" بتكتــــب حـــــزيــــن "

[Şα3Đ..♥]

ف معظم حلاتك بتكتب حزين وتعلن سكاتك وتعمل رزين بتضحك بخوف وتعمل حسابك محدش يشوف الحزن ف مكانك تقوم الظروف تشقلب كيانك وفجأه تلاقيها عملالك كمين وتضحك بصوت برغم الالم برغم السكوت وبرغم الشجن برغم اللي فات واللي ضاع مـ السنيين ومهما سنينك تقول او تعيد تلاقي انينك بيفضل يزيد ده الله يعينك ما ايه الجديد ماهو انت ديما بتهوي الانيين وطول عمر قلبك ما كانلك صديق بتضحك يخونك بتزعل يصونك مخيب ظنونك مخليك ف ضيق فحاول تقرر فانك تكون فـ إنك تحرر روحك من السكون فدبر وفكر ف كل الظنون عشان بس تقدر تكمل الطريق

[احساسى صحيح]

ما شاء الله يا محمد
جميله واحلى حاجه فيها
التلقائيه والبساطه
متهيئلى انتا ملك الكتابه الحزينه
ربنا يسعدك وما تشوف اى حزن
تحياتى واحترامى

[Şα3Đ..♥]

اقتباس المشاركة الأصلية كتبت بواسطة احساسى صحيح ما شاء الله يا محمد جميله واحلى حاجه فيها التلقائيه والبساطه متهيئلى انتا ملك الكتابه الحزينه ربنا يسعدك وما تشوف اى حزن تحياتى واحترامى

تصدق بالله
ده احلي كلام انا قريته ف حياتي
بعد اذنك بقي
انا هصور الرد ده واحتفظ بيه
ومتشكر اوي اوي اووووي
علي الكلام الحلو اوي ده
تسلملي يارب

[محمود الصاروخ]

كلماتك كلها جامده بجد ..
تسلم إيدك ياحبى
ف انتظار إبداعك

[شاعر الحب الحزين]

لا جميلة بجد يا سعد

ودايما بحس بموهبة كبيرة وانا بقرأ كلامك

عندك حس فني كبير بيميزك وإحساسك حلاوته ف حزنه

ربي يسلمك من كل شر أخي الغالي

احترامي لك

[دمعه حائره]

كلمات فى منتهى الجمال انت مبدع فى كل حالاتك
تسلم سعد وربنا يسعدك

[Words Whisper]

هكذا حال الحزن المستتر
لكن المهم ألا يكون حياً
بل يكون خروجه مؤقتا من بين الأموات
فليس من الصائب أن نحيا فيه وبه وله ..


ماشاء الله الكلمات رااائعة
أصلا بحب أقرأ لحضرتك ..


شكراً ..


تقييمي ..

[a7med -3del]

صدقنى مبردش على حاجة مجاملة الا لو فعلا عجبتنى
ومرورى عندك هنا بيزودنى مش بيزودك انت
انت بتكتب جامد جدا وكلامك واصل
من الناس القليلة اللى ببقى متاكد قبل مادل موضوعه انى هاقرا حاجة محترمة
فيها فن وفكر واسلوب
تحية من القلب لقلمك مرة
ولشصك الف مرة
تحياتى