انا والبلاستيشن

[ķąyąŋ..♡]

البلاستيشن لعبه عريقه اتقنها منذ الصغر
وخصوصا pes واللي هايقولي ازاي بنت تلعب كوره
هقوله اهو كيفي كدا

المهم كنت نايمه زي الملايكه لا بيا ولا عليا
اذا بالواد اخويا بيصحيني ويقولي قومي الحقي بسرعه
قومي البيت بيولع

طبعا قومت مخضوضه لاقيه بيضحك ويقولي تعالي العبي
معايا كوره وع طلبات وكان قدامه بيبسي مسكت البيبسي وع دماغه
عارف اني بحب انا الجو ده قولت ماشي

وقعدنا نلعب اول ماتش قالي غيري الفريق مش كل مره تلعبي باليوفي
قولت ليه حجه البليد لعبي ببرشلونه والحمد لله اتغلبت اول ماتش 3/2
قولت ميجراش حاجه هي بس الخضه
تعالي نبدأ من الاول مليش دعوه قالي ماشي حجه البليد

بدأنا بقي بس المره دي لعبت باليوفي ايوا بقي
اتغلبت 5/3
لا لا لا لا انا بس شكلي جعانه واخويا طبعا كدا
خلاص يااحمد اخر مره والنبي والنبي
قام قالي تعالي نلعب كراش احسن هو ده مستواكي في اللعب

قومت قايله لا انا هالعب كوره ولعبت واتعادلت معاه 1/1 وقومت قايمه اكمل نوم بكرامتي

[morshooo]

انا اول مرة اشوف حد بيلعب
باليوفى اساسا ^_^
بس بتلعبو بيس كام
^^

[ķąyąŋ..♡]

2014 الجديده لسه نازله طازه
وماله اليوفي دا فريقي المفضل

[phalsteen]

علي فكرة احنا اخوات
يعني خلي عندك دم وعلميني
دنا باخد تريقه اد كدة
من كوكي واحمد لما بيعلبوا
وانا ببقي زي الهبله مش فاهمه حاجه
احياه حمني تيجي تعلميني
وهديكي ربع جنيه
بس علي مراحل ههههههههه

[Islam Hagras]

العبى بالريال وانتى هتفوزى
بس ظبطى الخطة وحضرى البدلاء

^_^

[ķąyąŋ..♡]

هههههههههههههه

ربع جنيه وع مراحل اجوي يابت من هنا

انا هبقي اعلم الواد حمني حبيب خالتو

[phalsteen]

طب وانا يا ريهو
عيب عليك يا عبد العال
وربنا لسيحلك
ومفيش شكولاه يا ريهان
وروحي ذاكري بدل البلاي ستيشن يا فاشله

[ķąyąŋ..♡]

هههههههههههه انتي لسه هتسيحي

انتي بتذليني عشان عندي امتحان مذاكرتش حاجه

تبا لكي والنبي لاقول لحمني

[ساحر الأحزان]

هو انتى لسة بتلعبى بلاستيشن

بنات فاضية صحيح

سايبة مامتها

ودروسها وبتلعب كورة

وفى الاخر بعد دة كلة تتغلب

وتقوم تنام

[phalsteen]

بلاش حمني يا ريهان وحياه عيالك يا شيخه