شاعر الحب الحزين فــــ حوار خاص

[phalsteen]

مســــــــاء الخير واهلا بكم من جديد في حوار خاص وممتع مـــــــــع عضو راقي بتعامله يتميز بالهدوء والـــ حضور المميز له اسلوبه الخاص ومكانته في قلوبنا بحسن اخلاقه وجمال حرفه وبوحه لفت الانظار بحضوره وقلمه الذهبي الراقي تميز في جميع الاقسام بجمال مواضيعه ومشاركاته وردوده التي عكست عمق فكره ومدى ثقافته شاعر الحب الحزين مشرف ألأبـداعـات الأدبيـة والعـامية مساء الخير يا خالد واهلا بيك في حوار خاص اهلا وسهلا سما وبيشرفني اكون ضيفك في الحوار ده ليه شاعر الحب الحزين ؟ مش انا اللي اخترته لنفسي يا سما الناس اللي بتقرأ كلامي اختارتهولي وانا لقيته مناسب للكلام اللي بكتبه ف الشعر بس مش شايف ان سن 19 سنه للزواج دا سن صغير اوي يا خالد ؟ هو صغير على الجواز بس نعمل ايه بقى ومش ضروري السن اهم حاجة يبقى العقل كبير وانك بتقدر تشيل المسؤولية بقى وده المهم ياتري ارتباطك كان تقليدي ولا عن حب ؟ لا انا عمري ما حبيت كان جواز تقليدي الحقيقة وهي اللي اختارتني طبعا هي من مصر وجارتنا ف مصر يعني جارة اهل أمي واخوالي بعد الارتباط والاستقرار وكمان الكتاكيت الصغيرين ربنا يحميهم يارب لاقيت الامان يا خالد ولا لسه ؟ ربنا يخليكي سما اكيد حاسس بالأمان وانا بينهم بس بفضل خايف دايما اني افقد حد منهم زي ما فقدت يونس السنة اللي فاتت بس هما ماشاء الله عليهم بنسى الدنيا وانا معاهم ممكن القلب يحب مرتين ؟ وممكن يحب ألف مرة كمان مش بس مرتين الحاجة دي حسب قناعة القلب ف اللي بيحبه وحسب تعامل الشخص اللي بيحبه معاه وطبعا حسب حبه ليه بمعني تاني في حاجه اسمها حب اول وحب تاني ؟ ايوة فيه وتالت ورابع وخامس وساتت كمان وياتري حصل دا معاك ؟ بصراحة حصل وبعد الجواز كمان وزوجتي كانت عارفة بالحكاية دي بس انا حبيتها ارضاء لرغبتها انها اعترفتلي بحبها سبتها تصارحني باللي جواها وبعد كده قلت ليها إني متجوز وعندي 3 اولاد الكلام ده قريب على فكرة مبقالهوش كتير ايه مواصفات حوا اللي تقف قدامها ضعيف ؟ بضعف جدا قدام حوا اللي بتبقى اخلاقها عالية واحترامها كبير وبالنسبة لو حوا دي بتخصني ف بضعف قدام المواصفات اللي ذكرتهم وحبها الكبير حصل وقابلت واحده خلتك تقول وايه المشكله لو اتجوز للمرة التانيه ؟ ايوة هي نفسها البنت اللي ذكرتها فوق وطبعا عرفت زوجتي اني هتجوزها قلت لزوجتي انتي تجيبيلي اولاد وهي تخلفلي بنات ههههاي طبعا البنت دي من مصر برده وهي اللي وقعتني ف حبها وانا قلبي ضعيف قدام اي حب كبير بس طبعا اتخدعت فيها كانت جميلة جدا وبتقولي بتحبني كنت هنزل اتجوزها بس الحمدلله اكتشفت انها مش ليا وانها كانت بتشتغلني وانا اشتغلتها برده ههههاي ايه رأيك في جوز الاتنين صحيح ؟ راجل كييف ومن حقه الشرع محلله 4 يتجوز التانية احسن ما يغلط واي انسان بيضعف قدام رغباته من الآخر حقه الشرعي المدام عارفه بتسجيلك في المنتدي ؟ اه طبعا عارفة وتعرف كل حاجة عني عشان ابري ذمتي قدام ربنا وهيكون عندك اعتراض لو طلبت تسجل ؟ وليه ؟ اه تسجل وانا اربي العيال صح هههههههاي لا طبعا مش موافق هو انا اهرب منها على هنا اجي الاقيها هنا ف وشي ههههههاي لا طبعا اسباب كتير جدا عندها عيال ومسؤوليات في البيت والذي منه ماهي الأنوثة بنظرك ؟ ومتى تفقدها الأنثى ؟ هل الجمال وحده يعني الأنوثة من وجهة نظري الأنوثة هي التعامل برقة الأدب الدلال والجمال مش التجمل لو كانت أنثى مش هتفقدها عشان الأنوثة مأخودة من الأنثى بس بتفقدها لما يعلا صوتها وتفقد التعامل الجميل مع اللي بيحبها ومش شرط الجمال دي حاجة ظاهرية بتبقى في التعامل البريء والدلع والرقة والكلمة الحلوة والتسبيل ههههاي في ظل الخلافات والمشادات الاسريه المعتاده وصلت بيك العصبيه او الغضب ورفعت ايديك ؟ قليل جدا في البداية كنا لسه منعرفش بعض ومش متأقلمين بس بعد كده الحمدلله احنا متفاهمين جدا وهي بتسمع الكلام وزوجة مطيعة وبثق فيها اكتر من أي حد اخلاقها ماشاء الله عليها بما ان ساجد الكبير ايه طريقه التعامل اللي بينك وبين ساجد يا خالد ؟ الواد ده بتاع مصلحته هههههاي ما يجيش ليا الا عشان اجيبله حاجات هاريني طلبات مرة بوظة ايس كريم ومرة بيبسي ومرة كيك وعصير بس عمره ما نام غير في حضني ما بينامش غير لما انام جنبه وبيلزق فيا انا ياتري مين الاقرب لساجد انت ولا ماماته ؟ لا أنا الأقرب ل ساجد ومتعلق فيا جدا مش هو بس اي طفل بيتعود عليا بسرعة حتى محمد وعبد الرحمن اشيلهم يسكتوا معايا امهم تشيلهم يعيطوا وعلى الحال ده باقي اطفال العيلة والقرايب حصل مرة وساجد سألك سؤال محرج ؟ ولو حصل بتتصرف ازاي ؟ لا ما سألنيش هو عنده 3 سنين بس بيقوللي لما اكبر هشتغل واجيب فلوس طالع لأبوه طبعا هههههاي شيال الحمول يا صغير لو حصل وسألني هجاوبه طبعا ومش هخاف منه هههههاي ضرب الاطفال بيربي ولا بيعقد يا خالد ؟ لا ضرب الأطفال بيعقد هما اطفال عايزين اللي يعلمهم ويوعيهم بس واجب طبعا نعلمهم من صغرهم عشان ما يغلطوش ف المستقبل ايه اكتر نصيحه بتقولها دايما لابنك ؟ ما تطلعش فوق السطوح يا ساجد عشان بخاف عليه ولسه هنصحه ياما بس اما يكبر شوية بقى ايه الحاجه اللي نفسك يورثها منك لما يكبر ؟ يورث مني كل خلق جميل واحترام موجود عندي ويبقى كاتب وشاعر عشان القى حد يكتب عني لما يجف حبر إحساسي وايه الحاجه اللي تتمني ميوخدهاش عنك ؟ الحاجة أم علاء اللي جنبنا ههههههاي يعني شوية حاجات سلبية كده زي معاناتي مع الأيام والأوقات الصعبة اللي عشتها وانه يصاحب ناس تتصاحب يحبوه ويخافوا عليه ونفسك ياخد ايه من ماماته ؟ يبقى بصبرها واخلاقها وحبها ليا وثقتها فيا وخوفها عليا وحاجات كتير اخيرا / في مساحه لفضفضه خاصه ياتري هتقول ايه ولمين ؟ اولا بقول الحمدلله رب العالمين على كل حاجة وكل نعمة السنة اللي فاتت وتحديدا يوم 28 / 1 / 2013 ربنا رزقني ف يونس عاش شهر وتوفى يوم 28 /2 / 2013 تولد يوم الأربعا الساعة 12 وتوفى يوم الأربعا الساعة 12 برده في نفس اليوم اللي توفى فيه يونس ربنا رزقني ف التوأم محمد وعبد الرحمن اتولدوا يوم 24 / 11 / 2013 لو تحسبها هتلاقي الفرق من 28 / 2 لغاية 24 / 11 9 شهور بالزبط يعني الحمدلله رب العالمين خد مني 1 واداني بداله اتنين الحمدلله رب العالمين بقول لكل الناس خلوا بالكم من نفسكم وربنا يحميكم ويحفظكم من كل شر اللهم آمين وبقول لكل اللي هيقرأ الحوار ده اقسم بالله العظيم يمين اتحاسب عليه ان كل اللي قلته في الحوار ده صحيح ومفيش حاجة كدبت فيها والله على ما اقول شهيد وبشكرك جدا سما إنك خليتيني افضفض باللي جوايا واكشف اسراري هنا في الحوار ده نورتنا يا خالد ويارب منكونش رخمنا اوي في الاسئله احترامي النور نورك يا سما لا عادي طبعا براحتك احترامي وتقديري يا سما ليكي وللجميع وبـــــــــكده خلصت الحلقه انتظرونا مع حوار خاص مع اجدد بابا في المنتدي اخيرا / شكر خاص لصاحبه الديزاين الرائعه / نرمين مشرفه الفوتوشوب ميرسي اوي يا قلبي

[۩۩ elMagic ۩۩]

