حل ؟!! لانى تعبانة اوى 2

معلش هضطر اكتب توبيك تانى ارد فيه لان فى اسئلة كتير فى التوبيك الاول
http://forums.banatmisr.com/msryat465580/

اقتباس دا انتي غريبه اوي يا بنتي حد يطول كدة دا كفايه انه حافظ عليكي وبعده دا خوف ولمصلحتك وكمان بيتقي ربنا اهو وخايف من الغلط الحل اللي ادامك انه يجيي يقابل اهلك بدال بيحبك ومفيش حاجه اسمها مينفعش اللي مينفعش بجد انك تلغبطي حالك كدة حاولي تتكلمي مع ماماتك او باباكي بهدوء وربنا يصلحلك الحال يارب دعواتي

هو مينفعش عشان تعليمى وعمرهم مهيوفقوا
انا عارفة انى ممكن اكون طماعة شوية
عاوزاه جمبى وفى الحلال فى وقت مينفعش
ميرسى اوى لرأيك

اقتباس بصى هي حاجه كويسه جدا جدا انه قرب من ربنا زى ما بتقولى وكلنا بنتمنى اننا نكون كده أما موضوع الخطوبه ده شوفى مامتك أو أقرب حد ليكى يتكلم مع باباكى وان شاء الله يوافق ع الخطوبه .. ربنا يوفقك ان شاء الله ويهديكى لـ الطريق الصح

فعلا حاجة كويسة وكنت فرحانة اوى لان التغيير دا
كان على ايدى بس للاسف خطوبة مينفعش ابدا !!
ميرسى لرأيك

اقتباس موش ينفع اعطيك راي غير لما توضحي اكتر بمعني.. انتي تعرفيه من حوالي سنه تعارف فيس فقط ومجرد انو من نفس بلدتك ولا بيكون في بينكم لقاءات خارج نطاق الفيس تيب وخلال السنه دي / حسيتي او عرفتي انك لوحدك الي بيعرفها ولا كان له علاقات اخري ولو حتي بسيطه بس حبك له خلاك تتغاضي عنها وبرد خلال السنه دي فتح معك ولو مره خلال كلامكم مع بعض سيره زواج او خطوبه / ولا دا تفكيرك انتي انو الخطوبه لازم تكون نهايه لعلاقتكم مع بعض

لالالالا انا اعرفه من حوالى سنة فيس وقليل موب لظروف شغله
انما لقاءات لاء وعمرى ما شكيت فى اى حاجة بالعكس
هوا عاودنى ان اى حاجة يقولها او يعملها وممكن تكون موضع شك
يجبلى اثبات عليها او كدا من غير حتى ما اطلب او حتى يجى فى بالى اى شك
وكان بعمل كدا فى ابسط الامور
وهوا من اول يوم كلمنى وهوا سأل على موضوع الخطوبة وانه هيتقدملى اول
ما يتخرج لان دى اخر سنة ليه واكون انا مهيئة للخطوبة وفتحنا الموضوع دا اكتر كتييير اوى وميرسى اوى لرأيك

اقتباس ريحي دماغك وقوليله يجي يتقدم ليكي ولو حتي قراية فتحة والبيت عندك يعرفوا والبيت عنده يعرف وصدقيني بعديها بشوية هتيجي الخطوبة بس علي الاقل يكون فيه خطوة تحياتي وبالتوفيق إن شاء الله .....

لو عليه ممكن يتقدم انا الى اهلى حاليا هيرفضو
وكان ناوى يكلم ماما ف الموضوع لو حتى كلام وانا الى رفضت
لان وقت ما رفضت كانت لو عرفت اكيد مش هنقدر نتكلم نهائى
انما الوقتى مترددة فى موضوع انه يكلمها دا وميرسى اوى على رأيك

اقتباس بوصى كل حاجه بأيد ربنا ولو هو ليكى مهما كانت الاسباب هيكون ليكى ولو مش ليكى يبقى خلاص عادى الخيره فيما اختاره الله

ونعم بالله .. شكرا اوى نورتنى

اقتباس ربنا يسهلك باذن الله انتي واللي بتحبيه توكلي على الله وكلمي اهلك وباذن الله كل خير بالاخص وانه شئ بالحلال فميش حاجه هتقدر تمنعك

مش عارفة اكلمهم فى شىء رافضينه حاليا
بس هشوف وربنا يسهل ميرسى اوى ونورتينى

اقتباس لو مش هينفع خطوبه رسمى زى ما قلتى يبقى مفيش غير حل واحد بس وانك يبقى عندك يقين وقناعه جواكى ان كان ليكى نصيب فيه باذن الله ربنا هيجمعكم وانك تعقدى النيه على كدا ويمكن تقربه من ربنا وعدم كلامه معاكى برده علشان ربنا ييسر لكم الامور ويجمعكم سوا ف الحلال ان شاء الله ان كان هوالخير ليكى والله المستعان

