موضوع أكثر من هام" لكل أعضاء ومشرفي المنتدى "

[مطلوب للعداله]

السلام عليكم ورحمة الله وبركاته
بسم الله الرحمن الرحيم

أولا وقبل اي شييء ارجو السماح والغفران من أخواني واخواتي فيما سأطرح عليهم

عندما سجلت بمنتدى " بنات مصر " كنت حريص كل الحرص علي أن يكون لي نظرة داخلية وبعمق

فلاحظت اثنتان !!

الاولى : معظم الاعضاء والعضوات يكتبون مواضيعهم " بلكنة أكثر من كونها شعبيه "

لدرجة رغم اني مصري لكني بكل صراحة .......اقرأ الانجليزيه أسرع منها

فرجاء ..... [ فضـــلا وليس امــرا ]

المواضيع : باللغة الفصحي (( باستثناء مواضيع النكت وما الي ذلك ........ ))
المشاركات : باي طريقه يعبر اصحابها وبأي لكنة أو لغة <<<< ولو بالهندي

السبب : صعوبة فهم الزوار والضيوف قراءة المواضيع وبعض الكلمات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

الثانية : اتمنى ان تنظر الادارة بمكان الاعلانات والبنرات وظهورها بوسط المشاركات والمواضيع

تم

واكرر اسفي واعتذاري " فكانت وجهة نظر "

مودتـــــــي ,,,

[روح صامتة]

طبعا احنا بنبذل كل جهدنا عشان المنتدى دا يرتفع مستواه والحمد لله المنتدى كويس جدا
واحنا بنكلم بالمصري او باللغة العربية ودا حسب اللي داخل في المشاركات وبالعكس بتدي روح حلوة جدا للمنتدى لان اللي مش فاهم عربي يفهم لغة بلد\ه وتاني حاجة في مواضيع باللغة العربية الفصحي وموجودة في كل المنتدى وفي مسابقات ادبية ودا للتشجيع على الثقافة الادبية

وطبعا لو في تقصير في حاجة اتفضل في منتدى الاقتراحات والشكاوي واحنا هنسمعلك وشكرا ليك

[LEO]

لا والله هي اللغه تمام وشغاله

اي نعم بتكون في كلمات انا مصري اول مره اسمع عنها

لكن بتتفهم

اما بالنسبه للاعلانات فدي بجد فظيعه وبتخنق

واللغه لو كانت موحده يبقي افضل للجميع خصوصا اللي مش من مصر

لان المصري بتاعنا اصعب من الهندي

[مطلوب للعداله]

leo // جزيل الشكر علي الرد والاهتمام


روح الصمت // انا ما عممت النظريه علي كل المنتديات ...... دا شيء

الشيء التاني: انا ما قصدت اللكنة المصرية "ابدا" عزيزتي

انتي لو شايفه الطريقه اللي بكتب بيها حالا تقدري تحكمي وتعرفي قصدي

والشيء الثالث : انا ما حبيت اكتب الموضوع بقسم الاقتراحات والشكاوى عشان يجمع اراء ورؤى

والا ما كنت اعتذرت بالموضوع مرتين غاليتي .

الشيء الرابع والاهم : مش انا اللي أقيم المنتدى لا سمح الله وانما قلت " وجهة نظر " تُقبل أو تُرفض

لكـ خالص الاحترام والتقديــر ,,,