هموت الشهر الجاى !

[عاشق متيم]

بسم الله الرحمن الرحيم

لو دكتور قال لشخص ان ايامك فى الدنيا معدوده
بتلاقى الشخص ده بيقضى بقيه ايامه اللى هيعشها فى طاعه وعباده
ولما كنت بشوف سؤال على الاسك ( لو بكره القيامه هتعمل ايه ؟؟ )
مش عارف هيبقى بكره القيامه ازاى ؟ ( مش مفروض هيبقى هناك علامات ؟ )
عن حذيفة بن أسيد الغفاري رضي الله عنه قال : اطلع النبي صلى الله عليه وسلم علينا ونحن نتذاكر . فقال : " ما تذكرون ؟ " . قالوا : نذكر الساعة . قال : " إنها لن تقوم حتى تروا قبلها عشر آيات ، فذكر الدخان ، والدجال ، والدابة ، وطلوع الشمس من مغربها ، ونزول عيسى بن مريم ، ويأجوج ومأجوج ، وثلاثة خسوف : خسف بالمشرق ، وخسف بالمغرب ، وخسف بجزيرة العرب ، وآخر ذلك نار تخرج من اليمن تطرد الناس إلى محشرهم ، وفي رواية : " نار تخرج من قعر عدن تسوق الناس إلى المحشر " . وفي رواية في العاشرة : وريح تلقي الناس في البحر )
غير كده الساعه لن تقوم الا على شرار البشر
روى أحمد ومسلم عن ابن مسعود عن النبي صلى الله عليه وسلم قال : " لا تقوم الساعة إلا على شرار الناس )
وروى أحمد والطبراني والحاكم وصححه ، ووافقه الذهبي ، عن عِلباء السلمى أن رسول الله صلى الله عليه وسلم قال : " لا تقوم الساعة إلا على حثالة الناس )
من رحمه ربنا بعباده المؤمنين انه هيقبض ارواحهم حتى لا يشهدوا هذه العلامات
لان الكفار فقط هم من سيشاهدون هذه العلامات لانها تعتبر من علامات العذاب
وهيبقى فى ريح طيبه ستقبض ارواح المؤمنين
روى مسلم عن أبي هريرة أن رسول الله صلى الله عليه وسلم قال : " إن الله يبعث ريحًا من اليمن ألين من الحرير ، فلا تدع أحدًا في قلبه مثقال ذرة من إيمان إلا قبضته )
يعنى لما تشوف فى مسلسل شيخ العرب همام ان فى ناس بتقول ان القيامه
يوم الجمعه الجايه وبتلاقى الناس بتجرى على المساجد وتلاقى واحد طلع من جيبه
كيس فيه دنانير ويقول لواحد شغال عنده روح اتصدق بيهم !
ده قمه الجهل بالدين
قال تعالى ( يسألونك عن الساعة أيان مرساها قل إنما علمها عند ربي لا يجليها لوقتها إلا هو ثقلت في السماوات والأرض لا تأتيكم إلا بغتة يسألونك كأنك حفي عنها قل إنما علمها عند الله ولكن أكثر الناس لا يعلمون )
عن أبي هريرة أن رسول الله صلى الله عليه وسلم قال : " لا تقوم الساعة حتى تطلع الشمس من مغربها ، فإذا طلعت فرآها الناس آمنوا أجمعون ، فذلك حين لا ينفع نفسا إيمانها لم تكن آمنت من قبل أو كسبت في إيمانها خيرا ، ولتقومن الساعة وقد نشر الرجلان ثوبهما بينهما ، فلا يتبايعانه ولا يطويانه . ولتقومن الساعة وقد انصرف الرجل بلبن لقحته فلا يطعمه . ولتقومن الساعة وهو يليط حوضه فلا يسقي فيه . ولتقومن الساعة والرجل قد رفع أكلته إلى فيه فلا يطعمها )
==============
فبلاقى الاجابه على سؤال لو القيامه بكره هتعمل ايه ؟؟
كلهم بيقولوا هنصلى ونقرأ قرآن وشفت أكثر من اجابه مش هنسمع اغانى وغيرها
انا كعاشق متيم ( الاغانى حرام ) ومقتنع بكده تماما لان الاحاديث فى ذلك صريحه
منها حديث عمران بن حصين أن رسول الله صلى الله عليه وسلم قال: في هذه الأمة خسف ومسخ وقذف، قال رجل من المسلمين: يا رسول الله، ومتى ذلك؟ قال: إذا ظهرت القينات والمعازف وشربت الخمر. رواه الترمذي وصححه الألباني.
ومنها حديث سهل بن سعد أن رسول الله صلى الله عليه وسلم قال: سيكون في آخر الزمان خسف وقذف ومسخ إذا ظهرت المعازف والقينات واستحلت الخمر. رواه الطبراني وصححه الألباني في صحيح الجامع.
والعلماء ردوا على ابن جزم اللى ضعف روايه البخارى لحديث ( قوله صلى الله عليه وسلم: ليكونن من أمتي أقوام يستحلون الحر والحرير والخمر والمعازف )

