موقف مضحك حصلك فى اليوميات

[Stop Ana Eltop]

السلام عليكم ورحمة الله وبركاته

ازيكم عاملين ايه ان شاء الله

طبعا قسم اليوميات ومشرفيه غنيين عن التعريف بس انا احب اقولكم انه مشرفيه دول فظعييين جداا
مابيحبوش يكسبوا حد ابداا واكن المشاركات او النجوم من جيبهم وطبعا كلنا عارفين كدا مش محتاجه اوضح يعنى

الموهيم مورشو مستقصدنى ومش راضى يكسبنى وانا هفضل وراه لحد ما اكسب ان شاء الله

ورقم 3 كان بيقول

اقتباس رقم ( 3 ) مطلوب منك تنزل توبيك فى اليوميات عن موقف مضحك حصلك

وانا محصليش مواقف مضحكه قبل كدا انا شخصيه نكديه واتمه

بس بما انه دا التوبيك الاول والاخير ليا فى اليوميات

هطلع فيه كل مواهبى وانتوا انبهروا ماشى انبهروا وانتوا ساكتين

اول موقف سخيف ولاهو مضحك ولا هباب

بما اننا مش فى المدينه السوق بتاعنا بيبقى يوم واحد وهو يوم الجمعه
وانا كنت بروح السوق مع مرات عمى
وبعدين انا كنت ماشيه فى الشارع وماسكه اكياس وكان فيه ميه على الارض وانا ماشوفتهاش
واتزحلقت بس لما وقعت وقعت زى لاعبات الباليه كدا عارفينهم
الى بيبقوا رجل ورا ورجل قدام الكلام دا من حوالى 5 سنين
الموهيم انا بصيت يمين شمال وقمت شلت الاكياس الى كانت فى ايدى ومشيت ولا اكن حاجه حصلت
برنسس ماشيه يا ولاد

( ايه المضحك فى كدا موش فاهمه )

الموقف التانى
وانا صغنتوته كدا فى فرح بنت خالتى الى من المحله الكبرى مش الصغرى
والى شقتهم فى الدور التانى والفرن الى بيسوا فيه الاكل فى الدور السادس
والمفروض اصغر واحد الى هى انا تنزل تجيب الى هما عاوزينه وتطلعه ليهم بسرعه
خدى يا هبه ودى يا هبه انزلى يا هبه اطلعى يا هبه فايه بقن
هبه زهقت
وكان اخر طلب انى انزل من الدور السادس للدور التانى كوباية شاى فاضيه
وانا من ديقتى رميت تفل الشاى على الجدار وعطيت الكوبايه لبنت خالتى الى كانت بتغسل المواعين وطبعا شافت التفل
الموهيم امى وخالاتى وهما نازلين شافوا التفل على الحيطه وقالوا بسسس دا عمل عشان يبوظ جوازة البت
وجابوا ميه وملح وشطه وكمون وفضلوا يقرأوا قران علي الميه ويرشوها بطرف صوابعهم ( قال يعنى بيفسدوا العمل )
وانا من خوفى مقدرتش اتكلم وقولتلهم ااه دا اكيد عمل وبنت خالتى الى كانت بتغسل فاكرينها
يصتلى بعنيها كدا وزغرتلى وقالتلى انتى الى كابه الشاى دا صح
قالتله لاء طبعا انتى هطله دا عمل
وبنت خالتى ( العروسه موش الى بتغسل ) اتجوزت وخلفت 2 عيل ولسه مفكرين انه تفل الشاى عمل
( ايه المضحك فى كدا بردك مش فاهمه )

جماعه
انا عارفه انه المواقف دى بايخه بس ذاكرتى مش حضرانى دلوقتى
غير انى قولتلكوا انى شخصيه اتمه اصلا ودمها تقيل
بس التوبيك دا اجبارى
اعذرونى بقن

[morshooo]

هههههههههههه
مفيش صورة طيب للباليه الى عملتيه
اكيد كانت جامدا
^_^

وبخصوص العمل ماشاء الله عليكى
جابو من ورا التفل عيلين اومال لو كان
بن قهوة كانو عملو ايه اهبه
^_^

ان شاء الله مش هيكون اخر توبيك فى اليوميات
شكلك هتنورينا دائما اهبه
^^

[Stop Ana Eltop]

ايه رايك وانا بحكى قصة حياتى ^_^

[Caramilla]

ههههههههههههههه الله ينور ياقمر
عجبني الموقف التاني اكتر
ال عمل ال
وسلامة رجلك
منوره القسم طبعا
وان شاء الله مش اخر موضوع ليكي لاني بجد استمتعت بالقرايه

[احساسى صحيح]

ههههههههههه
لا والله دمك خفيف جدا يا هبه ليه بتقولى على نفسك كده
وعقبال بنت خالتك ما ترد لك العمل
وتتجوزى انتى كمان وتخلفى اتنين زيها

[Silver Flower]

ههههههه
الظاهر في مواقف كتير بس يلا ربنا ستار حليم هههه
انتي قصه
انا لو منك اعمل شيخه وأبطل العمل ده
حبيبتي مواقف حلوه اكيد

[Reem♡A|❀]

هههههههههههههههههههههههههههههههههههههههههههه
ههههههههههههههههههههههههههههههههههههه
توؤحفةةة ي بنتى والله

[ايمان طلعت]

والله انى حكايه
دة كفايه طريقتك وانتى بتحكى
حلو اوى باليه بحيرة البجع اللى عملتيه دة
والاهم انك قمتى ولا كأن حاجه حصلت
ولا العمل يخرب بيت عقلك
ان شاء الله هتشرفى هنا كتير طول مانتى ماشيه ورا مورشوو

[العاشق الذى لم يتب]

كل ده حصلك ياهبة
وتقولى مش مواقف مضحكة
اناعن نفسى موت من الضحك
عليك وانت متزحلقة بالية
جميلة الزحلقة البليه
منورة اليوميات خالص
وماتسمعيش كلام مرشوخالص

[حلم عمري]

والله انتي عسل
موقف الوقعة دا فكرني بنفسي وقعت بردو وكانت الجو مطر وطين بقا
بس قمت روحت ولا كان فيه حاجة
وكنت هاتو قماشة امسحوا التفل خلاص العمل خلص :d
منورة يا قمر وان شاء الله مش اخر مرة