا وأيامنا .. مساعدة المحتاجين .. رد المظالم .. قول كلمة حق .. تشابك ايدينا كالاخوة وخوفنا على بعض وكله بقلوب محبة للخير وللحياة وللجميع .

وعلى ذلك فليس هناك من دافع أو مبرر لقتل الحب بداخلنا .. بل الأبدى أن نفهم الحب جيداً ونملأ به قلوبنا

وكيف نتعامل مع الآخرين بقلوب ملؤها الود والخير والوفاء

قد تكون الشواهد توحى بموت الحب وفنائه ..

ولكننا يجب أن ندرك أنه ما زال موجوداً بيننا .. يحاول التمسك بحقه فى الحياة بين القلوب ..

~/~

خلاصة قولنا ..

"أن الحب قد يموت فى قلب ولكنه يصحو فى قلب آخر"

والآن لكل من قرأ كلماتى ..

/

هل مات الحب حقاًً .. ولا عزاء للمحبين ؟؟

أم أنه عاد ليحيا من جديد .. ولا عزاء للكارهين ؟؟

دمتم بكل الود والحب
خالص تحيــــــــــــــــــاتى ،،

[البرنس رامى]

أختى المحترمه نونا

طبعا فى البدايه احييكى على مجهودك

فى كتابه الموضوع الهام جداا

لاعزاء للمحبين وبجد تسلم ايدك اختى نونا

بالنسبه لهذه المقوله

إن دخل الفقر من الباب ... هرب الحب من الشباك

سمعت عنها كتير فعلا ولكن الفقر المادى يكون

فى بدايه العلاقه الزوجيه ولكن يوجد فقر أخر وهو

فقر المشاعر العاطفيه وهذا يكون بعد الأرتباط

الحب موجود فى كل شىء فى حياتنا

ولكن من يعرف الحب ومين يفهمه اصبح الناس

شاغلهم الأكبر الماده ووطبعا البحث عن الماده

جعل عند الناس برود عاطفى وطبعا طالما فيه

بحث عن الماده يبقى فيه فقر يبقى اختفى الحب

نعمل ايه فى الحاله دى بقى عاوزين محلل بحيث

يدرس حاله الشعب هههههههه:vb19: بجد يانونا لو

اتكلمنا فى الموضوع ده هنتكلم كتير ومش

هنلاقى له حل غير حل واحد ايه هو لازم ننعش

العاطفه ازاى دى بقى >> اقولك نبدأ بأنفسنا نحب

بعض نخاف على بعض بدون مصلحه وفى الحاله

دى اعدك اننا سوف نجد الحب الحقيقى ولا هيبقى

فيه فقر مادى ولا فقر عاطفى وفى النهايه اشكرك

اختى المحترمه على موضوعك الجميل >>>>>>

وشكر لكى اختى نونا

[SiLver Spectra]

شوفي يا نهى...

أنا شخصيا بصنف الحب نوعين

حب فطري : زي حب الأم لعيالها

و حب مكتسب بتكتسبه من حياتك

النوع الأول قائم لا محالة

أما التاني فهو متغير بتغير المكتسب

يعني ممكن تحب شخص و بعدين الحب يقلب ل180 و يتحول لكره لأي سبب كان



إحنا دايما بنلقي باللوم على عصرنا أو أجيالنا

و نقول مافيش حب ....

و دايما بنقيس نظرتنا بحدث معين أو جريمة

و بعدها أعتبر الناس كلها سفاحين!!


الحب و الكره زي ما ذكرتي موجودين منذ خلق البشرية

دا يزيد شوية و التاني ينقص لكن الإتنين متوازيين

زي طاقة الحركة و الوضع في الفيزياء
:vb19:

زيها زي الأخلاق

بردوا دايما الناس تقولك بتوع زمان كانوا أخلاق و الزمن الجميل!!

طيب لما أنا بتفرج على فيلم أبيض و إسود....هل بشوف الناس محترمه فعلا!!

لما بشوف البطل بيقبل البطله أو غيرها من المشاهد

مش هو دا الزمن الجميل إلي بنغني بيه

دلوقتي لما يفكروا يعملوا زيهم نقول دا فساد أخلاقي!!

