يوم اليتيم

[دمعه حائره]

السلام عليكم ورحمة الله وبركاته
مناسبات كتير وأعياد بنحتفل بيها يمكن مش الهدف العيد نفسه
قد ماهو الهدف احياء عادات وقيم جميله قربت تختفى بينا
او صله رحم اتقطعت
زى عيد الام او عيد الحب وعيد الربيع
حتى لو فيه ناس تختلف على اهميتها او تمتنع عن الاحتفال بيها
ممكن بكلمه او مكالمه تحى علاقات قربت تنتهى

يوم اليتيم مناسبه من اهم المناسبات الاجتماعيه اللى لازم نتمسك بيها
ونحاول فى اليوم ده نعمل حاجه تنفعهم وتدخل السعادة على قلب كل يتيم
احساس اليتم احساس قاسي كله بردوة وحرمان من الاهتمام
الطفل اليتيم انسان حساس وعنده قناعه كبيره جدا
ممكن بكلمه او لمسه حنان يكتفى ويوصله الاحساس انه مش لوحده
حاول فى اليوم ده تعمل اى حاجه ولو بسيطه
شوف اى جمعيه خيريه وساهم معاهم فى الفاعليات اللى هاتتعمل
اسأل وشوف جمعيه الارومان مثلا
هايرحوا للاطفال ويجيبوا لبس جديد ولعب
وياخدوهم الملاهى او اى نادى قريب يقضوا اليوم معاهم
شارك معاهم ولو بكرتونه عصير او شويه بالونات ولعب
ولو مش هاتشترى حاجه ألعب معاهم اهتم بيهم واحكى ليهم حواديت
حسسهم انهم ليهم اخوات واهل بيزوروهم ويسألوا عليهم
ويسلام لو ناخد من اليوم ده اسلوب حياه
ونخليه يوم فى الاسبوع او كل اسبوعين
تزور اى دور رعايه تشوف ايه ناقصهم سواء حاجات ماديه او معنويه
دى مش هاتبقى خدمة ليهم وبس
دى خدمة ليك انت كمان هاتنفعك فى الدنيا والآخره
هاتحس قد ايه انت انسان واللى هاتعمله ده
هايدخل الطمأنينه فى قلب اليتيم وقلبك انت كمان
مش عيب تحكوا هاتعملوا ايه وتجاربكم لان الكل هايستفيد منها
ويمكن تبقوا قدوة يعملوا زيها
فى انتظار افكاركم هاتعملوا ايه فى يوم اليتيم

[حالمة باميرى]

والله يا منة انا من فترة كنت بروح مع الكشافة كل فترة كدة فى دار ايتام عندنا
كنا بنروح بس انا كنت بحب ادخل قسم الرضع
لدرجة ان فى طفل مسك فية ومش عاوز يسبنى وبجد وربنا
كنت ناوية اخدة اتبناة وربن عالم بس الظروف بقا وقتها منعت
انشالله لو قدرت اليوم دة هروح باذن الله واقضى اليوم معاهم باذن الله

[ايمان طلعت]

قال صل الله عليه وسلم
انا وكافل اليتيم كعاتين فى الجنه
واشار باصبعيه السبابه و الوسطى

اليتيم محتاج رعايه واعتمام ليس يوم فقط فى السنه بل فى كل الايام
وهذه الايام اتعدمت فيها الرحمه من القلوب فلهم الله ارحم بهم من البشر
لفته كريمه منك منه وربنا يجعلنا من فاعلين الخير
تحياتى وتقديرى

[العاشق الذى لم يتب]

