عايز تبقي خزعبلاوي طب تعالي وانا اقولك ؟

[phalsteen]

يــــــا مساء المورستان
ويا صباح الجنـــــــان

يعني انا عملت مسابقه
ولاقيت الناس بتشكي وبتقول مبنعرفش نعمل خزعبلات ؟



ودا يصح برضو
دا حتي عيب في حقي

اني ابقي في المكان ومحدش مش عارف يتجنن
طب قولولي
وانا اقوم بالواجب
اخس عليا والف اخس كمان

بصي يا سيدي

خزعبلات اسم لا محل له من الواقع

معناه في لغه الجنان الرسمي والتخاريف الذي منه /

خيالنيش

ومعناه في اصطلاح المجانين امثالي /

عندما ينوي الفرد مننا تحويل الواقع المرير الي خيال كوميدي طريف
او عندما يعزم العضو طلق العنان لاحلامه والنوم من غير غطا
وايضا عندما يوقعك حظك المنيل في واحد فشار
وتضطر تسمعه وتضحك
وانت عارف انه بيمزع

طب امثال خزعبلايه من وحي خيال نفرتيتي

1/ انا اصلا كان صوتي حلو اوي
وكنت بغني بئه وبعدين قررت اتنازل وامثل
اهو الناس تستفيد من مواهبي
ولما روحت بئه علشان اختبارات القدرات
لاقيت الناس اتصدمت وفرحوا بيا اوي
وانا كنت هيصه بئه
وبقول في نفسي
دنا اصلا احلي من هيفا وهقعد كل الممثلات في البيت
بس اتاريهم كانوا عايزني اعمل اعلان عن واحده تايهه



2/ انا لاقيت نفسي فاضيه قولت اخطف رجلي لغاية الهند
اتفسح يجيي ساعتين وارجع ع طول بالفيل المخصوص بتاعي
وربع ساعه بالفيل لاقيت نفسي هناك
اول ما نزلت لاقيت الفنان شاروخان
نازل علي ركبه ونص
وعلي نغمه واحده اتجوزني يا سما
اتجوزيني يا سما
فانا زعلت اوي بئه ورجعت ع طول
ماكنش ينعز يا اخويا
كنت فين من زمن
انا حاليا ع المعاش

3/ من يومين كدة لاقيت باعتلي
وبيقولي يا سما بما انك اثار قد الدنيا
احنا جاي لينا وفد هندي يتعرف علي انجازات المكان
فعوزينك تصطحبيهم وتعرفيهم علي الاقسام وتقوم بوظيفتك
كمرشده خزعبليه اد الدنيا



غلابه اوي الناس دول ميعرفوش اني داخله الكليه
تخليص حق مع الحكومة

يعني ومن الاخر علشان متعصبش علي حد

تقرا كدة قوانين القسم اللي بيساعدك بيها المشرفين
وتكتب حاجة مالهاش اساس من الواقع
باسلوب خفيف تلقائي
ولا كأنك بتحكي لصحباتك انجازاتك واحلامك
اه يا عم احنا مستعدين نستحمل تخاريفك مفيش مشاكل

يالا اي تخريفه جديدة هتلاقوني
واي خوووووودعه يا عم رفعت

ويبقي ملاقيش المشتركين نازلين يرفوا علي المسابقه
اه انا مش برغي ببلاش

[العاشق الذى لم يتب]

والله كلام جميل
ومعلومات ودراسات مستفيضة
وعلشان
اختى الغالية
حنان الجزائرية
بعتت لى تسأل
يعنى شو هى الخزعبلاية
اتمنى منها تتكرم
وتاخد الورس ده
بتاع البروفيسيرة نفرتيتى
وكلها خمس دقايق وهتكون اكبرمتخزبعلايية
شكرا ليك
ام محمد
على المجهود الجميل ده
وربنامايحرمناش من نصايحك وفوائدك
تحياتى وودى

[عاشق لعنة الحب]

والله بق الموضوع وربنا ما كنت اعرف بس ادينى عرفت واول ما عرفت هرشت فى راسى وفى دقنى وقلت بقى د الخزعبلاية انما حتة خزعبلاية بصحيح وبس ياسيدى ومن وقت ما عرفت وانا بقيت اقول خزعبلات خزعبلات تقولش بنده على مستشفى العباسيه يا خويا الله يرحمه كان راجل طيب الله يرحمه كان امير وطيب وفى حاله لا يجيب فى سيرة ده ولا عرض ده كان كل اللى بيعمله بس انه ينهش فيهم زى كلاب السكك يلا بقى الرحمة تجوز على الحى والميت

[موري كول]

حلو الكورس والله
مهو الموضوع سهل اهو وبسيط وانا اللي كنت فاكره انو صعب
بس برضو اخاف يكون الخزعبلايه دمها تقيل والناس تطلع تجري

[رآقيہ بأخلاقـى]

والله عارفين انها من خيالنا ونبقى نايمين مش متغطيين
بس زى ما قالت مورى كدة اخاف تطلع الخزعبلايه دمها تقيل ومتعجبش
وهبقى ده بالنسبالى فشل زريع
بس بجد بحييكى على الكورس الجميل ده نفرتيتى

[سيناا]

ههههههههههه


خلاص مع المعلومات الحلوة دي


هنبقى خزعبلاوين بكل تفوق

[Reem♡A|❀]

انا كـ ريم انبهرت : ))))

[اميره الشعر الشجين]

ههههههههه شاروخان طلب منك الجواز ههههههههه ازاى دا متجوزنى انا

جميل التوبيك نفرتيتى جداً جداً والكل هيستفيد ان شاء الله

[اميره الشعر الشجين]

حضرتك هتعملى المسابقه دى امتى

[رآقيہ بأخلاقـى]

المسابقة موجودة يا اميررررة
ومتثبته كمان