بتروجيت يقسو علي الزمالك برباعيه ويضمن صداره المجموعه

[აα∂ Ԑγεა]

حقق بتروجيت فوزا كبيرا على الزمالك بنتيجة 4/2
في المباراة التي تجمع بين الفريقين على استاد الجيش الثالث بعجرود،
ضمن منافسات الأسبوع 18 من مباريات المجموعة الثانية بمسابقة الدوري الممتاز


دخل الزمالك اللقاء بتشكيل يضم عبد الواحد السيد في حراسة المرمي،
وحازم إمام وصلاح سليمان وهاني سعيد ومحمد عبد الشافي في خط الدفاع،
ونور السيد وأحمد توفيق وعمر جابر ومؤمن زكريا في خط والوسط،
ويقود هجوم الفريق أحمد علي ودومينيك.



أما عن بتروجيت، فقد دخل اللقاء بتشكيل يضم محمد الشناوي في حراسة المرمى، وفي الدفاع أسامة محمد ومحمد دبش وعمر يحيى وأحمد عبد الغني،
خط الوسط محمد فتحي وأحمد مجدي ومصطفى شبيطة وبلال محمد،
وفي الهجوم محمد رجب ومروان محسن.

بدأ الشوط بفترة قصيرة من جس النبض بين الفريقين،
قبل أن يفتتح محمد رجب مهاجم بتروجيت اللقاء بتسديدة من خارج منطقة الجزاء
في الدقيقة الرابعة لتصطدم في القائم،
ليرد نور السيد وسط الزمالك الذي استغل ركلة حرة
ليسدد كرة اصطدمت بالقائم في الدقيقة السادسة.


ومع مرور أول 10 دقائق، شهد اللقاء تألق من قبل حارسي المرمى،
حيث تصدى محمد الشناوي حارس بتروجيت لتسديدة قوية بأقدام مؤمن زكريا في الدقيقة 11،
ثم رد عبد الواحد السيد حارس الزمالك بتصدي متألق لانفراد محمد رجب،
وفي الدقيقة 16 كاد أحمد عبد الغني أن يضيف هدفا لبتروجيت
بتسديدة مرت بجوار القائم،
وبالمثل حاول مهاجم الزمالك دومينيك استغلال جملة تمريرة متميزة
ليسددها كرة مرت بجوار العارضة في الدقيقة 19.


وشهد الشوط خروج محمد رجب مصابا ليتم استبداله بهداف الفريق البترولي جيمس تيبي في الدقيقة 17،
وكاد مروان محسن أن يستغل خطأ نوري السيد ليسدد كرة مرت بجوار قائم عبد الواحد السيد في الدقيقة 33،
كما كاد جيمس تيبي أن يسجل هدفا من انفراد في الدقيقة 38،

وتسديدة أخرى لمحمد فتحي في الدقيقة 40 قبل أن يتألق وحيد في إبعادهما عن مرمى الزمالك،
في لقاء شهد انهيار دفاعي للفريق الأبيض وسط هجمات متعددة للاعبي بتروجيت.


وكاد جيمس تيبي أن يستغل تمريرة طويلة في الدقيقة 43 ليودعها في الشباك من منطقة الـ6 ياردة
قبل أن تخرج بغرابة فوق القائم، وسط تهاون دفاعات الزمالك في إبعاد الكرة،
فضلا عن تسديدة أخرى عبر أقدام مصطفى شبيطة مرت بجوار القائم، ليستكمل مسلسل هجمات الفريق البترولي.

دخل الزمالك الشوط الثاني بثوب جديد وسيطر على مجريات اللعب،
وتحول الزحف الهجومي نحو مرمى بتروجيت.


وصل لاعبو الزمالك إلى مرمى بتروجيت في أكثر من لقطة،
ولم يستغل أحمد علي أكثر من عرضية من الجانب الأيمن
ليضيع على الفريق الأبيض فرصة التقدم بهدف ثاني.


ودفع أحمد حسام "ميدو"، المدير الفني للزمالك، باللاعب محمد إبراهيم
على أمل خلق المزيد من الفرص،
وبالفعل كاد "إبراهيم" أن يتقدم لـ "الفرسان" بالهدف الثاني
لولا براعة محمد الشناوي، حارس بتروجيت.


