تشيلي تقلب تأخرها بهدفين لفوز بثلاثيه علي منتخب مصر !

[აα∂ Ԑγεა]

نجح منتخب تشيلي في تحويل تأخره بهدفين إلى فوز بثلاثية أمام منتخب مصر،
في المباراة التي أقيمت بين المنتخبين فجر اليوم السبت على أرضية الملعب الوطني في مدينة سانتياجو.


منذ الدقيقة الأولى سيطر منتخب تشيلي على مجريات المباراة دون أي خطورة تذكر
وسط محاولات مصرية لخطف مرتدة استغلال لسرعات محمد صلاح.


وتقدم "محمد صلاح" بالهدف الأول للفراعنة في الدقيقة 11 في أول هجمة مصرية على دفاعات تشيلي.
وواصل منتخب مصر استغلاله للعب نظيره التشيلي على مصيدة التسلل
ومرر علي غزال كرة طولية انفرد بها المهاجم الصاعد خالد قمر بالمرمي وسجل الهدف الثاني في الدقيقة 16

وسط دهشة من الجماهير المتواجدة في ملعب المباراة.


وفي الدقيقة 26 قلص مارسيلو دياز النتيجة لصالح تشيلي بإحراز الهدف الأول لتصبح النتيجة 2-1.



وفي الشوط الثاني أدرك فارجاس هدف التعادل لأصحاب الأرض في الدقيقة 56 من عمر اللقاء.
وفي الربع ساعة الأخيرة نجح منتخب تشيلي في تسجيل هدف التقدم عن طريق اللاعب نجم اللقاء فارجاس،
لتنتهي المباراة بفوز تشيلي بثلاثية مقابل هدفين على منتخب مصر.
وتلتقي تشيلي مع استراليا واسبانيا المدافعة عن اللقب وهولندا في المجموعة الثانية في المونديال.




شاهد اهداف المباراه



https://

[عاشق متيم]

مصر فى الشوط الثانى كانت سيئه لان شوقى غريب لعب فى التشكيل
حسام غالى هو اللى كان حلقه الوصل فى نص الملعب
وهو اللى وصل محمد صلاح فى الجون الاول
بتمريره والا اروع وكان فى تمريرة تانيه بس محمد صلاح معرفش
يستغلها فلما حسام غالى خرج واعتقد انه خاف عليه ليطرد لانه اخد انذار فى الشوط الاول ونزل عمر جابر وغير شوقى غريب فى التكتيك ورجع المحمد باك رايت
ولعب امامه عمر جابر وينج رايت ودخل فتحى فى نص الملعب
مبقاش فى ربط بين المنتصف وبين الهجوم
حتى شوقى غريب حاول يتدارك الخطأ ونزل حازم مكان المحمدى
اللى لا يؤدى اطلاقا مع منتخب مصر ويلعب اساسى مع هال سيتى ولعب 38 مباراه
اساسى فى الدورى ؛ حتى نزل حسنى ومش عمل حاجه واخد انذار
وحمودى مش لمس الكوره اساسا من ساعه ما نزل
والمنتخب لم يكن له وجود الا فى هجمه منتظمه واتصلحت على حدود المنطقه
والننى سددها ضعيفه ؛ والكوره الثانيه اللى لعبها عمرو جمال لحازم
وانفرد حازم بالحارس ولعبها من فوقه ولكن ضعيفه اوى خرجها المدافع
==========
دفاع المنتخب اخطأ انه لعب على التسلل فى الشوط الثانى
وكانت النتيجة هدفين ؛ ومان المساعد التانى كان له حاجات غريبه
فى كرات ليست تسلل اطلاقا ورفع الرايه هههههههههههههههه
اتمنى ان المنتخب يتدارك اخطائه وانا عارف اننا لسه فى مرحله تجريب
ولم يتم الاستقرار على التشكيل
========
نجم اللقاء اليكسيس سانشيز
تعب المدافعين جدااا حتى حسنى لعب عليه مان لما نزل وفشل واخد انذار
هو اللى صنع الاهداف ؛ الصراحه كان مميز جداااا
---------------------------------
تسلم على التوبيك

[აα∂ Ԑγεა]

