الحلقه السادسه من ( ما لم تتوقعه ) مع ( morshooo )

[morshooo]

بسم الله الرحمن الرحيم

اهلا بيكم

وحلقه جديدة من

( ما لم تتوقعه )




البرنامج عبارة عن ( 10 اسئله )

مطلوب من الضيف انه يجاوب عليهم

وليه حق الاعتراض على اجابه اى سؤال لكن .

السؤال هينزل وهينزل اعتراض الضيف .

ماتنسوش ان البرنامج اسمه

( ما لم تتوقعه )

يعنى ممكن يكون سؤال او سؤالين هينطبق عليهم

( ما لم تتوقعه )




فى البدايه تعالو نشوف الضيف

قال ايه قبل ما يشوف الاسئله .

اقسم بالله العظيم
ان اجاوب بكل صدق وصراحه
وسوف اتحمل اى سؤال يظهرلى
طالما وافقت على التواجد معك فى البرنامج
وسوف اوافق على طرح اى سؤال
ولا يحق لى ان ارفض نزول الحلقه
او حزف اى رد من الردود





السؤال الاول :

عرفى الاعضاء ( من انتى ) فى مالا يقل عن 5 سطور ؟

ممممم حد مختلف بكل المعآآيير ,, وتصرفآتى مش متوقعه
لانى بتطور كل يوم بسرعه عن اليوم اللى قبليه ,, ايدولوجيتى
كل يوم فى تزآيد بشيل منهآآ كتير وبضفلهآ كتير ,,
بآختصآر تلخيصى فى كلمتين "" دمآغ عآليه "" :d




السؤال الثانى :

فى كلام كتير عن بنات ( الاسكندريه ) واكيد انتى سمعتى عن الكلام دا انهم بنات ليهم فى كل حاجا ؟ بما انك من اليكس الكلام دا بينطبق
عليكم فعلا والا مجرد كلام ؟

ليهم فى كل حآجآآ دآ مصطلح عآيم ,,
بس عشآن احدد هحدد وفقآآ لثقآفتى
اللى هى مختلفه عنك وعن غيرك بمعنى اللى بشوفه عآدى ومقبول
غيرى لا يقول مش عآدى وقله آدب ,, يبقآ وقعنآ فى اشكآليه
الاختلآآف ع العرف
والتقآليد ..!! بس عمومآآ كل مكآن فيه المقبول وفيه لا بس انآ آخر
حد يحكم ع حد
لمآ بشوف بنآت مآشيه مع اولاد حتى لو بشوف حآجه مش مظبوطه
آكيد
مش بحكم ولا بفسر ع دمآغى بجيب الاحتمآل النقى والصآفى وقول
فيهآآ مليون
احتمآل ,, مش اتعودت احقر من حد ولا اعمل ريمآرك ع تصرفآت
حد لان بكل بسآطه
مش وصيه ع حد ,, ليآ تصرفآآتى وحكمى ع نفسى وبس




السؤال الثالث :

ليه كتير فى المنتدى شايفينك شخصيه ( قويه ) جدا ودا بيأثر عليكى
؟ حتى وقت ماكنتى مشرفه فى قال انك سبب فى عدم دخول بعض
الاعضاء القسم ؟ وكنتى دائما على خلاف مع الادارة والمراقبين
بسبب المواضيع واعتمادها ؟

