بص فى مرايتك

[دمعه حائره]

بص فى مرايتك

***********

بص فى مرايتك شوف حقيقتك

ماتحاولش تخبى صورتك

ماتحاسبش حد غيرك

أعرف بدايتك إرسم طريقك

وبإيديك حدد مصيرك

وقبل ماتعد فـ غلطات لغيرك

شوف كتابك هاته بيمينك

إلحق وصلح ذنوبك

صحى فـ ضميرك

إحسب عيوبك

الناس مافيهاش ملايكة

وإن شاورت فـ يوم لواحد

هاتلاقى ألف مين يحاسبك

ركز فى نفسك

ونضف فى قلبك

أحفظ لسانك

زود من الحسنات رصيدك

الدنيا مش هاتدوم لحد

وعملك اللى هايحلى فـ حياتك

هايخلى كل الناس تحبك

وإن يوم فى مجلس جابوا سيرتك

تلاقى اللى بيرد غيبتك

يشكر فى شخصك

مايسمحش لإيد تهدك

بص فى مرايتك واجه حقيقتك

وأعمل حساب ليوم نهايتك
دمعه حائره

23-5-2014

[Caramilla]

جمممممممميله يا منونه
تسلم ايديكي

[توحد ارواح]

بالفعل محتاجين من وقت للتانى نعيد ترتيب اوراق حياتنا
التى ربما تبعثرت بفعل مشاغل الايام
ولنجعل لكل ذنب توبه
ف االدنيا الى زوال والدار الاخرةهى دار البقاء
ولا نترك الا الذكرى الطيبه
جداااا رائع
احسنتِ وصفا من واقع
دام ابداعكِ

[ana aboodya]

وااااااااااااااو بجد رائعه

[موري كول]

جميييييله ماشاء الله عليكي
ولازم كل واحد يشوف عيوبه قبل ما يشوف عيوب الناس

[countess]

صح احنا مش ملايكه نشوف عيوب الناس واحنا لاء\\

ديما مبدعه منون ربنا يوفك يارب

[جبل عالي]

صدقتِ والله في كلامك

وصفتِ بدقة بالغة ماشاءالله

تسلم ايدك ودايما في قمة إبداعك

**

[Eng Esraa]

جميلة حبيبتي
تسلم ايدك

[سيناا]

رااااااااااائع التوبيك



راقية الكلمات والمعاني


لاتحرمينا من جديدك يا آبلة

[.نبض القلوب.]

المشكلة اننا فعلا بنشوف حقيقتنا
لكن مبنقدرش نواجهها

طرح مميز منك منه كـ العادة
تسلم ايدك