اقتباس المشاركة الأصلية كتبت بواسطة عاشق متيم مصر فى الشوط الثانى كانت سيئه لان شوقى غريب لعب فى التشكيل حسام غالى هو اللى كان حلقه الوصل فى نص الملعب وهو اللى وصل محمد صلاح فى الجون الاول بتمريره والا اروع وكان فى تمريرة تانيه بس محمد صلاح معرفش يستغلها فلما حسام غالى خرج واعتقد انه خاف عليه ليطرد لانه اخد انذار فى الشوط الاول ونزل عمر جابر وغير شوقى غريب فى التكتيك ورجع المحمد باك رايت ولعب امامه عمر جابر وينج رايت ودخل فتحى فى نص الملعب مبقاش فى ربط بين المنتصف وبين الهجوم حتى شوقى غريب حاول يتدارك الخطأ ونزل حازم مكان المحمدى اللى لا يؤدى اطلاقا مع منتخب مصر ويلعب اساسى مع هال سيتى ولعب 38 مباراه اساسى فى الدورى ؛ حتى نزل حسنى ومش عمل حاجه واخد انذار وحمودى مش لمس الكوره اساسا من ساعه ما نزل والمنتخب لم يكن له وجود الا فى هجمه منتظمه واتصلحت على حدود المنطقه والننى سددها ضعيفه ؛ والكوره الثانيه اللى لعبها عمرو جمال لحازم وانفرد حازم بالحارس ولعبها من فوقه ولكن ضعيفه اوى خرجها المدافع ========== دفاع المنتخب اخطأ انه لعب على التسلل فى الشوط الثانى وكانت النتيجة هدفين ؛ ومان المساعد التانى كان له حاجات غريبه فى كرات ليست تسلل اطلاقا ورفع الرايه هههههههههههههههه اتمنى ان المنتخب يتدارك اخطائه وانا عارف اننا لسه فى مرحله تجريب ولم يتم الاستقرار على التشكيل ======== نجم اللقاء اليكسيس سانشيز تعب المدافعين جدااا حتى حسنى لعب عليه مان لما نزل وفشل واخد انذار هو اللى صنع الاهداف ؛ الصراحه كان مميز جداااا --------------------------------- تسلم على التوبيك

المشكلة اننا راجعين نتعامل بخطة 3 5 2 من جديد
الغرض منها الاستفادة من المحمدي في الشغل الهجومي مع انه طول عمره فاشل مع المنتخب
اندية مصر الكبيرة كلها بتلعب 4 4 2 والمحترفين برا بيلعبو 4 4 2 ومع ذلك الاختيار ب3 ورا !!

بالنسبالي اسوء ما في المباراه هو خط وسط منتخب مصر !
مش عارفين يضغطو علي الخصم كويس وسايبينهم يمرروا باريحية كبيرة جدا
كمان تمركزهم سيئ جدا ومقربين اوي من بعض في نص الملعب
وسايبين الاجناب لوحدها بتعاني ضد لاعيبه تشيلي ومفيش اي مساندة نهائي !

مفيش هجمات من المنتخب منظمه فعلا ومش شايف لينا خطة ولا شكل الحقيقة !
كمان كان ظاهر سوء كبير من الدفاع بتاعهم في تنفيذ الاوفسايد
ودا اللي جه من الجونين بتوعنا
ومع ذلك تراجعنا بشكل كبير ومبقاش لا في سرعه ولا في تمريرات في العمق ضدهم !!,

كمان في اخطاء فردية من حارس المرمي ومدافع تشيلي ومع ذلك في سلبية كبيرة جدا في الضغط مننا
تحس اللاعيبه بتتمشي قصادهم مع انهم لو ضغطو بسرعه كانوا هيسرقوا الكورة بسهولة


محمد صلاح كان كسول جدا النهاردة ومش متحرك وسيئ كل رصيده في المباراه الجون الاول فقط ,,
المحمدي عجيب جدا مع المنتخب !!
علي غزال المكسب الوحيد في مباراه النهاردة لمنتخب مصر لانه كان مميز فعلا علي المستوي الفردي

ولو انه خط الدفاع ككل كان سيئ وبينضرب بسهولة رغم من انه المفروض عندنا 3 ورا
لكن مش شايف اي عمق منهم نهائي !
انا مستغرب من انه ازاي منتخب بيلعب ب3 ورا وبيحاول ينفذ مصيده التسلل
ولولا ستر وربنا والحكم زي مانت قلت كان ممكن تتقلب نتيجة كبيرة !


