وسط الضلمة بريق

[دمعه حائره]

وسط الضلمة بريق ********* إن كان اليأس محاوطك وأيادى الهم عماله تهدك مدايق صوتك مخنوق مش شايف قدامك أى فروق عايش وحديك والحزن ماليك تتبعتر أحلامك من وسط إيديك مش فارقة معاك وخلاص مليت تايه وغريب وعن الكل داريت حط فى قلبك نية وأتمنى كمان أمنية بص لفوق وقول يا رب تتحقق ليا وصلي كتير من غير تفكير وأوعاك تزهق ليك رب كبير هاتلاقى الهم إتشال والصعب هايبقى محال سلم أمرك للخالق ده مابينساش مخلوق صدقنى هاترتاح والكون يبقى براح ومن وسط الضلمه هاتلاقى بريق للصح هايهديك ويحقق أمانيك ويفتح قدامك للفرح ألف طريق دمعه حائره 30-3-2014

[ساحر الأحزان]

وسط الضلمة حتلاقى بريق

يمد ليك أيدة

ويندة عليك

بسى انت المهم دور علية

وصبر

بكرة حتلاقية

عامية جميلة منة

بالتوفيق

[morshooo]

اكيد الواحد لازم يكون عنده امل

ومهما حصلنا لازم نشوف ولو ضوء

نحاول نوصله ومع التفائل والتقرب من الله

كلها حاجا بتتحقق

دعوة جميله منه

بالتوفيق

[حالمة باميرى]

حط فى قلبك نية وأتمنى كمان أمنية

بص لفوق وقول يا رب تتحقق ليا
بصى هقولك شعورى بطريقتى
وانا بقراء الجزء دة وفعلا اتمالت معاكى الكلمات
الاذان اذنوكنت بدعى ربنا يسهلى امورى
تسلمى منة وفعلا طول ما الواحد عندة امل فى ربنا
عمرة ما يياس ولا يحزن
كلماتك فى الصميم

وصلي كتير من غير تفكير

وأوعاك تزهق ليك رب كبير

[شاعر الإحساس]

ونعم بالله ...

ومن يتوكل على الله فهو حسبه ...

ومن يتق الله يجعل له مخرجا....

وماضاقت واستحكمت حلقاتها ,,الا وكما ضاقت فرجت

بإذن الله .....


شمس المنتدى....

ما اجمل لغتك العاميه المتميزه...

واسلوبك المتميز الراقي الجميل...

عزبه هي حروفك...متمكنه هي عاميتك...تخلو من الركاكه

وتخلو من الخلط....

اسلوبك الخاص ...هو دوماً عنوانك سيدتي...

واتمنى من الله عدم الانقطاع او الاقلال من الكتابه

فلمثل قلمك ...يجب ان يعطينا بلا بخل


دام نبض حروفك وقلمك

ودمتِ بكل خير وسعاده

تحياااتي وتقديري واحترامي


شاعر الإحساس

[العاشق الذى لم يتب]

وهل هناك أجمل من مناجاة الله الكريم المتعال
الذى يقول للشيئ كن فيكون
وماأعظم الإتكال عليه والرجاء منه والأمل فيه
أكرمك الله
أيتها الرائعة منة
وبارك فيك
مناجاة جليلة
ونصيحة عظيمة
دمت بخير
تحياتى وودى
رفعت كان هنا

[شاعر الحب الحزين]

الله الله الله الله الله

ياعيني على الكلمات الجميلة هو ده الكلام

إنتي دايما ليكي هدف من خلال كلماتك

وعاميتك جميلة جدا جدا والأجمل هو الأمل والإيمان

برب العالمين سبحانه وتعالى عندك حق في كل كلمة قلتيها

كلمات موزونة وجميلة وفيها أسمى معاني العيش الكريم والحياة الطيبة

أسعدني جدا قراءة كلماتك الجميلة وما تحمل من نصائح ومواعظ جميلة

احترامي وتقديري لكي وكل الشكر والتحية

[AHMED SEVEN]

حلو اللى نايم على السرير ده هه

كلمات رائعة عن الامل واللجوء ديما الى الله

تحياتى لابداعك ولقلمك المميز

مع تقييمى ..

[دمعه حائره]

اقتباس المشاركة الأصلية كتبت بواسطة ساحر الأحزان وسط الضلمة حتلاقى بريق يمد ليك أيدة ويندة عليك بسى انت المهم دور علية وصبر بكرة حتلاقية عامية جميلة منة بالتوفيق

شكرا امجد لحضورك وردك نورتنى

[دمعه حائره]

اقتباس المشاركة الأصلية كتبت بواسطة morshooo اكيد الواحد لازم يكون عنده امل ومهما حصلنا لازم نشوف ولو ضوء نحاول نوصله ومع التفائل والتقرب من الله كلها حاجا بتتحقق دعوة جميله منه بالتوفيق

اكيد القرب من ربنا مافيش احسن منه
شكرا مروشو نورتنى