فضفضه ع الهوا / زوجه بلا زوج

[phalsteen]

مساء الخير بشكر كل متابعين برنامج فضفضه ع الهواء واتمني المحافظه علي الاعلان اللي كتبته قبل الرد http://forums.banatmisr.com/msryat469723/ النهاردة حلقه جديدة وصعبه شويه اتمني من الجميع التفاعل زوجــــــــه بلا زوج بطله الحكايه عندها 16 سنه اتقدم لخطبتها واحد شاف الاهل انه مناسب وانه فرصه وصعب تتعوض والبنت بصغر سنها ماكنش ليها رأي غير الفرحه بالفستان والشبكه وكلمه عروسه ولما حانت لحظه كتب الكتاب طبيعي رفض المأذون لان البنت موصلتش للسن القانوني وكان الحل من وجهه نظرهم هو التحايل للوصول للغرض ورقه عرفي علي ايد محامي بموافقه الاهل وبالشهود وان العريش يمضي علي شيك بمبلغ كبير تركت البنت التعليم واتجوزت وبعد شهرين رجعت بيتها بتعاني من الضرب الاجرائمي اللي افقدها الجنين اللي عمره ايام ومن كلامها ازاي اطلق وانا اصلا متجوزتش ؟ واهلي مصرين يضغطوا عليا لحد ما السنين تجري واكمل السن القانوي ويتم كتب الكتاب رسمي زي ما الاتفاق بيقول وانا ازاي اعيش معاه لسنتين كمان بالطريقه دي فـــــ انتظار الرأي والحل فـــ رعاية الله تحياتي

[دمعه حائره]

للاسف احنا فى مجتمع مهما تديله حقوق بيتنازل عنها
والمصيبه انها بتكون من الاهل
يعنى ازاى يتحايلوا على القانون ويضيعوا حق بنتهم بالشكل ده
دى مش جوازه دى تجاره والبنت ضحيه اهلها قبل زوجها
ماينفعش ترجعله بعد الضرب ده غير امين عليها
وماتعرفيش هايعمل فيها ايه تانى
تفضل زى ماهى عند اهلها
لحد مايشوفوا مخرج وحل للمشكله دى وربنا معاها

[Silver Flower]

مش عارفه بس انا كمان مره او بقول
انه السن ما اله دخل في القسمه والنصيب
احنا عنا كله بيتجوز صغار والحمد الله قصص الزواج ناجحه
وربنا شو كاتب بيصير
والزواج مش ورقه فقط وتكتب
الزواج هو علاقه ارتباط وتفاهم وحب وموده
احترامي

[سيناا]

أمممممم لا آدري مشكلتها مشكلة حرام البنت والجنين الى خسرته



لازم القضاء يضع عقوبة الزواج العرفي اعداااااااااااااااااااااااااااااااااااااااام

[حلم عمري]

للاسف المشكلة دي فعلا بتكرر كتير
وهي ناتجة عن جهل من الاهالي اللي بيرموا بناتهم بالطريقة دي
فرحانين بالعريس وشوية الفلوس والبنت اللي بتدفع الحساب في الاخر
من شبابها وصحتها
المشكلة صعبة وحلها اصعب
بس ممكن زي ما قالت منة انها تفضل عند اهلها السنتين دول وبعد كدة تتطلق
وربنا يصلح الحال

[همس الحنين]

لو معها اثبات بورق رسمى ومسجل على ايد محامى

تقدر تلجأ للقضاء لان هنا ورق مسجل ده لو تم تسجيله كاعقد

لان هنا فى شهود واهلها على علم

فالها ان تلجأ للقضاء

اما فى حاله عدم وجود اثبات بورق مسجل هنا يصعب رفع الامر الى القضاء

والاهل يرحموا شويه ايه فائده زواج بالاكراه والضرب

كل يوم مصيبه طلاق جديده والسبب ان الزواج مش موفق

ربنا يصبرها بس تسأل محامى ولازم تلجأ للقضاء

[Words Whisper]

عارفة المشكلة الأكبر مش في حل المشكلة
هي لها حلول وهتخلص إن شاء الله
المشكلة في نفسية الإنسانة دي
لما في السن دا يكون دا تعريفها للجواز بعد اللي صار
يبئا هتتقبل الجواز تاني ازاي ؟
هتعيش بينها وبين الفكرة دي حاجز و خوف محتاجة تكسرهم
الله يكون بعونها و يجبر بخاطرها
وحسبي الله في أهلها ، ليه الأهل بالأنانية دي ؟!!!!


تسلمي سما ..

[حالمة باميرى]

عارفة ياسما الحكاية دى عندنا فى الصعيد منتشرة اوى
البنات تتجوز صغيرة ومن غير قسيمة لسة عشان السن القانونى والمصيبة الاهل هما الى بيجنوا على بنتهم بدافع السترة وانهم يفرحوا بيها ويخلصوا هم عليهم

الحل انها تفضل عند بيت اهلها وعلى فكرة هو مشهيقدر يقربلها ولا حتى بالمحاكم
لانها مش متجوزاها رسمة يعتبر عرفى
وهو مش قدامة غير حاجتين يا يعملها كويس او يسبها عند اهلها لحد ما تكمل السن القانونى
وبعدين يطلقوا رسمى

[აα∂ Ԑγεა]

مشكلة مكررة وبتحصل كتير
والطريقة دي متبعه من ناس كتيرة
اهلها ظلموها للاسف !

مقدمهاش غير انها تفضل كده لحد ما توصل السن
ويكتبو ويفركشو !
يفضل انها تفضل عند اهلها ومتكملش في بيت واحد مع البني ادم دا

[العاشق الذى لم يتب]

تفضل فى بيت ابوها المجرم
لحدالسن القانونى
وبعدين تتطلق
من هذا المجرم الوحشى
وابن عمى عنده نفس المشكلة وتزوج من بنت وهكذا فعلوا
وهى فى بيت ابوها بعد ماخلفت طفل
ربنايهدى عباده