كام مليون شحات

[a7med -3del]

وايه ياخد الريح .. مهما شد من البلاط وبلدنا .. ماتيجو معايا نعد كام مليون شحات والعجيب اللى يضحك انك تشوف شحات بيشحت من شحات هنا الفقر من كتر الضحك مات بلاد عايشة .. لحلم وفكرة باصة لبكرة واحنا يدوب .. عايشين ازمات ماشيين بالعافية وبنعافر بقى حالنا يصعب ع الكافر والفقر خلاص مبقاش قادر نخرج من ازمة نلاقى متاهات حوالينا الدنيا بتتغير ناس عايشة تبنى وتطور واحنا حالتنا بتتدهور بقى بينا وبين العالم سنين مسافات فى التعليم الاساسى او حتى الكلية مابنا وبين اثيوبيا مليون سنة ضوئية عاش سد النهضة عاش الانفلات بلد وماشية بضهرها كفيفة بتدورعلى حلمها وبتتكلم عن حضارتها وترابها وارضها بقى ملخص حياتنا شوية اهرامات واللى جاى هو اللى فات a7med adel 28\4\2014

[شاعر الحب الحزين]

الله الله الله الله الله الله الله

إيه ده كله إيه ده كلة يا ابو عادل

لا كتير عليا الإبداع ده يا فنان

مش عارف اقول ايه قدام كلامك وإحساسك

بس بجد ماشاء الله عليك فنان في رسم مشاعرك

ومشاعر 90 مليون تانيين مستنيين كلام واقعي زي كلامك

وعايشين اللي كتبته انتا هنا

تسلم إيديك يا مبدع

احترامي وتقديري

[phalsteen]

واووووووووو بجد
مش لاقيه كلام مناسب
غير انها
لوحه وابداع
نجومي

[فتحى عيسى]

صح لسانك علي رأي أخوانا الخليجين بجد رائع
أحييك علي هذا التجلي الوارف بالجمال
معني ومغزي وحلاوة حرف
لن أتكلم في يأسه وخوفه فهذا واقعنا الأليم
سلمت والنبض
مودتي وإحترامي

[Abdallah]

شعر جميل ، و تسلم ايديك ..

[a7med -3del]

اقتباس المشاركة الأصلية كتبت بواسطة شاعر الحب الحزين الله الله الله الله الله الله الله إيه ده كله إيه ده كلة يا ابو عادل لا كتير عليا الإبداع ده يا فنان مش عارف اقول ايه قدام كلامك وإحساسك بس بجد ماشاء الله عليك فنان في رسم مشاعرك ومشاعر 90 مليون تانيين مستنيين كلام واقعي زي كلامك وعايشين اللي كتبته انتا هنا تسلم إيديك يا مبدع احترامي وتقديري

تسلم ويسلم مرورك

مرورك فرحنى جدا

تحياتى

[قلب وكلمات]

أنت فنان مش بس بتنقي كلام يعجب الناس

دا أنت عايش في التفاصيل ، كاتب جميل قلمك حر

مش بجامل يا أحمد ، أنت وقلمك الجميل صورتم الواقع المرير

فعلا احنا عايشين وهم الحضارة من سبع الاف سنة

وازود حضرتك بمعلومة جميل عظيمة لحضارتنا العتيقة

أكتشفوا أن الفراعنة هم أول حد عمل مدرسة عظيمة لتعليم

الرقص الله على الاكتشاف المبهر والباهر المحطم لأي انجازات علمية

شر البلية ما يضحك ، تعليم ايه يا عم أحمد منهاج لم تجدد من ربع قرن

وما جدد منها لا يواكب التطور الهائل من حولنا ، أما الشحاته

والحالة الهزلية اللي احنا فيها فدا نتاج وثمرة لفساد امتد

وظلم تجبر وطغى .

شكرا يا احمد على نصك الزاخر والماتع والمصور لواقع مرير نعيشه

تحياتي وتقديري

القيصــر

[شاعر الإحساس]

وفعلا اللي جاي هو اللي فات

مفيش اي جديد ولا تجديد

ولا روح امل تبشر بالتفاؤل...ويرحمنا ربنا

والله المستعان



مميز ورائع وجميل يا احمد عادل

حقيقة اسرني اسلوبك الراقي والسلاسه فيه

قلم انيق سهل الخط..يحاكي الواقع المرير


دام نبض قلمك

اصلح الله الحال من عنده

تحياااتي وتقديري واحترامي


شاعر الإحساس

[دمعه حائره]

كلمات رائعه وموزونه وبتحكى واقع كلنا حاسينه
تسلم احمد دايما مبدع

[a7med -3del]

اقتباس المشاركة الأصلية كتبت بواسطة القيصــــــــر أنت فنان مش بس بتنقي كلام يعجب الناس دا أنت عايش في التفاصيل ، كاتب جميل قلمك حر مش بجامل يا أحمد ، أنت وقلمك الجميل صورتم الواقع المرير فعلا احنا عايشين وهم الحضارة من سبع الاف سنة وازود حضرتك بمعلومة جميل عظيمة لحضارتنا العتيقة أكتشفوا أن الفراعنة هم أول حد عمل مدرسة عظيمة لتعليم الرقص الله على الاكتشاف المبهر والباهر المحطم لأي انجازات علمية شر البلية ما يضحك ، تعليم ايه يا عم أحمد منهاج لم تجدد من ربع قرن وما جدد منها لا يواكب التطور الهائل من حولنا ، أما الشحاته والحالة الهزلية اللي احنا فيها فدا نتاج وثمرة لفساد امتد وظلم تجبر وطغى . شكرا يا احمد على نصك الزاخر والماتع والمصور لواقع مرير نعيشه تحياتي وتقديري القيصــر

مرورك هو الابداع بعينه

دايما بتنور صفحتى وبتديها طابع خاص جدا

حبيبى اشرف
تحياتى