بدلاء الزمالك يخطفون فوزا صعبا ومثيرا من دجلة

[აα∂ Ԑγεა]

حقق الفريق الأول لكرة القدم بنادي الزمالك
فوزا هاما للغاية على مضيفه وادي دجلة في مباراة الفريقين بالجولة الـ16
من مباريات المجموعة الثانية بالدوري المصري.






تقدم الزمالك بهدف لمحمود فتح الله من ركلة جزاء حصل عليها دومينيك داسيلفا
ثم تعادل وادي دجلة من ركلة جزاء ضد احمد توفيق

الذي احتك بتهور مع مصطفى طلعت لاعب وادي دجلة وضعها محمد عبد الواحد على يمين عبد الواحد السيد.



ومنح عبد الفتاح الأغا وادي دجلة التقدم بعد استغلاله انفراد تام بالمرمى
ليودع الكرة الشباك بسهولة كبيرة.



وأجرى احمد حسام ميدو مدرب الزمالك عدة تغييرات باشراك يوسف اوباما
الذي سجل هدف التعادل للفريق الأبيض من رأسية رائعة.



ومن بعد منح البديل مصطفى فتحي هدف الفوز للزمالك
حينما استلم كرة مؤمن زكريا وراوغ عصام الحضري ثم سدد رائعة بيسراه في شباك حارس وادي دجلة.



بهذا الفوز ارتفع رصيد الزمالك لـ19 نقطة في المركز الثالث
خلف بتروجيت والاسماعيلي وهو نفس رصيد حرس الحدود ووادي دجلة
غير أن الفريق الأبيض يمتلك مباراة مؤجلة.

[აα∂ Ԑγεა]

في فوز بيكون مجرد فوز , وفي هزيمة بتكون مجرد هزيمة
وعادي جدا كل الفرق بتفوز وبتخسر ,

لكن فوز الزمالك في ماتش االنهاردة اكبر من مجرد فوز بكتير
وهزيمه الفريق لو كانت تمت كانت هتكون القشة اللي ممكن تكسر ضهر الفريق !

بعد كل النتائج السلبية في الفتره اللي فاتت والتعادلات المستمرة
لو كان الفريق خسر النهاردة
كان بعد اولا عن القدرة علي المنافسه في المربع الذهبي
وكان ثانيا كل الشكوك هتحوم حولين الفريق ومدي نجاح تجربه ميدو

لكن الحمد لله الفريق عرف يخطف الفوز من فريق فعلا رائع ومميز
دجلة كان في مستوي راقي لكن بدلاء الزمالك صنعوا الفارق بمهاره واقتدار
دجلة سير المباراه زي ماهو بيحب لكن فرديات الزمالك قتلت دجلة في الاخير
فوز مهم , مشوق وممتع , قاتل و مستحق كذلك ,,
رغم اعترافي انه خساره دجلة ظالمة لمجهودهم الكبير

نقاط سريعه مني

@ فاول علي المنطقة واحمد سمير بيلعب يعني رعب !!
@ احمد توفيق في اقل مباره له رغم التألق في الفتره اللي فاتت
@ نور السيد نقط استفهام كبيرة حولين مستواه , لكنه كان فارق النهاردة بنزوله
@ عرفه السيد محتاج يركز ويستخدم دماغه ؟!
@ احمد علي غريب جدا ازاي تذبذب مستواه بعد البداية الناريه
@ فتح الله و ابراهيم رغم الاخطاء الا انهم عملو ماتش كبير
@ حازم هو روح الزمالك لكن الكل عرف دا وبقي بيحجم عليه
@ عبدالشافي متوازن لكن محتاجين اكتر من كده منه
@ مؤمن في اقل مبارياته منذ تولي احمد حسام ميدو تدريب الزمالك
@ عبدالواحد السيد بيعيش ازهي فتراته بعد سنين تخبط
@ اوباما ومصطفي فتحي مستقبل الكورة في نادي الزمالك ومصر !
@ محمد ابراهيم فعلا الملعب ملهوش طعم في عدم وجودك فيه يا حاوي !

[مصري بجد]

رغم عشقي للاهلي الا انني مبسوط جدا من تولي ميدو قيادة الزمالك فقد اعاد الانضباط الاخلاقي والتكتيكي للاعبين واثار فيهم الحماس بحيويته واخلاصه.............لكن برضه ماتفرحوش الدوري للاهلي واحنا هانشجع الزمالك بكل قوة ليحافظ علي بقاء بطولة ابطال الدوري في مصر

[აα∂ Ԑγεა]

اقتباس المشاركة الأصلية كتبت بواسطة مصري بجد رغم عشقي للاهلي الا انني مبسوط جدا من تولي ميدو قيادة الزمالك فقد اعاد الانضباط الاخلاقي والتكتيكي للاعبين واثار فيهم الحماس بحيويته واخلاصه.............لكن برضه ماتفرحوش الدوري للاهلي واحنا هانشجع الزمالك بكل قوة ليحافظ علي بقاء بطولة ابطال الدوري في مصر

اتمني يكون الشعور دا من القلب وانه يدوم
لكن في الحقيقة انا ضد انه النادي بيمثل بلده , لان دي مش موجوده في الواقع
الواقع بيقول النادي بيمثل نفسه ودا في كل الدنيا

يما سمعت انه الاهلي بيمثل مصر واما كان بيفوز بالبطولة
كانو بيستلمونا تقطيع وشتيمة وتريقة

لكن حلو الشعور دا منك واتمني انه يدوم زي ما قلت
نورت القسم بوجودك ومشاركتك
واتمني دايما تشاركنا وتتواجد وتتالق هنا

[Header]

انا اتفرجت على الماتش من الدقيقه 77

صديقي اللي كان بيتفرج ع الماتش قالي مصحتش ليه يا عم من بدري

واضح اني بنام قبل المباريات المهمه

مبروك للزمالك الفوز في أهم مباراه له فالدوري ..

ويارب يكون في استقرار الفترة القادمة

لاننا داخلين على معجنة دوري الابطال غير اهم فترة فالدوري المصري ..

تسلم يا معلم ..

[აα∂ Ԑγεა]

اقتباس المشاركة الأصلية كتبت بواسطة header انا اتفرجت على الماتش من الدقيقه 77 صديقي اللي كان بيتفرج ع الماتش قالي مصحتش ليه يا عم من بدري واضح اني بنام قبل المباريات المهمه مبروك للزمالك الفوز في أهم مباراه له فالدوري .. ويارب يكون في استقرار الفترة القادمة لاننا داخلين على معجنة دوري الابطال غير اهم فترة فالدوري المصري .. تسلم يا معلم ..

هههههههه انا كمان كنت نايم بس صحيت من الدقيقة 42
بيقولك الشوط الاول كان سيئ اكيد علشان متفرجتش عليه :d

بالظبط كلامك " اهم مباراه له "
فعلا فعلا اهم مباراه لحد الان في الدوري للزمالك
وكانت عنق زجاجة والحمد لله عدينا منها بخير

الزمالكاوية كترو ونورو بوجودك يا كبير
استعد بقي هنأسس رابطة محبي الزمالك واتمني يكون ليك دور فيها
نورتني بقي بوجودك وردك ومرورك الرائع
متحرمناش من دا بقي