الزمالك يعبر حرس الحدود بهدفين متاخرين

[აα∂ Ԑγεა]

نجح الزمالك فى تحقيق الفوز على حرس الحدود بملعب المكس فى الإسكندرية بنتيجة 2/0،
ضمن لقاءات الجولة الـ16 من الدورى الممتاز.




سجل للزمالك المدافع ياسر إبراهيم من كرة مرتدة بعد تصدي حارس مرمي الحرس
لرأسيه خطيرة من المدافع الاخر محمود فتح الله ,,
يسكنها ياسر ابراهيم الشباك بطريقة رائعه ,,

ثم سجل أحمد على الهدف الثاني للزمالك فى آواخر الشوط الثانى من المباراة
مستغلا خطأ في دفاعات الحرس بطريقة فنية رائعه ,

وبذلك يرتفع رصيد الزمالك للنقطة 22 ليصبح في المركز الثالث ولديه مباراتين مؤجلتين
بينما يظل رصيد الحرس من النقاط 19 نقطة في المركز الخامس ,

[აα∂ Ԑγεა]

مباراه سلبية الي حد كبير جدا ,,

فريق داخل الملعب مش عايز يعمل حاجة علي الاطلاق
لا عايز يهاجم ولا عارف يدافع و يتنظم كويس " الحرس "

وفريق داخل الملعب عايز يفوز ومش عارف ازاي
ملهوش ملامح واضحة مجرد سيطره سلبية " الزمالك "
,,

مباراه عنوانها " الميس باص " و" الملل " , في اول 70 دقيقة !

,,

ركلة جزاء الحرس" دي محتاجة كلام كتير " !

في البداية تصرف ساذج جدا من مدافع المفروض دولي كلف ناديه ركلة جزاء مجانية !
كانت بسهولة ممكن تقتل الماتش
ثم تصدي من زمان اوي مشوفتهوش من عبدالواحد السيد ,,
عبدالواحد عمر ما كان بيصد ركلات جزاء من الاساس !
وفرحتي في ضياع البلنتي لها سببين الاول زي ما قلت لانه وحيد مش بتاعته دي !
والثاني ان اينو ضيعها وهو اللي فكر نفسه اندريه بيرلو زمانه طول المباراه
وعمل نفسه اللاعب الكبير مع انه اصلا لاعب فاشل وناكر جميل النادي اللي صعنه !!
#احسن !

ركلة الجزاء اصبحت فارقة بطريقة مكنتش المفروض تكون فارقه بيها !
المفروض كانت هتقتل الماتش لصالح الحرس لو اتقدم 1/0
لكنها قلبت عكس بضياعها وقلبت الماتش لصالح الزمالك , اللي انتعش بعدها واتحمس
واكبر سبب لانتعاشه هيا تغييرات ميدو المميزة والمعتادة من الماتش اللي فاتت
تغيريات حيوية وشابه وسريعة شالت الملل من الماتش !

كورة ثابته رائعه كعادة مؤمن زكريا ترتد ويخطف ياسر ابراهيم المجتهد هدف رائع
يتفك بيها حرس الحدود ويلاقي دافع يلعبله ! انه يتعادل ,
يتحول من فريق عقيم لا مغزي ولا غرض له الي فريق مشاكس وخطر
لكن في وسط الدربكه احمد علي يظهر !
الزمالك للمرة الثانية علي التوالي يخطف الفوز في وقت متاخر من المباراه
ودي عقلية الفريق البطل واللي بدات تظهر في الزمالك !


نقاط سريعه بقي معتادة مني :d

# مؤمن زكريا اكثر لاعب مجتهد ومثابر في الزمالك لكن الحظ بعد عنه مش اكتر
# تصدي عبدالواحد ماهو الا نتاج افضل فتره تألق له من فتره طويلة
# ياسر ابراهيم نجم المباراه منع اينو من انه يكمل البلنتي و سجل هدف التقدم الاهم
# نور السيد مش بفهمه الحقيقة ومنتظر لاعب وسط حقيقي مش كماله عدد !
# احمد توفيق كان عباراه عن ناشئ النهاردة مش اكتر مجتهد ونشيط ومعندهوش خبره !
# حازم يظل الاخطر في الزمالك والمشكلة انه الكل عارف دا وبيحجم عليه !
# عبدالشافي كالعادة متوازن وكالعادة منتظر منه اكتر من كده بكتير !
# بعد تسجيل احمد علي لهدف بعد صيام , دلوقت هيظهر احمد علي بتاع الكأس ؟
# فتح الله ساذج !
# مصطفي فتحي واوباما فعلا مستقبل الزمالك المبهر !
# محمد ابراهيم من غيرك الفريق مش عارف يلعب كورة !