وهوا دا الحل الوحيد الى بقدر اتكيف عليه .. ميرسى لدخولك

اقتباس اولا عايزك تعرفي حاجة وتركزي عليها اوي بلاش يخدك التيار بحبك اوي كده حولى تجمدي شوية تعبك ده مش هيفيد حد ولا هيستعطف حد ولا هيضر حد انتي بس اللى هتضري وانتي اكيد مؤمنة بالله مش كده ولا ايه .. يعني لو فيه نصيب هتكونوا لبعض .. ياما ناس حبت وعرفت ونسيت وقبلت ناس تانية واتجوزوا وكانت العلاقة الاولي مجرد ذكريات انا عارف ان الموضوع صعب عليكي اكيد بس حاولى تشغلي عقلك حبتين نقطة قالوها اللى قبلى وعجبتني ومعاهم فيها انك تحكي لمامتك او لو ليكي اخت كبيرة هي هتنصحك كويس .. لكن قبل ده جوبي على السؤال ده ايه هو تبريره للبعاد يعني قالك هنسيب بعض ومش هنتقابل عشان هو متدين وكده واداكي وعد انه هيتقدملك خلال مده سنة او بعد سنتين مثلا ولا هو بعد عنك بس وقالك مش هينفع نتقابل عشان حرام وخلاص ؟؟؟ جوبيني وهقولك تعملى ايه على قد ما هقدر

ونعم بالله ... موضوع انى احكى لمامتى دا صعب شوية
انما موضوع انه يبعد دا زى ما قلت ان تغيره وقربه من ربنا كان على ايدى
وكنت معاه يوم بيوم وفرحانة اوى للى بيحصل فلما قالى لاء مكنش موضوع مفاجىء اوى لان مع التغير دا حسيت ان ممكن دا يحصل بس مكنتش متأكدة
لحد ما قالى اننا نبعد وقالى اول ما يخلص وانا اكون خلصت السنة الى جاية دى ( ثالثة ثانوى ) هيجى ويتقدملى وقالى اننا ممكن نطمن على بعض كل فترة بس كبيرة لانناجربنا نطمن على بعض كل يوم منفعش وبقينا نجر بعض فى الكلام وكاننا مبعدناش اصلا ولا فى اى تغييير ورعنا زى ما كنا



المهم انا حابة فى الاخر اوضح ان بلاش يتاخد موقفى من دافع المراهقة والجو دا

لان مش كل حب هو حب مراهقة ومش كل حب مراهقة فاشل وبردوا مش كله ناجح
زى ما فى حب لناس كتير مش مراهقين وبيفشل !!

[الآمير العآشق]

كوووداا قدرت افهم شوي عن طبيعة العلاقه بينكم
وهو في اكتر من احتمال
انو يكون حقا تدين بشكل مفرط كبدايه
بمعني... خير الامور الوسط
لكن فيه ناس بداية الشي لهم بيكون له تعامل غريب
وهوضح اكتر ... عندنا مثل بيقول الغربال الجديد له شده
وطبعا تدينه شي جميل جدا ويخليك تفرحي به وبشخصيته الجديده
بس ممكن يكون كبدايه له بالتدين / خدها باسلوب مفرط
وشدد التدين علي نفسووو / ودا عادي
بيحصل كبدايه لطريق التدين
وهوووناا بيبدء يحرم علي نفسو حاجات كتير
هي ف اصلها حلال
ومنها ممكن تكون نظرته لعلاقتكم / وقتها بتختلف النظره
وموش معني كوووداا ان الحب راح من جواه
لكن بيبتدي يغربل حياته للمعايشه باسلوب جديد للحياه
وف الحاله دي بيكون الحلال عندو هو اسرع طريق لهذا الحب
بس يمكن عندو اعذار انتي لاتعلميها /

وعشان كوووداا كل المطلوب منك بعض الصبر
يحني اصبري عليه ايام او شهر واتنين
وتاكدي ف خلال الفتره دي / هتستقيم اموره
ويبدء نظرته للتدين تاخد شكلها الوسطي لا المتشدد
ووقتها هيكون هوونااك مجال للمصارحه بينكم اكتر
ومعرفه نيته علي حقيقتها / وان كان ينتوي التقدم لخطيبتك
ام هوونااك مايعيقه او يبرر به هروبه من هذي الخطوه

[سيناا]

حاسس دخلت برنامج الاتجاه المعاكس


شو ع يصير