الدرس الثالث ( دورة تعليم الرسم )

[Aya 7ekaya]

السلام عليكم اسفه بقا على التأخير انتو السبب الناس اللى مش نزلت التطبيق وفى ناس التزمت بقا دول شاطريين كان مفرود انزل تقييم للدرس الاول للرسومات اللى اتعرضت لكن انا لسه مخلصه امتحانات النهاردة وكنت مضغوطه ف اسفه هأجلها علشان تبقى على رواقه ومش اظلم حد الدرس الجديد عباره عن طبق فاكهه رسمته مرتين اول مرة بعد ماخلصت لقيته مش مظبوط الموهيم طبق فاكهه لانكو شاطريين ف ده فى شغل كتير شويه يعنى والصور كتير لانى عملت الصور بالتفصيل وخصوصا التظليل لان فى ناس اشتكت من النقطه دى اول حاجة علشان لو حابيين نضمن ان يكون طبق الفاكهه مظبوط ممكن نعمله بالبرجل نفتحه مسافه كبيرة زى اول صورة بالنسبه للتظليل احنا بنظلل وبنغمق الاماكن اللى فيها ظل يعنى العنب وهو ساقط على الطبق بيكون تحتيه غامق لانه بيعمل ظل وهكذاا بقا زى ماموجود ف الصور تظليل العنب صعب شويه وانا عملته بطريقتين اول طريقه بغمق واكمل بفاتح او اعمل كله لون واحد خفيف وبعد كده ابدأ اغمق ياريت تركزوا ف الشرح ده مش هعرف اشرح كل صورة اسفه شرحت كله مع بعضو علشان وانا بعمل التوبيك الصور مش ظاهرة عندى اللى ظاهر اكواد الصور بس قدامكو 5 ايام ان شاء الله بالتوفيق

[دمعه حائره]

الرسمه تحفه والشرح سهل جدا
تسلمى آيه مجهود عالى

[حلم عمري]

هي واضح انها سهلة بس هتحتاج مجهود شوية
بكرة ان شاء الله اتسلي فيها ع رواقة
بس بجد انتي مطلعاها جميلة اووي ربنا يقدرني واعمل زيها
تسلم ايدك يا ميس ^_^

[شموع الروح]

بالتوفيق للجميع
تسلم ايدي يا آيه
تحياتي

[Caramilla]

تسلم ايدك ايوشه

[موري كول]

حلوه اوي يا ايه ماشاء الله عليكي
هي سهله اه بس بالنسبه اللي مش ليهم في الرسم اوي هتبقي صعبه
تسلمي يا فنانه

[✿ Celiηα]

شكله جميل اوي
تسلم ايدك يا اية وبالتوفيق للمشتركين فالتطبيق

[سفير الندى]

مجرد أراء
الخطوط قوية في نفس الوقت هي حادة
وذلك من ظغط القلم أثناء الرسم
هناك قاعدة في الرسم
( لا يوجد خط في الطبيعة )
من هذه القاعدة يجب الضغط بأقل وملئها بالظل
فالتظليل ليس ملء مساحة وحسب لا بد من تدرجه
في مناطق قاتمة
بالتوفيق جميلة ....!

[Safira]

الـ يرسم من اخر خطوة هتبقى صعبه جداااا
لكن الرسم بالخطوات الـ عملتيها سهلها اوي
تسلم ايدك ياقمر ع الرسمه وان شاء الله مش هتأخر المرة دي واسلمها في معادها ^_^

[ايمان طلعت]

رسمه حلوة اوى
جارى التطبيق بقى
وربنا يستر