لكي الله يا مصر.....

أحمد الخزرجى · منذ /05-23-2014, 12:42 AM

مصر...ناس في الشارع وناس في القصر
ناس تصحى تشقى وناس نايمة للعصر...

مبقاش ينفع الكلام
بلدي بتموت الاحلام...

خلاص أنا مليت
من البلد دي هجيت...

سبت العائلة وبعت البيت
الحضن الدافي فيكي ما لقيت...

يا بلد كل حاجة والعكس
نارس تركب مرسيدس وناس مش لاقية تاكس...

ده حتى الاكل غالي
500 جنيه أكلة سمك في المكس...

المسوؤلين وظيفتهم التخريب
من أزمة رغيف للانابيب...

الجو بقى كئيب
والحمد لله راضيين وبنصلي ع الحبيب...

مصر الحلوة في الاعلانات
افرح وخلي السعادة عادة
وعلى بورتو السخنة روح
ده الهم من اعلاناتك جيه بزيادة...

السعادة فيكي مال
والسكة بقالها سنين شمال
مبقاش حد عايز يجيب عيال
نوم وقعدة على القهوة وهو ده الحال...

صحاب وجيران
وحكاوي زمان
والندم على الامان
هي دي حالة بلدنا الان...

وبكل اللي فيكي
حبي ليكي بيزيد
فيكي حاجة متغيرة
كأنك جوهر فريد
أشوفك بلد كبيرة
على الامد البعيد

توحد ارواح · منذ /05-23-2014, 01:17 AM

وبكل اللي فيكي
حبي ليكي بيزيد
فيكي حاجة متغيرة
كأنك جوهر فريد
أشوفك بلد كبيرة
على الامد البعيد

بالظبط كدا
بالرغم من كل حاجه والتناقضات الكتيره
الا اننا بنحبها برده
ونتمنى نشوفها احلى بلد ف الدنيا
شكرا لك
طرح جميل جدا
تحيتى

აα∂ Ԑγεა · منذ /05-23-2014, 02:35 AM

كان في احلام وقلبت كوابيس للاسف !
عالعموم نفس اللي احنا فيه موجود في بلاد كتير الي حد ما
لكن ان شاء الله كلنا امل انها هتتعدل في يوم :]
والوضع هيختلف وهيتغير , نكمل حلم بس

أحمد الخزرجى · منذ /05-23-2014, 06:21 PM

اقتباس

المشاركة الأصلية كتبت بواسطة توحد ارواح


	وبكل اللي فيكي حبي ليكي بيزيد فيكي حاجة متغيرة كأنك جوهر فريد أشوفك بلد كبيرة على الامد البعيد بالظبط كدا بالرغم من كل حاجه والتناقضات الكتيره الا اننا بنحبها برده ونتمنى نشوفها احلى بلد ف الدنيا شكرا لك طرح جميل جدا تحيتى

إن شاء هتتغير بس إمتا الله أعلم
وبحها لدرجة إنى كرهتها وبقيت متناقض مع نفسى من جهتها

أحمد الخزرجى · منذ /05-23-2014, 06:22 PM

اقتباس

المشاركة الأصلية كتبت بواسطة აα∂ Ԑγεა


	كان في احلام وقلبت كوابيس للاسف ! عالعموم نفس اللي احنا فيه موجود في بلاد كتير الي حد ما لكن ان شاء الله كلنا امل انها هتتعدل في يوم :] والوضع هيختلف وهيتغير , نكمل حلم بس

أحلى كوابيس

فى بلدى ليس من حقق أن تحلم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الله الله الله اكبر دمار كنيسه ابو شوشه	سراج السيد	منتدى الاخبار - عربيه - عالميه - اخبار مصر	0	08-05-2011 03:13 AM
أجمل الأناشيد في حب رسول الله (( محمد بن عبد الله )) صلى الله عليه وسلم	Genius	السيرة النبوية	4	11-12-2010 03:13 PM
أسماء صحابة رسول الله ( صلي الله عليه وسلم ) والصحابيات ........ رضي الله عنهم ..	Şα3Đ..♥	السيرة النبوية	7	10-20-2010 09:39 PM
رجال حول رسول الله صلى الله عليه وسلم (عبد الله بن مسعود)	يـــــــــاااااااااااارا	السيرة النبوية	5	03-19-2010 01:22 AM
ارجوكم تعالوا شوفو ايساءات الصهاينة لررسول الله صلى الله عليه وسلم ..لعنة الله عليهم	~!blάck spidєя!~	السيرة النبوية	8	04-15-2009 04:54 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

لكي الله يا مصر.....

مواضيع عامة - ثقافة عامة