الزمالك يقترب من التعاقد مع مسعود حارس بني سويف !

[აα∂ Ԑγεა]

اقترب نادي الزمالك من حسم انتقال أحمد مسعود حارس مرمى تليفونات بني سويف

إلى صفوفه في سوق الانتقالات الصيفية.


ويأتي ذلك بعد أن أبدى مسؤولي التيلفونات مرونة كبيرة في التفاوض بشأن المقابل المادي للصفقة.




وكان تليفونات بني سويف قد حدد مبلغ مليوني جنيه للاستغناء عن مسعود للزمالك
إلا أن مسؤولي النادي الأبيض بقيادة أحمد سليمان طالبوا مسؤولي النادي الصعيدي

بتخفيض المقابل المادي للصفقة.


الصفقة قد تنتهي لصالح الزمالك بمبلغ 500 ألف جنيه

حيث يرغب اللاعب بشدة في ارتداء القميص الأبيض
بجانب رغبة الفريق الأبيض في الحصول على حراس مرمى يستطيع خلافة عبد الواحد السيد
حارس المرمى الأساسي وقائد الفريق والذي أعلن بدوره اعتزاله بنهاية الموسم.

[توحد ارواح]

طول عمر الزمالك وهو بيعانى من حراسة المرمى
ومستوى عبدالواحد ف النازل شويه ربنا يوفقه
نفسى فعلا الزمالك يتعاقد مع حارس مميز
شكرا ع الخبر والمجهود القيم
تحيتى

[აα∂ Ԑγεა]

اقتباس المشاركة الأصلية كتبت بواسطة توحد ارواح طول عمر الزمالك وهو بيعانى من حراسة المرمى ومستوى عبدالواحد ف النازل شويه ربنا يوفقه نفسى فعلا الزمالك يتعاقد مع حارس مميز شكرا ع الخبر والمجهود القيم تحيتى

عبدالواحد بحالات !
لما يكون الفريق وحش يكون هو في قمة عطاءه !
واما يكون الفريق كويس بيكون هو زباله !
اوقات بيشيل الفريق من نتائج كارثية واوقات بيكون هو الكارثة !

في كل الحالات عبدالواحد اعلن اعتزاله بنهايه الموسم
ولازم يتشكر علي كل عطائه اللي قدمه للنادي ,

البدائل حاليا موجودة وفي افضل من مسعود اكيد
زي الشناوي الي الزمالك بيحاول عليه هو كمان
لكن تبقي صفقه مسعود مميزة برضوة لسنه الصغير وكمان مستواه ممتاز
واللي تابع مبارياتهم هيعرف دا طبعا
مميز جدا في طلعاته وبيتعامل مع العرضيات بشكل كويس جدا علي عكس وحيد !
اتمني الشناوي اولا لو ينفع , غير كده مسعود مبشر بكل خير

تسلمي للمرور والرد الجميل بقي :]

[سارة بنت مصر]

يعنى فعلا عبد الواحد اعلن اعتزاله خلاص بنهايه الموسم

هو فعلا لما النادى كان فى ازمه كان مجتهد وممتاز ربنا يوفقه

احمد مسعود حارس مميز وجميل وانا شفته لما كنا بنلعب قدامهم وكسبناهم فى اخر لحظه ان شاء الله يكون قد المسئوليه

[العاشق الذى لم يتب]

اخبارومعلومات
رياضية مفيدة
يدوم التميز
وحسن الاختيار
تحياتى

[აα∂ Ԑγεა]

اقتباس المشاركة الأصلية كتبت بواسطة العاشق الذى لم يتب اخبارومعلومات رياضية مفيدة يدوم التميز وحسن الاختيار تحياتى

اقتباس المشاركة الأصلية كتبت بواسطة سارة بنت مصر يعنى فعلا عبد الواحد اعلن اعتزاله خلاص بنهايه الموسم هو فعلا لما النادى كان فى ازمه كان مجتهد وممتاز ربنا يوفقه احمد مسعود حارس مميز وجميل وانا شفته لما كنا بنلعب قدامهم وكسبناهم فى اخر لحظه ان شاء الله يكون قد المسئوليه

اها عبدالواحد السيد خلاص اخر موسم له دا
مشكلته انه بيشل الفريق اوقات كتير لكن يغرقه في وقت مهم !
لكنه يبقي حارس مرمي كبير في تاريخ النادي
واكثر لاعب تتويج بطولات :]

تسلمي للمرور والرد