مش متقنع الحقيقة بعدم ضم محمد ابراهيم للمنتخب الحالي
واللي في نظري اميز صانع العاب في مصر وكان يقدر يقدم شغل كبير مع المنتخب
لانه ناقصنا حلقة الوصل مع المهاجمين
وصلاح واضح جدا انه عايز حد يشغله مش هو اللي يشغل الفريق ,,


اليكسيس نجم اللقاء اكيد زي ماانت قلت دا صنع هاتريك اهداف :]
رغم انه ضيع كور كتير جدا بنفسه
لكنه كان رائع جدا في المباراه , ولو جيت تقارنه باللي المفروض نجمنا ؟ صلاح
هتلاقي دا شال فريق ودا مختفي محتاج حد يشيله


نورت التوبيك حقيقي بمرورك وردك فعلا
اتمني تشرفنا دايما بقي

[عاشق متيم]

لو بصيت على الصوره اللى انت جايبها هتكتشف كذا حاجة
1- دفاع شيى ساذج ومتقدم بطريقه غريبه جداااااااااااااا
2- دفاع مصر لو الكوره اتقطعت واتعملت تمريره اللعيب هينفرد بالجون
3- الناحيه اليمنى فارغه تماما من الاعبين
4- الليبرو اوكا ليس له دور بحيث ان فى لاعب بينه وبين على غزال
5- خط الوسط مقرب من بعضه جدااا فى المنتخب ومتجمع فى نقطه المنتصف
6- سهل جداا ان الدفاع المصرى يضرب وسهل ايضا ان الدفاع التشيلى يضرب
====================
الدفاع المصرى كان سيىء ورامى ربيعه مش عارف كان بيلعب ايه ؟؟؟
وشريف اكرامى انقذ هجمتين فى الشوط الاول منهم اختراق من ناحيه الشمال وطلعها برجله
وكان ايضا فى الشوط الثانى تمريره عرضيه طلعها الحضرى
===
على غزال كان جيد بس كان عنده غلط تسبب فى هدف لما المهاجم قطع من قدامه وانفرد بالحضرى ..
======
محمد صلاح بيحب يقطع من خلف المدافعين ويجرى بسرعته ومش عنده القدره انه يصنع لعب زى ابوتريكه
او شيكابالا وكل اهدافه محمد صلاح كده عاوز حد يشغله مش هو اللى هيشغل اللاعبين
=-========
فريق شيلى دفاعه وخط وسطه سيىء للغايه ومع ان حارس المرمى برافو بيلعب فى ريال سوسيداد
بس مش على المستوى واستغربت جدااا لما قرأت من يومين ان برشلونه عاوز يتعاقد معه !!
مع ان برشلونه تعاقد مع حارس مرمى المانى ..
وفعلا المهاجمين كان عندهم بطيىء بدليل الكره اللى الشت من حارس المرمى ولم تستغل
واخطاء دفاع شيلى البطيىء جداااااااااااااااا ؛
===========
محمد ابراهيم لاعب رائع بس لو يلعب بجماعيه ؛ لاعب مهارى وسريع وعنده فنيات
بس للاسف بيلعب لنفسه اكتر ما بيلعب للفريق وده عيب وده اللى خلى مرتضى يضايق بعد ماتش
تقريبا القناه وقال فى لاعب انانى هعاقبه
-=========
المحمدى لا يؤدى مع المنتخب وبالرغم من كده يتم استدعائه !!!!

[DESERT]

مصر كان بتلاعب سانشيز
الواد عمل كل حاجة بزنبلك شيلى فريق تعبان جداا
واتوقع خروجة من الدور الاول فى كاس العالم فريق هش مش فى غير نجم واحد
هو اللى بيلعب والباقى شربة . نيجى للماتش
دفاع مصر محتاج تظبيط تحس ان الدنيا هيصة مين مان مع مين
مين بيغطى مكان مين بس مكسب الدفاع على عزال سنة صغيرة وكمان تحس انة لة مستقبل

محمد صلا ح جاب ا لجون وتاهة مش بقا فى شغل يتعمل لة. الاطارف عندك كانت معدومة
لو هتلاحظ مش هتلاقى اى باك طلع غير مرة او اتنين سواء المحمدى اللى مش ظهر كالعادة

او عبد الشافى اللى كان مش عارف هو بيعمل اييية لا منة بيهاجم ولما كان بيدافع كان بيتفرج على
سانشيز واغلب الهجمات من عندة .اعتقد الاعتماد على اوكا غلط اولا سنة كبر جداا اى ثرررو باص مش هيلحق

لازم حد مثلا مع على عزال بجانب شغل ا لاطراف ميت خالص المنتخب كان متماسك
اول تلت ساعة وبعد كدة بخ المبارة بقت من طرف واحد
على كل تجربة مفيدة وبالتوفيق

[აα∂ Ԑγεა]