واللى يحللها هو حر فى نفسه زى ما اسمع اللى اسمه حلمى بكر يقول
انا بقول لكل من حرم الاغانى حرمت عليك عشتك !!!!
لأ وبيستشهد بحديث ( دعهما يا ابا بكر فانها ايام عيد )
عن عائشة رضى الله عنها قالت دخل أبو بكر وعندي جاريتان من جواري الأنصار تغنيان بما تقاولت الأنصار يوم بعاث ـ قالت وليستا بمغنيتين ـ فقال أبو بكر أمزامير الشيطان في بيت رسول الله صلى الله عليه وسلم وذلك في يوم عيد‏.‏ فقال رسول الله صلى الله عليه وسلم ‏"‏ يا أبا بكر إن لكل قوم عيدا، وهذا عيدنا )
صحيح بخاري كتاب العيدين باب سنة العيدين لأهل الإسلام
بقى انت يا حلمى يا بكر بتستشهد بحديث وبتعمل مقارنه بين جاريتان وبين المغنيات فى الوقت الحالى !!!!
طبعا الجاريه فى الاسلام هى صغيره السن وكان النبى يسرب الى السيده عائشه الجوارى ليلعبوا معها لانها كانت صغيره فى السن ؛ غير كده مش كانوا بيقولوا كلام
حب وغزل ؛ كانوا بيقولوا اشعار فى الحماسه اللى كانت بين الاوس والخزرج قبل الاسلام ؛ وهو سيدنا ابو بكر انتهزهما ليه ؟؟؟
لانه اكيد عارف ان الغناء حرام وهو كان فاكر ان النبى نائم لان فى روايه ان النبى كان متغشى بثوبه ؛ وسيدنا ابو بكر مش كان هينكر عليهم فعلتهم الا وهو على بينه من الامر وكمان هو نعت الغناء بمزامير الشيطان ومش معنى ان النبى قال له اتركهم
معنى كده انه اباح الغناء كما يدعى الشيعه ( لعنهم الله )
ان النبى ( يحب الغناء واللهو ) استغفر الله العظيم
بل النبى استثنى لهم الامر وقال ان ده يوم عيد
وحديث الأمة السوداء التى نذرت أن تضرب عند الرسول بالدف فرحا بعودته فقال إن نذرتي فافعلي وإلا فلا وضربت بسبب نذرها
وبستعجب لما اشوف مقاطع على اليوتيوب
والاقى المطرب يسكت والجماهير فى صوت واحد بتغنى !!!!
انا اتحدى لو حد من الجماهير دى يعرف يقرأ سوره الفاتحه مع انها 7 ايات
بس هناك اخطاء شائعه بيقع فيها كل الناس او معظمهم ما عدا الحفظه
فما بالك لو قلت له اقرأ سورة النساء ؛ بدل ما تحفظ اغنيه وتعشق مطربه متبرجه
وتنام تحلم بيها وكل اللى يهمك تتابع اخبارها وحفلاتها ؛ روح احفظ ايه او سوره
تنفعك يوم لا ينفع مال ولا بنون الا من اتى الله بقلب سليم ؛
احنا بقينا فى زمن عجيب والناس بقت بتسخر من الملتحين وكل من هب ودب
ولا يفقه شيىء فى اى شيىء اصبح يتحدث فى الدين بدون علم ؛
والعجيب ان ناس مش عندها علم شرعى بتحلل وتحرم على مزاجها
يعنى لما تسمع واحد جاهل فى التلفاز ( كلمه جاهل ليست شتيمه )
اسمه اسلام بحيرى طبعا برنامجه موجه وكل همه انتقاد السلفيين
مش اظهار اخطائهم ( اذا كان اصلا هناك خطأ )
ويطلع يتكلم فى الدين وهو مش فاهم حاجه ولا حافظ قرآن ولا عنده علم شرعى
واشوف له بيعلق على كلام الشيخ ابو اسحاق الحوينى مع الشيخ محمد حسين يعقوب
والشيخ ابو اسحاق الحوينى يذكر حديث النبى ( افترقت اليهود على إحدى أو اثنتين وسبعين فرقة، وتفرقت النصارى على إحدى أو اثنتين وسبعين فرقه، وتفترق أمتي على ثلاث وسبعين فرقة )
ويذكر الشيخ ابو اسحاق ان فى بعض الراويات ( كلها في النار إلاَّ واحدة هي الجماعة
)
فييقول الاخ اسلام ان مفيش روايه كده !!!!!!!!
استغفر الله العظيم
يعنى الشيخ ابو اسحاق تلميذ الالبانى هيألف روايه من عنده ؟؟؟
وطبعا ده بيدل ان اسلام البحيرى الذى يدعى انه مصحح جاهل ولا يفقه اى شيىء فى اى شيىء
لان ما قاله الشيخ ابو اسحاق صحيح ورواها أحمد وأبو داود وابن ماجه وفي بعضها : ما أنا عليه وأصحابي. رواها الترمذي .
وفى روايه مكذوبه غير صحيحه بتقول ( كلهم فى الجنه الا واحده هى الزندقه )
طبعا دى مكذوبه يعنى الشيعه الاثنى عشريه التى تقذف السيده عائشه ليل نهار وتسب ابو بكر وعمر وعثمان
وبتقول ان فى مصحف اسمه فاطمه وان القرآن ناقص وان القرآن 7000 ايه وقاموا بتحريف بعض الايات
وان الوحى بدل ما ينزل على سيدنا على نزل على سيدنا محمد وان الوحى غلط وان عندهم 12 امام معصومين من الخطأ
وغيرها من الافتراءات والكذب هيدخلوا الجنه !
سيبك من فتوى شلتوت فى حوار الاعتراف بمذهب الشيعه
وانه كان جاهل بمذهبهم وانه اضحك عليه
وان حتى الان فى فتوى تعترف من الازهر تعترف بمذهبهم
أيعقل هذا ؟؟