شخصيه قويه آه وجدآآ هههههه اللهم زيدنى توآضعآآ :d
بيآثر عليآآ آه بردو ,, لان احيآنآآ مش فى المنتدى فى حيآتى العآمه
بينشآآ جدآر كدآآ رهبه وخوف من رد فعلى مع انى عآديه آوى ..
وكمآن بسببه بينشآآ ان الولاد بيشفونى شخصيه لابد التنآفس l معهآآ
او معنى اصح بتسيطر حآل من التنآفس والنديه ,, التسترون بيشتغل :d
الموضوع كله فى فكره ان البنت ثقآفيآ وآجتمآعيآآ مش ينفع تكون
شخصيه
مستقله وقويه جرت العآديه لابد ان تكون تآبعه وشخصيه مهزوزه
وخلوهآآ
صفه من صفآت الانوثه .. فبحآرب فكر وايدولوجيآآ مش اشخآآص
...
وبنفسى وانى نموذج احب اغير كتير اقول انآ شخصيه قويه
وعقلانيه وآنثى :d
==============================
بالنسبه لسبب ترك حد للقسم وانآ كنت مشرفه
اعتقد دآ مش حصل القسم مفتوح للجميع وكل المجهود
المبذول وقتهآآ كآن عشآن النآس تلاقى الحصريه وانآقه القلم ورقى
الفكر
مش عشآن اطفش حد الموضوع كله دقه عشآآن مستوى القسم يرتفع
مش مهم كآم موضوع بينزل ع قد كآم موضوع مهم ويستحق يآخد
بآدج الحصرى
وشرف قسم قلم الاعضآآء !!
==========================
امآ خلافى كآن مع المرآقبين مش الادآره ..
لانى على وفآق تآم مع كل الادآريين وبآخد منهم الدعم المعنوى
والتشجيعى لمآ كنت عضوه لسه اخضر لحد نآو خروجى من
الاشرآف ..
الاختلاف مع المرآقبين مش فرض سيطره او غيره او استعرآض
عضلآآت
الاختلآآف فى الدقه والشغل ,, ودآ حرصى منى اولا ع الاعضآآء
قبل منظر القسم نفسه لان لمآ ينزل موضوع منقول لعضو
وينزل فى صندوق الابدآعآآت والدنيآ كلهآ تشوفه وبعدين يختفى
اعتقد ان العضو هنآ اتشهر بيه ومن حقه يعمل شكوى يقول اه نزلت
موضوع
منقول بس من حقى انه يتحذف فى المرآقبه مش تشهير كدآآ ..
وتآنى شىء حصريه القسم ورقيه مهم جدآآ لان قلم الاعضآء شرف
لاى حد
يطرح فيه فكره او يآخد بآدج القسم لانه بيرتقى مع الكتآب والفلاسفه
حآله كدآآ
بعتبرهآ روحآنيه ,, ولو المرآقب مش وآخد باله من النقطه دى آكيد
انآ هوصلهآله بآى طريقه
كآنت ..




السؤال الرابع :

اتفرجتى قبل كدا على مشاهد جنسيه حتى لو فى افلام اجنبيه او
عربيه ؟ ولو عارفا ان فى مشهد جنسى فى الفيلم بتشوفيه والا
بتعملى ايه ؟

المشآهد دى مش حآجه بالنسبه لينآآ معشر الانآث ولا تمثل اى قيمه
على قد ايه اللى قبل المشهد دآآ بمعنى عشآن اتآثر بمشهد
لآآزم يتوفر كل عوآمل التآثير من درآمآآ وقصه ورومآنسيه لاننآ
اهم حآجه
بنتآثر بهآ العآطفه والمعنى والمدلول ,, مش المشهد المآآدى
ولو مش متوفر العآطفه من موسيقى ودرآمآ وسنآريو جيد وديكور
وآبطآل جيدين اكيد بيكون لينآ مضيعه وقت ودآ اللى خلى درآمآآ زى
الدرآمآ
التركيه تنجح رغم انهآ مآفيش مشآهد جريئه ودآ فى حد ذآته محط
سخريه منكم
وتريقتكم لانكم مش بتشوفوآآ اللى شيفآه البنت والمهم بس المشهد
المآآدى ( الجنسى )
بالنسبه ليكم .. وبردو سبب مهم لسسله تويلايت انهآ تنجح ..
============================
بالنسبه شوفتى مشآهد اه شوفت فى افلام كتير وكمآآن فى روآيآآت
وبالنسبه ليآآآ بيكون المشهد مقبول كنآقده لمآ يتوظف المشهد صح
بمعنى انه موجود عشآن يوصلك حآله معينه او فكره ورآآ مشهد
يحمل ظلال
كتير يخلى مخك وتفكيرك وعقلك يعبآ ظلال الصوره بمآ يحمله
المشهد من فكره
فى سيآق الفيلم الاسآسى ودآ يخلى اى مشهد من دول مقبول
امآ المشهد المحطوط بس عشآآن يكون سبب فى تذآكر شبآآك ومندس
عشآآن
يخآطب الغريزه دآ بيبقآ مكشوف آوى ويهبط من مستوى الفيلم
او الدرآمآآ
او حتى الروآيه .... وطبعآ عندنآآ كم هآئل من الافلام بتحتوى على
مشآهد
ونآجحه جدآآ زى تويلايت امآ الروآيآآت زى روآيآت مرآآد والادب
العالمى بآولو كويهليو ...




