ماذا يحدث لو / نفرتيتي دخلت المطبخ

[phalsteen]

بسم الله الرحمن الرحيم نظرا للظروف العصيبه التي مرت بها نفرتيتي اليوم من حاله تمرد مستعصيه لزوجها المصون تحت حجته المنيله بنيله ليه اشتري اكل لما المدام ممكن تطبخ ولو كنت اعرف ان الجواز كدة كنت فضلت عازب علي طول وجتها نيله اللي عاوزة خلف وفينك يا حماتي تنجديني من اللي انا فيه وتحت بند السهوكه اللي مجبتش نتيجه يا بابا بلاش متهونش عليا والنبي ويعني اخرتك تموت مسموم وعلي ايدي وبعد ما وصلنا لاوف بئه وعلامه التعجب اللي بتظهر اعلي الجبهه مع احمرار البشرة ومزيد من الجنان اللي ممكن يوصل لحدفي من البلوكه قولت ما بدهاش بئه وانا العثل برضو واجي علي نفسي ومعلش المرادي واهي اخر مرة وان شاء الله بعدها هيتوب واهو زي جوزي برضو وهيفيد بايه العند لو بعتني لاهلي وانا برضو بحبه واهم كدة الراجل مش وراهم عند عكننه المزاج ســـــــــألته السؤال اللي عمره ما سمعه اهو منتهي الرومانسيه وع الله يجيب نتيجه ويقدر التنازل دا تـــــــــــــحب تأكل ايه افندم اطلب تتطاع يا ابو حمني والحمد لله قلبه ابيض والنبي وقدر ظروفي واللي حصله من اخر مرة في الباشمل اللي مبقاش بيطيق يسمه اسمه وطــــــــــــلب شبسي ســــــــــــهله اهي اللي هتــــــــــــــقولها هتاخد علي وشها اصلا لاني كنت فاكرة كدة بس انا بئه جبت البطاطسيه دي وغسلتها الاول مهي النظافه من الايمان برضو وبعدين شغلت اغنيه امنيه ودي اخرة الجواز وشوية وحسن الاسمر كتاب حياتي يا عين والبيه شغال ضحك والشماته بتنط من عنيه وبعدين قشرتها بئه بس اكتشفت ان البطاطس دي وحشه بتبوظ الايد بئه ومنك لله ياللي في بالي اقصد مأذون بلدنا محدش يفهمني غلط بئه وجيت اعمل شبسي بئه لاقتني هفضل للصبح اقل ايه دواير ومثلثلات ما علينا بئه لانه مرضيش يصورني وانا بعمل قالي لما تعملي محشي المرة الجايه البــــــــيه بيحلم طبعا دنا اطلق ارحم طـــــــلعت كدة بئه لا تمس للشبسي باي صله بس عجبته بئه وقالي انه احلي شبسي في الدنيا طب والنبي الرجاله دول غلابه اوي التريقه مش مسموح بيها تضامنا مع انجازي الكبير طلبت بيتزا بئه ولا انام جعانه انا يعني بعد كل التعب دا

[ساحر الأحزان]

لو دخلتى المطبخ

حتقلبية

وما حتعرفى تعمل كيس بطاطا

[سيناا]

طبعا لو دخلتي المطبخ



هنأكل آكل لذيذ جدا



شبه محروق :d

[حَرفُُ هجآءّ]

بالوضع ده
مانتش نافعة ياختى
ويمكن كده تنورى بيت اهلك بئا
هههههههههه
بكره حمنى يقولك مامى انا عايز كذا هتجرى تعمليه
هو بس احمد اللى غلبان
الله يكون فى عونه بئا

[.نبض القلوب.]

انا عايزة ادوقها بئه
ماهو مش معقول هتاكلى لوحدك بئه
بصى المرة الجاية لو قالك شيبس تانى
احدفيه بالبطاطس و قوليله هى لما تنزل ف بطنك هتبقى شيبس لوحدها
ايه وجع القلب دا ياختشى
الله يكون بعونك

[همس الحنين]

هههههههههههه

لاء بس شكلها مبلوع يا ام حمنى

ايسى يا حاجه واشتغلى فى المطبخ

يبوظ مره يوجع بطنه مره بس هتتوفقى فى الاخر

بصراحه ابو حمنى ده محظوظ

ربنا يوفقك بئه الطبحه الجايه ومايطلبش المطافى

[حلم عمري]

لا بس جااامدة
تواهني ان في حد يعرف يعملها كدة ^^
بالهنا والشفا بقا
والمرة الجاية لو طلب منك حاجة اعمليله بيض مسلوق اسهل حاجة هههههههههه