عايزة تكسبي حماتك طب تعالي بسرعه هقولك ؟

[phalsteen]

وما زلنا مستمرين مع حمله نفرتيتي للنصايح الخزعبلاية
وربنا يخليني واجامل يارب

دلوقتي انتي وهي يا اختي لازم تعرفي
ان حماتك دي وش السعد عليكي
هو مش ضروري سعد لانه جايز يكون محسن او اسماعيل
بس متعترضيش علي قضاء ربه وقدره
وتقوليلي بئه اصلها وبتاع

مهي لولها كان زمانك لسه قاعده في بيتكوا
بدوري علي بيت العدل


يعني لو لاقيتيها بتخبط علي الباب الساعه 6 الصبح
وتقولك هنقضيها نوم للضهر احنا ومش هنجهز الغدا في سنتنا

هخليكي شطورة كدة ومتصرخيش ولا تزعقي
خدي بعضك وروحي كملي نوم عند ماماتك يختي
وابقي تعاليلها ع العشا بئه

ولو جه معاد العشا
وقومتي جهزتلها الاكل زي الشاطرة وقولتلها اتفضلي يا ماما
وردت عليكي وقولتلك جتك مو يختي
دا انتي اكبر مني انتي مستصغره نفسك يا بت

برضو عيب احنا قولنا ايه
خليكي عاقله
روحي علي حماكي وقوليله ماما عاوزة تتفسح يابابا
يمكن ربنا يسهل وياخدها شرم 25 سنه ولا حاجه
وتبقي جات من عند ربنا

طب لو بعد ما غسلتي فساتين حماتك
وروحتي زي الشاطرة تديها الهدوم وقامت رمتها
وقالتلك دا غسيل يا موكوسه مهي كانت جوزارة منيله
عليكي وعلي اللي ابتلاني بيكي

برضو ولا يهزك
عادي
انتي العاقله
علي حماكي برضو
وقوليله ماما عاوزة فستان زي بتاع نانسي
وهو هيقوم بالواجب ويجبلها بدله شعبولا

طب ولو فضلتي في المطبخ لحد ما طلعت عينك
وعملتلها اشكال واصناف
وطبعا فتحت نفسك وقالتلك
خربتيها يختي
جيل بايظ
وياريت الكل يتاكل اهو منظر ومفيش طعم

بصي بئه ساعتها
تروحي علي المحروس جوزك
تضربي معاه خناقه وتلمي عليه الجيران
وعلي اقرب مأذون بئه
بس اهم حاجه متنسيش المؤخر يا بت



يـــــــــالا
اقعدوا بالعافيه

[حنان الجزائرية]

هههههههههههه

يالهوي انت ناوية تخربي بيوت العالم بافكارك العبقرية دي

[Lamees]

يا سلام على الحنية يا سلام على الأنسانية هههههههههههه

[همس الحنين]

ايه يا حاجه

دى نصائح دى ولا قنابل ذريه

يا سيتى الله الغنى عن النصيحه

توبيك مهبوش من الاخر

[انجي_1]

افكار جوناااااااان
جات على مزاجي بقا
في طور التنفيد
ربنا يخليكي لينا

[~♥ Queen sozan♥~]

اية الحنية والحب دة كلو هههههههههههه

ومنك نستفيد يا جمر

[العاشق الذى لم يتب]

ان شاءالله لمااخطب وحدة واجوزها
هخليها تشوف نصايحك دى
وتعمل بيها علشان تصاحب مامتى
والله يجزيك على النصياح الغالية دى