دا بيخلي الواحد يفكر

هل الدنيا فعلا كانت أحسن من كدا زمان

إجابتي أنا شخصيا : الدنيا زي ما هي

لا بتزيد و لا بتقل

فقط المعطيات هي إلي بتتغير...و بيصاحبها متغيرات فكرية




موضوعك روعة يا نونا

و مجهودك عالي فيه

يستاهل التقييم


تحياتي

[عازف الاحساس]

تحياتي ليكي يا نهى طبعا موضوع جميل جدا ومهم جدا
بس انا عندي تعليق على حاجه

الزمن بتعنا متغيرش كل حاجه زي ما هيا ا
الارض هي الارض والزرع هو الزرع والنيل هو النيل
لكن في حاجه تغيرت وهي ديه اهم حاجه هي الي غيرت الزمن كله
طبعا في حاجه اسمها تكنولوجيا
وفي حاجه اسمها بشريه

ولعلمك الحاجتين دول اساسين في تغير الزمان وخلو الحب مايبقاش موجود

طيب انا هقولك ازاي
زمان ايام جدي وجدك كان الواحد يشوف عرسته مره واحده ويروح يطلب ايديها
ومكنش فيه حاجه اسمها ماذون وكلام دا لا كان فيه اشهار وموافقه من العروسه وابوها

انما دلوقتي ما شاء الله بقيت الجوزات والحب بيحصل وهما قاعدين على الكمبيوتر على النت
من غير ما تشوفه ولى يشوفها ويبدا الحب بنهم وفي الاخر يطلع وهم كداب
طبعا مش كله

دا بالنسبه للتكنولوجيا


بالنسبه للبشريه
هما دول الي خلوا الحب بقى في العنايه المركزه يعني في فتراته الاخير
يعني يا امى يحفظه عليه يا ما الحب دا فعلا هيموت ومش هنعرف نرجعه تاني

الحب دا شي جميل جدا ط
طبعا الحب انواع يا نهى
منها الحب الغريزي زي حب الام لابنها او حب الابن لامه
ومنها الحب العاطفي الي بيتدولد بيدينا احنا ونقدر نخليه صادق او كداب
مش شرط انه يكون حب عاطفي
لا في حب الصديق وحب الصديقه


بس دلوقتي بقت انواع الحب كتيره قوي بقى

منها حب الغرائز والشهوات
ومنها حب المصلحه
ومنها حب المااال
الحب بقى انواع واشكال وكله بيدخل بمسمى واحد هو الحب


فالعيب فعلا على البشر مش على الزمن

وفعلا لو فضلنا زي محنا كده
هيبقى اخرنا

لاعزاء للمحبين





تحياااااااااااااااااتي


فــــ هـــ شـــ ا م ــــارس

[حنـــــون]

نونا بجد انا مش عارفه اقولك ايه موضوع غايه فى الجمال بجد استمتعت

جداااااااااااااا بقرئته ولكن اكيد لا عزاء للكارهين اكيد الحب موجود وحيفضل

موجود مهما حصل فى دنيتنا من تغيرات بشريه اكيد الحب هيفضل موجود

اكيد كل انسان قلبوا بينبض بحب الله اكيد اكيد دا انسان عندوا القدره على

حب جميع الناس وكل المشاهد الى ذكرتيها فهى مشاهد لنفوس ضعيفه

بتستسلم لوسوسه الشيطان وبتسلم كل حبها واحساسها لعدم الرضا

ودا الى بيخلى الحب يهرب من الشباك بس صدقينى فى قصص حب

ممكن تعيش فى ظروف اسوء بكتير مما نتخيل لانها بتكون حقيقيه

واصحبها بيكونوا عندهم قدره على الحب الى اخر مدى العيب مش فى

الحب او الزمن العيب فى البشر الى نفوسها ضعيفه والى بتستسلم

لاول مشكله بتصدفها ولكن فى النهايه هيفضل الحب موجود وهيفضل فى قولب بتنبض

بالحب وبالنسبلها الحب هو الحياه بحيكى جدااااااااااااا يانونا على موضوع الاكثر من رائع