[توحد ارواح]

مبارك للزمالك
وعقبال الفوز ف المبارتين المؤجلين كمان يبقى تمام
بس ياريت المستوى يبقى حلو شويه ويعالجوا الثغرات
نفسى بجد اتفرج على كوره حلوه شويه ولكنى احجمت
حلو التحليل ده ورؤيتك الشخصيه للمباراه واللاعبين
رائع كأنى شفت الماتش
شكرا ع التغطيه الممتازه
تحيتى

[دمعه حائره]

مبروك للزمالك تقرير جميل وتحليلك للمباراه عجبنى
يعنى انا كده ممكن مش اتفرج على مبارايات واعرف اللى حصل منك انت
تسلم ياحوده ويدوم التميز

[سارة بنت مصر]

يسلمووووووووووووووووو على التوبيك الجميل

بالتوفيق للزمالك والف مبرووووووووووووك وفعلا اينو عامل نفسه كان مفيش لاعب غيره

مش هو كان فى الزمالك

لو الزمالك كسب الماتشين الموجلين هنبقى كام نقطه

[აα∂ Ԑγεა]

اقتباس المشاركة الأصلية كتبت بواسطة توحد ارواح مبارك للزمالك وعقبال الفوز ف المبارتين المؤجلين كمان يبقى تمام بس ياريت المستوى يبقى حلو شويه ويعالجوا الثغرات نفسى بجد اتفرج على كوره حلوه شويه ولكنى احجمت حلو التحليل ده ورؤيتك الشخصيه للمباراه واللاعبين رائع كأنى شفت الماتش شكرا ع التغطيه الممتازه تحيتى

الله يبارك فيكي
ان شاء الله يحقق المطلوب في المباراتين دول :]

للاسف الوضع الحالي الكروي في مصر سيئ وممل فعلا
وميشجعش حد انه يتابع
لكن يبقي العشق هو المتحكم فينا كمشجعين واللي بيجبرنا علي المتابعه


تسلمي يارب وسعيد بوجودك وردك وانه التحليل عجبك
ميرسي جدا ليكي ونورتي القسم بوجودك الجميل

[აα∂ Ԑγεა]

اقتباس المشاركة الأصلية كتبت بواسطة دمعه حائره مبروك للزمالك تقرير جميل وتحليلك للمباراه عجبنى يعنى انا كده ممكن مش اتفرج على مبارايات واعرف اللى حصل منك انت تسلم ياحوده ويدوم التميز

الله يبارك فيكي بقي
ههههههه لا مش للدرجة بقي عايزنك تتابعي وتتفرجي وتشجعي
والاهم يتحرق دمك طول الماتش وفي الاخر تفرحي
شعور جميل متخليهوش يفوتك :d

نورتي بوجودك وردك الجميل يا منه
ويارب دايما تنورينا بوجودك في القسم

[აα∂ Ԑγεა]

اقتباس المشاركة الأصلية كتبت بواسطة سارة بنت مصر يسلمووووووووووووووووو على التوبيك الجميل بالتوفيق للزمالك والف مبرووووووووووووك وفعلا اينو عامل نفسه كان مفيش لاعب غيره مش هو كان فى الزمالك لو الزمالك كسب الماتشين الموجلين هنبقى كام نقطه

الله يبارك فيكي بقي ومبرووك لكل الزمالكاوية

اها اينو قدام الزمالك حاجة واينو الحقيقي حاجة تانية !
فاكر نفسه في تحدي اكنه بيحاول ينتقم من نادي رماه بعد سنين جهد قضاها فيه
بينما الحقيقة انه هو اللي خان الفريق اللي بناه وعمله وانتقل للخصم !
اتبسطت انه مجابهاش جون وخرج بعدها من المباراه اكتر من الفوز :d

لو الزمالك كسب المباراتين المؤجلتين هيبقي 28 نقطة
في المركز الثاني بعد بتروجيت اللي عنده 29 نقطة
والاهم من دا انه في مواجهه مباشره مع بتروجيت قريب
لو الزمالك فاز فيها باذن الله هيبقي اول مجموعته