ونجح بتروجيت في الحصول على ركلة جزاء
بعد عرقلة عبد الواحد السيد لمهاجم الفريق البترولي المنفرد بالمرمى،
انبرى لها أحمد مجدي ووضعها بإتقان داخل الشباك ليتقدم أصحاب الأرض بثاني الأهداف.


وعاد الحكم لاحتساب ركلة جزاء ثانية لـ "بتروجيت" بعد مخالفة "ساذجة"
من الظهير الأيمن أحمد سمير ضد مهاجم الفريق البترولي،
لينفذها مروان محسن بنجاح ويعزز تقدم فريقه بهدف ثالث.


وواصل الحكم احتسابه لركلات جزاء ولكن جاء قراره هذه المرة في صالح الزمالك
بعد إعاقة مؤمن زكريا داخل المنطقة،
نجح محمد إبراهيم في تحويلها داخل الشباك ليحرز الهدف الثاني للزمالك.


وفي الوقت بدل الضائع، استطاع "جيمس" استغلال انفراده بالمرمى
ليسدد كرة بيسراه سكنت شباك الزمالك ليعزز بتروجيت تقدمه بالهدف الرابع
قبل أن يضيع نفس اللاعب فرصة تسجيل خامس الأهداف من انفراد صريح،
لكن تسديدته اصطدمت بجسد "عبد الواحد"،
وأطلق الحكم صافرته بنهاية اللقاء بفوز بتروجيت بنتيجة 4/2.

[phalsteen]

انت لحقت يا اخويا
طب استني علي ما نخف من الصدمه
اه يانا
شكلنا وحش اوي ^_^

[توحد ارواح]

بالفعل هزيمه كبيره للزمالك
وفوز غالى جدا جدا لبتروجيت
لانه انفرد بالقمه وبفارق عن الزمالك كبير
النتيجه مش معبره عن سيرالمباراه
لانها كانت سيجال بينهم
الزمالك كالعاده مش حافظ على تقدمه
مبارك لبتروجيت وبالتوفيق للزمالك ف المباريات الجايه
وربنا يسهل ويفوز ف المبارتين المؤجله لعله يقلص الفرق شويه
خاصة لسه هيلاعب الاسماعيلى ربنا يستر
شكرا ع المتابعه و التغطيه المميزه
تحيتى

[აα∂ Ԑγεა]

اقتباس المشاركة الأصلية كتبت بواسطة nefertiti انت لحقت يا اخويا طب استني علي ما نخف من الصدمه اه يانا شكلنا وحش اوي ^_^

هههههه احنا في عصر السرعه بقي
يلا نعمل ايه ونقول ايه ؟!
انا من اول ما عرفت انه ياسر ابراهيم مش هيبدأ
وانا كنت عارف انه هيكون ماتش تيت شلل للصبح
3 عاهات في الملعب في نفس اللحظه
دا لولا ستر ربنا وعبدالواحد السيد كان الماتش دا كان خلص 9 !!

[phalsteen]

اقتباس المشاركة الأصلية كتبت بواسطة აα∂ Ԑγεა هههههه احنا في عصر السرعه بقي يلا نعمل ايه ونقول ايه ؟! انا من اول ما عرفت انه ياسر ابراهيم مش هيبدأ وانا كنت عارف انه هيكون ماتش تيت شلل للصبح 3 عاهات في الملعب في نفس اللحظه دا لولا ستر ربنا وعبدالواحد السيد كان الماتش دا كان خلص 9 !!

انا برضو قولت كدة
وحمدت ربنا انه خلص ع كده
بس بغلي وربنا
كتير اوي كدة
وماتش وحش اوي
يارب بئه
مجهود مميز يا حودا
يجعل وحشك حلو علينا

[აα∂ Ԑγεა]

اقتباس المشاركة الأصلية كتبت بواسطة توحد ارواح بالفعل هزيمه كبيره للزمالك وفوز غالى جدا جدا لبتروجيت لانه انفرد بالقمه وبفارق عن الزمالك كبير النتيجه مش معبره عن سيرالمباراه لانها كانت سيجال بينهم الزمالك كالعاده مش حافظ على تقدمه مبارك لبتروجيت وبالتوفيق للزمالك ف المباريات الجايه وربنا يسهل ويفوز ف المبارتين المؤجله لعله يقلص الفرق شويه خاصة لسه هيلاعب الاسماعيلى ربنا يستر شكرا ع المتابعه و التغطيه المميزه تحيتى

في الحقيقة وفي ظل الشوربة الدفاعيه اللي ورا وفي ظلم كم الفرص المتاحة
طبيعي جدا انه بتروجيت تفوز بل الغريب انهم فازوا 4 بس !!
دا مش شكل فريق عايز يكسب بطولة ابدا !

