دمعه حائرة فــــ اذاعه حب

[phalsteen]

مســـــــــاء الخير واهلا بالجميع في الموسم التاني من اذاعه حب تم تطوير البرنامج واعادة انتاجه ليناسب عرضه قسم الفضفضه الاول احب الفت نظركم ان البرنامج 3 فقرات اول فقرة اسئله مباشرة للضيف والفقرة التانيه اسئله جايه لبريد الحب والفقرة التالته اهداءات الاعضاء والان يسعدني ان تكون شمس المنتدي هي اول ضيوف اذاعــــــــه حب دمعه حائره مساء الخير حببتي اهلا بيكِ في اذاعه حب مساء النور اهلا بيكى سما وشكرا على الدعوة يعني ايه حب بالنسبة لمنه ؟ الحب يعنى عطاء وإيثار اهتمام وتضحيه كل المعانى الجميله تلاقيها فى الحب بكل انواعه مش شرط يكون بين ولد وبنت الحب قرار ولا اختيار يا منه ؟ الحب فيه جانب كبير من الاختيار لكنه فى الحقيقه قدر ونصيب يعنى محدش بيختار اللى بيحبه لكن بيختار ويقرر يكمل معاه ياتري في فرق بين كلمة بحبك زمان ودلوقت ؟ انا معرفش الفرق بين زمان ودلوقتى بس اللى اعرفه ان الحب زمان كان يعنى جواز ويمكن كانت صعبه ودلوقتى اسهل بكتير مجرد الاعجاب تلاقيه يتحط تحت كلمه بحبك لكن الحب اعمق بكتير من مجرد اعجاب او توافق فى الميول لازم قبل الكلمه ماتتقال تكون واثق من التزامك بيها ياتري لازم تكون في قوانين وقواعد قبل الارتباط عموما ؟ اكيد لازم يكون فيه وعود واتفاق على حاجات يلتزم بيها اى اتنين هايرتطبوا وعلى اساسها بيتم ارتباطهم وعلى قدر احترامهم ليها ولبعض بيكون نجاح علاقتهم ممكن يختلف الحب من انسان لانسان وازاي دا ممكن يحصل ؟ طبيعى الاختلاف موجود بين كل الناس تلاقي فيه اللى بيعرف يعبر عن مشاعره وفيه الكتوم وتعبيره بيكون تصرفات مش كلام وهو فى الواقع الحب افعال وتصرفات اكتر من كونه كلام كمان فيه اللى بيفهم الحب انك تلغى شخصية اللى بتحبه وتنمدج مع التانى ويفرض شروط عليه انه لازم يبقى رايهم واحد وده تصرف فيه انانيه ومع الوقت بيقتل الحب كمان الغيره فيه اللى بيفهما انها اساس الحب وفيه اللى بيرفضها ويعتبرها بتقضى عليه حاجات كتيرمحتلفه بين الناس بتبين ان الحب عند كل واحد فيهم ليه معنى وتصرفات مختلفة ونادر لما تلاقى اتنين اتفقوا على معنى واحد في الحب بيكون الحكم الاقوي لمين للقلب ولا العقل ؟ هو فى الحب الاحساس والقلب بيكونوا ليهم النصيب الاكبر وحاجات كتير بتحصل فى العلاقات لو حكموا عقلهم ممكن ياخدوها على انها تنازل ويحصل عناد لكن الموازنه بين العقل والقلب دايما بيكون سبب نجاح اى علاقه ايه الفرق بين نظرة الرجل للحب ونظرة البنت وياتري ليه ممكن تختلف ؟ الرجل غالبا حبه للبنت فى البدايه بيكون اعجاب بشكلها او طريقه كلامها وبعد كده بيعبر عنه بكلام وبيكون اسرع فى التعبير قبل مايتأكد انه فعلا بيحبها انما البنت اول حاجه تهمها الامان والحنان والشخصيه وبتكون كتومه اكتر لكن تصرفاتها ممكن توضح ده لان البنت عاطفيه اكتر من الولد ولو مكنش عنده الصفات دى مابيقدرش يخليها تحبه امته يبقي الحب وجع ؟ لما يكون فيه اهمال وسببله جرح ومش قادر ينساه كمان لما يكون فيه فراق او موت ومش عارف يعيش من غيره ده قمه الالم والوجع اللى بتحطم اى انسان وامته يبقي فرح ؟ لما يكونوا متفقين وروحهم اصبحت روح واحده بيفهموا بعض من قبل الكلام وكل واحد منهم عايش عشان يسعد التانى بتوصل انه يفضله على نفسه ومايعملش اى حاجه تدايقه بتلاقى نصك التانى اللى بيكملك ودى قمه الاعجاز العلمى امته يبقي سبب للضعف؟ لما يوصل لدرجه تحكم طرف فى الاخر والسيطره عليه يلغى شخصيته ويبقى مجرد تابع وظل فى حياته كده بيكون ضعيف ولايقدر يعمل حاجه حتى لو صح او يكون مستمر فى حب حد مش كويس ومتأكد وعارف انه لايستحق حبه بيعيش حياته ف تخبط دائم ولابيتقدم خطوه صح فى حياته الحب اللى بيضعف مايبقاش حب ابدا وامته يبقي سر القوة ؟ لما تبقى كلمه من حبيبك تقدر تخرجك من حزنك او تديكى دافع كبير انك تنجحى وتتغلبى على اى عقبات فى الحياه هم الاتنين بيكملوا بعض وقادرين انهم يفهموا بعض كويس كده الحب بيكون تأثيره ايجابى ومصدر قوة هل للحب الحقيقي نهاية ؟ لامالوش نهايه ولاحدود بالعكس بيكبر كل مااهتمينا وراعينا مشاعر بعض ايه اللي بندور عليه في الحب ؟ الامان والثقه والاخلاص اهم حاجه فى الحب لو اختفوا بيقضوا عليه وايه اللي بنحاول نهرب منه ؟ الالتزام والمسؤليه كتير بيهربوا منهم يمكن فاهمينها غلط انه تقيد حريه وحبسه لكن بالحب كل حاجه بتعدى وبيتفاهموا لو كان حب حقيقى فعلا مابتلاقيش حد بيقلل من حريه التانى والان مـــــــــع الفقرة التانية وهي اسئله جات للبريد ومطلوب من دمعه الاجابه علــــــيها الـــــسؤال الاول من الآمير العآشق الحب له معاني كتير بالمعني الشامل لكلمة الحب لكن هووناك حب خاص يكون بين الرجل والانثي وهذا الحب لايعرف اي مقاييس للتعريف تيب / سؤالي او استفساري وبردو مع اختلاف نوعية الحب هوونا وحب اخر لكن؟ هل ممكن يفوق حب الانثي الي رجل لدرجة ان حبها له يفوق حبها لاهلها ويمكن لاولادها وعارف ان هذا حب وهذا نوع اخر من الحب لكن بردو بيفضل السؤال لمن هوناا يتفوق الحب وتحديدا هل يمكن ان يصل عشق امراه الي رجل لدرجة انها ممكن ان تفضله عن اهلها وحتي اولادها ؟؟ لو قولنا ممكن يبقى كلام خيالى شويه مافيش بعد حب الام والاب وبعدهم الاولاد واللى يفضل حد على امه وابوه يبقى سهل يبيعك حتى الرجل مابيحبش حد اكتر من امه لكن ممكن نقول حب المرأه بيفوق حب الرجل بمراحل لان الرجل عنده قدره يحب واحده واتنين فى نفس الوقت وده مستحيل تلاقيه يحصل مع بنت فيه حالات نادره لما بيكون الاهل قاسيين على اولادهم فى الوقت ده بيفضلوا الحبيب عليهم السؤال التاني من اطياف الماضي مشرفة قسم بقلم الاعضاء هل يكفي الحب وحده للبقاء أن لم يكن هناك تكافؤ في العلاقة ؟؟ لاالحب وحده مش كافى لازم يكون فيه تكافؤ وده فى الاساس مبدأ وشرط اسلامى فى الزواج ومش اقصد الجانب المادى فقط لكن فى كل حاجه زى المستوى الاجتماعى والثقافى ممكن تحصل تنازلات لكن مش لحد التغاضى عن الفارق الكبير بينهم ومش عنصريه خالص بردوا عشان محدش يفكر فى كده لكن انا شوفت كتير حالات اتسرعوا بيبان بعد كده مشاكل لو مافيش تكافؤ السؤال الثالث من العاشق الذى لم يتب مشرف الخزعبلات مشكلة اطرحها على الدكتورة منة وهى مشكلة عاطفية تقول انابحبه واعشقه وهو كمان بس هو لسة بعدشوية هيجوز خطيبته وبعدين هيجى يجوزنى ايه رأيك يادكتورة منةفى الكلام ده مشكله غريبه وفيها نوع من التهرب يعنى ايه بتحبه وهاتستنى بعد مايتجوز خطيبته وهو لو بيحبها ليه يتجوز غيرها وبرغم ان الرجل من حقه التعدد لكن بالرضي بين كل الاطراف ومش من اول حياته كده يبقى عارف انه هايعدد زوجاته دى ليها شروط واسباب مش متفقه مع الكلام ده وهاتكون زيجة فاشله السؤال الرابع من ايمان طلعت مشرفة قسم السويتش ماكس اكيد عرفتى الحب قبل الزواج و بعده فما الفرق بين الحب قبل الزواج والحب بعد الزواج ؟ الحب قبل الزواج احيانا بيكون سطحى فيه اندفاع وكلام اكتر من انه حقيقه وصعب اوى تتأكدى انه صادق وبعد الزواج هو ده الحب اللى بيستمر ولما بيكون فيه اتفاق وتفاهم بيكون اعظم حب وبيستمر لاخر العمر وفي اخر البرنامج هنودع منه بئه ونشوف مع بعض اهاءات الاعضاء نورتي اذاعه حب يا منه وياريت تقولنا ايه رأيك في فكرة البرنامج ده نورك سما والبرنامج عجبنى جدا والاسئله كمان جميله وفكره ان الاعضاء يبعتوا الاسئله كمان فكره حلوة بتعمل تواصل بينا وتبادل آراء وكمان اسئله فقرة البريد ولو عندك اي اقتراحات ؟ الحقيقه مافيش فى بالى اقتراح حاليا بس ممكن تضيفى اهداءات لو صوره او اغنيه يبعتوها الاعضاء لبعض وهي دي فعلا الفقرة التالته يا منه الآمير العآشق اهداء الي الآمير العآشق خليك دايما مثل ما انت آميرا وعآشقا الك شخصيتك وفلسفتك وفكرك الخاص الذي لايضاهيك فيه اي شخصيه اخري غيرك اطياف الماضي مشرفة قسم بقلم الاعضاء الاهداء يا شاغل روحي بالغرام لم يبق من "الإنتظار" إلا "برهة" فهبني روعة الصبر كي أقوى على لوعة "الاشتياق" العاشق الذى لم يتب مشرف الخزعبلات وهذا اهداء إلى أختى منة باعتبارانهاضيفة الحلقة وأنتهزالرفصة وأهديه إياها هنا حتى لايكون للمتربصين ادعاء أنى أنافق الادارة قلت لها ذات مرةماالذى يشدنى إليك أتراه هيام وعشق ولك متيم قالت إنى لغيرك قلبى عاشق أماسمعت رابعة العدوية وهى تقول عَرَفْتُ الهَوى مُذ عَرَفْتُ هواك وأغْلَقْتُ قَلْبي عَلىٰ مَنْ عَاداكْ وقُمْتُ اُناجِيـكَ يا مَن تـَرىٰ خَفايا القُلُوبِ ولَسْنا نراك أحِبُكَ حُبَيْنِ حُبَ الهَـوىٰ وحُبْــاً لأنَكَ أهْـل ٌ لـِذَاك فأما الذي هُوَ حُبُ الهَوىٰ فَشُغْلِي بذِكْرِكَ عَمَنْ سـِواكْ وامّـا الذي أنْتَ أهلٌ لَهُ فَلَسْتُ أرىٰ الكَوْنِ حَتىٰ أراكْ فلا الحَمْدُ في ذا ولا ذاكَ لي ولكنْ لكَ الحَمْدُ فِي ذا وذاك *************** ذاك قولها لربها الكريم وأنا أقول أن عشقى لك فعشق ربانيا أمرنى به خالقى فأنت أخت لى لم تلدها أمى بل رأيت فيك مودة وطيب معاملة لم أراها فى شقيقاتى وكيف لا أقدس عشقك أختى وأنت التى أكرمتينى إيما كرم وجودتِ علىّ بعظيم خصال وأفعال والذى جعلنى أفعل الآن وأقررأن أكتب إهدائى إليك لا مجرد كلمات هنا فى هذا المكان المقدس ولا من أجل أن أرائى بها أو أعلن للقارئ أنى أجيد صياغة الكلام وإنما والذى نفسى بيده تحاكينى وجدانى كلما مرت ساعة أويوم لم أستطع فيها تبليغك سلامى ولم يصلنى منك سلام ولكم شكوت لك وأعلنت أن تراودينى ظنونى أنك عنى غاضبة وغيرراضية حينها أرى الظلمة تسود حياتى وإلى ربى أدعووأتوسل ألا أكون صنعت مايغضبك أعلم أنك تحملين نفس رضية متسامحة وأن مايميزك هو عفوك ونسيان الأسية وكأنك تعملين وصية الحبيب محمد صلى الله عليه وسلم {أثنان لاتذكرهما أبدا وأثنان لاتنساهما أبدا أما الأولان هما لاتذكر من أحسنت إليه ولامن أساء إليك والآخران لاتنسى الله واليوم الآخر} أختى الحبيبة الغالية منة نعم أختى الحبيبة الغالية أنالست ناكرللجميل ولكنى لاأجيد التعبير عما يدوربمكنوانتى فذاك يشقينى وأنا اليوم وأناأسطر كلماتى المتواضعة والتى مهما قولت فيك وعنك لم أفيك مثقال ذرة من أفضالك وجميل صنعك أقول شهادة لله خالصه أنك نعم الأخت الحنون لى وسأظل معترفا بجليل عظيم حسن معاملتك لى مابقيت حيا ولايسعنى هنا إلا أن أبتهل إلى الكريم الجواد أن يمنحك كل فضل ويسعدك دنيا وآخرة تقبلى تحيات وتقدير وأحترام وإهداء أخوك الفقير إلى الله رفعت احساسى صحيح من مبدعى المنتدى دمعه حائره من اوائل الناس إلى ساعدتنى ووقفت جنبى وكتير علمتنى اشياء عن كيفية التعامل مع المنتدى والتنسيق واشياء كتير دائما كانت بتشجعنى وشافت فيا موهبه وكانت دايما بتقيمنى وتشجعنى ولها فضل كبير عليا لا يمكن انساه هى بس نقطة الخلاف اللى بيجعلنا مختلفين دايما هى نظرة كلاََ منا لأى خلاف منى فى الشكاوى بالعموم انا بقدر عقليتها وحكمتها واتمنى لها السعاده والتوفيق فى كل حياتها باذن الله ومنوره إذاعة حب واخــــــــــيرا / اغنيه الاذاعه لكل المتابعين للناس اللي ليها اهداءات منزلتش ان شاء الله المرة الجايه هتنزل مع الحلقه الجديده عشان الحلقه بس تحياتي للجميع وشكر خاص لبراءة طفله ع ديزاين الحلقه والي لقاء اخر في اذاعه حب

