الحلقه الخامسه من ( ما لم تتوقعه ) مع ( morshooo )

[morshooo]

بسم الله الرحمن الرحيم

اهلا بيكم

وحلقه جديدة من

( ما لم تتوقعه )




البرنامج عبارة عن ( 10 اسئله )

مطلوب من الضيف انه يجاوب عليهم

وليه حق الاعتراض على اجابه اى سؤال لكن .

السؤال هينزل وهينزل اعتراض الضيف .

ماتنسوش ان البرنامج اسمه

( ما لم تتوقعه )

يعنى ممكن يكون سؤال او سؤالين هينطبق عليهم

( ما لم تتوقعه )




فى البدايه تعالو نشوف الضيف

قال ايه قبل ما يشوف الاسئله .

اقسم بالله العظيم
ان اجاوب بكل صدق وصراحه
وسوف اتحمل اى سؤال يظهرلى
طالما وافقت على التواجد معك فى البرنامج
وسوف اوافق على طرح اى سؤال
ولا يحق لى ان ارفض نزول الحلقه
او حزف اى رد من الردود





السؤال الاول :

عرفى الاعضاء ( من انتى ) فى ما لا يقل عن 5 سطور ؟

5 سطور كثيير
ارحمني

( انجي ده اسم مستعار سجلت بيه في المنتدى
وسبب اختياري للاسم ده هو اني زمان من 3 سنين
كده كنت ف منتدى ثاني لا داعي لذكر اسمه وكان
ليا هناك صحبتي مصرية اسمها انجي - هي دي انجي -
انا اسمي الحقيقي سناء مغربية من الدار البيضاء تحديدا )




السؤال الثانى :

محصلش قبل كدا واتمنيتى انك تسيبى المغرب وتعيشى فى اى
مكان تانى ؟ وايه السبب ؟

انا كانت امنيتي من زماان من ايام الدراسة اسافر فرنسا
للاسف محصلش
اتمنيت اسافر السعودية ومصر
السعودية ولله الحمد تم السفر ليها وبعدين رجعت المغرب
مصر بقا الظاهر ان مش مكتوب لي اروحها مع اني بجد كنت
ناوية اسافر لها
يلا مين عارف ما يمكن اسافر لها ف يوم من الايام
السبب بقا اني بحب اسافر
اموت انا ف السفر بكل بساطة يعني




السؤال الثالث :

ليه تم الطلاق من زوجك ؟ والعيب كان على مين فيكم مع العلم
انك هترجعيله مره تانيه زى ما قولتى ؟

تم الطلاق لاننا متفهمناش وكان بينا مشاكل كثير من ضمنها
الغيرة والشك والكلام ده
بصراحة العيب كان فينا احنا الاثنين
العيب كان فيه لانه كان مش بيعاملني كويس وحجات كثير بقا
العيب مني انا لاني كت صغيرة ف السن ومكنتش قادرة استحمل
تصرفاته واصلا مكنتش اعرف يعني ايه الست اجوزت وراحت
تعيش ف بيت ثاني غير بيتهم
التغيير اللي حصل يعني مكنتش مستوعباه
بعد ما كت ف بيت اهلي وحرة بقيت ف بيت راجل ثاني يتحكم
فيا وف تصرفاتي كت شايفة ان الكلام ده ظلم




السؤال الرابع :

قرار العودة لزوجك بسبب الامور الجنسيه ؟


لا




السؤال الخامس :

شوفنالك مشاركات كتير بتتمنى فيها انك تكونى ( أم ) ؟ ايه
السبب ؟ ولو لا قدر الله محصلش هتعملى ايه ؟

اه انا نفسي ف الامومة اوي
يارب انولها يارب
دعواتكم بقا ليا
ادا قدر الله ومحصلش فاكيد هتقبل الامر عشان دي ارادة ربنا
بس مش اكدب عليك هعيش باقي حياتي ف حسرة وحزن
عشان مقدرتش يكون ليا طفل مني




السؤال السادس :

حصل قبل كدا وحد حاول يعتدى عليكى جنسيا ؟ ولو حصل كان
ايه تصرفك ؟

لا الحمد لله عمرها ما حصلت




السؤال السابع :

عندك استعداد تكونى الزوجه الثانيه لمن تحبى ؟ وهل ترضى ان
زوجك يتزوج عليكى ؟

اه ارضى اكون زوجة ثانية لمن احب عشان ده شرع ربنا
واه كمان ارضى زوجي يتزوج عليا لو هو كانت ارادته كده بس
هطلب منه طلب ان كل وحدة تعيش لوحدها يعني ميجمعناش
ف بيت واحد ويروح ربنا يسهله ده حقه الشرعي