وهناك الكثير من اكاذيب اسلام البحيرى الذى لايفقه شيىء وخاصه كلامه على اهل الكتاب ورد الشيخ ابو اسحاق عليه وبيانه ان هذا الشخص لم يقرأ من كتاب الله ولا يعرف شيىء ....
ده غير تهكمه وسخريته من العلماء ويقولك فكر وفلسفه وارجعوا لكهوفكم
والله العيشه فى الكهف افضل مليار مره من ان الواحد يشوف واحد زيك جاهل
بيألف ويفنن من دماغه ومش عارف اى حاجه فى اى حاجه والحمد لله ان كل الشيوخ
بيطلعوا يردوا على ادعاءاتك وبيوضحوا للناس انك جاهل !
والرد بيكون من الكتاب والسنه
ربنا يدينى الصحه وابقى اعمل عنك موضوع اوضح فيه كذبك
بالمناسبه زى ما قلت قبل كده وكررتها كتير الفلسفه فى الدين لا تجوز
وفى فتاوى كتير على كده ووضحوا الاسباب وانا كعاشق مقتنع بكده تماما
مش الفلسفه دى برده اللى كان بيستخدمها السفسطائيين لكى يقلبوا الباطل الى حق والعكس ؛ انا بعتبرها اسلوب من اساليب غوايه الشيطان بدليل ان فى ناس الحدت
( ملحدين ! )
وفى النقاش معاهم لو لم تكن مؤمن حقا ؛ ممكن يتم استخدام السوفيزم ويشكك فى دينك !
وفى حاجات اكبر من انك تعرفها قال رسول الله صلى الله عليه وسلم (إن الله أمركم بأشياء فامتثلوها ونهاكم عن أشياء فاجتنبوها وسكت لكم عن أشياء رحمة منه فلا تسألوا عنها )
زى الملحدين بيقولك ان عندهم فكر وربنا قال انهم لا يعقلون ؛
وبرغم اختراعات الغرب فهم كالانعام لانه لم يستخدم عقله فى اهم حاجه وهى الايمان بالله ؛ ( ناس لسه بتعبد الشمس والبقره والقرد !!! )
اصحاب العقول بس هى اللى بتؤمن
قال تعالى ( يقولون امنا به كل من عند ربنا وما يتذكر الا اولو الالباب ) ( وليعلموا انما هو اله واحد وليتذكر اولو الالباب ) ( انما يتذكر اولو الالباب ) ( اولئك الذين هداهم الله واولئك هم اولو الالباب ) ( هدى وذكرى لاولى الالباب )
===========
ارجع لكلامى
احنا ليه مش بنلعب الا فى الوقت الضايع !ّ
يعنى طول السنه تلعب وضيع وقت ومش تذاكر الا قبل الامتحان بيوم !
كيف تعصى الله الذى خلقك والذى تسير على ارضه وتحت سمائه وتأكل من رزقه ؟
هل انت انسان عاقل عندما تفعل ذلك ؟
هتعيش كم سنه ؟ عارف انت هتموت امتى ؟
طب ليه مش تلحق نفسك وتتوب قبل فوات الاوان ؟
وليه مش بتفتكر ربنا الا فى وقت الشده فقط ؟
لما تكون مريض بتدعى الله وتصلى ؛ عندك حاجه مهمه بتدعى وبتصلى
قال تعالى ( وإذا مس الإنسان الضر دعانا لجنبه أو قاعدا أو قائما فلما كشفنا عنه ضره مر كأن لم يدعنا إلى ضر مسه كذلك زين للمسرفين ما كانوا يعملون )
قال تعالى ( وإذا مس الإنسان ضر دعا ربه منيبا إليه ثم إذا خوله نعمة منه نسي ما كان يدعو إليه من قبل وجعل لله أندادا ليضل عن سبيله ۚ قل تمتع بكفرك قليلا ۖ انك من اصحاب النار )
وبعد ما ربنا بيحقق مرادك بتنسى كل حاجه وبترجع زى الاول
!
غير كده بتسمع الآذان ومش بيهون عليك تقوم تصلى
هتفضل على الوضع ده لحد امتى ؟؟
هو انت عاوز تكون من الناس اللى هتعض على ايدها وتكون يا ويلنا
( يا ويلنا قد كنا فى غفله من هذا بل كنا ظالمين )
( ويوم يعض الظالم على يديه يقول يا ليتنى اتخذت مع الرسول سبيلا * يا ويلتى ليتنى لم اتخذ فلانا خليلا * لقد اضلنى عن الذكر بعد اذ جاءنى وكان الشيطان للانسان خذولا )
( ووضع الكتاب فترى المجرمين مشفقين مما فيه ويقولون
يا ويلتنا مالِ هذا الكتاب لا يغادر صغيره ولا كبيره الا احصاها ووجدوا ما عملوا حاضرا ولا يظلم ربك احدا )
اعرف انك هتموت فى اى لحظه وان اتخلقت علشان تعبد الله مش علشان تعصيه
وان ربك غفور رحيم يقبل التوبه وجميع الابواب مفتوحه لك وربك يغفر الذنوب جميعا ..
قال تعالى ( قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم * وأنيبوا إلى ربكم وأسلموا له من قبل أن يأتيكم العذاب ثم لا تنصرون * واتبعوا أحسن ما أنزل إليكم من ربكم من قبل أن يأتيكم العذاب بغتة وأنتم لا تشعرون * أن تقول نفس يا حسرتى على ما فرطت في جنب الله وإن كنت لمن الساخرين )
جاء في الحديث القدسي: " قالت الأرض: يا رب إئذن لي أنْ أخسف بابن آدم فقد طَعِم خيرك ومنع شكرك. وقالت الجبال: يا رب إئذن لي أن أخِرَّ على ابن آدم فقد طَعِم خيرك ومنع شكرك. فقال تعالى: دعوني وخلقي لو خلقتموهم لرحمتموهم، دعوهم فإنْ تابوا إليَّ فأنا حبيبهم، وأن لم يتوبوا فأنا طبيبهم )

