انا نفسى افوق

[a7med -3del]

ساكت نبض جوايا ضعيف اوى ومخنوق حايلت كتير فى ايامى وبرضه مش عايزة تروق لا حلمت اعيش فى قصور ولا عديت فى الحلم سور انا كل اللى بتمناه اعيشها حياه عافية بقى او زوق وتيجى الدنيا على هوايا واحس انها معايا تدينى الامل لو مرة تلحقنى جايز افوق عايش حياتى بالزق غلطان وانا على حق تعبت لما قولت حاضر وتعبت اكتر لما قولت ياقلبى لاء بداية وشكلها نهاية اصوات بتنادى جوايا وبسمعها لكن خايف فى عز الضهر مش شايف ولا ليا فيها حقوق واهو حتى العمر بيعدى لا بييسال ولا يهدى وقفت حياتى على غلطة وكانى مش مخلوق انا نفسى افوق a7med adel 8\5\2014 ممكن تكون بتعرف تكتب اوى بس الحاجة اللى حاسسها اوى مبتعرفش توصفها زى مانت عايز فبتطلع اقل حاجة ممكن تكتبها لان حالتك لما بتكون اقوى كلامك بيضعف قصاد همومك واللى بينجح هو بس احساسك بالحالة نفسها تحياتى

[Lamees]

وكلنا احمد نفسنا نفوق
نقدر نعيش حياتنا
نقدر نساير همومنا
ونتعايش معاها
شكراً للطرح الراقي
اراح الله بالك
ودي
روني ..~

[الأميرة رودي]

احساسك نطق قبل الحـروف
عبـرت بروعه حرفك ونقاؤه عن شئ ما يرهق قلبك
رائـعه معزوفتك .. لمست قلوبنا بشـده
صِــدقاً أبدعت
سلمت يميناك

[شاعر الحب الحزين]

وكإنك بكتاباتك كل موضوع بيكمل التاني

بعد انا اللي مفهمتش هواكي كتبت فهمت متأخر ودلوقتي

نفسي افوق كلها مكملة لبعض رغم إن الكلمات دي مغايرة

لكن اكيد هي حالة الشخص بعد ما يفقد اللي بيحبه

في كل الحالات انتا إحساسك جميل يا احمد

احترامي وتقديري

[جبل عالي]

مقطوعة في قمة الجمال فعلا فعلا

عبرت بقدرة كبيرة رغم كلمتك الأخيرة

الا ان احساسها نطق بكل صدق

سلمت يمينك لتلك الكلمات

وننتظر جديدك اكيد


تحيتي وكل التقدير

[بقــايا أنثى]

اقتباس المشاركة الأصلية كتبت بواسطة شاعر الحب الحزين وكإنك بكتاباتك كل موضوع بيكمل التاني بعد انا اللي مفهمتش هواكي كتبت فهمت متأخر ودلوقتي نفسي افوق كلها مكملة لبعض رغم إن الكلمات دي مغايرة لكن اكيد هي حالة الشخص بعد ما يفقد اللي بيحبه في كل الحالات انتا إحساسك جميل يا احمد احترامي وتقديري

[center]
اسمحلى ارد بالنيابه عن احمد فى دى
كلامك مش صح نهائى شاعر
مافيش كلام ولا موضوع معين بيقول او بيوصف حاله لاحمد
كل الحكايه انه بيعبر عن فكره ممكن تكون حد قريب منه مر بيها او مرت فى باله
بس مواضيع بتكمل بعضها وفكره واحساس الفراق فدا ابعد ما يكون عنه
تحياتى ومودتى

[/center]