كنـــــت فاكرهــــــا بتضحكلـــــــي

[شاعر الحب الحزين]

أنــــــا كنـــــت فاكرهــــــا بتضحكلـــــــي

وكنــت حاســس إنهــا كـده بترتحلــــــي

قـال وأنــــا مـــــا صدقــــت

فكرت إني حبيت وعشقت

ورحت بلهفة أقـول عنها لأصحابــي وأهلــــي

ضحكتهـا كانـت حاجـة تانيـــة

لمـا تضحكلـي بنسى الدنيــا

شغلت قبلها قلوب كتير ولا شغلوني

وهي بضحكة شغلتني ف ثانية

طلعت ما بتضحكليش طلعت بتضحك على شكلــي

شبهتنـــي لحــد هـــي عارفـــــاه

كانــت زمــــان عايشـــة معــــــــاه

لا وكمــــان طلعـــت واخدانــي عــلى قــــد عقلـــــــي

وأنـــا اللــي كنـــت طالـــع فيهــــــا فـــوق

ولا حـب يهمنــي ولا يشغلنـــــي شـــــوق

لا ويامــا كنــت مفكـــر إنــــي لا بعـــــــدي ولا قبلــــــــي

بضحكـــة وهـــم شغلتنـــي وخدتنــــــي

وألف ضحكة من القلب قبلها ما شغلتني

من ضحكة عليا مش ليا عشقتها وبقيت بحبها مبلـــــــي



زي الدنيـــــا تضحكلنـــــا بغـــــرور ونصدقهـــــــــا

وننسى الآخــرة ونجــري ورى الدنيا ونعشقهــــا



شــــــــــــــــــــــــــــــــــــــــــ . حـــــــــــــــــــــــــــــــــــــــــــــــــ ــــ

[أنين الليل]

بيقولو الضحكه واحده بس الحكم عليها اشكال والوان انت حكمت عليها بالحب وهيا حكمت بالاستهزاء حروف راقيه منك يا شاعر فى انتظار جديدك

[شاعر الحب الحزين]

اقتباس المشاركة الأصلية كتبت بواسطة أنين الليل بيقولو الضحكه واحده بس الحكم عليها اشكال والوان انت حكمت عليها بالحب وهيا حكمت بالاستهزاء حروف راقيه منك يا شاعر فى انتظار جديدك

ماشاء الله عليكي وعلى فهمك أنين

هي فعلا الضحكة واحدة والعقول هي اللي بتصورهالنا

بالشكل والحكم اللي هي عايزاه

وجود جديد جميل واكيد الرقي والروعة بتواجدك الرائع

احترامي لكي

[دمعه حائره]

كتير تصرفات بنفهمها غلط
ماتعرفش دى طيبه ولاقدرات عند الاخريين
تسلم كلمات جميله وبتعرض موقف فعلا موجود فى المجتمع

[العاشق الذى لم يتب]

آه ياصحبى
ياما كتيراتخدعنا
وكنا بنفكر انها بتضحك لينا
أتارى كانت بتضحك علينا
مش أنت لوحدك اللى أتخدعت
تسلم ياشاعرنا الكبير
خاطرة جليلة
لك تحياتى وودى
رفعت كان هنا

[شاعر الحب الحزين]

اقتباس المشاركة الأصلية كتبت بواسطة دمعه حائره كتير تصرفات بنفهمها غلط ماتعرفش دى طيبه ولاقدرات عند الاخريين تسلم كلمات جميله وبتعرض موقف فعلا موجود فى المجتمع

اه فعلا هي النية في النهاية هي اللي بتبين

وتوضح لنا الصورة وتصرفاتنا على حسب ما بيصورلنا عقلنا

وممكن نفهم ناس غلط وف نظرنا نبقى فاهمينهم صح

عندك حق ف كل كلمة قلتيها

تسلمي بجد شمس المنتدى على وجودك الجميل

أسعدني وشرفني حضورك الكبير في صفحتي الصغيرة

احترامي لكي

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب آه ياصحبى ياما كتيراتخدعنا وكنا بنفكر انها بتضحك لينا أتارى كانت بتضحك علينا مش أنت لوحدك اللى أتخدعت تسلم ياشاعرنا الكبير خاطرة جليلة لك تحياتى وودى رفعت كان هنا

طول ما احنا بنصدق أي حاجة يا رفعت

هنفضل يتضحك علينا ونبقى فاكرين إنها بتضحكلنا

بتهون يا رفعت يا جميل وان شاء الله تضحكلك دايما

نورتني جدا بوجودك الجميل اللي بيرسم السعادة

في قلبي دايما وبعتز جدا بوجودك وكلامك يا رفعت

احترامي لك

[Lamees]

مش عيب ابداً اننا نخطيء في الحكم على تصرف ما
لعيب كل العيب ان يمر هذا الموقف مرور الكرام
ولا نضيفه لقائمة تجاربنا لنتعلم منها

طرح راقي خالد
دمت بروعتك

[شاعر الحب الحزين]

اقتباس المشاركة الأصلية كتبت بواسطة ro♥ony مش عيب ابداً اننا نخطيء في الحكم على تصرف ما لعيب كل العيب ان يمر هذا الموقف مرور الكرام ولا نضيفه لقائمة تجاربنا لنتعلم منها طرح راقي خالد دمت بروعتك

رد بألف رد وكلام منطقي جدا وصح يا روني

هي الحياة تجارب وآدينا بنتعلم في مدرسة الحياة

سلمتي روني على هذا التواجد الراقي والحضور الطيب

يسعدني جدا حضورك وتعقيبك الجميل على كلماتي القليلة

احترامي لكي

[phalsteen]

تجسيد رائع
وكلمات لا غبار عليها
تحت مسمي الضحك تكن لغات الوجوه
دع الشك ارضا وخذ من القلوب دليل

حماك الله اخي
راقتني كلماتك