عن ابن عمر رضى الله عنهما قال :
أخذ رسول الله صلى الله عليه وسلم بمنكبى فقال :
" كن فى الدنيا كأنك غريب أو عابر سبيل "

وكان ابن عمر رضى الله عنه يقول
" إذا أمسيت فلا تنتظر الصباح ؛ وإذا أصبحت فلا تنتظر المساء ،
وخذ من صحتك لمرضك ، ومن حياتك لموتك "

لا اله الا انت سبحاتك انا كنا ظالمين وان لم تغفر لنا وترحمنا لنكونن من الخاسرين .

[توحد ارواح]

تمام
الموت حقيقه مؤكده ف الحياه ولازم كلنا هنموت وفى اى لحظه
احيانا الحياه بتاخدنا وننسى بعض ما علينا ولكن لابد من تدارك الامر سريعا
وطاعة الله ورضاه عنا اولا واخيرا وكل قول او عمل سنحاسب عليه
وبالرغم من ذلك كما ذكرت حضرتك ضمن سياق الموضوع اصبح البعض يتكلم
فى امور عدة ربما لا يلم بها بل ويفتى فيها ويكتبون ويتحدثون فيما يغضب الخالق
من دون حساب او وازع من ضمير
ربنا يحسن خاتمتنا ويهدينا جميعا
طرح قيم حيوى
مشكور وجزاك الله خيرا
تحيتى وتقديرى

[-esraa-]

حضرتك اتكلمت عن أكتر من موضوع وكل موضوع في حدا مهم جداََ
الإنسان طبيعته مش بيتعظ غير لما يحط الموت أمام عينه
وأكبر مثال الطاغية فرعون لما رأى الموت قادم لا محال له
قال : آمنت أنه لا إله إلا الله الذي آمنت به بنو إسرائيل وأنا من المسلمين ..\
فأكيد لو كلنا حطينا في بالنا أن ممكن في الدقيقة دي .. الثانية دي مش الدقيقة
ربنا يأخذ روحنا كنا عرفنا نتعظ الله ونتوب
,
,
الفلسفة زي ما ذكرت أسماء يدعوا الفهم والتفكير في أمور ليضلوا عقول الناس
يمكن كل واحد بيعمل كده لهدف إما الشهرة أو بيضحك على نفسه أنه مفكر ومحلل : ))) ... الله أعلم بالنيات

ربنا يهدينا جميعاََ
,
,
موضوع وتحليل راقٍ جداََ
أحييك على هذا الموضوع
سلمت

[نور ونار]