بجد موضوع يستحق التقدير تحياااااااااااااااااااااتى اختك حنون

[noona]

اقتباس:
المشاركة الأصلية كتبت بواسطة البرنس رامى

أختى المحترمه نونا




طبعا فى البدايه احييكى على مجهودك




فى كتابه الموضوع الهام جداا




لاعزاء للمحبين وبجد تسلم ايدك اختى نونا


تسلم يا رامى ربنا يخليك



بالنسبه لهذه المقوله




إن دخل الفقر من الباب ... هرب الحب من الشباك



سمعت عنها كتير فعلا ولكن الفقر المادى يكون



فى بدايه العلاقه الزوجيه ولكن يوجد فقر أخر وهو



فقر المشاعر العاطفيه وهذا يكون بعد الأرتباط


برغم انى مقصدتش من المقولة دى غير انى ادى مثال بس لانى لما فكرت فى اشهر الاسباب اللى ممكن تخلى الحب يهرب

لقيت انها اغلبها اسباب مادية .. سعى الناس وراء الرزق والحاجة وممكن ميكونش فى مقابل وده بيخليهم ينسوا احاسيسهم ومشاعرهم تجاه الاخرين .. ويبدأوا يتصرفوا تصرفات بتنسى اى حاجة حلوة بينهم

لكن انت بردو قلت نقطة حلوة هى الفقر العاطفى بغض النظر عن اذا كانت دى طبيعة فى الشخصية او انها جدت بعد الارتباط
لان فى ناس كتير كده بتفتقر المشاعر الجميلة بطبعها تجاه الاخرين او بمعنى اخر مش بتحاول انها تفتح قلبها للغير ومش عندها استعداد انها تعطى اى مشاعر ايجابية

للأسف ممكن تكون مكتسبة من البيئة المحيطة اللى منمتش فيه انه يحب الناس ويتعامل بالود والخير والتسامح .. وبيكون فى الغالب شخصية انانية مش بتفكر غير فى نفسها

وعموما هو برغم ان سبب الفقر المادى ده منتشر جدا بسبب الظروف الاقتصادية ولكنى انا شايفة انه مش سبب واقعى >> احنا بس اللى بيتهيألنا كده لكن القلوب اللى بتحب بجد ومن قلبها متأثرش فيها اسباب زى دى


الحب موجود فى كل شىء فى حياتنا



ولكن من يعرف الحب ومين يفهمه اصبح الناس



شاغلهم الأكبر الماده ووطبعا البحث عن الماده



جعل عند الناس برود عاطفى وطبعا طالما فيه



بحث عن الماده يبقى فيه فقر يبقى اختفى الحب



نعمل ايه فى الحاله دى بقى عاوزين محلل بحيث



يدرس حاله الشعب هههههههه:vb19: بجد يانونا لو



اتكلمنا فى الموضوع ده هنتكلم كتير ومش



هنلاقى له حل غير حل واحد ايه هو لازم ننعش



العاطفه ازاى دى بقى >> اقولك نبدأ بأنفسنا نحب



بعض نخاف على بعض بدون مصلحه وفى الحاله



دى اعدك اننا سوف نجد الحب الحقيقى ولا هيبقى



فيه فقر مادى ولا فقر عاطفى

فعلا احنا محتاجين ننسى اى مسائل مادية ودنيوية ممكن تضيع علينا اى احساس جميل تجاه الناس .. حب الاخرين ده اللى بيفضل فى حياتنا بيحسسنا بجمالها ومعناها .. ما فى ناس كتير قدرت تحقق مكاسب مادية ودنيوية كبيرة لكن للاسف مقدرتش تكسب قلوب الناس اللى حواليها

وزى ما قلت حب الله وحب الحياة حيخلينا دايما قلوبنا صافية ومتسامحة ومحدش بيفتكر لحد غير الخير وننسى الكره والاحقاد اللى ملأ حياتنا

وفى النهايه اشكرك



اختى المحترمه على موضوعك الجميل >>>>>>



وشكر لكى اختى نونا



الف شكر يا رامى على مرورك وتواجدك الجميل

نورت الموضوع بردك الرائع ومشاركتك فيه

وتمنياتى دايمااا بحياة ملؤها السعادة والود والحب

خالص تحياتى وتقديرى ،،،

[noona]

اقتباس:
المشاركة الأصلية كتبت بواسطة SiLver Spectra

شوفي يا نهى...