السؤال الخامس :

انتى عارفا ان التوبيك دا بيكون فيه اسئله محرجه او خاصه بالامور
الجنسيه موافقتك على التواجد فى الحلقه مش شايفا انه ممكن يقلل
منك قدام الاعضاء ؟

حلو السؤآل دآآ اخر حآآجه :d
هو جرى العرف والتقليد ان الحديث فى الامور الجنسيه عيب ..
ومش يصح وهس ومحدش ينطق .. بس دآآ خلى المجتمع مدينه
افلاطونيه !!؟
خلى الكل ملآآك لمجرد انه مش بيتكلم فى حآجه زى كدآآ قلل نسب
التحرش ؟!
قلل من الموآقع الابآحيه والبذآءه وتدنى الاخلآآق ..
ولو هو عيب ,, اللى اعرفه العيب بيكون عيب ع طول مش عيب
فى سن معين
وبعدين بينطلب منك تعمل العيب دآآ فى مرحله معينه من حيآتك
تحت اسم الزوآج آو غيره .؟!
يبقآآ اكيد فى مشكله تفكير ..
الجنس غريزه زى الاكل والشرب وع فكره موجود فى كل
منحى فى حيآتنآآ
من اول البيبى وتحديده نوعه لحد الدين ووعد المؤمنين بحور العين ..
والتعتيم عليه مش فى صآلح لحد بالعكس جرى العرف الممنوع
مرفوض ومرغوب !!
يبقآآ لازم يكون فى توعيه للموضوع دآآ وثقآفه جنسيه سليمه بحيث
اربى النشى
يآخد باله من نفسه وكمآن مش حد يضحك عليه ,,
اه وفى فكره مهمه جدآآ
التعتيم مش حل بسبب ان الصغيرين هنفتح عنيهم ودآ هيخدش
برآءتهم ..
احب اقول للفكره دى ان علمآ النفس اللى بيقروآ بقآ علم نفس
حدد ان الطفل بيستوعب ان عنده رغبه جنسيه من عمر سنتين !!
مآ بآلك بقآآ مرآهق عنده 14 سنه
يبقآ الافضل اوعيه واعلمه وكمآن اتعلم انآ كمآن واستقى معلومآت
صح اعرف اربى بيهآ ولادى ولا اكتب خط احمر ممنوع الاقترآب
والتصوير
واهمل كل العوآمل النفسيه !!
واسيبه للمجتمع هو اللى يربيه ويعلمه غلط اصله هيعرف هيعرف
:d
يبقآ يتعلم فى جو صحى سوى بعيد عن المبآلغآت والخرآفآآت
واللعب بالشهوه ..
وآذآ كآن دى فكرتى عن الجنس اكيد الموضوع مش يقل منى
بالعكس بعتبره انه بيرسم ملامح اساسيه ومهمه لكل شخص فينآآ ..




السؤال السادس :

دخولك فى حاله نفسيه سيئه بعد وفاه اخوكى ( رحمه الله )
وانه كان اقرب شخص ليكى شايفا انك حتى الان بتعانى نفسيا من
صدمه فقدانه ؟

آه ..




السؤال السابع :

اتمنى الموت قبل كدا ؟ ونفسك يتحقق فعلا والا لا ؟ وايه السبب ؟

تمنى الموت لمآ اصلآآ تستوعب انك عآيش ودآ فى حد ذآته
اعترآف منك انك متذوق الحيآه وعآيز تحرم نفسك او تعآقبهآآ
بآنك تموت ,, بس اللى مش حد يعرفه ممكن تكون ميت ولسه
قلبك بينبض ..!!
تمنيت الموت لاآآ ,, حسيت انى ميته قبل كدآآ آه ..
السبب "" فقد عزيز ..""