اولا فى آكتر من جزئيه
موضوع لو بكره يوم القيامه هتعمل ايه
فكرنى بقصه كآن قصهآ عليهآآ وآلدى
قالى كنآ فى آوآئل السبعينآآت
وفعلا انتشر فى الوقت دآآ
آشآآعه ان خلال الاسبوع دآ القيامه
هتكون وبدل مآ النآس تتعقل وتعرف ان كل حآجه وفقآآ
لعلامآآت لا اذآعوآ فعلآآ كدآآ
ومش كدآ وبس دول خرجوآ بره بيوتهم
فسالت ليه ؟
قال خايفين لمآ القيامه تقوم البيت يتهد عليهم
فيموتوآآ = ))))))))
طبعآ استغربت فقولت كآنوآ بيصلوآ طيب
او خآيفين ؟
اتقالى ولا حاجه من دى بس خآرجين بره بيوتهم
وبليل بس ع اساس انهم مش يموتوآ وهمآ نآيمين
فسياسه وفكره الجهل دى متواجده من زمآآن
لان فى فكر شآئع بيقول زمآآن كآن اكثر علمآآ بالدين
بالعكس الموضوع هو ه هوه بس كل الحكآيه
ان الفتن زآدت فى عصرنآ فمش بقيت تشوف
الخير آوى ،، بس هو موجود طبعآ الخير فى آمتى الى يوم الدين
===========================
بالنسبه لآسلآم البحرآوى
مش عآرفه سيبينه ليه كدآآ لا يفقهه شيئآ فى شىء
لو دآرس وصآحب عقل نآقد كآن مآآشى
لان هو ينآقد من اجل النقد
ولكن افتكر ان السبب فى وجهته دى
حلقته مع طونى خليفه والشيخ محمود شعبان
لان الشيخ تصرف بطريقه غير لائقه
لا تليق بمن يتحدث ويتادب بادب القرآن
فكآن وجهته بعد الحلقه البرنآمج العقيم دآآ
ينم عن جهل وكمآن ضعف ادله وكمآن سطحيه فكر
لا يتنآسب ابدآآ مع عقليه الجيل دآآ
هو عايز بس يبين ان الدين فى ثوب متمدن ورؤيه
مختلفه فكانت احقاده على الشيوخ اكبر من هدفه
فلو بص شويه لحد زى الشقيرى فى برنامج خواطر
هيعرف الفرق ...
========================
بالنسبه للموسيقى والغنآء
فهنآك نصوص تحرم واخرى تبيح
واخرى تبيح بعض الشىء
فالاختلاف هو رحمه
والنص هنآآ ليس بالتاكيد نصآ
قرآنيآآ الا واصبح الشىء نهآئيآآ
ولكن النص هو الحديث ..
وهنآط تطبيقات كثيره فى علاج بالموسيقى
ومن يحل بالموسيقى الحماسيه والوطنيه
والاخرى الدينيه
وتيترات جميع البرامج الدينيه نفسهآآ موسيقى وغنآء
فتخضع هنآ لجدليه ليكون الاختلاف هنآ رحمه
=============================
بالنسبه لسؤال هتعملى ايه لو بكره اخر يوم ليكى
اكيد هترقب للحظه اللى دآيمآ بسال عنهآ
ونفسى اعرف الجانب الغيبى هترقب بشىء من الهيبه
بس اكيد اكون مبسوطه ...
بالنسبه ليه النآس بتعمل ع اخر لحظه
بيعتبر بردو ثقافه وفكر
لانهم واخدين ان العباده خنقه والالتزام
تعب لسه هروح اصلى لو فكر ان الصلاه
حاجه روحانيه تصفى فيه روحك وذهنك
ومناجاه لرب ومصدر طاقه داخليه هيختلف
وتلاقيه حابب الصلاه بس تربيتنآ كدآ عافيه واجبار
صلى اصل هتخش النآر صلى اصل هيتحط السيخ المحمى
فى ودنك فطبيعى العيل هيطلع كاره نفسه
وبيصلى حركات وبس
نفس الوضه ذاكر يبنى اصل هتنضرب
عارف لو مش جبت اكتر من ابن عمك هولع فيك
مش بيتقال ذاكر تحقق نفسك وتسرد نماذج المجتمع
غير قصه الموهبه والكليات القمه اللى بتجبر عليهآ عافيه
لو مش دخلت غيرهآ تبقآ فاشل ..
المهم كل دآآ نتيجه فكر تربيه وثقافه رآئجه ووسيله
لازم تتغير لو بتقول ليه بنعمل كدآآ
اكيد السبب مش البنى آدم لوحده !!
السبب حبه حلوين كدآآ من تراكمات وثقافات
===================
عآشق فضفضه تقول الكثير
وتنقد اوضآع موجوده ..
راقتنى .. وعودآ حميدآآ ..
تحيآآتى ..

[جبل عالي]

عاشق متيم


فتح الله عليك وبارك فيك

زدنا بالله عليك

ما احوجنا الى رونق هذا الفهم الراقي


تحيتي لكم جميعا من القلب

[عاشق متيم]

اقتباس بالنسبه للموسيقى والغنآء فهنآك نصوص تحرم واخرى تبيح واخرى تبيح بعض الشىء فالاختلاف هو رحمه والنص هنآآ ليس بالتاكيد نصآ قرآنيآآ الا واصبح الشىء نهآئيآآ ولكن النص هو الحديث .. وهنآط تطبيقات كثيره فى علاج بالموسيقى ومن يحل بالموسيقى الحماسيه والوطنيه والاخرى الدينيه وتيترات جميع البرامج الدينيه نفسهآآ موسيقى وغنآء فتخضع هنآ لجدليه ليكون الاختلاف هنآ رحمه

فين الناس اللى حللت وحجتهم فى التحليل كانت ايه ؟؟

اقتباس والنص هنآآ ليس بالتاكيد نصآ قرآنيآآ الا واصبح الشىء نهآئيآآ ولكن النص هو الحديث ..