[حلم عمري]

الحلقة جميلة اوووي
منة منورة البرنامج اكيد
وبجد استمتعت جداا باجاباتها اللي بتؤكد انها شخصية عاقلة وحساسة
اتمنالك التوفيق والسعادة في حياتك حبيبتي

سما البرنامج بجد جميل وتحسيه متميز وفيه روح جميلة
عجبتني الاسئلة وكمان فقرة الاهداءات والبريد جميلة
تسلمي حبيبتي
وبانتظار حلقة جديدة ان شاء الله

[دمعه حائره]

شكرا على الاستضافه سما كانت فرصه جميله والاسئله عحبتنى
اتمنى تكون الاجابات نالت اعجابكم
وشكرا لكل الاعضاء المتابعين
والاعضاء اللى قدموا اهداء بشكركم جدا على كلامكم
وكتير عليا اسعدنى جدا
ربنا يديم الاخوة الجميله بنا

[سارة سرسور]

التقييم ممتاز
تسلمي يا قمر
حلقة رائعة

[انا دنيته وهو حياتى]

حلقه جميله جدا
واجابات منه جميله زيها

تسلمى ع البرنامج سما

[سيناا]

اجابات ممتعه

واستضافة حلوووووووة كتير مع الابلة منى


الله لا يحرمنا منك دمعه حائرة


ولا يحرمنا من تألقك آبلة ام محمد


ودي

[Lamees]

وامته يبقي فرح ؟

لما يكونوا متفقين وروحهم اصبحت روح واحده
بيفهموا بعض من قبل الكلام
وكل واحد منهم عايش عشان يسعد التانى
بتوصل انه يفضله على نفسه
ومايعملش اى حاجه تدايقه
بتلاقى نصك التانى اللى بيكملك
ودى قمه الاعجاز العلمى

ده فعلاً قمة الأعجاز ومش من السهل انك
تلاقي اللي يفضلك على نفسه
وأنه يكون عايش عشان يسعدك
ده كله كلام فاضي


الحلقة رائعة جداً سما
والضيفة قمة في الذوق والعقلانية
اراء جميلة لا تخرج غير من شخصية جميلة
ربنا يوفقك منة

ودي لكما

روني ..~

[دمعه حائره]

اقتباس المشاركة الأصلية كتبت بواسطة حلم عمري الحلقة جميلة اوووي منة منورة البرنامج اكيد وبجد استمتعت جداا باجاباتها اللي بتؤكد انها شخصية عاقلة وحساسة اتمنالك التوفيق والسعادة في حياتك حبيبتي سما البرنامج بجد جميل وتحسيه متميز وفيه روح جميلة عجبتني الاسئلة وكمان فقرة الاهداءات والبريد جميلة تسلمي حبيبتي وبانتظار حلقة جديدة ان شاء الله

انتى الاجمل وفاء شكرا لحضورك ورايك اعتز بيه جدا
نورتينا

[دمعه حائره]

اقتباس المشاركة الأصلية كتبت بواسطة سارة سرسور التقييم ممتاز تسلمي يا قمر حلقة رائعة

شكرا ساره نورتينا

[دمعه حائره]

اقتباس المشاركة الأصلية كتبت بواسطة ♥انا دنيته وهو حياتى♥ حلقه جميله جدا واجابات منه جميله زيها تسلمى ع البرنامج سما

شكرا آيوشه نورتينا