مـــــــش راجــــــــع عشانـــــــــــك

[شاعر الحب الحزين]

بصـــي لـــي كلمينــي أنــــا مـــش راجـع عشانــــــك

فاكرة آخر مـرة ضميتيني وقع الحلق ده من ودانـــــــك

مـــــش راجـــع أقولــك ارجعيلــــــي

واحــب اعرفـك إن فـي وحــدة غيــرك خـــدت مكانـــــك

خـــدي الدبلـــة دي احتفظـــي فيهـــــا

دي أول هديـة منــك في لحظـة كان فيها حبك وحنانــــــك

مــش عايزهــا ومــــش عايــز حاجــة منــــك

مش عايز ولا ذكرى عايز بس أبعـــــد عنـــــك

بعـد مـا ظلمتينـي بشكـك واتهمتـي قلبـي إنـه خانـــــــــك

ياريتنـــي اقـــدر ارجعلـــك كلامــــك وكدبــــــك

وهرجعهـم ليـه موجود منهم كتير في قلبـــــك

خـدي ماضيكي وجرحـك وابعــــدي ف حبـــــك

كنتي غلطانة لما ظلمتيني وآديكـــي خسرتــــــــي رهانـــــــك

وآســف إنـــي مـــــش هرجعلـــك صــــــورك

أصلـي حرقتهـم ما يطفيش نارهم غير دموعك وهمك وحرمانـــــك

ابكــــي عليــــــا إنـــك يامـــا ظلمتينــــي

إنـي كنـت بيــن إيديكـي وإنتي ضيعتينـي

لو تبكـي كـل دمـوع الدنيـا مش هترجعيني

إنتـي خسرتينــي خــلاص بــس مـبروك عليكــي كسبتــي أحزانـــــك

ومــــش عايــزك ترجعيلــي حاجـات كتيــــر

قبـل مـا امشـي عايزك تصحي جواكي الضمير

تفهمي إزاي تحلمي في زمن واقعه صعب ومرير

خدتـي زمنـك وعشتيـه بغـرور وانتهـى دلوقتـي الزمان مبقاش زمانـــــك

اللــي جابنــي إنــي جيـت أرجعلـك الحــلق

وصدقينـي مــــــــــش عايــــــــــز ارجعلـــــــك ولا راجـــــــع عشانـــــــك



شـــــــــــــــــــــــــــــــــــــــــــــ . حــــــــــــــــــــــــــــــــــــــــــــــــ

[العاشق الذى لم يتب]

رسالة جامدة للبت اللى تعباك اوى يامش قادر احفظ اسمك
مش مهم الاسم المهم انك الشاعرالجميل
أنت أنبتها أوى وقسيت عليها
بس بلينى وبينك هى فعلا خسرانة ومش كسبانة غيراحزانها
تستاهل اللى جرالها
ومدام فيه وجدة تانية اخدت مكانها يبقى سيبك منها
بس عندى شك انك تقدرتنساها
سلمت ودمت شاعرنا الفذ
تحياتى وودى

[أمواج الرحيل]

عتاب جميل منك اخى وفعلاً هيا الخسرانه

[Lamees]

قبل ما تلومها وتعاتبها
وتقول انها سبب احزنك
طيب كنت فين انت منها
وايه خلاك تسيب مكانك

خالد يروقني طرحك الجميل
ولكن اخي هون عليك احزانك
لقلبك السعادة

[محمود الصاروخ]

عتاب جميل منك شاعرنا
بس مفيش واحده تستاهل حزنك ده كله
روق كده و سيبها ع الله

تسلم الأيادى ياحبى
بتمنالك التوفيق

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب رسالة جامدة للبت اللى تعباك اوى يامش قادر احفظ اسمك مش مهم الاسم المهم انك الشاعرالجميل أنت أنبتها أوى وقسيت عليها بس بلينى وبينك هى فعلا خسرانة ومش كسبانة غيراحزانها تستاهل اللى جرالها ومدام فيه وجدة تانية اخدت مكانها يبقى سيبك منها بس عندى شك انك تقدرتنساها سلمت ودمت شاعرنا الفذ تحياتى وودى

اسمي خالد يا رفعت

اعمل ايه لازم اعبر عن اللي جوايا وحاسه

وهي كده الحياة بنفارق ناس ونقابل ناس غيرهم

نورتني جدا رفعت يا جميل بوجودك الجميل

طلتك حلوة دايما وبتسعدني جدا

احترامي ليك

[همس الحنين]

الابداع دائما هنا

فإن أحببت تحدثت بإحساس المحب

وأ عاتبت بلغ الاسى منك المنتهى
وان عودت لحبك عادت البهجه لقلمك
وان تجهالت احاسيسك عاتبت بكل وقار

ابداع متجدد
تقديرى لك

[شاعر الحب الحزين]

اقتباس المشاركة الأصلية كتبت بواسطة أمواج الرحيل عتاب جميل منك اخى وفعلاً هيا الخسرانه

الاجمل وجودك أمواج واتمنى انك تبقي بخير دايما

منوراني جدا بوجودك وكلامك

احترامي ليكي

[شاعر الحب الحزين]

اقتباس المشاركة الأصلية كتبت بواسطة ro♥ony قبل ما تلومها وتعاتبها وتقول انها سبب احزنك طيب كنت فين انت منها وايه خلاك تسيب مكانك خالد يروقني طرحك الجميل ولكن اخي هون عليك احزانك لقلبك السعادة

أختي الفاضلة روني تواجدك دائما جميل

واعتز واتشرف جدا بحضورك الراقي

ربي يسعدك ويوفقك روني

احترامي لكي

[شاعر الحب الحزين]

اقتباس المشاركة الأصلية كتبت بواسطة مـح ـ الصاروخ ـمود عتاب جميل منك شاعرنا بس مفيش واحده تستاهل حزنك ده كله روق كده و سيبها ع الله تسلم الأيادى ياحبى بتمنالك التوفيق

حبيب قلبي يا حودا يا برنس

انتا دايما منورني بوجودك وكلامك

وعادي يا صاحبي محدش مستاهل

احترامي ليك