لو علي الفرق مش ببصله كتير لانه مش مشكلة اول او ثاني المهم تصعد
والزمالك له مباراتين مؤجلتين لو فاز بيهم هيبقي 31 نقطة وبتروجيت 33
دا لو بقي !
علشان علي الشكل الحالي للفريق في اخر مباراتين !
يبقي كويس لو اتأهل للمربع -_-

[აα∂ Ԑγεა]

اقتباس المشاركة الأصلية كتبت بواسطة nefertiti انا برضو قولت كدة وحمدت ربنا انه خلص ع كده بس بغلي وربنا كتير اوي كدة وماتش وحش اوي يارب بئه مجهود مميز يا حودا يجعل وحشك حلو علينا

لا متخافيش دا مش وشي دا وش البومة قصدي هاني سعيد
دا خامس او سادس ماتش اعمله تغطية وانزل رد تحليلي كامل
متخافيش مش اول مرة يعني ,,


يلا وانا اللي مرضتش اخرج ولا انام علشان اتفرج علي الماتش
انا لو شوفت الاتنين دفيندرات بتوعنا اروح فيهم طره

[توحد ارواح]

اقتباس المشاركة الأصلية كتبت بواسطة აα∂ Ԑγεა في الحقيقة وفي ظل الشوربة الدفاعيه اللي ورا وفي ظلم كم الفرص المتاحة طبيعي جدا انه بتروجيت تفوز بل الغريب انهم فازوا 4 بس !! دا مش شكل فريق عايز يكسب بطولة ابدا ! لو علي الفرق مش ببصله كتير لانه مش مشكلة اول او ثاني المهم تصعد والزمالك له مباراتين مؤجلتين لو فاز بيهم هيبقي 31 نقطة وبتروجيت 33 دا لو بقي ! علشان علي الشكل الحالي للفريق في اخر مباراتين ! يبقي كويس لو اتأهل للمربع -_-

لا مش معقول ههههه مش يوصل للمربع
الزمالك معروف بيمشى على سطر وسطر
ولكن اما يلاقى نفسه ف موقف سىء
اكيد هيحاول ويجتهد ربنا ييسر
رغم انى خايفه برده بس بنصبر نفسنا وندعى له بالتوفيق كدا
ويعالج الثغرات الدفاعيه

[აα∂ Ԑγεა]

اقتباس المشاركة الأصلية كتبت بواسطة توحد ارواح لا مش معقول ههههه مش يوصل للمربع الزمالك معروف بيمشى على سطر وسطر ولكن اما يلاقى نفسه ف موقف سىء اكيد هيحاول ويجتهد ربنا ييسر رغم انى خايفه برده بس بنصبر نفسنا وندعى له بالتوفيق كدا ويعالج الثغرات الدفاعيه

عندك حق وهو فعلا الفريق كده
بس فعلا فعلا لو بنفس الدفاع الشوربة دا !
هيتقلب لكراسة خطوط واسعه ومنا ما يوصل لخط فوزه هيكون خرج

ماتش الاسماعيلي حياه او موت !
فوز يعني التأهل هزيمة يعني انك بتحط نفسك في مكان سد

[توحد ارواح]

اقتباس المشاركة الأصلية كتبت بواسطة აα∂ Ԑγεა عندك حق وهو فعلا الفريق كده بس فعلا فعلا لو بنفس الدفاع الشوربة دا ! هيتقلب لكراسة خطوط واسعه ومنا ما يوصل لخط فوزه هيكون خرج ماتش الاسماعيلي حياه او موت ! فوز يعني التأهل هزيمة يعني انك بتحط نفسك في مكان سد

فعلا هيبقى ماتش فارق كتير مع الزمالك
باذن الله الزمالك يفوز
وكفايه هزيمته ف الدور الاول منه
يعنى هيعتبرها مسألة تار بايت ولازم يخلصه يعنى