يوم الاعترافات العالمي ^_^

[phalsteen]

ازيكم بئه
وعاملين ايه بئه
معلش مجتش انا النهاردة
بس مشغوليات بئه
حلوة مشغوليات دي
تحسوا اني شغاله في السلك الدبلوماسي

قدها وقدود اصلا
بس انا بخاف من الكهربا

نجي بئه للمهم

النــــــــهاردة بالنسبة ليا يوم الاعترافات العالمي

البدايه مع كوكي

زن علي باب الاوضه ادي الا اني صحيت

انا : عايزة ايه يا الجزمة
كوكي : لا دنا بسأل علي محمد
انا : حبكت هي الحنيه دلوقتي
كوكي : اصلي مش جايلي نوم
انا : والمطلوب خلينا انام ابوس ايديك
كوكي : عايزك في موضوع مهم
انا : امشي من ادامي الساعه دي صحيت الواد
لما ينام هنبقي نشوف الموضوع المهم دي
كوكي : مش هتكلميها بئه
انا : هي مين دي اللي هكلمها مش واخدة بالي
كوكي : ساندرا
انا : الله مش ساندرا دي المخرجة

اخــــــــويا بيحب اجدعان
وانا همــــــــوت من الغيظ
وعلي جثتي الحكايه تكمل بئه
ال علي اخر الزمن تجيي بتاعه تاخده مني
هي ناقصه يا اخويا

الساعه 11 علي ما القرد بتاعي نام وانت كنت علي وشك
لاقيت الفون بتاعي بيزن


انا : ايوة احنا اصتحبنا يا اختي عاوزة ايه
صبحتي : اسكتي با بت انا عاوزاكي في موضوع مهم
انا : ههههههههه تاني
صبحتي : مالك علي الصبح
انا : مماليش يا اختي ارغي منا موريش غير الاعترافات النهاردة
صبحتي : بابا عرف اني بحب
انا : طب ع البركه ولسه عايشه
صبحتي : انت دمك تقبل لما تفوقي هبقي اكملك الحكايه

ودي لسه هتكمل
يا خررررررررررررررررابي


التــــــــــالت

خالوا حبيب هارتي انا وربنا
لسه فاكر يجيي يشوف الواد
ومعاه المدام اللي مبتعرفش كلمتين عربي علي بعض

خالو : ايه دا اخر زمن عيال بيخلفوا عيال
انا : الله يخليك اخالوا وتاعب نفسك ليه بس
خالو : انتي لحقتي ولدتي وطفشتي الراجل
انا : انا مالي يا اخويا هو طفش لوحده بئه
خالوا : طب هوصل المدام وارجعلك بكرة بئه
اصلي عايزك في كام موضوع مهم كدة

انا : كـــــــــــام موضوع
اللي هو مش موضوع واحد يعني

الطم ولا اجيب لاطامه بالكهربا


اخــــــــــــيرا

بابا : ايه يا سما هو الواد لسه نايم
انا : اه يا بابا
بابا : طب هاتيه اشوفه وتعالي اتغدي معايا
عايزك في موضوع كدة
انا : الله
انت كمان بتحب يابابا
علشان كدة مش عاوز تتجوز وتجبلي حما
بابا : جواز ايه يا بت وحب ايه
لا حول ولا قوة الا بالله
هاتي الواد وتعالي يا سما




عايزة اناااااااااااااااااااااااااااام

[Reem♡A|❀]

هههههههههههههههههههههههههههههههههههههههههههه
ماشاءء الله العيله كلها حب ولافلافا = )))))))))

[phalsteen]

ايه لافافا دي يا بت انتي
شكلك عاوزة تنضربي اريم
اجري بالشكولاه بتاعتك دي من ادامي

[Reem♡A|❀]

انا لما محمد يجمد شوؤية هوؤصيه عليكى يحببك فى الشيكولاه
ععلشان انتى مش بتحبيهااا هخليه يأكلهـآلك غصب عنك = )))

[Silver Flower]

هههههههههه
طب شو بدك أحسن من هيك
أصلا لازم تنبصطي انك هيك كبيره او شي مهم والكل بيحبك وبده رأيك
طب أنا بدي أياكي بشي تلات مواضيع اربع ويمكن اكتر وربنا يسهل :d
حلوا الواحد يحس انه الناس بتحب رأيه وبتاخد فيه
والله يخليكم لبعض

[phalsteen]

اقتباس المشاركة الأصلية كتبت بواسطة reem♡a|❀ انا لما محمد يجمد شوؤية هوؤصيه عليكى يحببك فى الشيكولاه ععلشان انتى مش بتحبيهااا هخليه يأكلهـآلك غصب عنك = )))

انا ممكن اكل اي حاجة من ايد محمد
بس هو يجبلي بس

[phalsteen]

اقتباس المشاركة الأصلية كتبت بواسطة silver flower هههههههههه طب شو بدك أحسن من هيك أصلا لازم تنبصطي انك هيك كبيره او شي مهم والكل بيحبك وبده رأيك طب أنا بدي أياكي بشي تلات مواضيع اربع ويمكن اكتر وربنا يسهل :d حلوا الواحد يحس انه الناس بتحب رأيه وبتاخد فيه والله يخليكم لبعض

حلوة شئ مهم دي يا سارة
انا متنازله عن الاهميه بس يبطلوا زن ويسبوني انام
ربنا يخليكي حببتي
يعني مش كفايه موضوع واحد
ونأجل الباقي لبكره
هههه

[حالمة باميرى]

يعنى انا اقولك افصلى جرس التلفون والباب والموبايل اقفلية
ونيمى محمد وكدو محدش هيقدر يقلقك