انا بتسرق وبرامجي بتتنقل في المنتدي دا

[phalsteen]

مساء الخير وعلي رأي اللي قال هم يضحك وهم يبكي مبدائيا انا مش زعلانه اني اكون مشهورة كده وشغلي يتنقل بس اللي قهرني انه حرفيا ومتاكل جهدي من غير حتي كلمه منقول بالصدفه كنت ببحث في جوجل ولاقيت الصاعقه مسابقه قول يارب دي اخر مسابقه عملتها وكانت فكرتي والديزاين دا بتاع براءة طفله ودا برنامجي فضفضه ع الهوا اللي هو فكرتي بالتواريخ طبعا ومواعيد الحلقات واللي الناس اتهموني فيه بالفشل ومواضيع مش هادفه طب الله يسترك قولهم بئه عشان ميسرقونيش تاني وطبعا الديزاين بتاع نرمين اتعدل واللي يغيظ ان الاستاذة اللي سرقته كتبت اعداد وتقديم جيجي لا وحياه اللي خلقك دا بتاعي انا وفكرتي انا ياريت نتقي ربنا ونبقي نكتب منقول عشان حقوق الملكيه وحق المكان وعشان متخديش حاجة مش حقك لانها حاجة بتوجع اوي واسم المنتدي اللي اتملي بسرقه جهد ناس تاني انا كنت هجسل فيه وادخل اقولها اتقي ربنا بس سبتلها التوبيك دا عشان تشوفه يمكن تراجع نفسها بكلمه منقول لاني اي موضوع ليا سواء هادف او فاشل فدا بتاعي وحكر خاص للمنتدي بنات مصر بس واخيرا / اتقي ربنا وياريت تقولولي اسجل في المنتدي دا واحرجها ولا خليني عاقله واصبر شوية الموضوع دا اهداء لكل واحد حاطط نفرتيتي في دماغه يارب دايما

[๓αℓάҝ]

نفس الشخص بتاخد المواضيع
أكيد معجبة يا سماا =))
حلاوتهم بقى .

أكيد حاجة تحرق الاعصاب لما حد يسرق مجهودك
و فكرتك و تنسبها ليها ^^
أظن الرسالة وصلتلها :")

[۩۩ elMagic ۩۩]

وهو فيه افكار حد يقدر يمنع سرقتها يا عم !
عادي بقآ سيبك
وهتلاقي هنا بردوا افكار مأخوذه من مواقع اخرى
فا دا طبيعي ع النت
هو اللى يفرسك اللى بياخد الفكره وبنفس تنسيقها وأسلوب كتابتها
اهو دا بقآ الحرامي اللى معندوش ضمير
لكن الحرامي لازم يرتقي شويه ولما ينقل حاجه يظبطها ع نضيف وبأسلوبه
علشان ربنا يكرمه فيها حتى

[phalsteen]

لا يا بنتي ودي كاتبه حصريا كمان
انا بشد في شعري خلاص

[أسلوب حياة]

انا حطاكي في دماغي دايماً اساحبتي انا بقول تسجلي فيه وتنزل توبيك و تديهم كلهم بالجذمة القديمة

[انجي_1]

اه شفت حصريا على حلاوتهم
بصي لو انا منك كت سجلت ف المنتدى ده وارد ف المواضيع دي واقول لها عيب كده دي مواضيعي وافكاري
واجيب لها روابط بنات مصر عشان افضحها قدام اعضاء منتداها
واهي فرصة الناس هناك تعرف منتدانا وتيجي وراكي هنا
معلش متزعليش

[شاعر الحب الحزين]

ههههههههههههههاي انا بضحك مش شماتة فيكي

لا بس بضحك عشان انتي زعلك يضحك الحقيقة يا سما

ومعلش يا سما هي تلاقيها معجبة بمواضيعك

ف لطشتها وعشان فكرتها جامدة ما كتبتش منقول

بس انا عندي اقتراح لازم الإدارة تلغي الكوبي النسخ للزوار

وبكدة تكون اتحلت مشكلة النقل من المنتدى

معلش يا سما حقك علينا

[Safira]

معلش ياسما انا عارفه انها حاجه تقهر ومش بس ليكي ده كمان للصمموا تنسيق التوبيك
وانا من رأي عشان نمنع الناس الحراميه الـ معندهم دم دول من السرقه ان الادارة تلغي الكوبي فعلا بس ع الاقسام الحصرية والـ مش منقوله .. لكن الباقي في اغلبه منقول طبعا وده مش مهم .. انما الـ يكون من مجهود شخصي لازم نحفظه عشان اكيد صاحبه تعب فيه .. يارب الادارة تنفذ موضوع الكوبي ده عشان يمكن كمان مش بس برامجك الـ بتسرق ممكن ابداعات الاعضاء وهواياتهم كمان بتتسرق وتتنسب لناس تانين وبكدا الواحد هيخاف ينزل حاجه بعد كدا لان غيرو هيسرقها وينسبها ليه وهو متعبش فيها

[العاشق الذى لم يتب]

بلاش حكاية تشدى شعرك
انت اللى خسرانة
يعنى يرضيك تغشى أحمد
ولاحمنى يطلع الكوجى ون
والاولايعيروه
ويقولو ابن القرعة اهو
وبعدين انتى مشهورة شهرة عالمية
من كام يوم اتصلو عليا
الحاج جوجل والحاجة فايرفوكس
والعم ياهو وابن خالته الاسكاى
واولاد الحاج اسكاى
ورابطة البروفيسير الهوتميل
وكام واحد تانى اسماؤهم غريبة اول مرة اسمع عنهم
وقالوا بالحرف الواحد
يارفعت احنا عارفين انك على صلة وطيدة
بالملكة نفرتيتى
وعاوزينك تساعدنى فى خطفها
وهنديلك 8ملياريورو
صراحة بفكر فى العرض
وفى نفس الوقت ازاى اعرف ارجعك منهم تانى
خلى بالك ماتخرجيش فى مظاهرات

[محمود الصاروخ]

مش انتى لوحدك والله يا ام محمد .. انا زمان كنت شغال ف منتدى
تانى من حوالى 4 سنين او أكتر شويه كنت كاتب كمية مواضيع كبيره جدا
أوقات بدخل أشوف لو موضوع حلو أجيبه هنا عادى وكده وقبل ماأجيبه
أخد العنوان أحطه ف جوجل الاقى مليون واحد سارق الموضوع
أخاف اجيبه هنا يتقال عليا انا اللى سارقه مع ان انا اللى كاتب الموضوع
ف الاصل وانا كنت هعمل موضوع بخصوص الحكايه دى برده
هى فعلا حاجه تزعل بجد اننا نتعب ف حاجه و نبص نلاقيها
بكل سهوله اتنقلت من غير كلمة منقول

ربنا يهديهم يارب