مشكلة - ابحثوا معى عن حل -

[اروى هيثم]

كلنا نصادف على الانترنت
وفى المواقع
اشخاص كتير
قليل اوى منهم صادق
كتير اوى منهم كداب
بيكدب حتى فى ارق المشاعر الانسانية
بيكدب حتى ف احساسه
وحتى اللى بيكون صادق
بيكون صادق ف حجات مش كتيرة
لو صادفت حد صادق الى حد ما
وحدث منك او منكى
تعلق ولو بسيط بهذا الشخص
ماذا يكون الاحساس
صادق
ام
صادم
وكيف تستطيع التيقن من هذا الفارق
انا لا اقصد الحب بمعناه الكامل
بل اقصد
الصديق
او
الصاحب
او من ترتاح له من بين الجميع
وتخصه ببعض الفضفضه او الدردشة

[شاعر الحب الحزين]

شوفي يا أروى هنا الثقة والقلب هما اللي بيحكموا

ع اللي قدامك إن كان صادق أو كداب مش افعاله ولا أقواله

جوه كل حد فينا إحساس بيعرفنا مين صادق ومين كداب

في ناس بتجمل الكلام والأفعال وناس بطبيعتها لسانها حلو وأفعالها جميلة

الحل موجود عندك يا أروى اللي عايزه تحسي انه صادق

حاولي تبدأي معاه بفضفضة اسئلة اعرضي بعض مشاكلك عليه وشوفي

ايه هيبقى رده لو ساعدك وكلمك وحسيتي انك مرتحاله يبقى ده صادق

اتمنالك التوفيق احترامي

[فتحى عيسى]

كل من هو خلف الشاشات مجهول الهوية والتفسير لا تعرفي عنه أي شئ حتي لو صدق في بعضه فمعظمه يرسمه علي هواه عمرا مكانة شخصية ميول هواية ثقافة ذكاء حالة إجتماعية
كله متوفر في أسوقهم وبالهيئة التي يتمنوها ومن هنا كانت أحاديثهم موحية فهم يعرفون كيف
يتصيدون فريستهم ومن هنا أري وبكل وضوح وصرامة مهما هيئ لكِ عكس ذلك فهم كذلك
كأنك تتعرفين علي سراب لا وجود له هواء لا أثر له
أعذريني أطلت عليكِ
أحييك وطرحك القيم
سلمتِ والنبض
مودتي وإحترامي

[اروى هيثم]

شاعر الحب الحزين
ميرسي خالص لمرورك الكريم
وشكرا جزيلا لما قدمته وتقدمه من نصائح
غاية ف الص\ق والصراحه
شكرا

[اروى هيثم]

الاستاذ فتحى عيسى
المبدع
مرورك الكريم اسعدنى
ميرسي جدا
وراى حضرتك محل اعتبار وتقدير
ولكن
هناك من يصدق بعض الشئ

[phalsteen]

بصي يا قلبي
هو الموضوع فعلا هيحتاج لثقه وي بتيجي بصعوبه اوي في عالم النت عموما
خصوصا بئه لو اتعلق الامر بالمشاعر
بس صدقيني زي ما قال خالد انتي هتعرفي تميزي
وفي النهاية
الكدب موجود في الدنيا كلها عموما سواء نت او حتي في العام
ومحدش بيتعلم الا لما يجرب
فمتهربيش لكن خلي بالك متثقيش اوي
وربنا يقدملك الخير يارب
ويبعد عننا جميعا اي شر
تحياتي

[The wolverine]

كل شخص خلف الشاشه بيحول اظهار نفسه بشئ من المثاليه انه صادق في كل شي لكن في الحقيقه بكون عكس كده خلاص يمكننا الحكم عليه من خلال تصرفاته واسلوبه في التعامل مع الاخرين وكل شخص مننا يوجد لديه احساس يجعله يحكم علي الشخص اللي قدامه سواء صادق ام كاذب

[جـــــراح المشــاعر]

طيب تمام الكلام بالموضوع دة
الانترنت عالم من الخيال الغير متكامل
يعني بنتكلم مع لو حة مفاتيح
مع شاشة مش اكتر
بس الاغرب وبالنسبة للبنات بالتحديد
يعني احساسهم بيكون عالي جدا بالموضوعات دي يعني بتعرف تفرق بين الكدب واللعب بالمشاعر
دة بالنسبة للحب

اما بقي بالنسبة للصداقة والاخوة فاكيبد
كل واحد بيلاقي اللي بيدور علية كا ميل ثقافي وفكري
ودة اينا كان سواء اختلاف بالراي او حتي اختلاف بالمعني نفسة
فبوئدي الي شي واحد وهو الاحترام لو مبني علي اسس لصداقة والاخوة ولا اي شي اخر
اما من وجهه نظري الشخصية فبعالم الانترنت
ديما بسي الظن الي ان يثبت العكس يعني مش هاخسر كتير
وطبعا بغد ما بقفل شاشة الاب بينهي كل شي واعيش الحياة العادية والطبيعيه الا اذا انا اللي وصلت الموضوع عشان ياخد شكل غير كدة وحجم اكبر


لا امان للبشر
فهو فقط عالم يذزب كالثلج عليك فققط ان تظهري لهيبك
احترامي

[دمعه حائره]

هو الاحساس دايما عند البنات بيخليهم يفرقوا كويس بين الكدب والصدق
فى المشاعر برغم ان فيه شباب بيعرفوا يمثلوا الدور
ويشغلوا الاسطوانات كويس جدا
وبيكرروها ماتعرفيش كسل ولاايه
انما الصداقه مواقف وبتمر باختبارات كتير
تقدرى بعدها تفرقى بين مين هاتقربى منه اولا
ومين يكون قد ثقتك فيه

[الأميرة رودي]

زى ماقالو أغلب الآراء قبلي
حاسه البنت بتكون أقوى عن الشاب وبتقدر تميز اذا كان الشاب بيكدب عليها او لاء
ممكن تكون هيا على الفطره اكتر من الازم وممكن تقع ف فخ الكدب ده
لكن أكيد مش بيدوم
ومسيـر الكداب بينكشف أمره مع الوقت..
وأنا عموما مش بعترف بحب النت نهـائي
لآنك ف النهايه بتتعاملى مع مجموعه حروف
سهل أوي انها تترتب وتتزوق على أكمل وجه

ده بالنسبه لحالآت الحب

اما بالنسبه لعلآقات الصداقه فقليل لما تلاقي فيها كدب او زيف
لآنه ببساطه مفيش طرف من الاتنين منتظر من التاني شئ يقدمهوله
وكل الحكاه بينهم عباره عن فضفضه وتقديم نصيحه
بتختلف تماما عن علاقات الحب اللى كل طرف فيهم دايما منتظر من التاني دليل حبه ..

وعالم النت عموما مليان غمـوض
بس الواعي اللى يقدر يتعامل معاه
ومش يعطي ثقته لآي حد
ربنا ييسر لك الأمور