السؤال الثامن :

تعرضى للتحرش قبل كدآآ ولا لا ؟ ولو حصل اتصرفتى آزآى ؟

مممممم ,, اه تعرضت للتحرش والتحرش هنآآ طبعآآ مقصود لفظى
وجسدى بس انآ فآهمه تقصد نهون :d
آه بردو اتعرضت لتحرش جسدى ..
كنت فى تآنيه ثآنوى والمفروض كآن علينآ امتحآن فى الدرس
والمستر عملنآ الامتحآن قبل المدرسه يعنى هنصحى بدرى آوى
نمتحن قبل اليوم الدرآسى وكنآ كمآن فى الشتآآ يعنى الدنيآ بتكون
مضلمه شويه الصبح
المهم مش ركبت تآكسى ركبت ميكروبآص فى الكرسى اللى قبل
الاخير " اللى فى النص يعنى
بحب الكرسى دآ مش اعرف ليه :d "
المهم كنت مشغوله بالورق والمرآجعه بس حآسه فى حآجه بتمشى
ع ضهرى
طنشت لانى كنت مشغوله آوى وكمآن لبس التقيل مش خلانى متآكده
آوى
شويه ولاقيت ايد بتمشى على جنبى فى الفرآغ بين الكرسى
والشبآآك :d
هنآ فهمت بقآ اللى بيحصل والمعلم هآص تحسيس فى ضهرى
وآنآآ مش وآخده بالى فلقى الموضوع سهل فجرب ايده التآنيه
المهم اتلفت بسرعه بنظره صآرخه اللى بيقولوآ عليهآ فى العربى
نظرت شذرآآ
معنآآ هآآ لو اتكررت هظبطك :d
المهم كآن جبآن مش استحمل انه يبص فى عنيآآ مده طويله
نزل نظره من عينى وبص فى الارض وطآطآ رآسه ..
فى الحآله دى قفلت كل حآآجه وحطيت عنيآ فى ضهرى :d
المهم العربيه كلهآ بدآت تنزل حد ورآ حد مش فآضل الا انآآ فى
الكرسى الوسط
وهو ورآيآآ ووآحد قدآمى ولاقيته بيقول للسوآق معآك الاشآره يسطى
ودآ نفس المكآن اللى هنزل فيه ,, طبعآ فكرت بسرعه لو نزلت
من قدآمه
ممكن يعمل فيآ حركه زبآآله :d
قولت خلاص هخليه هو ينزل قدآآمى وآعمل انآ فيه الحركه الزبآآله :d
فعلا العربيه وقفت وهو كآن نبرفز آوى حتى اتحآشآ يبص نآحيتى
وهو نآزل
وكمآن وآضح انه عنيف آوى بآنه جزء من الدقيقه عمآل يتخآنق
مع البآب
عشآن يفتح مش رآضى عرفت انه متوتر ,,
فى اللحظه دى كآن مآسك فى ايده شنطه بآآك مخليهآآ ورآ ضهره
كدآ ع بآل بينزل
مآسك آكيد والايد التآنيه بتجر عن الارض وهو متوتر كدآ وعصبى
ووآقف ع البآب عشآن يفتح
لنفسه روحت بسرعه شآبكه الايد التآنيه من شنطه البآك فى حديده
الكرسى القلاب
اللى اصلا فى الوسط :d
رآح هو فتح وبنزل وبكآمل قوته وتوتره رآح مقلوب ع وشه والشنطه اتقطعت :d
بصلى كدآ معنآهآ عآرف انه انتى ,, رديتله البصه معنآهآآ صبآحك
فل يآ برنس :d
ع بآل مآ النآس عمال تحوقل وتقوله معلش والكلام دآ نزلت بقآآ بعد
الفرح دآآ
ببص حوآليه اشوفه لاقيته اختفى :d
دليل انه جبآن اصلآآ .. الموضوع دآ حكيته لآخويآآ قلب هستيريآ
ضحك
وقالى لو مش كنتى عملتى كدآ كنت علقتك ع البآآب =))))))




السؤال التاسع :

عند الجرأئه انك تختارى ( 3 اعضاء ) من المنتدى وتقوليلهم
( اتمنى لما ادخل المنتدى ماشوفش حد فيكم ) ؟ وتقولى الاسباب ؟

