مـاشـــــي يـــــــا زمـــــــــــن

[شاعر الحب الحزين]

ماشـــــي يــــــا زمـــــن وبراحتـــــك يـــــا سنيـــــــــن

عهـــــد عليـــا مـا تلمحش دموع عنيا وتشوفني حزين

كـــل مـــا أضحــــك تملانــــي دمـــــــوع

حبايبــي خدتهــم وراحـوا من غير رجـوع

عشان بقول الحق صوتي مبقاش مسموع

محـدش حاسس بيــا وراضــي بالجــــــــرح والأنيـــــــــن

الحــب والإخــلاص خــلاص بقــوا دقـــة قديمــــة

ولو إنتـا ملكـش قيمـة يبقى استحمـل الشتيمة

غرورنا واخدنا لسابع سما والنية مش سليمـــــة

متقوليش إنك بتحب وسيبني اسألك أنتا مين بيحبك ميــــن؟

رايحيــن عــلى فيـن وإيــه أخـــر الطريـــــق

وإحنا ف مشوارنا ملناش حبيب أو صديــــق

مبنعرفش نعوم ونازلين لبحر عميق غريــــق

بنكابر ونغامر على حساب حياتنا وغيرنا بيتمنوا الحياة مساكيــــن

حبايبي خانوني صحابي باعوني ماشي يا زمن

خلتنـي متغـرب بين أهلي وانا في أرض الوطـن

لا خليتنــي لعبـة رخيصــة ملهــاش أي تمــــــن

اللي يلعبهـا واللي يجربهـا وده حال الناس اللي ف حبهم مخلصيـــن

ماشــي يــا زمـــن أبقــى مــش أنــا لــو شفــت دمعـــي

هقوي واستقوى ومش هفضل بنفس صفاتــــــي وطبعـي

هبقى طيب مع الطيب واللي هيظلمني هيعرف ساعتها أنا ميـــــــــن

زمــن بيحســــب احترامنـــــا خــــــوف وضعـــــف

وبيحتـــرم اللــي بيتعامـــل بظلـــــــــم وعنـــــــف

في مجتمــع فقــد العادات والتقاليــــــد والعــــرف

خليك كويس مع نفسك عيب عليك تبقى محترم في زمن أهله غداريــــن



شـــــــــــــــــــــــــــــــــــــــــــــ . حـــــــــــــــــــــــــــــــــــــــــــــــــ ـــــــــ

[phalsteen]

مــــــــــاشي يا زمن
ومـــــعاك هعيش
هضحك بخفه وهقول برئ
مبقيش فاضلي من السنين
غير جرحي منك وسواد سنين
خليك معاند خليك جرئ
متسبش فرحي وياك يزيد

ماشي يا صاحبي
خليك حزين
اعملها واكتب
الحان حبيب
كفاياك تزود
جراح برئ

[اميره الشعر الشجين]

عجبك كدا يازمانى ... نيرانى تزيد واحلامى ... كدا بسهوله تدمر قدامى

ادى الدنيا وادى حالها اخى بس مفيش حاجه مستهله اخر دوووم التميز

[دمعه حائره]

العيب فى بعض الناس مش فى الزمن
افسدوا مفاهيم كتير بينا وضيعوا المبادىء وظلموا الطيبين
لكن الحق دايما بيكون على القمه مهما حاولوا دفنه والقضاء عليه
تسلم خالد ابدعت فى وصف تلك الحاله بمنتهى الاحساس

[محمود الصاروخ]

العيب فـ الناس ياصديقى .. !
صحيح صدق الى قال .. الكل بقى شمـال
واليمين مبقـاش شغـال

[شاعر الحب الحزين]

اقتباس المشاركة الأصلية كتبت بواسطة nefertiti مــــــــــاشي يا زمن ومـــــعاك هعيش هضحك بخفه وهقول برئ مبقيش فاضلي من السنين غير جرحي منك وسواد سنين خليك معاند خليك جرئ متسبش فرحي وياك يزيد ماشي يا صاحبي خليك حزين اعملها واكتب الحان حبيب كفاياك تزود جراح برئ

تسلمي جدا سما على مرورك

ووجودك وكلامك الرقيق نورتيني جدا

احترامي لكي

[شاعر الحب الحزين]

اقتباس المشاركة الأصلية كتبت بواسطة اميره الشعر الشجين عجبك كدا يازمانى ... نيرانى تزيد واحلامى ... كدا بسهوله تدمر قدامى ادى الدنيا وادى حالها اخى بس مفيش حاجه مستهله اخر دوووم التميز

أميرة الشعر نورتيني جدا بكلامك ووجودك

الجميل تسلمي جدا على وجودك الرقيق

احترامي لكي