عارف يعني ايه وحشتيني ؟

[phalsteen]

عارف يعني ايه وحشتني ؟



يعني احساس صغير عن كلمه من حروف كتير

عن احساسي ان الدنيا ضلمه واحنا في عز النهار
والليل مطول والسما مفهاش نجوم

عن احساسي ياتري بيضحك ومبسوط
ولا مكشر زيي وضارب بوز

عن خوفي وشوقي وحتي جفوني لما سبها النوم

عن اللون الاسود اللي بقي احب الواني
وعن العتمه والكآبه اللي سكنت حياتي

عن احساسي وانا بكلم صورك واشكيلها منك
واتمناها تسمع وترد بصوتك

لما اعاتب نفسي علي كل حاجة
واي حاجة عملتها وزعلتك مني
واقول منا اصلا مستهلش

لما ادعي ربنا واقوله لو يارب بعدته عني
علشان تعاقبني واحافظ عليه
انا خلاص عرفت غلطي
ومش هزعله تاني
بس رجعهولي


ولما اهرب من نفسي وارجع وافكر عن كل الحاجات الحلوة اللي معايا
الاقيـــــــــها لو ماكنتش منك تبقي بسببك

لــــــما تكون انت سبب في حياتي
اللي اتربيت علي ايده
واتعلمت منـــــــه
خـــــــــدلي حقي
كانلي سندي
وكنت عنده اغلي شئ

عن احساسي وانا بشكيلك وانت بتسمعني
وايديك اقرب من ايدي بتمسحلي دمعي

عن صوتك وانت بتدعي مع كل ادان
وانا واقفه اسمعه
واقولك تاني علشان اقول وراك

وحشتني

[العاشق الذى لم يتب]

أيه الكلام الكبيرده ياسما
ساعات بتحسسينى أنك وحيدة فى عالم الغربة
احاسيسك بتاخدى بعيد اوى
وده من شدة الخوف من اللى بيحصل فى شدة القرب من الحبيب
طبعا تحليل فلسفى شوية
بس حسيته فى كلماتك وفضفضتك الجميلة دى
تسملى
يسعدك ربى
تحياتى