الحلقه السابعه من ( ما لم تتوقعه ) مع ( morshooo )

[morshooo]

بسم الله الرحمن الرحيم

اهلا بيكم

وحلقه جديدة من

( ما لم تتوقعه )




البرنامج عبارة عن ( 10 اسئله )

مطلوب من الضيف انه يجاوب عليهم

وليه حق الاعتراض على اجابه اى سؤال لكن .

السؤال هينزل وهينزل اعتراض الضيف .

ماتنسوش ان البرنامج اسمه

( ما لم تتوقعه )

يعنى ممكن يكون سؤال او سؤالين هينطبق عليهم

( ما لم تتوقعه )




فى البدايه تعالو نشوف الضيف

قال ايه قبل ما يشوف الاسئله .

اقسم بالله العظيم
ان اجاوب بكل صدق وصراحه
وسوف اتحمل اى سؤال يظهرلى
طالما وافقت على التواجد معك فى البرنامج
وسوف اوافق على طرح اى سؤال
ولا يحق لى ان ارفض نزول الحلقه
او حزف اى رد من الردود





السؤال الاول :

س / فى البدايه عرفى الاعضاء ( من انتى ) فى مالا يقل عن 5 سطور ؟

انا وفاء مجدي هتم 17 سنة كمان كام شهر ان شاء الله
بنت عادية وبسيطة جداا رغم ان في ناس بتشوفني مغرورة مش
عارفة ليه شقية جدا وبحب الضحك والهزار
ماما واخواتي هما كل حياتي نفسي دايما يكونوا بخير ويفضلوا
جمبي عندي احلام كتيرة نفسي احققها
اهمها اني اجيب مجموع في الثانوية وادخل الكلية
اللي كان بابا الله يرحمه بيتمناها وكمان
اكمل حفظ قران واحفظه كله
ونفسي دايما ربنا يكون راضي عني ويجمعني بكل
اللي بحبهم في الجنة




السؤال الثانى

س / اكلمتى قبل كدا عن عادات القريه الى انتى منها ؟ مجلكيش
احساس قبل كدا ان كان نفسك تكونى من بلد تانيه ؟

اها جالي الاحساس دا كتير ومازال عندي بل بالعكس
بيكبر مع الايام
وهي مش اي بلد تانية يعني انا نفسي
اما اكبر اعيش في مدينة




السؤال الثالث

س / محصلش قبل كدا انك كدبتى على والدتك عشان تعملى
حاجا انتى مقتنعه انها صح ؟

بصراحة لما كنت في اعدادي وكنت بتاخر في الدرس
مثلا عشان واقفة مع اصحابي بصراحة كنت بخاف
اقولها تزعقلي ^^ كان شغل عيال بقا
بس حاليا والله مش بخبي عليها اي حاجة خالص بحكيلها
علي كل حاجة ولو رفضت اني اعمل حاجة حتي لو انا مقتنعة
انها صح مش بعملها




السؤال الرابع

س / والدك ( رحمه الله ) وحشك ؟

وحشني !!!!
اصلا مش هقدر اوصف هو وحشني قد ايه
انا روحي راحت معاه لما هو راح
تصدق انا اصلا مش بقدر افكر فيه لاني لو فكرت بحس اني
هيحصلي حاجة من كتر التفكير
انا اصلا والله لحد حاليا مش مستوعبة ان هو مش موجود
هو كان كل حاجة في حياتي عمري ما تخيلت في يوم انه ممكن
يسيبني ويمشي بس انا عارفة انه مش بايده هو لو كان بايده
عمره ما كان هيسيبني بس هقول ايه
الحمد لله علي كل حال




السؤال الخامس

س / بتتمنى تعيشى مع والدك والا تتواجدى الفترة دى مع والدتك ؟

بصراحة الفترة اللي فاتت تمنيت كتير اني اروح لبابا من ناحية
عشان اكون معاه وكمان لاني زهقت من الحياة المقرفة اللي احنا
عايشنها دي وزهقت من كل الناس اللي فيها وكمان لاني الفترة
اللي فاتت شهدت حالات وفاة كتيرة وتعبت من الم الفراق ومش
متخيلة اني ممكن استحمل افارق حد من اهلي تاني عشان كدة
نفسي اموت قبلهم




السؤال السادس

س / مفيش حد من الاعضاء بعتلك انه عايز يرتبط بيكى ؟

لا محصلش




السؤال السابع

س / محصلش قبل كدا وبنت ذميلتك فى المدرسه اكلمت قدامك
كلام ( جنسى ) او انها شافت فيلم من النوع دا ؟ وكان ايه
موقفك منها ؟

لا محصلش
ولو حصل
هسيبها وامشي طبعا احنا ناقصين قرف




السؤال الثامن

س / ممكن تزعلى لو حد من الاعضاء شايف ان وجودك فى
المنتدى زى عدمه وان مواضيعك مالهاش اى اهميه ؟

زي عدمه ازاي اومال مين اللي بينور المنتدي
لا عادي وهزعل ليه دي اراء
ازعل لو فعلا انا شايفة ان وجودي ملوش اهمية
بس متمناش انه يكون كدة يعني




السؤال التاسع

اكيد جالك احساس بالغيره من ذميلتك او قريبتك او حد من
جيرانك ؟ امتى حسيتى بالغيرة واستغربتى نفسك ؟