معنى كلامك ان النص لو كان حديث يبقى شيىء غير نهائى ؟؟؟
قال تعالى ( وما آتاكم الرسول فخذوه وما نهاكم عنه فانتهوا واتقوا الله إن الله شديد العقاب )
وبخصوص التيترات
اى تيترات ؟؟
تيترات برامج مصطفى حسنى او غيره
كنت بتفرج امبارح على برنامج حياه اجمل على القناه السعوديه ومش سمعت موسيقى فى التيتر وكذلك كانت المجد والرساله والندى والرحمه وغيرهم مش بيبقى فيهم موسيقى
واذا كان فى حاجه اسمها علاج بالموسيقى ففى عندنا رقيه شرعيه من الكتاب والسنه
عمرك سمعتى مغنى بيحذر من الزنا ؟؟
او بيحث على الصوم وقيام الليل والصلاه
بل اكثرهم يدعو الى العشق والحب وكمان بيصل الى وصف الفتاه وغيرها من الامور
قوله تعالى: { وأنتم سامدون} . قال ابن عباس : هو الغناء بالحميرية؛ اسمدي لنا؛ أي غني لنا.
و قوله تعالى: { واستفزز من استطعت منهم بصوتك} قال مجاهد : الغناء والمزامير وبهذا فسر ابن مسعود وابن عباس وجابر بن عبدالله ومجاهد، وذكره أبو الفرج الجوزي عن الحسن وسعيد بن جبير وقتادة والنخعّي. هذا أعلى ما قيل في هذه الآية، وحلف على ذلك ابن مسعود بالله الذي لا إله إلا هو ثلاث مرات إنه الغناء. روى سعيد بن جبير عن أبي الصهباء البكري قال : سئل عبدالله بن مسعود عن قوله تعالى: { ومن الناس من يشتري لهو الحديث} فقال : الغناء والله الذي لا إله إلا هو؛ يرددها ثلاث مرات. وعن ابن عمر أنه الغناء؛ وكذلك قال عكرمة وميمون بن مهران ومكحول. وروى شعبة وسفيان عن الحكم وحماد عن إبراهيم قال: قال عبدالله بن مسعود : الغناء ينبت النفاق في القلب؛ وقاله مجاهد، وزاد : إن لهو الحديث في الآية الاستماع إلى الغناء وإلى مثله من الباطل. وقال الحسن : لهو الحديث المعازف والغناء. وقال القاسم بن محمد : الغناء باطل والباطل في النار.
والشيخ الشعراوى رحمه الله فى تفسير الايه ( ومن الناس من يشترى لهو الحديث ) قال بالنص
( أما ما نراه الآن وما نسمعه مما يُسمونه غناء، وما يصاحبه من حركات ورقصات وخلاعات وموسيقى صاخبة، فلا شك في حرمته)
وابن القيم قال عن الغناء
أنه يلهي القلب ويصدّه عن فهم القرآن وتدبره والعمل بما فيه . فإن القرآن والغناء لا يجتمعان في القلب أبداً لما بينهما من التضاد .
فإن القرآن ينهى عن اتباع الهوى ، ويأمر بالعفة ، ومجانبة شهوات النفوس ، وأسباب الغيّ ، وينهى عن اتباع خطوات الشيطان .
والغناء يأمر بضد ذلك كله ويحسِّـنه ويهيّج النفوس إلى شهوات الغيّ ، فيُثير كامنها ويزعج قاطنها ، ويحركها إلى كل قبيح ، ويسوقها إلى وصل كل مليحة ومليح ... وهو جاسوس القلب ، وسارق المروءة ، وسوس العقل . يتغلغل في مكامن القلوب ، ويطلع على سرائر الأفئدة ، ويدب إلى محل التخيل فيُثير ما فيه من الهوى والشهوة والسخافة والرقاعة والرعونة والحماقة . فبينا ترى الرجل وعليه سمة الوقار وبهاء العقل وبهجة الإيمان ووقار الإسلام وحلاوة القرآن ، فإذا استمع الغناء ومال إليه نقص عقله وقلّ حياؤه وذهبت مروءته وفارقه بهاؤه وتخلى عنه وقاره وفرح به شيطانه..
=======
وممكن اجيب لكى مقولات لكل العلماء من هنا للسنه الجايه
وهسألك سؤال لو كانت الاغانى حلال
ليه الناس بتتركها فى نهار رمضان ؟؟؟؟؟؟؟
=========================
بخصوص اسلام البحيرى
شفت حلقته مع محمود شعبان وان محمود شعبان رفع عليه الحذاء
وحتى اللى اسمه اسلام قال له دلوقتى النور هيطفى وهعرفك والكلام التافه ده
وعلى فكره بعد الحلقه دى الشيخ ابو اسحاق طلع رد على اسلام البحيرى
ووضحه انه جاهل وبيتكلم وخلاص
اسلام البحيرى شخص بيتكلم بدون علم وبيشوه الدين وبيفتى بمزاجه
غير كده قال على حديث صحيح انه ضعيف ونسب حديث صحيح عن النبى
انه من كلام السلفيه
هو من اِلاخر شخص جاهل ولا يفقه شيىء
===========
نورتى

[Lamees]

لا اله الا انت سبحاتك انا كنا ظالمين وان لم تغفر لنا وترحمنا لنكونن من الخاسرين

بارك الله فيك عاشق لهذة الفضفضة وما تحمله من نصح وارشاد
جزاك الله عنا كل خير

[Abdallah]

موضوعك كتير مفيد و قيم جدا
اشكركم جميعا ع كلامك الصالح ..

[نور ونار]

بالنسبه لاسلام البحيرى
اه متفقه معاك واللى حصل فى حلقه طونى
الشيخ بيقول كل حاجه مظبوطه بس يعاب عليه
تهوره اى كان لابد من حوار احسن من كدآآ
الحديث هو المصدر الثانى فى العقيده
وكمآن تؤل اليه الكثير من الامور
وآيضآآ مهم جدآآ فى التفسير والتعاليم الدنيويه
والدينيه ولا احد يغفل اهميته ،، ولكن يبقى القرآن
وانه قآبل للتفسير والتآؤيل محط كل علمآآء
وقد يخلق اصلآآ تآويلات قد تتعارض حسب فهم
كل عقل وهنآآ بقول الاختلاف رحمه
رخم كل من الاحنآف والشافعيه فى عصر من العصور
كآن وصلوآآ الى الصدآم الى اقصآه لدرجه كآنوآ يحرموآ
ان يتزوجوآ من بعض
====================
نرجع للموسيقى والغنآآء
بردو فيهآ تآؤيل ومصره ان الاختلاف رحمه
لان فيهآ من يحلل الاغانى الحماسيه الوطنيه
والتواشيح الدينيه الاغانى
وفى الات محرمه والات لا
وتبقآ الكلمه اذ اثرت بداخلك هى الفيصل