اقتباس المشاركة الأصلية كتبت بواسطة عاشق متيم لو بصيت على الصوره اللى انت جايبها هتكتشف كذا حاجة 1- دفاع شيى ساذج ومتقدم بطريقه غريبه جداااااااااااااا 2- دفاع مصر لو الكوره اتقطعت واتعملت تمريره اللعيب هينفرد بالجون 3- الناحيه اليمنى فارغه تماما من الاعبين 4- الليبرو اوكا ليس له دور بحيث ان فى لاعب بينه وبين على غزال 5- خط الوسط مقرب من بعضه جدااا فى المنتخب ومتجمع فى نقطه المنتصف 6- سهل جداا ان الدفاع المصرى يضرب وسهل ايضا ان الدفاع التشيلى يضرب ==================== الدفاع المصرى كان سيىء ورامى ربيعه مش عارف كان بيلعب ايه ؟؟؟ وشريف اكرامى انقذ هجمتين فى الشوط الاول منهم اختراق من ناحيه الشمال وطلعها برجله وكان ايضا فى الشوط الثانى تمريره عرضيه طلعها الحضرى === على غزال كان جيد بس كان عنده غلط تسبب فى هدف لما المهاجم قطع من قدامه وانفرد بالحضرى .. ====== محمد صلاح بيحب يقطع من خلف المدافعين ويجرى بسرعته ومش عنده القدره انه يصنع لعب زى ابوتريكه او شيكابالا وكل اهدافه محمد صلاح كده عاوز حد يشغله مش هو اللى هيشغل اللاعبين =-======== فريق شيلى دفاعه وخط وسطه سيىء للغايه ومع ان حارس المرمى برافو بيلعب فى ريال سوسيداد بس مش على المستوى واستغربت جدااا لما قرأت من يومين ان برشلونه عاوز يتعاقد معه !! مع ان برشلونه تعاقد مع حارس مرمى المانى .. وفعلا المهاجمين كان عندهم بطيىء بدليل الكره اللى الشت من حارس المرمى ولم تستغل واخطاء دفاع شيلى البطيىء جداااااااااااااااا ؛ =========== محمد ابراهيم لاعب رائع بس لو يلعب بجماعيه ؛ لاعب مهارى وسريع وعنده فنيات بس للاسف بيلعب لنفسه اكتر ما بيلعب للفريق وده عيب وده اللى خلى مرتضى يضايق بعد ماتش تقريبا القناه وقال فى لاعب انانى هعاقبه -========= المحمدى لا يؤدى مع المنتخب وبالرغم من كده يتم استدعائه !!!!

اها بالظبط لان الصورة اللي انا جايبها هيا بداية الهدف الاول لمصر
واللي كان عباره عن اخطاء كبيرة من دفاعات تشيلي ..
الكورة اتمررت للجناح الايمن الفاضي تماما وانفرد وسجلها جون لمصر ,,

كان الفريقين متمركزين غلط جدا في اللحظه دي وبطريقة ساذجه
يمكن من حسن الحظ انه الهجمة اسفرت عن هدف لينا ,,

اما عن خط الوسط اللي مقرب من بعده بشكل غبي فدي كانت مشكلتنا طول اللقاء !
تاركين مساحات كبيرة علي الاجناب لتشيلي استغلوها طول اللقاء
وقدموا هجمات كتيره وكور فعلا خطرة ولولا ستر ربنا كان ممكن يكون في اجوان كتير ,.

,,,,,
الدفاع اغلبه كان في التوهان وبنلعب ب3 ورا ومفيش اي عمق دفاعي اطلاقا
تشيلي اخده راحتها تماما في المباراه وبتعمل كل اللي عاوزاه
رامي ربيعه تايه تماما ولو هيستمر بالتوهان دا يبقي قدامه كتير منا ما يكون مفيد للمنتخب ,,
رغم امكانياته الرهيبه الا انه ظهر بشكل ساذج تماما ولعب بيه سانشيز بشكل كامل :|
,,,,,

بالظبط كده محمد صلاح محتاج اللي يشغله ودا كان سر زعلي علي عدم وجود محمد ابراهيم !
الكل بيشوف الانانية في محمد ابراهيم
لكن الحقيقة انا بشوف الابداع والقدرة علي صناعه اللعب بطرق واساليب مختلفة ,,
محمد ابراهيم قادر انه يحرك اي فريق وضد اي دفاع ودا اللي مخليني مقتنع بيه تمااااما ,,
اما عن مرتضي فمباراه القناة اللي اتكلم فيها دا كان محمد هو نجم المباراه بلا منازع !
المشكلة انه ضيع بلنتي وكمان كان حظ بسبب العارضه
فقلبوها عليه استهتار علشان طريقة التسديد الاستعراضية اللي عملها ,,
لكنه بلا شك افضل لاعب ف الزمالك وبلا منازع !
,,,,,
برافو هيكون كبديل لبينتو علي الدكة لكن حارس جلاادباغ هو الحارس الاساسي للبارسا
تشيلي منتخب متوسط مهواش قوي للدرجة
عندهم اخطاء قاتله في الدفاع وبطئ كبير وتمركز سيئ جدا وتطبيق اوفسايد فاشل
الاعتماد علي نجمين فقط فيدال وسانشيز
مظنش بالطريقة دي عندهم القدرة علي تخطي الدور الاول :]
,.,,
منور القسم حقيقي يا عادل واتمني دايما تنورنا كده :]

