دورة تعليم الرسم ( الدرس الاول ) .. تأكيد اشتراك /

[Aya 7ekaya]

السلام عليكم انا كآيه متحمسه للدورة دى جدا وزى ماقولتلكو انها هتكون بسيطه جدا يعنى رسومات عاديه والدرس الاول هيكون عباره عن شويه قواعد ومبادىء للرسم واحب أوضح ان ده مش كلام وخلاص الكلام ال هيتكتب هنا هتحتاجوة قدام امتى ماعرفش ف اعتبروه لازم يتذاكر علشان وقت ماتحتاجوة هيكون اختفى كمان هنا بس اعلان انطلاق دورة تعليم الرم وتأكيد الاشتراك يعنى ال اشترك او ال لسه عايز يشترك يأكد هنا ندخل فى المهم .. الرسم فن رآقى جـدآ وتقريبا مافيش حد مش بيحبه حتى لو مش بنحب نرسم بس بيكون لينا ذوق فى الرسم فى دورتنا هيكون فى حاجة اسمها عنصر وحاجة اسمها مركب مش كيميا لأ العنصر حاجة واحده بس يعنى مثلآ ( كأس ) المركب بقا مجموعه زى مثلا طبق فاكهه بيتكون من اكتر من حاجة اساسيات فى الرسم لو بنرسم شكل زى كوب مثلا او ااناء فخارى لازم يكون الجزئين بتوعى متساويين يعنى مش جزء نازل وجزء طالع يعنى قد بعض وودى هنفهمها اثناء الدروس الجايه التظليل لما بنظلل لازم نراعى اننا نظلل العنصر من فوق لتحت مش من اليمين حته والشمال حته علشان الرصاص هيلزق ف ايدينا ويخلى شكل الورقه وحشه فى الاخر ازاى بنمسك القلم واحنا بنظلل ؟؟ بغض النظر عن ان ال ف ايدى انا كنت ف امتحان طباعه والوان مش راضيه تطلع من ايدى حتى الان التظليل بيكون ف اتجاة واحد يعنى ي نظلل فوق تحت ي من اليمين او الشمال لان ده بيأثر على الشكل العام ف النهايه للرسمه الادوات ال انا هستخدمها فى الرسومات هتكون ورق كانسون ابيض واقلام رصاص وممكن ف النهايه نستخدم الوان وممكن لا وليكو حريه استخدام الادوات طبعا اى ورق تحبوه لكن انا علشان هرسم على مساحه كبيرة انتو ممكن ترسمو على ورق عادى مفيش مشكله ده شكل الورقه ومقاسها 35*50 سم ده نوع الاقلم ال حابب يعرفها اسمها Faber-Castell وبرسم بقلم HB علشان يكون خفيف ف الرسم امسح براحتى وبظلل بقلم 6B وممكن معاه قلم تانى مثلا 2Bعلشان يكون فى درجات بس عموما اانا بخفف براحتى فى ناس ممكن ماتحبش التظليل طبعا مفيش مشكله احنا كفن رسم بيكون حر ممكن تزودو حاجت من عندكو او تنقصوا المهم ان الشكل النهاى يكون حلو ده تعريف للدورة بس بشكل بسيط ممكن حاجات من بين السطور دى أسال فيها بعدين زى ماقولت الدرس التانى : ( اول رسمه ) هتنزل بكرة ان شاء الله على طول يشكر نرمين ع الهيدر والخلفيه ^^ تآبعونآ بقا

[✿ Celiηα]

حلو الموضوع ده
تسلم ايدك وبالتوفيق للمشتركين فالتعليم

[آآهآت]

تسلم ايدك
دورة موفقة ان شاء الله
متابعين بصمت

[براءة طفلة]

تسلم ابدك يا ايوش معاكي طبعاا ^_^

[حلم عمري]

حلوة المعلومات دي استفدت منها
وفي منهم كنا اخدناها في المدرسة زي بتاعة التظليل دي
انا معاكي ان شاء الله بس يارب اكون تلميذة شطورة
اما بالنسبة لموضوع الاسئلة وبين السطور دي
مش معاكي خالص الواحد ما صدق خلص من المدرسة عايزانا نذاكر تاني
تسلمي يا ميس ^_^

[Aya 7ekaya]

اقتباس المشاركة الأصلية كتبت بواسطة ✿ celiηα حلو الموضوع ده تسلم ايدك وبالتوفيق للمشتركين فالتعليم

انتى احلى ي سيلو نورتى ي حبى ^^

[Aya 7ekaya]

اقتباس المشاركة الأصلية كتبت بواسطة آآهآت تسلم ايدك دورة موفقة ان شاء الله متابعين بصمت

تسلمى ي قمر
نورتى ^^

[Aya 7ekaya]

اقتباس المشاركة الأصلية كتبت بواسطة براءة طفلة تسلم ابدك يا ايوش معاكي طبعاا ^_^

تمام ي حبى حطى ده ف توقيعك بقا ^^

[Aya 7ekaya]

اقتباس المشاركة الأصلية كتبت بواسطة حلم عمري حلوة المعلومات دي استفدت منها وفي منهم كنا اخدناها في المدرسة زي بتاعة التظليل دي انا معاكي ان شاء الله بس يارب اكون تلميذة شطورة اما بالنسبة لموضوع الاسئلة وبين السطور دي مش معاكي خالص الواحد ما صدق خلص من المدرسة عايزانا نذاكر تاني تسلمي يا ميس ^_^

ههههههههههههههه الموضوع سهل جدا اصلا الكلما مش كتير ي فوفتى يعنى

اكيد هو فى اشطر من كده وحلوة ميس دى ^___________^

[الآمير العآشق]

روووعهـ آيــــه
مجهود كتير حلووو ومميز
واكيد هتكون درووس كتير مفيده
لمن يهوون تعلم فن الرسم بالرصاص
دمتي متالقهـ
وتستاهلي الفاايف ستاارز

ان شاء الله نكون من المتابعين