أنا شخصيا بصنف الحب نوعين

حب فطري : زي حب الأم لعيالها

و حب مكتسب بتكتسبه من حياتك

النوع الأول قائم لا محالة

أما التاني فهو متغير بتغير المكتسب

يعني ممكن تحب شخص و بعدين الحب يقلب ل180 و يتحول لكره لأي سبب كان



إحنا دايما بنلقي باللوم على عصرنا أو أجيالنا

و نقول مافيش حب ....

و دايما بنقيس نظرتنا بحدث معين أو جريمة

و بعدها أعتبر الناس كلها سفاحين!!


الحب و الكره زي ما ذكرتي موجودين منذ خلق البشرية

دا يزيد شوية و التاني ينقص لكن الإتنين متوازيين

زي طاقة الحركة و الوضع في الفيزياء
:vb19:

زيها زي الأخلاق

بردوا دايما الناس تقولك بتوع زمان كانوا أخلاق و الزمن الجميل!!

طيب لما أنا بتفرج على فيلم أبيض و إسود....هل بشوف الناس محترمه فعلا!!

لما بشوف البطل بيقبل البطله أو غيرها من المشاهد

مش هو دا الزمن الجميل إلي بنغني بيه

دلوقتي لما يفكروا يعملوا زيهم نقول دا فساد أخلاقي!!

دا بيخلي الواحد يفكر

هل الدنيا فعلا كانت أحسن من كدا زمان

إجابتي أنا شخصيا : الدنيا زي ما هي

لا بتزيد و لا بتقل

فقط المعطيات هي إلي بتتغير...و بيصاحبها متغيرات فكرية




موضوعك روعة يا نونا

و مجهودك عالي فيه

يستاهل التقييم


تحياتي




اهلااااا يا طارق

شوف بقى ...

الحب الفطرى او حب الام لاولادها ده شئ مفروغ منه

وان حصل غير كده بتبقى حالات استثنائية

والحب ده انا مشككتش فى وجوده لكن من خلاله حبيت اثبت ان لسه فى مشاعر طيبة فى قلوب الناس ...

حتى لو كانت بالفطرة ..

يعنى الطبيعى ان الابناء يحبوا ابائهم >> وده بالفطرة بردو

لكن تعالى اسمع عن حكايات عقوق الوالدين اللى بقينا بنشوفها كتير
اللى بيودى والدته دار للمسنين .. عشان خاطر ميتقلش على نفسه وعلى مراته

اللى بيقتل اعز الحبايب عشان خاطر فلوس او كده ..

بجد بقينا بنسمع حاجات عجيبة ومؤلمة جدااا

واقول ياربى الناس دى قلوبها راحت فين عشان تعمل كده

سواء كان فطرى او مكتسب فبجد بدون مبالغة فى ناس قلوبها ماتت

وعموما اللى يقول ان زمان مكنش فيه كده .. لا طبعا الكره والاحقاد والغيرة موجودة من زمان

بدليل قصة قابيل وهابيل ..

اللى المفروض ان الحب بينهم فطرى

وقصص غيرها كتير

الخير والشر موجود من بداية وجود ابن ادم على الارض

وحيفضل موجود لحد الحياة ما تنتهى ...

احنا مش بنحلم بمجتمع مثالى كل اللى فيه عندهم قلب وبيحبوا اللى حواليهم

لان ده عمره ما حيحصل .. طول ما نزعة الشر موجودة

لكن بنتمنى حتى ان الشر والحقد والكره ما يعمش وما ينتشرش ويغطى على كل حاجة جميلة فى حياتنا

مش عايزين ننسى عواطفنا فى زماننا اللى بقت فيه كل تعاملتنا مع بعض تعاملات مادية وجافة مبينة على المصالح
"
"

نورت يا طارق الموضوع بمرورك وردك الجميل

منتحرمش من تواجدك

خالص تحياتى وتقديرى ،،،

[wessa]