الموضوع مش موضوع جرآءه الموضوع موضوع مبدآآ
انآآ ع طول بقول يآجمآعه الرآى والرآى الاخر
والرآى المختلف عنى او مختلف عن ايدولوجيتى
بيفيدنى بردو بعتبره بمثآبه انه بينور حته من البآآزل " اللغز""
لانه بآختلافه بيفتح عقلى لحآجه جديده اى كآنت بس بيفيدنى
وبعتبر كل النآس اللى هنآآ مختلفين بطريقه مآآ
وبفرح ان حد بيختلف معآيآآ آكتر من الحد المتفق معآيآآ
لانى عآرفه انى هفيد واستفيد حتى ولو مش وصلنآ لحآجه
بس جآست ان اتعرضت الافكآر بعتبره مثمر جدآآآآآآ
وبالتآآلى كل الاعضآء مهمين وبهتم لكل كلمه بتتقآل
لان بعفويتك بفكرك بآطلالتك بآسلوبك حتى رمزيتك
بركز فيهآآآ ,, بحب التفآصيل وبتشكلنى ...




السؤال العاشر :

ياترى فى سؤال كان فعلا ( غير متوقع ) ؟ وايه السؤال الى فكرتى
فيه كتير قبل ماتجوبيه ؟

مآفيش سؤآل كآن صعب اجآوب عليه

ممكن سؤآل وجعنى ,, اللى هو يخص الفقد ..

سعدت بتوآجد فى الحلقه ..



ضيفه حلقه النهاردة المتالقه /

نور ونار





انتظرونى واعترافات جديده

وضيف جديد

[حالمة باميرى]

حلقة جامدة بجد
ونور باين عليها انسانة اخلاق عالية وعجبتنى اوى فعلا ردها على السوال الرابع
وكمان تصرف عسل الى عملتة مع الواد الفاشل دة
تسلم امورشو حلقة جميلة اوى

[همس الحنين]

انتى عارفا ان التوبيك دا بيكون فيه اسئله محرجه او خاصه بالامور
الجنسيه موافقتك على التواجد فى الحلقه مش شايفا انه ممكن يقلل
منك قدام الاعضاء ؟

السؤال ده مكنش المفترض تقوله من البدايه

كونها بتقدرك وقبلت دعوتك على الحلقه يبقى اكيد عارفه انها اد المسئوليه

الاسئله فعلا جريئه بس اجابة نور كانت فى قمة العقل والاناقه

مش عيب التحدث عن امور حساسه لكن الهدف يكون استفاده مش طرح اسئله واحراج الضيف

اللباقه انك تنوع فكرة الاسئله واحترام الفرق بين أدم وحواء فى مسألة الجرئه
نور تألقتى زى المعتاد

برنامج جرئى أ. مورشو
موفقين

[الأميرة رودي]

وانا بقرأ أول سؤالين عرفت انها نـور
كنت صبوره المره دي ومرضتش انزل بالصفحه واشوف مين الضيف
حبيت اقرأ الأول وأخليني مع الاجابات للاخر
بس توقعتها نـور وطلعت نـور
هاتولى حاجه حلوه بقى انا شاطره اهو

اجابات منتهى الجمـال
وانا بحييكِِ على عقـلك وعلى نظرتك المتعمقه للأمور
من اكتر البنات اللى لقيتهم لاغيين مبدأ السطحيه من حياتهم
موقفك مع الشاب المتحرش عجبني اوي
ولو كنتي اديته بالرجل وهو نازل كان بقى احسن ..
===
ربنا يرحم أخوكي ..
فقدان عزيز احساس موجع أوي ومش بيحس بيه االا اللى عاشه
وانا عيشته ومجرباه

ربنا يرحم أمواتنا جميعا..