وبردو للتوكيد عشان فى اختلاف
بص ع الموقع دآآ
ط§ظ„ظپطھط§ظˆظ‰ - ط­ظƒظ… ط³ظ…ط§ط¹ ط§ظ„ظ…ظˆط³ظٹظ‚ظ‰
دآ الموقع الرسمى لدآر الافتآآء
وفى غيره
===================
بالنسبه لتتيرات البرامج اه فيه
الموسيقى اللى فيه بردو تصنف تبع الاغانى
واللحن والانشوده الدينيه
ويبقآآ العيال اللى فى المدارس لخطآئنآآ بقآآ
وبتكلم على تطبيقات الموسيقى وبحوثآتهآآ
مش بس العلاج زى بحث اخوان الصفآآ وغيرهم
============
اكيد مش بحلل حاجه ولا بحرمهآآ لان اهل العلم نفسهم
منقسمين ومن زمآآن وكل خاضع للاجتهدآآت
ويبقآآ رحمه الله واسعه يدخل فى رحمته من يشاء ..
بالنسبه لنهآر رمضآآن حدث ولاحرج دآ بيبقآ موسم
يتقال عليه للكبآر فقط
من اول النوم طول النهآآر وقاعده النت العصر
ونغمه الفون وغيرهآآ ...
واكيد فى موسيقى حرام اللى بتدعى للفجور والفسق
مش هقولك لا ...
ودى اصلا منبوذه ....

[عاشق متيم]

اقتباس رخم كل من الاحنآف والشافعيه فى عصر من العصور كآن وصلوآآ الى الصدآم الى اقصآه لدرجه كآنوآ يحرموآ ان يتزوجوآ من بعض ==================== نرجع للموسيقى والغنآآء بردو فيهآ تآؤيل ومصره ان الاختلاف رحمه لان فيهآ من يحلل الاغانى الحماسيه الوطنيه والتواشيح الدينيه الاغانى وفى الات محرمه والات لا وتبقآ الكلمه اذ اثرت بداخلك هى الفيصل وبردو للتوكيد عشان فى اختلاف بص ع الموقع دآآ ط§ظ„ظپطھط§ظˆظ‰ - ط***ظƒظ… ط³ظ…ط§ط¹ ط§ظ„ظ…ظˆط³ظٹظ‚ظ‰ دآ الموقع الرسمى لدآر الافتآآء وفى غيره =================== بالنسبه لتتيرات البرامج اه فيه الموسيقى اللى فيه بردو تصنف تبع الاغانى واللحن والانشوده الدينيه ويبقآآ العيال اللى فى المدارس لخطآئنآآ بقآآ وبتكلم على تطبيقات الموسيقى وبحوثآتهآآ مش بس العلاج زى بحث اخوان الصفآآ وغيرهم

اولا بخصوص تحريم الزواج بين الحنفيه والشافعيه
الخلاف بينهم كان خلاف عقائدى
لان المالكيه كان يرون الاستثناء فى الايمان
والحنفيه كان يرون ان الاستثناء تشكيك فى وجود الايمان وكذلك بقيه المذاهب كانوا يروا ذلك
فأفتى الحنفيه فى احد العصور بتحريم الزواج من المالكيه
والمذهبيه فى هذا العصر بلغت حد الذروه
=================
بخصوص الاغانى
فى ناس حللت الضرب بالدف
مع ان حتى فى الفتوى اللى انتى جبتيها
قول القشيرى فى الحديث اللى هو ذكره ( وهم ابو بكر بالزجر )
وبرجع اكرر نفس الكلام لماذا هم ابو بكر بالزجر لو هو حلال ؟
وليه المرأة اللى كانت بتضرب بالدف لما رأت سيدنا عمرها
حطت الدف خلف ظهرها
وهل الناس اللى حلل الغناء كانت فى اى عصر
وهل هى حللته تحليل مطلق والا حللت الضرب بالدف فى الزواج والمناسبات
اما فى الفتوى اللى انتى جبتى رابطها
كل الناس اللى اباحت الاغانى استدلوا بآثار موقوفة ومنهم ابن حزم اللى طعن فى حديث البخارى
وكل العلماء طلعوا ردوا عليه وحجج المحللين ان كان هناك دف ...
ده غير رده لتفسير عبدالله بن مسعود وتحليله بحجه ان الامر يتعلق بالنيه وده كلام فاسد فاسد فاسد
واذا كان الامر متعلق بالنيه كنا شفنا اباحات لامور كثيره بحجه النيه الصالحه
بدايه الفتوى اللى جبتيها كلام لابن القيسرانى
:ابن طاهر القيسراني ليس حجة فيما يرويه وينفرد به وقد ضعفه جمع من كبار أئمة الحديث.
قال الذهبي في ميزان الاعتدال في ترجمة ابن طاهر : ليس بالقوي فإن له أوهام كثيرة في تواليفه وله انحراف عن السنة الى تصوف غير مرضي)
ومثله قال الحافظ ابن حجر في لسان الميزان .
وقد سئل الامام مالك رحمه الله عما يرخص فيه أهل المدينة من الغناء ؟ فقال :" إنما يفعله عندنا الفساق " ( تلبيس ابليس ).
وقال الإمام الطبري ( كتاب تحريم النرد للآجري ) : أما مالك بن أنس ، فإنه نهى عن الغنى وعن إستماعه ، وقال : وهو مذهب سائر أهل المدينة
ونقل عن الإمام الأوزاعي أنه كان يرى قول من يرخص في الغناء من أهل المدينة من زلات العلماء التي تأمر باجتنابها وينهي الاقتداء بها
واستدلالاهم بحديث حينما قال لها النبي عليه الصلاة والسلام "ماكان معكم لهو؟ فإن الأنصار يعجبهم اللهو".
و قد وردت رواية أخرى للحديث تبين المعنى من هذا اللهو الذي تحبه الانصار وهي رواية شريك عند ابن ماجه حيث قال رحمه الله " وفي رواية شريك فقال: فهل بعثتم معها جارية تضرب بالدف وتغنى؟ قلت: تقول ماذا؟ قال تقول: أتيناكم أتيناكم فحيانا وحياكم.(فتح الباري، نيل الأوطار، ورواه ابن ماجه باب الغناء والترف) .
وهذا الحديث غاية ما فيه اباحة استخدام الدف في النكاح وهذا جائز بالاتفاق بالنسبة للنساء ، وعليه فهو حجة للمحرمين وليس بحجة للمبيحين على تحليل الآلات الموسيقية .
وكل من حلل الغناء تم الرد عليه من كل العلماء
وقد صدق ابن القيم عندما قال في كتابه(إغاثة اللهفان ): "أنك لاتجد أحداً اعتنى بالغناء وسماع آلاته، إلا وفيه ضلال عن طريق الهدى، علماً وعملاً، وفيه رغبةً عن إستماع القرآن إلى إستماع الغناء، بحيث إذا عرض له سماع الغناء وسماع القرآن عدل عن هذا إلى ذاك، وثقل عليه سماع القرأن )
==========
شوفى الرابط ده
الكتب - الجامع لأحكام القرآن - سورة لقمان - قوله تعالى ومن الناس من يشتري لهو الحديث ليضل عن سبيل الله بغير علم - الجزء رقم14