اختى الجميله نونا

اعجبنى موضوعك بدرجه كبيره ورغم طوله فقد اجبرتنى على قراءته حتى النهايه

وكان قلبى يأسف لما يحدث حولى

وكنت اسأل نفسى لما يملأ الكره القلوب

اين ذهب الحب

اين الود والرحمه

اصبحنا لانبالى الا لمصالحنا الشخصيه كل يجرى لنفسه

ولا احد يبالى لغيره والكثير يعيش بمبدأ الشيطان مبدأ انا ومن ورائى الطوفان

اين تعاليم الدين السمح دين السلام والمحبه دين الرحمه ديننا دين الاسلام

اتمنى فى النهايه ان اختار جمله انهيتى بها مقالك وهى ما تمناه

أم أنه عاد ليحيا من جديد .. ولا عزاء للكارهين ؟؟

مع تحياتى

وسام

[قلم بلا حبر]

اقتباس هل مات الحب حقاًً .. ولا عزاء للمحبين ؟؟ أم أنه عاد ليحيا من جديد .. ولا عزاء للكارهين ؟؟

طالعت موضوعك بانبهار لما اقرأ

حقا تسلسل رائع للآفكار ,, هدف تسعى لتحقيقه واثباته

دلائل وشواهد ,,

بلاغه ومرادفات قد لا يألفها البعض ولكنها هى من منحت الموضوع رونق خاص به

تذكرت أثناء قراءتى لموضوعك ما تغنت به ام كلثوم فى رائعتها (( سيرة الحب ))

اقتباس ياللى ظلمتوا الحب وقلتوا وعدتوا عليه قلتوا عليه مش عارف إيه العيب فيكم يا فى حبايبكم أما الحب ياروحى عليه

ذاك الكيان الموجود منذ بدء الخليقه ,,, والمؤكد بقاءه ابد الدهر

انه المعنى الذى يعرفه الجميع وهو للآسف يعرف البعض

يتشدق به الكثره ولا نجده الا فى القله

بات من الواهن جدا ان ننسب اليه صراعات او اختلافات او احداث

هى فى الآساس من محدثاتنا على سطح المعموره

تمزقت الدعوات وباتت غير مجديه

ولا سيما اذا كانت موجهه الى فئه لا تكترث كثيرا بتلك الآقاويل

وعلى الصعيد الآخر نجد المدعين لانفسهم بهذا الحق دون غيرهم

هو جدال ’’’’’’’ والكيان المسمى ب (( الحب )) فى منأى عنه

فهو متاح وموجود ولكن قد تطالعه وقد تقترب منه

لكن الآجمل ان تلمسه فى كهف حياه اكتست عن أخرها بالآحقاد والصراعات

لكى كل التقدير على ما بذلتيه من جهد فى اثراء القسم بتلك القيمه

*****

اعتدت فى الاونه الاخيره ان ادمج الفصحى بالعاميه حتى يسهل التواصل للجميع

لكن امام هذا المجهود لا يسعنى الا ذكر

((( لكل مقام مقال )))

ومقام الموضوع هنا يحتم احترام ما جاء به من فكر ناضج والحديث عنه بنفس لغته

خالص تقديرى

تحيااااااااااااااااااااااااتى"""""""""

[Mahmoud Mohie]

اقتباس " إن دخل الفقر من الباب ... هرب الحب من الشباك

كلما اسمع هذه المقوله

لا اقتنع انه الفقر المقصود بالفقر

ولكنه الفقر الذى يدعى بفقر الحب

عندما يدخل الحب من الباب

اى عند الزواج فى بضع لحظات ينتهى الحب

ينتهى كل شيئ من حب وسعادة

نأتى للكره لا بالمعنى المفهوم كرها

ولكن اصبح البحث عن الماديات اكثر من البحث عن الحب

اقتباس ولكننا يجب أن ندرك أنه ما زال موجوداً بيننا .. يحاول التمسك بحقه فى الحياة بين القلوب

طبعا كلامكـ صح فالحب مازال متواجد

والحب لا ينتهى حتى بمرور الزمن

اختى

رائع الموضوع

استمتعت حقا بقرائته

رائعه فى التنسيق

اقبلى احترامى

اخوكـى

ma7moud