بالصور من مطبخي:مكرونه بالبشاميل:d

[الأميرة رودي]

السلام عليكم

مساء الفل ياأحلى أعضاء

النهارده روكه عملت لآزانيا وأنا راهنت معاها ان الباشميل بتاعتي هتطلع أحلى من لآزنيتها
سيبكو من لآزنيت روكه وتعالو شوفو مكرونتي


جيبتلكم طريقتها
المكرونه بالباشميل سهله وبسيطه وعمايل ايدي
وكمان الكل بيحبها

أولا دي المقادير

مكرونه حسب العدد
ولحمه
سمنه أو زبده
حليب
طماطم
بصل
فلفل اخضر
ملح وفلفل
خلطه باشميل









أول شئ هنعسج اللحمه
فقطعتها قطع صغيره هي والبصل





بعد ماقطعنا البصل هحمره ف الزيت





وبعدين هضيف اللحم المتقطع
واقلبها كويس واسيبها شويه على نار هاديه لما تاخد لون ذهبي وجميل




بعدين أضيف قطع الطماطم





ونسيبها على النار لما تستوي
وكل شويه نضيف ربع كوبايه ميه عشان مش تتحرق مننا







نيجي بقى للمكرونه
نسلقها





وعاوزين نعمل خلطه الباشميل
أنا فضلت اشتري الخلطه جاهزه





هنحط معلقه سمنه أو زبده
لما تسخن
هنضيف لها بودر الباشميل ونقلب تقليب سريع
وبعدين نضيف الحليب




هتكون بالشكل ده






بعد ماعملنا خلطه الباشميل نضيف نصها على المكرونه
ونسيب منها شويه عشان هنحطهم فى الاخر


دالوقتى حطينا الطبقه الاولى من المكرونه ف الصينيه بتاعتنا بعد مادهناها زبده





وضيفنا ف النص اللحمه المتعسجه

بعدين هنضيف بقيت المكرونه






والشويه الباقيين من الباشميل نضيفهم ف النهايه على وش المكرونه كلها
نوزعها كويس






بعدين ندخلها الفرن
وهتطلع بالشكل ده








لما نخرجها نستنى لما تبرد شويه وبعدين نقطعها
وبالهنا والشفا

الكل معزوم على فكره

أيه رأيكم بقى
مكرونتي ولآ لآزانيه رووكه
بس بكل صراحه

[۩۩ elMagic ۩۩]

الاثنين احلي من بعض
بس البشاميل دي اكلتي المفضله ي عم
متنساناش بطبق ولا بالصنيه كلها يا رودي
تسلم ايدك بقآ

[phalsteen]

يا اخوانا راعوا شعوري
هتستفيوا ايه لما الراجل يطلقني
هههههههههههههه
طب انا قبل اي حاجه استفدت فعلا وفهمت معني عسجي اللحمه
اللي قالتهالي جبل قبل كدة وانا قومت سلقتها ^_^
بس فعلا شكلها جامد يا بت يا رودي
اعملي حسابي انا وحمني بئه
ولما ادق هبقي اقرر اذا كان انتي ولا روكه
بس انتوا شطار والنبي
هحاول اجرب بئه بس موعدوكش بصراحه
بالهنا يا قلبي

[Aya 7ekaya]

حلوة اوى بحبها جدا بس احنا بنعمل اللحمه بنفرمها الاول مش بنقطعها تسلم ايدك ي سارة بقا افيديتينى

[Caramilla]

تسلم ايدك حبيبتي
بما اننا معزومين بقي

يبقي لازم نعزمك في حاجه
حلوه كده

[-esraa-]

ما شاء الله شكلها جمييل
بحبها وأنا تقريباً زيك بس أنا بعرف أكلها بس : )))))
تسلم دياتك بقى

[رووكه]

آوعى وشك يآعم الحج

آيه الجمال ده والحيلاوه ديه يا صلاه يا حبيبى يا محمد

الشيف الشربينى

جميله آودى تعالى ناكل سواء بقآ تاكلى لازآنيا وآكل البشاميل

بتاعتك ونجيب هوب معانا

تسلم ايديكى وانا اجى جمبك آيه آنا بتعلم منك يا زعيمه

[الأميرة رودي]

اقتباس المشاركة الأصلية كتبت بواسطة ۩۩ elmagic ۩۩ الاثنين احلي من بعض بس البشاميل دي اكلتي المفضله ي عم متنساناش بطبق ولا بالصنيه كلها يا رودي تسلم ايدك بقآ

لا بقي ياسي أحمد ماتبقاش دبلوماسي
يااما الباشميل يااما الازانيا
اختاار
المهم دالوقتي حلال عليك الطبق اللي فوق ده
طالما بتحبها
نورتني ياميدو

[العاشق الذى لم يتب]

ماشاءالله
عندنا شيفات محترفات
الله ينورعليك سارة
وهنياله ابو العيال
معاه متخصصة باشاميل
تسلم الايادى

[شاعر الحب الحزين]

ماشاء الله عليكي طباخة ماهرة يا رودي

بالهنا والشفا بقى وتسلم إيديكي

الله ينور يا رودي

وبالنسبة للآزانيا هروح اشوفها بقى

رغم اني واثق ان روكة مش هتقل عنك مهارة في الطبخ

في النهاية احترامي وتقديري