قال الألباني رحمه الله: ( اتفقت المذاهب الأربعة على تحريم آلات الطرب كلها ) (السلسلة الصحيحة 1/145).

اقتباس قال ابي الطيب الطبري : فأما سماع آلات اللهو فلم يحك في تحريمه خلافا(نزهة الاسماع )وكذا الامام البغوي حيث قال (واتفقوا على تحريم المزامير والملاهي والمعازف) (شرح السنة ) وكذا الموفق ابن قدامة حيث قال(آلة اللهو كالطنبوروالمزمار آلة للمعصية بالاجماع) (المغني 9/115) والامام أبي عمرو بن الصلاح ( فليعلم أن الدف والشبابة والغناء اذا اجتمعت فاستماع ذلك حرام عند أئمة المذاهب وغيرهم من علماء المسلمين ولم يثبت عن أحد ممن يعتد بقوله في الاجماع والاختلاف أنه اباح السماع) (فتاوى ابن الصلاح 300) وكذ اابو العباس القرطبي( أما المزامير والاوتار والكوبة.. فلا يختلف في تحريم سماعه، ولم اسمع أحدا ممن يعتبر قوله من السلف وائمة الخلف من يبيح ذلك)(كشفالقناع عن حكم الوجد والسماع 72) والنووي (المزمار العراقي ومايضرب به الاوتار حرام بلا خلاف) ( روضة الطالبين 8/205) وغيرهم كشيخ الاسلام ابن تيمية( مجموع الفتاوى 28/118)وابن القيم(مدارج السالكين 1/491)والامام البزازي من علماء الحنفية(البحر الرائق 7/89)وابن حجر الهيتمي(كف الرعاع 124) وأيضاالخليفةعمر بن عبد العزيز وقد أقره على ذلك الامام الاوزاعي،

=============
بخصوص الاناشيد الاسلاميه
اى انشود اسلاميه فيها موسيقى فهى حرام
وعلى فكره هناك فتاوى كثيره بتحرم رفع المرأة صوتها بتلاوه القرآن وجهرها جهراً يسمعه من
ليس من محارمها فما بالك الغناء والتبرج والرقص والملابس الخليعه
وحتى لو فى ناس حللت الغناء هل يقصدوا الغناء اللى موجود دلوقتى
وهل يعلموا ما وصل اليه حال هذه الامه
انا لست بحاجه الى علماء لكى يحللوا او يحرموا الغناء
بل والله الذى لا اله الا هو لو كل الشيوخ الذين يحرمون الغناء فى عصرنا الحالى
اجمعوا على الغناء حلال ؛ والله لن أأخذ فتواهم لان تحريم الغناء شيىء ليس فيه جدال عندى
وكل من يحلل الغناء هو حر فى نفسه ( ستكتب شهادتهم ويسألون )
واذا كان فى تطبيقات للموسيقى عندنا علاج بالقرآن
والقرآن شفاء للصدور
وبخصوص التيترات
عندك القنوات الاسلاميه شوفى تيتر برامجها
هتلاقى عباره عن بيتين شعر
اما برامج على قناه النهار وسى بى سى وغيرها
فمش عارف ازاى يقدموا محتوى فاسد فى البرامج ويقدوا على نفس القناه برامج دينيه
( قمه التناقض )