الحلقه التانية / يـــوميات انــــــا وهــــو

[phalsteen]

مـــــساء الخير بقالي فترة كل ما اجي انزل الحلقه الكهربا تقطع قربت اصدق ان اليوميات دي اتنحست فجأه ما علينا غتاته بغتاته وربنا لاكمل هااااااا من يومين كدة اتهريت تليفونات وزعيق وخناقات ال ايه لازم اروح اخطب انا طبعا ماكنتش بفكر في الموضوع دا حاليا بس يالا اهو كل شئ قسمه ونصيب طبعا مش فاهمين تـــــعالوا احلي نشوف الحوار يمكن نفهم هو : ساعه ونص والهانم لسه بتفكر هتلبس ايه تكونيش فاكرة نفسك مكان العروسه انا : بس يا بابا وخليك شايل الواد لاعيط وساعتها وربنا منا منقوله من مكاني انتوا اصلا واخدني غصب عني وخليك فاكر دي هو : انا مش عاوز اعلي صوتي للواد يتخض انا : حنين من يومك يا ابو حمني مقولتليش البس بنطلون ولا جيب هو : بنطلون انا : احط ميك اب ولا بلاش هو : لو خفيف مفيش مشكله انا : طب انا جعانه هو : اسم النبي حارسك هو انا واخد بنت اختي يالا الناس مستنيين انا : طب دلوقتي اخوك رايح يخطب انا دوري ايه بالظبط علشان معكش وافضحكوا هو : لا انتي متقوليش حاجة غير ان شاء الله والف الف مبروك انا : طب دي سهله وربنا ما هنطق غيرها وبعد معاناه خلصت ونزلت بــــــــئه وفضلت نايمه كالعادة هو : وربنا عيله قومي يا نونو كملي نوم في بيتنا يختي انا : يا ربي علي الرخامه انا اصلا هنام عند الناس واقولهم مش بينيموني وخاطفني انا وابني بـــــــعد السلامات والتحيات والحوارات الهبله انا : انت رايح فين استني اقعد جنبي انا خايفه هو : اسكتي دول فاكراني العريس العبي في جنب بئه متقطعيش عليا انت والواد اللي في ايدك دا انا : لا يا قلبي خد راحتك اللي خدته القرعه هو : وماله بس لما نروح انا : يا بابا قول حاجة لابنك اصل وربنا اروح بابا : اتلموا بئه فضحتوني ادام الناس كملي خناق لما نروح يا سما لـــــــما وصلت المحروسة قصدي العروسة انا : بابا مين دي يا دي السواد دي العروسة طب انا عاوزة اقدم في مسابقات ميس ايجيبت هو : بقولك ايه بسرعه هاتي اشيل الواد وبكده تعرف اني صاحب عيال الله يخليكي انا : ومن اعمالكم سلط عليكم يالا يا احمد ان شاء الله تبقي من نصيبك والف الف مبرووووووووووك ويا خسارة متجوزهاش انا اصلا زوجه ديمقراطية ماكنتش هعترض ولا هولع فيهم ولا هتشل ولا اي حاجة نهائي بس يالا جات من عند ربنا باي بئه استنوني المرة الجاية

[دمعه حائره]

هههه لعلمك اصعب زيارات هى دى
واى كلمه بتتقال ليها الف حساب
وابقى نامى كويس قبل ماتخرجى لينسوكى فى حته انتى وحمنى
يوميات جميله تسلمى

[phalsteen]

اقتباس المشاركة الأصلية كتبت بواسطة دمعه حائره هههه لعلمك اصعب زيارات هى دى واى كلمه بتتقال ليها الف حساب وابقى نامى كويس قبل ماتخرجى لينسوكى فى حته انتى وحمنى يوميات جميله تسلمى

عموما انا مبحش الرسميات
بحسها خنقه ومبعرفش ارخم
علشان كدة كنت راحه غصب عني
اه وساعتها ما هيصدقوا يخلصوا مني
ههههههههههههه
نورتي يا قلبي
الاجمل مرورك

[Silver Flower]

ههههه
على فكره هادا الموقف صار عنا اليوم بس أهل العريس الي جم
وما اقلكيش العريس ما بدي يروح أعجبته القعدة هههههه
ان شالله ربنا بيوفكم

[.نبض القلوب.]

ههههههههههه
حلوة اوى والله
هو ابو حمنى عارف انك فاضحاه كدا هو وحمنى :d
بس بجد ربنا يخليكوا لبعض
ماشاء الله

[ساحر الأحزان]

الله يكون

فى عونك

يا حمنى

ربنا يصبرك يابنى

[حلم عمري]

ان شاء الله والف والف مبروك
ههههههههههههه
جميلة اليوميات دي
اوابقي نامي كويس لاحسن تروح عليكي نومة عند الضيوف ^_^
مستنين المرة الجاية بقا

[phalsteen]

اقتباس المشاركة الأصلية كتبت بواسطة silver flower ههههه على فكره هادا الموقف صار عنا اليوم بس أهل العريس الي جم وما اقلكيش العريس ما بدي يروح أعجبته القعدة هههههه ان شالله ربنا بيوفكم

يا بنتي دا توافق في الارواح
عقبال ما نشرفكوا بئه
في خطوبة حمني وليا

[phalsteen]

اقتباس المشاركة الأصلية كتبت بواسطة .نبض القلوب. ههههههههههه حلوة اوى والله هو ابو حمنى عارف انك فاضحاه كدا هو وحمنى :d بس بجد ربنا يخليكوا لبعض ماشاء الله

لا طبعا
احنا مخبيين عليه
هههههههههه
ويخليكي يا قلبي
ميرسي لمرورك

[phalsteen]

اقتباس المشاركة الأصلية كتبت بواسطة ساحر الأحزان الله يكون فى عونك يا حمنى ربنا يصبرك يابنى

انتي دايما كدة رافع معنوياتي يا امجد وربنا
محسسني اني ابو رجل مسلوخه
عقبال ما افرح فيك يارب