[აα∂ Ԑγεა]

اقتباس المشاركة الأصلية كتبت بواسطة desert مصر كان بتلاعب سانشيز الواد عمل كل حاجة بزنبلك شيلى فريق تعبان جداا واتوقع خروجة من الدور الاول فى كاس العالم فريق هش مش فى غير نجم واحد هو اللى بيلعب والباقى شربة . نيجى للماتش دفاع مصر محتاج تظبيط تحس ان الدنيا هيصة مين مان مع مين مين بيغطى مكان مين بس مكسب الدفاع على عزال سنة صغيرة وكمان تحس انة لة مستقبل محمد صلا ح جاب ا لجون وتاهة مش بقا فى شغل يتعمل لة. الاطارف عندك كانت معدومة لو هتلاحظ مش هتلاقى اى باك طلع غير مرة او اتنين سواء المحمدى اللى مش ظهر كالعادة او عبد الشافى اللى كان مش عارف هو بيعمل اييية لا منة بيهاجم ولما كان بيدافع كان بيتفرج على سانشيز واغلب الهجمات من عندة .اعتقد الاعتماد على اوكا غلط اولا سنة كبر جداا اى ثرررو باص مش هيلحق لازم حد مثلا مع على عزال بجانب شغل ا لاطراف ميت خالص المنتخب كان متماسك اول تلت ساعة وبعد كدة بخ المبارة بقت من طرف واحد على كل تجربة مفيدة وبالتوفيق

الواد كان اكنه لاعيب بلايستيشن قصادنا بهدل الفريق ولا كان بوره 95
وبالظبط كده حظوظهم معدومة ف نظري بالاخص انهم مع اسبانيا وهولندا ف المجموعه

الدفاع كان غريب وملهوش اي معالم من الاساس
احنا المفروض لاعبين ب3 لاعيبه ورا وفي نفس الوقت مفيش اي عمق
ولا في اي ادوار مميزة من اللاعبين ولا ضغط جيد ولا استخلاص ولا اي اندهاش :d

يعني لاعبين ب2 باكات في 3/5/2 وفي نفس الوقت مفيش اي دور منهم !
والمشكلة انه لا دور هجومي ولا دور دفاعي حتي !
الاتنين كانوا سيئين جدا وقدموا مباراه زباله وكانت خطورة تشيلي من عليهم
واللي يغيظ انه لاعيبه خط الوسط مساندوش الباكات في اي وقت !
وسابو سانشيز يروح مطرح ماهو عايز ويعمل كل اللي هو عايز يعمله

انا شايف اصلا انه الاعتماد علي 3 ورا في ظل لعب معظم الاندية ب2 بس
خطأ كبير :]
اعتقد لازم ندي فرصة لشوقي السعيد بجوار علي غزال في الدفاع

يمكن الخوف والانكماش الغير مبرر اللي عملناه هو السبب في السوء دا
لو جارينا تشيلي هجمة بهجمة وجربنا نضغط عليهم
كنا هنقدر نسببلهم مشاكل كبيرة بسبب سوء خط دفاعهم
احنا اللي اديناهم فرصة يفوزوا :]
تجربة مفيدة اكيد ,, غير مبشره لشوقي غريب ,, اما جاميكا فملهاش لازمه
نورت القسم حقيقي يا احمد واتمني دايما تشرفنا زي الايام الاخيره دي
وجودك مميز ويسعدنا :]

[حلم عمري]

مفهمتش انا اي حاجة في الكلام اللي عمالين تقولوه في الردود دا
بس سمعت الماتش وحقيقي كنت فرحانة ان مصر متقدمة
بس مسمعتش الشوط التاني الحمد لله واخويا فاجأني تاني يوم انهم خسروا للاسف
نتمني لمنتخبنا مزيد من التقدم اكيد
نفسي اشوفهم مرة في كاس العالم قبل ما اموت

تقرير رائع محمود
تسلم بقا