الا هو انت عندك كام سنه يا عم خالد ؟
حوار مميز جداا
ربنا يخليلك أبناءك يا خالد وتفرح بيهم دايما
تسلمي سما لمجهودك ,,

[شاعر الحب الحزين]

تسلمي سما على الحوار الجميل ده

اشكرك وساجد في الحفظ والصون بيشرب عصير ليمون ههههاي

احترامي وتقديري

[شاعر الحب الحزين]

اقتباس المشاركة الأصلية كتبت بواسطة ۩۩ elmagic ۩۩ الا هو انت عندك كام سنه يا عم خالد ؟ حوار مميز جداا ربنا يخليلك أبناءك يا خالد وتفرح بيهم دايما تسلمي سما لمجهودك ,,

اهلا وسهلا بالماجيكو الرائع

انا عندي 25 سنة يا احمد ربنا يعطيك طولت العمر أخي

ربي يخليك ويحفظك يا ماجيك نورتني جدا بوجودك الجميل

احترامي وتقديري لك

[العاشق الذى لم يتب]

جميل خاللد
وجميل 19سنة
وجميل تحب تانى
وجميل كل شيئ منك
والاجمل ولادك
ربنايباركلك فيهم
حواررائع
مع شاعرنا اللى شغال يشتم ويسب حبيبته التانية
عرفت أنا السرأيوة كده
اخيرا ارتحت بعد ماتعبتنى معاك
ربنامايحرمناش من وجودك معانا خلودة
وتسلمى سماعلى الحوارالرائع
والبرنامج اللذيذ
تحياتى

[الآمير العآشق]

واااااااااااااو

حوار كتير حلووو
وخالد كالعاده مميز ف انتقاء كلماته
وحواره بصراحهـ بحسو فيه بساطهـ
وبعض اجاباته حسيت انو رافض حاجات كتير ف حياته
موش مساله حب تقليدي او حب بعد كوودا وخدااع
واضح خالد واعذرني / حسيت كانك رافض حياتك هكذا
ونفسك تعيش حياه باسلوب تاني
<< لو كنت انا مخطأ في تحليلي اعذرني
/
والوااد العثوول ساجد
ماشاء الله
ربنا يحميه ويخليه الكم ويبارك الكم فيه

سما بصراحه
تعبت من كتر مابتكعبل ف كل مكان بمواضيعها
الرحمه حلوو سما
وكووماان عشان القمر نيرمين تقدر تاخد نفسها

بس اقول ايه !
مواضيع تستحق نشوفها كل يوم وكل ساعه

[Caramilla]

اجابات جميله اجوبه صريحه
حلقه جامده من الاخر
والاسئله مميزه
كمان
والواد ما شاء الله عسووووووووووووووووول
ده بقي خطيبي انا
محجوز ليا
يا خراشي عليه نفسي ابوسه بجد واشيله

مش هتاخدي كل حاجه يا سما مش هينفع
هرفع عليكي قضيه

[Lamees]

حوار جميل يا سما مع شخصية أجمل
خالد الحوار راقي جداً وردودك يغلفها الصدق ده واضح
ومش محتاج تقسم بالله وأكتر حاجة عجبتني
كلامك عن زوجتك برقة وصدق واحترام والأهم الحب
وصدقك في موضوع الزواج مرة اخرى بأن ده حقك
وحق اي راجل والأجمل ان زوجتك كانت عارفة يعني
صادق معاها ورجل بالشكل ده يكسب احترامي واعجابي بشخصه
ربنا يوفقك في حياتك ويخليلك اولادك نور حياتك
ويبارك في زوجتك وفي عمرك
تحيااتي لك خالد

مجهود راقي يا سما
دمتِ متميزة

[حالمة باميرى]

وربنا تانى انا اول مرة استمتع بحلقة هههههه
بجد خالد انسان خلوق ومحترم
بس انا كنت فاكرة انة كبير اوى ياااااااة اتجوزت 19
ربنا يديك طولت العمر وتشوف اولادك وتفخر بيهم يارب وتفرح بيهم باذن الرحمن
بس مبدائينساجد دة مزة يا عم انا حجزتة بس سر بينى وبينك متقلش لحماتى لتدبحنى ههههه
ربنا يخلهملك يارب وميحرمكش منهم ويخليك زوجتك يارب
تسلمى حماتى على الحلقة الجامدة دى

[همس الحنين]

ماشاء الله حلقه رائعه يا سما

انتى ماشاء الله عليكى محاوره ومقدمة برامج مالكيش حل

استاذ خالد
ولا احسن أبو ساجد

اسم ساجد انا بحبه جدا لان ابن صديقه لى عمره سنه

وانا اخترت الاسم له ربنا يبارك لك فى اولادك

اجمل ما فى كلامك الصدق امر صعب على الزوجه ان زوجها يحب غيرها

بس الاصعب انها تكون مخدوعه كونك صريح ده امر يزيد من احترامك لنفسك ولزوجتك

موفق دائما