حلقه رائــعه
يمكن الاسئله جريئه لكن الأجابات أجرأ
تسلمــو
تقييمي

[Lamees]

من اول همسة في كلامك نور عرفتك
لانك ليكي فكر مميز ومختف وليس له شبيه
سعدت بردودك وذكائك وتصرفك مع الواد بتاع الميكروباص
انتي طلعتي اجدع مني في المواقف دي
ربنا يسعدك ويصبرك على فراق اخوكِ

الحلقة جميلة يا مورشوو
مجهود رائع لك كل الشكر عليه
تحياااتي
روني ..~

[العاشق الذى لم يتب]

والله زى ماقالت رودى
أخدتنى حب التشويق
ومن اول سئال ومن خلاله قولت هى نور
نور
وهل يخفى القمر
انسانة مثقفة وراقية
وكثيرا مايعجبنى كتاباتها
بالرغم من اختلافى احيانا كثيرة معها فى الرأى
أحترمها وأكن لها كل تقدير
واتمنى لها السعادة والتوفيق
مرشو برنامج جريئ يعنى جريئ
وتلك عادتك
تقبلوا تحياتى وودى

[كوين ميرو]

حلقه اكتر من روووووووعه
نور من الشخصيات اللى ليها كاريزما خاصه
وده بيميزها بحب طريقه تفكيرها جدا وطريقه مناقشتها
والنهارده فى الحلقه اكدت انها فعلا صاحبه شخصيه مميزه باجابته الممتازه
استمتعت كتير بالحلقه
ربنا معاكى حبيبتى ومش عارفه ليه حاسه انك هتكونى فى يوم من الايام
سياسيه ناجحه جدا ^_^
ربنا ينيح روح اخوكى ويعزى قلبك حبيبتى
احمد انا مع رأى همسات فى القمر فى رأيها السؤال الخامس ملهوش لازمه
تسلم ايدك وفى انتظار جديدك

[morshooo]

اقتباس المشاركة الأصلية كتبت بواسطة همسات فوق القمر انتى عارفا ان التوبيك دا بيكون فيه اسئله محرجه او خاصه بالامور الجنسيه موافقتك على التواجد فى الحلقه مش شايفا انه ممكن يقلل منك قدام الاعضاء ؟ السؤال ده مكنش المفترض تقوله من البدايه كونها بتقدرك وقبلت دعوتك على الحلقه يبقى اكيد عارفه انها اد المسئوليه الاسئله فعلا جريئه بس اجابة نور كانت فى قمة العقل والاناقه مش عيب التحدث عن امور حساسه لكن الهدف يكون استفاده مش طرح اسئله واحراج الضيف اللباقه انك تنوع فكرة الاسئله واحترام الفرق بين أدم وحواء فى مسألة الجرئه نور تألقتى زى المعتاد برنامج جرئى أ. مورشو موفقين

اهلا اهلا

بصى معتقدش ان نور او اى عضو

بيقبل استضافه عشان مورشو الى بعتهاله

اكيد بيقبلها لاسباب تانيه منها انه عايز يكلم

عايز يوضح حاجا ممكن عاجبه فكره التوبيك

فوافق يكون فيه كل عضو ودماغه وفى اعضاء

ببعتلهم بيعتزرو لكن

الهدف من السؤال ان اى عضو بيكون فى التوبيك

وبيتسئل فى حاجا زى كدا مش معنى كدا انه مش كويس

لما يجاوب ويقول مثلا اه شوفت مقاطع او اه حصل ان حد اتحرش بيا

او اه انا حملت على موبيلى افلام مثلا .

بخصوص التنوع ماتنسيش اننا فى منتدى

يعنى كل الى بينى وبين الاعضاء بيكون مجهول

يعنى لو استضفتك هحطلك اسئله بنفس الشكل دا

لانى يعتبر ماعرفش حاجا عنك شخصيه جدا فاسئلك فيها

او صعب انى ادور على حاجا وافاجئك بيها .

والاعضاء بيقدرو يميزو بين العضو الصادق والعضو الى بيتهرب

من الاجابات .

[روح صامتة]

اقتباس ولو هو عيب ,, اللى اعرفه العيب بيكون عيب ع طول مش عيب فى سن معين وبعدين بينطلب منك تعمل العيب دآآ فى مرحله معينه من حيآتك تحت اسم الزوآج آو غيره .

:d انت عسل .. ^^
انا بجد فرحانة جداا اني حضرت الموضوع دا ..
بجد انت انسانة مخك جميل وبيعجبني تفكيرك
اتمنى تفضلي كده ي نور :* ^^
وربنا يصبرك على فقد اخوك ..
تسلم ي احمد ع الاستضافة

[Silver Flower]

أسئله جريئة وإجابات حلوه
وانا هلق اتعرفت على الضيفه او العضوه نور
نورتي الاستضافة يا قمر