شخــــــابيط ،،،

[MĺŔǾ]

موش عارف حاسس اني آخر واحد فكر يبقي ليه صفحة هنا
بس برضه [ موش عارف ] ايه اللي خلاني عايز اعمل صفحة ليا
يمكن عشان في اللحظة دي زهقـــــــان وموش لاقي حد أكلمه
ولا شوية فراغ آل يعني أنا فاضي أساسا آل ،، ولا يمكن
حنيني للكتابه تاني ،،
المهم اني بكتب دلوقتي ودا في حد ذاته مخليني مبسوط

[MĺŔǾ]

فيه مصيبة حصلتلي امبارح ضيعت عليا فرحة المدونة وهيا الحلاق التركي اللي بحلق عنده كان قافل ولازم احلق فاضطريت اروح لحلاق هندي الحوار بينا بدأ كالاتي :-
انا :- how are you man ?
الحلاق :- تييييييييييييييييييييييت ( علامة تعجب كبيرة قوي علي دماغة واضح انه موش بيفهم انجلش )
دخلت علية بالعربي المكسر اللي بيفهموه :-
أنا : - كيفك صديك ( صديق )
الحلاق :- تمام يا مدير
انا :- حلاقه تمام أنا أبغي
الحلاق :- انا فيه معلوم انت جميلة ( يعني انا عارف يا جميل )
أنا :- انت هتحلق ولا تعاكس بروح ........ ( هههه بالمصري بقي دا انا بتعاكس من واحد هندي أحيه )
الحلاق :- ليه معصب إنت مدير ( اه مدير يعني يا برنس كدا بالمصري )
أنا :- صديق انت فيه جرجر كتير يقطعك ( يعني انت رغاي قوي يقطعك )
الحلاق :- انا فيه اقطع شعر تمام ( و هوبا مسك المقص )
المصيبة هنا اني قلعت النضارة عشان احلق وعرفت اني غلطت غلطة عمري بس بعدين بقا هههههه
انا :- انت فيه شيل من هنا وهنا وشيل هنا وهنا
الحلاق :- انا في معلوم راحة انت بس
انا :- اشته يا صديك ( اشته يا صاحبي هههه )
الحلاق طخ طوخ طييييييييييخ وووووخ ويحط حاجات ويشيل حاجات ويرش علي وشي حاجات ( افتكرت هنا كتكوت في الفيلم وعايز اقوله ابو اللي جاب ابوك وازقه واطلع اجري ههههههه )
بس يا جماعة الصديك فرحان ومبسوط وبيجبلي النضارة عشان اتفرج علي الفن اللي عمله في دماغي طبعا موش محتاجين اقولكم ابن التيت خابطني مقصين كأنه بيمحر جدار من علي اليمين أحيه قولت ماشي مقدور عليها بيلف المرايه للشمال لقيته تقريبا كاتب اسمه علي دماغي كأنها لوحة وبيوقعها ( عمل الفنان شاروخان هههه ) قولنا يا سيدي حقه ما هو اللي راسم قصدي اللي حالق هههههه
هوبا بيلف المرايه عشان يوريني قفايا وآه يا قفايا افتكرت وهو بيلف واحد صاحبي قالي اوعي تحلق عند هندي ولو حلقت عنده قوله سيبلي القفا طويل بس بعد ايه يا ناااااااس ههههههههه ولقيت الاسطورة بتتحقق في قفايا واكل قفايا لغاية نصه حقيقي قفايا بقا مستفز انا ذات نفسي اديا كلتني علي قفايا ههه ،، طبعا تنحت لدقيقتين والعفاريت عماله تتنطط في وشي قوم يا واد يا ميرو اخبطه مقص تحت نن عنيه ولا بالموس اكتب اسمك علي طـ..... احم احم المهم
قولتله شيل انت يا صديك شعر زيرو
لقيته زعلان وبيقولي ليه كدا جميله
جيت قايله ماتخلص يابن الــ ....... (خلاص بقي هقوم اغير ملامح وشه )
المهم خلص حلاقة الزيرو و رفعت لياقة القميص زي العيال الصيع وضربت اديا في جيبي فلقيته مبسوط قال يعني الحلقه عجبتني وهديله فلوس هههههه وطلعت مفاتيح السيارة ومشيت زي فردة الجزمة اللي ملهاش رباط ههههه الغريبه انه ما ناداش عليا وقتيها بس عرفت انه حس بغلطته ودا هدي من اعصابي شوي ههههههههه
آه بالمناسبه ثانكس علي الليكات والتشجيع ،،،،،،،،،

[MĺŔǾ]

[MĺŔǾ]

[MĺŔǾ]

[MĺŔǾ]

[MĺŔǾ]

[MĺŔǾ]

[MĺŔǾ]

[MĺŔǾ]