شايف فراق

[a7med -3del]

حبيتها لكن من البداية شايف فراق كاتب نهاية مقدرتش عمرى افهمها ولا فهمت ياقلبى هوايا حاولنا جايز لكن خلاص يوم بعد يوم ضاع الاحساس ومش لازم حد فينا يبيع عشان تخلص الحكاية هاتغير ارفض قيودى واتحرر فكرت كتير وفى الاخير انا مقرر اقتل فيا احساسى واقول ناسى كلام ووعود حالف انى انساها دى هواها طريق مسدود ومهما غيابها يكسرنى مش هاتمنى تانى تعود هاقفل قلبى على جرحى تتبدل اشواكى وروود مش هاكون ضعيف تانى ولا هاعمل غير المفروض هادوس على كل ايامنا هاحط مابنا الف حدود بكل مافيا هابعدها وهاعاملها بكل برود ولو سالت فى يوم عنى هاعمل نفسى مش موجود a7med adel 5\5\2014

[العاشق الذى لم يتب]

وتقريبا الفراق جله مكتوب على العاشقين
إلا لم يكن كله
رائعة هى خاطرتك
صغتها بمكنون مخزون القلب
تسوقها الاحاسيس التى فى الصدور
دمت بخير
تحياتى

[phalsteen]

ممكن نتمرد
بس صعب اوي نتعود يا احمد
اه بنأمن بالفراق
ومقتنعين انه موجود وضروري
بس بنحاول نعمل نفسنا دايما مش واخدين بالنا
ولا عمرنا بنسلم ليه
وخصوصا لو الحب بجد
يبقي عمره ما هيسيب القلب
هيفضل زي المرض
بنفتكر نفسنا خفينا
وبعد فترات النقاء
اقرب احساس بيرجعه العب بجد

من اروع ما قرأت فعلا
استمتعت حقا
ودي وخالص تقديري

[a7med -3del]

اقتباس المشاركة الأصلية كتبت بواسطة العاشق الذى لم يتب وتقريبا الفراق جله مكتوب على العاشقين إلا لم يكن كله رائعة هى خاطرتك صغتها بمكنون مخزون القلب تسوقها الاحاسيس التى فى الصدور دمت بخير تحياتى

شاكر وجودك وردك الجميل

نورت صفحتى واتمنى كلامى يعجبك دوما

ارق تحية لقلبك

[شاعر الحب الحزين]

دايما كلامك قوي وجامد يا احمد

تسلم ايديك يا ابو عادل

فكرك جميل وكلامك جميل

احترامي وتقديري

[ويبقى الأثر]

احيانا القرار رغم صعوبة تنفيذه
بيكون افضل وسيله لبتر وهم الحب ذلك الوجع المزمن
ابدعت فى وصف احساسك

[a7med -3del]

اقتباس المشاركة الأصلية كتبت بواسطة nefertiti ممكن نتمرد بس صعب اوي نتعود يا احمد اه بنأمن بالفراق ومقتنعين انه موجود وضروري بس بنحاول نعمل نفسنا دايما مش واخدين بالنا ولا عمرنا بنسلم ليه وخصوصا لو الحب بجد يبقي عمره ما هيسيب القلب هيفضل زي المرض بنفتكر نفسنا خفينا وبعد فترات النقاء اقرب احساس بيرجعه العب بجد من اروع ما قرأت فعلا استمتعت حقا ودي وخالص تقديري

نورتينى جدا

ومستنى نكتب تانى مع بعض

تحياتى