والله انا عمري ما غيرت من بنت الا في حالة واحدة وهي الدراسة
كنت بغير لو بنت اشطر مني بس مش معني دا اني اكرهها
او اتمنالها الشر لا ابدا كنت بحاول احسن من نفسي
واكون زيها او احسن بس
اما اغير من واحدة عشان لبسها او شكلها دا لعب
عيال يا عم الحاج




السؤال العاشر

س / ياترى فى سؤال مكنتيش متوقعه اسئهولك ؟ وايه اكتر
سؤال وقفتى قدامه وفكرتى قبل ما تجوبى ؟

هو اللي غير متوقع انك تجيبني البرنامج اصلا
بس كنت متوقعة تجيب سؤال من نوعية السؤال السابع
واكتر سؤال وقفت قدامه
السؤال الرابع فتح جوايا جرح كبير اووي كنت بحاول اقفله




ضيفه حلقه النهاردة المتالقه /

حلم عمرى






ماتنسوش تشوفو الفيديو دا

[شاعر الحب الحزين]

تصدق وتأمن بالله يا موشو

عرفت انها حلم عمري قبل ما تعلن عن اسمها

بس هي انسانة راقية جدا بتعاني من الفراق

بس ما شاء الله عليها بتضحك ومالية المنتدى بردودها ف كتير مواضيع

هي بتختفي ساعات مش بتظهر بس اكيد هي شخصية محترمة تستحق الإحترام

الله يرحم والدك يا وفاء ويسكنه فسيح جناته اللهم امين

تسلم يا مرشدي على الاستضافة الجميلة والأسئلة

والإجابات الراكزة من وفاء اللي بتمنالها التوفيق في حياتها والسعادة

احترامي وتقديري

[mony ma7moud]

استفاضة جميلة منك يارشد
مع ضيفة عسولة وجميلة
واجابتها واضحة جدا
ودمها خفيف زي وفاء منورة
البرنامج يافوفة هههههه
والفيديو اللي في الاخر
دة جميل اوي تسلم الايادي
ياجماعة تسلم يامرشد ^_^

[حلم عمري]

مش عارفة اقولك ايه ع الفيديو
بجد رووووعة واكثر من روعة كمان
ابكيتني والله

تسلم مورشو ع الاستضافة
وكنت سعيدة اني متواجدة في برنامجك

[جبل عالي]

البنوتة دي فعلا فعلا في منتهى الرقة

ومنتهى الجمال كمان يمكن تعاملي بسيط

بس بحسها كده .... وفعلا ياحلم الفراق بيخلق

جوانا حجات جديدة في اللي بيتعايش معاها

وفي اللي مبيقدرش .... ربنا يكرمك ياقمر ويسعدك

ويوفقك دايما في حياتك ...


استضافة جميلة يامورشووو

وجميلة جدا الإضافة الأخيرة دي

الفيديو رووعة الصراحة


البرنامج هنا واخد شكل جميل فعلا

موفقين دايما يارب

[Ŗăήćy]

وفاء
حقاً منورة الحلقة انتى انسانة قلبك ابيض وجميلة بجد
ربنا يحفظك يارب ويحميكى من كل شر
ولازم تكونى أقوى من اى حاجة تمر عليكى

عجبتنى اجاباتك..تسلم ايدك بقى يارفيقتى
وربنا يجمعنا مع كل الى بنحبهم فى الجنة بإذن الله

تسلم يامورشو..برنامج مميز كالعادة

[رووكه]

آه يآنى من الثانويه العانه آنتى لسه صغنونه
ربنا يوفقك يا قلبى دمك خفيف وحضورك عاقل
وردك جميل ..
تسلم آمورشو ع الحلقه والضيفه القديره
دعواتى

[حَرفُُ هجآءّ]

فوفا حبيبتى
بحبها والله اووى البنت دى
جميلة كده ورقيقه
وروحها خفيفه اوووى
ربنا يرحم والدك ويرحم اموات المسلمين
طبعا الفراق صعب
والاصعب ان بتبئى نفسك يجى وتتكلمى معاه
بس للاسف صعب

ربنا يطول فى عمر مامتك ويخليهالك
الفيديو رووعه
امورشووو
تسلم

[اذار .]

- وفاء إسمك حلو كثير ، و يارب يعطيكِ الصحه و العافيه .
و الله يرحم والدك و يدخله فسيح جنـاته و يصبرك على فراقـه
و يخلي لك أمك و أخواتك يارب .
خصال الصدق فيكِ رائعة ، و شيء جميل لما الواحد ما يكذب حتى لو يبرر
من فعل خطيئته .
وجودك صدق منور المنتدى ، و أن شاء الله تظلي هنا دائما .

أتمنى لكِ التوفيق في حياتك و ربي يحفظك .

- حلقة جميلة مورشو ، سلمت لذلك .

[العاشق الذى لم يتب]

اول مرة اعرف اسمك ياوفاء
انسانة محترمة
وكتيربعجب بكتاباتك وردودك
ونشاطك وتواجدك
وربنايوفقك ان شاءالله
وتحققى احلامك وتكملى حفظ القرءان
دعواتى لك وامنياتى
وشكرا مرشو
للبرنامج الجميل
تحياتى