فضفضه ع الهوا / اختـــــي بتكرهني

[phalsteen]

مساء الخير واهلا بالجميع في برنامجك فضفضه ع الهوا مشكله المرة دي اختي بتكرهني انا معنديش غير اخت واحه وهي صاحبتي وبحبها جدا بس من فترة اتخطبت قبلها رغم انها الكبيرة ومن وقتها علاقتها بيا اتغيرت تماما بقت مبتكلمنيش ولا بترد عليا لا وكمان بتوقع بيني وبين ماما دا غير انها بتاخد لبسي وحاجتي اللي ماما بتجبهالي عشان فرحي ودايما بتدخل عشان تزود اي خلاف بيني وبين خطيبي انا مش عارفه اعمل ايه بفكر اسيب خطيبي لو بكدة هي هترتاح وخايفه اواجهها بعمايلها دي تزيد فيها خصوصا ان ماما غلبت فيها كلام اتصرف ازاي ؟ في انتظار التعليق وانتظرونا المرة الجاية في مشكله جديدة

[Handsome]

اختها عايزه تتعالج ولا ايه ؟!! دا الواحد بيتمنى يكون عنده اخوات و خصوصا بنات بدل ما هو وحيد .. تقوم هى تكون سبب تعاسة لأختها !!

مش غيرة اكيد .. دا خلل نفسى وارد اكيد بس لو زاد بالشكل دا فيستحسن تدخل ولى الامر باللين و بالشدة

[شاعر الحب الحزين]

يعني بصراحة غريبة جدا انك تلاقي الأخت هي

اللي تقف حاجز قدام سعادة اختها لا وبتبين كده كمان

بعمايلها صحيح اللي اختشوا ماتوا

بس هي المشكلة نابعة من الغيرة مش اكتر ان ازاي هيا تتجوز قبلي

وانا اكبر منها وممكن انها بتبقى عايزاها تفضل معاها في البيت

تلاقيها حسبتها قالت انا اللي هغسل واكنس وانضف لوحدي وهي

تقعد متستتة ف بيت جوزها هههههاي اه بيفكروا كده هما صدقيني

بس هي عادة بتنبع من الغيرة مش اكتر واختها لازم تتجوز فورا

وتروح بيت جوزها عشان تبعد عن الخلافات دي

تسلمي يا سما كل يوم حكاية

جديدة من قلب واقعنا الأليم

ربنا يجازيكي خير عاللي بتعمليه ده

انتي اجتماعية جدا وده اللي بيميزك دايما

احترامي وتقديري سما

[۩۩ elMagic ۩۩]

طيب وهي ايه ذنبها تضيع مستقبلها علشان دماغ مريضه !
العيب في اختها مش فيها
والام هنا لازم تتدخل وتوعي اختها دي
وتحسسها ان عليها مسؤليه بإعتبارها الكبيره
ولو تطلب الامر يواجهوا بعض مفيش مشكله ودا يحصل بس قدام الام
علشان تكون متابعه معاهم وهي ليها سلطه على الاثنين
دا غير ان الارتباط دا نصيب
ماهي لو عايزه تتجوز سهل تشوف اى حد ف الشارع وتتجوزوا : D

[حالمة باميرى]

هاتي ليها عريس دة الحل ههههههههههههه

انا مع راى الماجيك

[حلم عمري]

بصراحة مشكلة غريبة
اختها دي اكيد غيرتها سيطرت عليها لدرجة انها بقت تكره الخير لاختها
بس انا من رايي انها متضيعش مستقبلها عشان حد واما هي تتجوز اختها هتفوق واكيد هيجيلها نصيبها وتعرف انها كانت غلط لما فكرت كدة
واكيد لازم مامتها تتكلم معاها اكتر وتحاول تفوقها

[انا جيجي]

انا مع راى الماجك

[Eng Esraa]

هتبقي غلطانه جدا لو سابت خطيبها
بسبب كده علشان كده بتبيع بسهولة
اما اختها ف غلطانه علشان المفروض
تفرح لها لانهل اختها مش عدوتها ولا حاجة