يحكى عن بعض السلف انه قال:كنت فى بداية أمرى مكبا على المعاصى و شرب الخمر فظفرت يوما بصبى يتيم فقير
فأخذته و أحسنت اليه و أطعمته و كسوته وأدخلته الحمام و أزلت شعثه و اكرمته كما يكرم الرجل ولده بل و اكثر
فبت ليلة بعد ذلك فرأيت فى النوم أن القيامة قامت ودعيت الى الحساب و أمر بى الى النار لسوء ما كنت عليه من المعاصى
فسحبتنى الزبانية ليمضوا بى الى النار
وأنا بين أيديهم حقير ذليل يجرونى سحبا الى النار
واذا بذلك اليتيم قد اعترضنى بالطريق
وقال:خلوا عنه يا ملائكة ربى حتى أشفع له عند ربى انه قد احسن الى و اكرمنى
فقالت الملائكة نحن لم نؤمر بذلك
واذا النداء من قبل الله تعالى يقول
خلو عنه فقد وهبت له ما كان منه بشفاعة اليتيم و احسانه اليهفاستيقظت و تبت الى الله عز و جل و بذلت جهدى فى ايصال الرحمة الى الايتام
قال الرسول ((خير البيوت بيت فيه يتيم يحسن اليه و شر البيوت بيت فيه يتيم يساء اليه و احب عباد الله الى الله تعالى من اصطنع صنعا الى اليتيم او ارملة))
صدق رسول الله
ربنايوفقنا لإكرام اليتيم
شكرا لك
منة
بارك الله فيك
تحياتى وودى

[نور ونار]

الايتآم ليآ اتصآل بيهم خصوصآآ
اللى فى دور الرعايه او الملاجىء
المهم الاطفآل دول رغم انهم اه اطفال وصغيرين
بس عارفين كل حاجه وعارفين انت جاى تذكى عن صحتك
وترمى قرشين او لعبه او شويه اكل
او جآى فعلا تتفاعل معاهم
فعشان تروح يوم تعمل الحابه دول رغم انك قاصد خير
الطفل مش بتفاعل معاك ومعلومه بقآآ
العيال مش حساسه العيال عنيفه جدآآ
ودآ طبيعى جدآآ من الحياه اللى فرضت اسلوب معين
وانعدم فيهآ الحنان فدى وسيلته فى التعبير عن نفسه
يتشآقى ويلعب وكمان ياخذ منك موقف عدآئى
المهم عشان فعلا تكون زيارتك لهآ فايده
بقترح يكون الزياره بشكل مستمر اه مش كل يوم بس
كل فتره تعمل روابط وتسب ثقه الطفل ويحس بحنانك
لان الطفل مش بيثق فى حد اطلاقآآ وممكن يمارس عليك
تصرف عدآئى ياخد فونك يطلب فلوس وبيبقآ كمآن غير مهتم
فالاصح روح واتفاعل معاهم وقرب من حد معين
وبعدين دآ هيجيبلك بقيه النآآس وبكدآآ حنانك واحساسك وصل
بس يوم واحد زياره وتمشى
همآ متعودين ع النوع دآ من الزيارات وبالنسبه لهم
عامل زى كدآ وسورى ع التشبيه
لمآ تكون دآخل حديقه الحيوانات تتفرج على الاقفاص
بيبقآ وصلهم دآآ عشان كدآ بيكونوآ شرسين جدآآ
لانك من غير ما تحس بتجرحهم ..
فكرتى خلى اليوم دآآ بدايه لحاجات كتير جايه
وزيارات هتكون الصله وثيقه ..
===================
منون فكره ودعوه تحترم ..
يجعله فى ميزان حسناتك ...
تحيتى ..

[دمعه حائره]

طبيعى اى حد بيحس الفرق بين انك جاى محبه
وانك جاى تقضى واجب وتقيل عليك
انا اقصد هنا ننزل لتفكيرهم ونفسيتهم
عشان مش نجرحهم او نجيب لنفسنا مشاكل
وعادى لو حصل اى رد فعل عدائى
انا بشوفهم ضحيه وتصرف كل المجتمع مسئول عنه
منورين جميعا

[حَرفُُ هجآءّ]

جميله يامنه
والله انا كان نفسى حملة الاعمال الخيرية اللى عملناها تستمر
كفايه اننا بنجتمع ع الخير مع بعض وبنسعد اطفال مش محتاجه مساعده ماديه
اكتر ما هى محتاجه دعم معنوى
ده غير اننا كنا هنفرض وجودنا على ارض الواقع كأعضاء منتدى بنات مصر
ياريت ترجع الحمله دى تانى

[انجي_1]

بصفتي يتيمة الام والاب
وحاسة بكل يتيم في الدنيا دي
وعارفة مشاعرهم وهم حاسين بايه
احب اقول لهم ان احنا بجد يتامى وفاقدين الاهل
بس لينا رب كريم
شكرا ليكي على الموضوع يا قمر
وعلى الالتفاته الجميلة