حل ؟!! لانى تعبانة اوى

السلام عليكم

انا بحب واحد من نفس مدينتى وكنا مرتبطين حوالى سنة
و اخر شهرين من السنة دى كان قرب من ربنا اوى اوى وكنت فرحانة اوى
بالتغيير دا بس متوفعتش ان ممكن يوصل اننا منتكلمش خالص
طبعا الحمد لله اكيد عمرنا مهنكون لبعض واحنا بنغضبه ,,
بس هوا فعلا من نفس مدينتى لكن فرصة انى اشوفه صعبة جدا
وكمان مبقناش نتكلم حتى فيس وبكون وسط اصحابى وهما عارفين دا
بتعبولى اعصابى وانا طبعا مش فارق معايا اى كلام من كلامهم
بس مش لاقية اى حد يريحنى الوحيد الى بيريحنى كان هو
وانا على الحال دا بقالى شهر ونص ممكن اطمن عليه ويطمن عليا
بس كل فترة كبيرة اوى وانا تعبانة وعاوزة حل اقدر اكلمه ويكون معاايا
وخصوصا ان انا قدامى سنة او اتنين عشان اهلى ممكن يوافقوا على خطوبة
رسمى لان خطوبة رسمى مش هينفع خالص وانا مش عارفة اعمل ايه لانى
تعبانة اوى ونفسى ارتاح وبقالى شهر ونص بحاول اتكيف لكن بزيد تعب

[phalsteen]

دا انتي غريبه اوي يا بنتي
حد يطول كدة
دا كفايه انه حافظ عليكي وبعده دا خوف ولمصلحتك
وكمان بيتقي ربنا اهو وخايف من الغلط
الحل اللي ادامك انه يجيي يقابل اهلك بدال بيحبك
ومفيش حاجه اسمها مينفعش
اللي مينفعش بجد انك تلغبطي حالك كدة
حاولي تتكلمي مع ماماتك او باباكي بهدوء
وربنا يصلحلك الحال يارب
دعواتي

[محمود الصاروخ]

بصى هي حاجه كويسه جدا جدا انه قرب من ربنا
زى ما بتقولى وكلنا بنتمنى اننا نكون كده
أما موضوع الخطوبه ده شوفى مامتك أو أقرب
حد ليكى يتكلم مع باباكى وان شاء الله يوافق
ع الخطوبه .. ربنا يوفقك ان شاء الله
ويهديكى لـ الطريق الصح

[الآمير العآشق]

موش ينفع اعطيك راي غير لما توضحي اكتر
بمعني.. انتي تعرفيه من حوالي سنه
تعارف فيس فقط ومجرد انو من نفس بلدتك
ولا بيكون في بينكم لقاءات خارج نطاق الفيس
تيب وخلال السنه دي / حسيتي
او عرفتي انك لوحدك الي بيعرفها
ولا كان له علاقات اخري ولو حتي بسيطه
بس حبك له خلاك تتغاضي عنها
وبرد خلال السنه دي فتح معك ولو مره
خلال كلامكم مع بعض سيره زواج او خطوبه /
ولا دا تفكيرك انتي انو الخطوبه لازم تكون
نهايه لعلاقتكم مع بعض

[MĺŔǾ]

ريحي دماغك وقوليله يجي يتقدم ليكي ولو حتي قراية فتحة والبيت عندك يعرفوا والبيت عنده يعرف وصدقيني بعديها بشوية هتيجي الخطوبة بس علي الاقل يكون فيه خطوة
تحياتي وبالتوفيق إن شاء الله .....

[أنين الليل]

بوصى كل حاجه بأيد ربنا ولو هو ليكى مهما كانت الاسباب هيكون ليكى ولو مش ليكى يبقى خلاص عادى الخيره فيما اختاره الله

[Caramilla]

ربنا يسهلك باذن الله انتي واللي بتحبيه
توكلي على الله وكلمي اهلك وباذن الله كل خير
بالاخص وانه شئ بالحلال فميش حاجه هتقدر تمنعك

[توحد ارواح]

لو مش هينفع خطوبه رسمى زى ما قلتى
يبقى مفيش غير حل واحد بس
وانك يبقى عندك يقين وقناعه جواكى ان كان ليكى نصيب فيه
باذن الله ربنا هيجمعكم وانك تعقدى النيه على كدا
ويمكن تقربه من ربنا وعدم كلامه معاكى برده علشان ربنا ييسر لكم الامور
ويجمعكم سوا ف الحلال ان شاء الله ان كان هوالخير ليكى
والله المستعان

[AHMED SEVEN]

اولا عايزك تعرفي حاجة وتركزي عليها اوي بلاش يخدك التيار بحبك اوي كده حولى تجمدي شوية تعبك ده مش هيفيد حد ولا هيستعطف حد ولا هيضر حد انتي بس اللى هتضري وانتي اكيد مؤمنة بالله مش كده ولا ايه .. يعني لو فيه نصيب هتكونوا لبعض .. ياما ناس حبت وعرفت ونسيت وقبلت ناس تانية واتجوزوا وكانت العلاقة الاولي مجرد ذكريات انا عارف ان الموضوع صعب عليكي اكيد بس حاولى تشغلي عقلك حبتين

نقطة قالوها اللى قبلى وعجبتني ومعاهم فيها انك تحكي لمامتك او لو ليكي اخت كبيرة هي هتنصحك كويس .. لكن قبل ده جوبي على السؤال ده

ايه هو تبريره للبعاد يعني قالك هنسيب بعض ومش هنتقابل عشان هو متدين وكده واداكي وعد انه هيتقدملك خلال مده سنة او بعد سنتين مثلا ولا هو بعد عنك بس وقالك مش هينفع نتقابل عشان حرام وخلاص ؟؟؟

جوبيني وهقولك تعملى ايه على قد ما هقدر