السؤال الثامن :

ايه الاختلاف بين شخصيتك فى المنتدى وبين شخصيتك فى
الحقيقه ؟ وايهما تتمنى ان تستمرى عليها ؟

على فكرة انا مليش شخصيتين
شخصيتي اللي انتو شايفينها دي ف المنتدى
هي نفسها شخصيتي في الواقع
والله بجد
والحمد لله راضية عن نفسي




السؤال التاسع :

لو طلب منكى ان تختارى 3 اعضاء عشان تقابليهم ؟ هتختارى
مين وليه ؟

انا نفسي اقابل ناس كثير ف المنتدى
بس نفسي اقابل اكثر حد بقا اصحابي اللي اعرفهم من سنوات
كثير وهم اللي جبوني هنا للمنتدى ده

محمود ( ساد اي )
محمود ( بيبو )
وانوثة طاغية بما انها بنت بلدي




السؤال العاشر :

فى سؤال ضايقك وكان فعلا ( ما لم تتوقعيه ) ؟ وايه السؤال الى
فكرتى فيه كتير قبل ما تجاوبى ؟

بصراحة الاسئلة كلها يعني
جريئة ومكنتش اتوقعها منك



ضيفه حلقه النهاردة المتميزة

( انجى_1 )





انتظرونى واعترافات جديده

وضيف جديد

[شاعر الحب الحزين]

جامدة جدا الحلقة دي

فيها اسئلة جريئة جدا من مرشدي

وإجابات مركزة جدا من إنجي

ربنا يرزقك ب 20 طفل يا إنجي ومتعرفيش تصرفي عليهم ههههاي

جميلة الحلقة يا مورشو بصحبة ضيفتك خفيفة الظل إنجي

احترامي وتقديري

[Abdallah]

بصراحه الأسئله كلها جريئه جدا
و لم اتوقعها نهائيا و لا حتى س1
بس الأجابات كانت صريحه واضحه
و اجرئء و اقوى و لم يتوقعها اى انسان
و بجده ينتصر الضيف الشرس ع مذيع البرنامج اللطيف

و شكرا لمجهودكم الرائع بالموضوع الشيق القوى ...
و ننتظر منكه حالقات اخرى مع ضيوف اخرين ..

[اذار .]

- أنا برأيي كان فيه أسئلة غير لائقة أبدا أحد يسئلها أستاذ مورشو .

- إنجي ، اسمك جميل جداً ، سناء .
أتمنى لكِ حياة أفضل و حياة سعيده يارب ، و يرزقك بالزوج الي يسعدك
و يوفقك أن شاء الله ، و كمان يرزقك بالذريه الصالحه .

شكراً لكِ عزيزتي .

[رووكه]

آسئلتك فعلاً فعلاً جرئيه
بالنسبه لى آنجى هى شخصيه هادئه جدآآآ
بدعى ربنا يسعدك ويصلح حالك ويرزقك
بالذريه الصالحه يارب
آآآمين
تسلم مورشو ع الحلقه والضيفه
موفق دائما

[ايمان طلعت]

مبقاش فيه اسئله مش متوقعه منك احمد
كل حاجه متوقعه منك
اجابات انجى كانت صريحه جدا

ربنا يوفقك ويرزقك بالاطفال الصالحين ان شاء الله
تحياتى

[جبل عالي]

برافو عليكي إنجي بجد برافو

ربنا يرزقك الخير والسكينة ياقمر

[انجي_1]

شكرا على الاستضافة يا احمد
مع ان الاسئلة جريئة شوية
لكن مش غريبة عليك
لو انت معملتش كده مييييين هيتجرئ مين ؟
روح ربنا يهديك

[انجي_1]

اقتباس المشاركة الأصلية كتبت بواسطة شاعر الحب الحزين جامدة جدا الحلقة دي فيها اسئلة جريئة جدا من مرشدي وإجابات مركزة جدا من إنجي ربنا يرزقك ب 20 طفل يا إنجي ومتعرفيش تصرفي عليهم ههههاي جميلة الحلقة يا مورشو بصحبة ضيفتك خفيفة الظل إنجي احترامي وتقديري

شكرا ليك يا شاعر
ياارب
بس ليه الدعوة اللي وراها اذى دي ههههههه
يعني تدعيلي بالاولاد وتدعي عليا معرفش اصرف عليهم ؟
حرام عليك

[شاعر الحب الحزين]

البركة ف جوزك بقى هو اللي هيصرف عليهم

انتي ربي وكبري بس هههههاي

ربنا يرزقك الذرية الصالحة يا إنجي